|
مساء الخير
صحت السنتكم على هـ الرواائع وداام الحضور,’’ |
ههههههههههههههه صح لسانك يابو عبيد ثم صح لسانك ,, انا طالع من عند رجال ماخذ من عنده زهاب , في ضليع رشيد . وابا أقطع
وادي الرمة قطوع , وجايك اما عن باب المزرعه , انا مركب في الجيب دعامات , يعني مداهمك , مداهمك هههههههههههه |
أرحبي ياشاعرة نجـــــــــــــــــــــــــد , منوره
|
تبقاا يـ خيال ,’’والنور نوركم
|
دَنـْدَنـَت والصوت حرك في خفوقي شي=والموسيقى مـ .استمعها بس حطوها والجروح اللي تواقد..ماطفـَاها...المي=والحرووف اللي شعتني يوم غنوها والقلم...والمحبره..واصابعي..ويْدَي=عبّرت لـ .الشاعره لو مانطق فوها آه..يانارٍ...كوتني..في..ضلوعي..كي=واحرقتني واهلكتني ليه شبوها؟ جتني الذكرى ورااحت بي ولَعْبت..في=لـ .آبو الذكرى ونار الشوق لـ .آبوها |
سلامة خاطرك من الضيق والكدر يااستاذ ناصر صحت السنتكم ودام ابداعكم شعراء رواسي عشاء لرحيل ولمحمد الفراج >>>>ترا كنت امزح https://i.imgur.com/ZI7rTdY.jpg https://i.imgur.com/BtyE8Xj.jpg |
ياسلام ابداع وجزاله
ابو عبيد صح لسانك شاعرنا نجد مساك ورد شاعرنتا وصح لسانك نور من يد مانعدمها ياغاليه |
اقتباس:
عندي سؤال للاستاذ ناصر من زود الفضول او من اللقافه. اي كان >>>>>>غير مهم ((((اسميه )))) هذا. ايش اسم ؟؟؟ لايكوون اسم جنية المزرعه اللي تحكي عنها دايم |
سلااااام عليكم
وصباحكم باقة ورررد وهلا بك شاعرتنا ريم مبدعه دائما وصح لسانك وصح لسان المبدع الناقد ومنووره شاعرتنا المبدعه شاعرة نجد ودام حضورك الجميل وصح لسانك مقدما شاعرنا الهواوي على القصيده العصماء اللي اختفت وكلك خير وبركه طال عمرك وتسلم الايادي نور على العشاء الفاخر يستاهلون. الفراج ورحووله الفراج منوور ودام وجودك وحضورك زعيمنا رحووله دام وجودك وحضورك وترا بطلت آخذ الورد دققت فيه صار صناعي ههههههه |
وعليكم السلام
هلا وغلا جوجو وصباحك ياسمين ووجودك وحضورك البهي ياغاليه مهوب صناعي انا قاطفته بيدي ): من حديقة السجن هههههههههههههه ياليت جاني كتاب مرسلا مكتوب باسمه وله عنوانية من عندكم يامليحين النبا يلي كما محمل السلطانية ياليت أهلنا وأهل زيد قطرا جيران وبيوتنا متوالية قلبي عليهم كما القوس انحنى ودموع عيني على الامتانية ( |
هلا رحوووله ويسلم ذوقك
ودام قاطفته بيدك أجل اقطفي المره الجايه الوان أحلى جوري على وردي على ابيض على احمر تشكيله حلوه كذا زيك ههههههههههههههههه |
تسليه آخر الليل
https://www.youtube.com/watch?v=oaNfLnRD1sw قلبي تدمر مثل ما دمروو بغداد في فجر خآلط حمآره مع تسوآده تشبيه خطييير وبيت رووووعه |
يسعد صباحكم
ابو عبيد ريم الفلاء شاعرة نجد صحت السنتكم يالجزلين ولله ابداع الجووهره رحيل نور دام حضوركم وصحت ذائقتكم كيبورديه مع الصبح لا يا خفير السجن ما كنك دريت اللي ورى القضبان وشهي حالته ـ تنام عينك منت مثلي لا غفيت اذكر قمر نص الشهر وطلالته ـ كم ليلتن يطري عليه ثم سريت من عقب مارسل ثم قريت ارسالته ـ اسقاني امن الغدر لين اني رويت شربت فنجال الغدر وبيالته ـ انا اشهد اني من محبته انكويت عقب ان عيني في هدبها شالته ـ واليوم زاد الهم سجني وكتفيت ونا انتضر عبدلله وكفالته ـ يا ريم قولي وين يالناقد غديت انا مباء ناصر ولا جمالته |
يسعد أيآمك الفرآج
وصح لسآنك على هالدره الصبآحيه وتسلم وتدوم أيآمك ويدوم غآليك والله يفك أسرك هههههه |
تسليه صبآآآحيه
للشاعر محمد بن فطيس (يامؤمن الريفي )انا جيتك زبون جيتك على مدح اكثر الناس وعنيت جيت وتعالى الله عمّا يشركون لولاه (يامؤمن) لطبك ما اهتديت راضي بحكم الله علي مهما يكون عالج عيوني لو بعد طبك عميت ودي اخاشر فالبصر من يبصرون واشوف دربي لا سرحت ولا ضويت والى قنصت اثبت مع اللي يثبتون واشوف طيري كل ما اوميت ودعيت ياااكثر ما يضرب خويي (الطابلون) من كثر ما اكلّته مطباات وكليت وودي اشوف اللي علي يعرضون وبعض الليالي ودي اسري دون ليت وااشوف ناس ٍ فالقفا ما يرحمون اما وقفت لصاحبي والا مشيت من دون نظاره ولا هم يحزنون يااا كثر ما كسّرت كشمات وشريت لكنٌ يا دكتور جعلك ما تهون ابغيك كلمت راس دامك ما بديت اسمع......ولا ابغي اللي وزانك يسمعون ربي كتب يكشف لك اسراري وجيت صورة عديل الروح عندك فالعيون واخاف تقطعها بموسك ما وعيت ولا عليك امر..اطوها تحت الجفون وعقبه لو تقطع عيوني ما شكيت هي راس مالي والعرب ما يدركون اني على باب الممات و ما حكيت ياقو قلبي يوم قفن الضعون اللي على ذاك الموادع ما بكيت ويا صبر صبري والعواذل يحسبون اني دلهت من الهوى والا سليت اسكت عساهم من سكاتي يسكتون وانا عن اللي في ضميري ما انتهيت وادور الفرحه مع اللي يسهرون وان ذكروني خذت فنجال وسريت اخذت من وقتك يا دكتور العيون عالج عيوني لو بعد طبك عميت واستر علي واللي معك لا يفطنون انت الوحيد اللي بعد ربي دريت |
روعه يالجوهرهـ
وصح لسانك , |
|
وانا ماباء ناصر ولا جمالته لا ومن الحقد حطيت لها همزه ههههههههههههههههههههههه
لي رجعه ــــــــــــــــــــــــــــــــــــــــــــــــــ ـ خيال ياهلا ومرحبا بس دور من المطيرقات حقات الشريطيه تراي ما اتحمل العصي الغليظه واكرر الترحيب من جد ــــــــــــــــــــــــــــــــــــــــــــــــــ ــــــــــــــــــــــــــــ شاعرة نجد هالابيات تبي قراءه ثانيه يالمبدعه صح الله لسلنك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ الجوهره/ /المهره/ورحيل /وربايعنا الغايبات هلا ومرحبا ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ ردا على فضول نور كما سمته انا اقول ماهو فضول ومن حقك تسألين ومن واجبي اجيب ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ يانور انا ارمز للمحبين برموز=وابعد بنوي باختيار الاسامي سميه وحنان ومهيه ايجوز=ولاذولي بشفي ولاهن مرامي شفي يانور اللي كما نبتت الموز=قديم ما حبي لها تو نامي الصدر زامي والردف حيل مركوز=وعلى الخصر يلمس ابهامي ابهامي بغيابها وانا غني صابني عوز=واغنى بها لو كنت جايع وظامي خفير السجن صبحت بالعفو والخيرات=انا اليوم ما ادري كيف حالة مساجينك انا ودي ادهن سيرك اليوم في ليرات=ماهو لجل سود عيون شخصك ولا زينك موجات الهجوس من امس يالقرم منفرات=واليوم استوت وابيك تقوم من حينك تنادي على الفراج بالصوت لك مرات= وعطه مطرقين وفكه الله لايهينك ورحيل اجوديه ما على هكذا مضرات=عطها وردتين وقل من السجن معفينك حنا العاصفه والنا على اخصامنا كرات=على طرحة الناقد عسى ربك ايعينك غبيوي خذ الحيطه اظنه معه مبرات=حذرا تقربه الا بمخباك سكينك هذا قول من يونس بجوى الحشا حرات=قل لنور زدتي حرة العود في سينك |
صباح الورد
ماشاء الله ابداع وجزاله صحت الالسن والاذواق |
اقتباس:
صح لسانك يازعيمنا مبدع وجزل الله يحفظك دمت ودام ابداعك وحضورك تقديري لك |
تسليه بسيطه ان شاء الله تعجبكم
https://www.youtube.com/watch?v=LdNNaxTargM |
البارحة ربي كتب لي ومريت درب عليه بروق الأحباب لاحت جيت المكان اللي جمعنا وخفيت وقامت جروحي للجوارح وصاحت ياليتني في لفة الدرب زليت كان العيون من الدموع استباحت التم غيم الدمع من يوم لفيت ورقا القصيد لشوفة الغيم ناحت وضحكت ماأبغي الناس تدري يبالفيت لكنها غصب على العين ساحت حارت دموعي في عيوني وصديت وأرمشت مابيها تبين وطاحت وعقبه برق في العين براق واسقيت خدي وناتي بصدري تلاحت وأنا أحسب إني في فراقه تشافيت وان عبرتي من مدخل الزاد زاحت اللي يحسب إني على البعد سجيت والا ان عيوني للرقاد استباحت ياليتني من قبل لا أحبه اقفيت والا ان دروبي عن دروبه تناحت أهون علي من البكا والتناهيت وأشلا من سدود على الناس باحت عرفت كيف الحي يفرق عن الميت وعرفت قيمة نعمتي يوم راحت قولوله اني عقب بعده تدانيت ورجلي عن دروب المعافين شاحت البعد نار وطاعة العذل كبريت يقصر على بعده ترى الكبد فاحت للشاعر ابن فطيس المري |
مبطي ما جاريت العاصفيه لو ان هالمجاراه حول الدعوى ماجت على ما ابي لكن الجود من الماجود
شجتني بيوت لهاجسٍ فذ ماهو عي=صرف جنيه جورجي والصراريف عدوها ملاحظه في سؤال نور(اسميه)اذا كنتي تقصدين الهمزه فانا اكتبها على اللهجه لانا معشر البدو لو يوضع على الميم 100 ضمه ما رايح نناديها سوميه هههههههههههههههههههههههههواناهاجسي لااشجاه مشجي يجي به غي=بيوته ليامنه تغنى تجي شوها وتذكرت رمشٍ فوق خد الغضي له في=على عيون بحريه بمقناص هدوها فداً لك قصيرات البني يابعد من لي=من بيت العناكب صار بيت الوصال اوهى ان ما جا بقلبك بعد هالعمر رافه بي=فقولي لشعار السجن (هيييه خلوها) ولو حذفتي الهمزه وضميتي الميم استقام الوزن يعني حذفها واثباتها لا يغير شي |
لا هنتم
ويسعد مساء الجميع الصراحة مدري وش اقول هههههههه على الله |
|
:arrowhead::arrowhead: السلام عليكم مساء الخير للجميع ايوووووه انا فهمت كذا بس حبيت اتأكد شكرا لاجابتك الصراحة عجبني اسم سوووميه مهيه |
اقتباس:
صح لسانك لين ترضى والذي نفسي بيده انك غالي عندي بالحيل ولا في قلبي شي عليك بس احب ازعلك ههههه بعدين عطني مطرق وورده ورحيل مطرق وورده خلك عادل ههههه يا مرحبا يالجوهره منوووره يالاميره وصح بدنك وشكراً ع التسالي الملكه يالله حيها ولا تقولي شي هههه المهره دام حضورك نوور منوره وحياك الله |
يابو فيصل أنا قريت رسالتك ماتبي منة الهواوي بالكفالة،لكن العود جاء مشوت يسابق الزمن علشان يسجني!ههه على العموم الراي رايك تبيها كفالة أو تسالي ،ماعندك مشكلة إن ظنيت بعدها يجي مِنة خلها والكفالة عندي وصح لسانك يابو فيصل على الإبداع وأنا تأخرت متعمد لجل تتحفنا بالروائع! أبو عبيد صح لسانك على البوح والكفالة وعلى الخصر يلمس إبهامي إبهامي! تصوير جميل وأكثر من رائع! ريم الله يعافيك على النقل يالأميرة وصح لسانك ولاهنتي! ولاهنتي يارحيل وصح بدنك يالقرمة وصح بدنك يالجوهرة ولاهنتي على الحضور الممتع والجميل يارائعة ولي عودة الليلة إن شاء الله |
ياريم كان عندك مجاريات قديمة أتحفينا أو أرسليها علي خاص أنا بعضها مانسخته وضاع مني والربع قفلوا على قصايدنا الله يجبر مصابهم! |
انتظرو الناقد يجيكم مسيان
وليته يجيب فراش ماهي كفاله ان كان ماني يارياجيل غلطان فاز الهواوي بالشعر والجماله |
صح لسانك يابو بندر .. ,,,,,,,,,, الهواوي فايز ,فايز , بحر , جو , لو في جحر ضب فايز .. بس الناقد , اشوفه مهو معطيني وجه ,
|
علي الملازيم انه ضايع
|
اقتباس:
لاهنت , ي الناقد |
فايز يابو بندر انا دون حقران=لمن لهم معنا حضور وزماله (لحاله)متعلقه بتكفى لان اهل ضريه ومسكه واهل عفيف من الحاضره نتوافق مع اهل الشمال بتاء التانيث ما نصلها بالفوان جاكم الناقد عليَّه من الآن=هرفي وهرفيه ومعهن كماله ماندفع ولا قرش من منتج الضان = لجيتك حدد لنا باي لاله حتى يجي للمندي فلان وفلان=ونبعث لبن فراج منا رساله جاك الكلام ولانبي حلف وايمان=(تكفى)ومع مثلك تكفي لحاله فنقول كلمَه للمؤنت مفتوح ما قبل الهاء وكلمِه للمذكر مكسور ما قبلها للمعلوميه فقط ههههههههه |
يسعد مساكم (:
صح لسانك يابو فيصل على الصباحيه الرائعه صح لسانك يابو عبيد ابداع في ابداع وتسلم على الكفاله والوردتين (: ابو بندر صح لسانك زعيمنا ومنور السجن يناقد |
سلاااااااااااااام عليكم
ومساء الخير يا مبدعين الفرآج ورحووله مبروك الافراج والحريه وصح لسآنك شاعرنا لهواوي ودام وجودك وحضورك وصح لسآنك مديرنا محمد الغنااامي يعطيك العافيه مهوره شيله رآئعه ويسلم ذوقك الشاعر القدير الناقد منور السجن وابشر بالتسالي وبانتظار ابدااااعك خيال منوور منوور منوور واكيد الهواوي فايز فايز فايز على طول |
ومنووره يا نووور
ملووكه منوره حبيبتي ونعم بالله |
فنجال قهوة وإبتسامه ووسع بال
تلقى المساء يروق لو كنت ضايق ﻻ تقول مالي خلق و تكدر الحال حاول تعيش من التفاؤل دقايق |
وتفضلو النآقد
والجمييييع هالقهوووه الكآيفه .... يا ما حلا عقب التعب وسط الأطعاس جمع الهشيم اللي من الوقت بالي وقت العصيروبارد كل نسناس يا زين شب النار والقفر خالي يا زين ريح النار يطرب لها الراس واليا وامرت القرم جاب الدلالي بن اليمن فكه وحطه بمحماس حطه على جمر ويصلاه صالي حمسة خبير ما اشعله كل هوجاس ما هوب في حمسة غشيم وسالي خله ليا منه يجي كنه نحاس اشقر كما لون الشفق في الزوالي وهات المبرد قبل تثليث الأجراس تثليت نجر يعرفه كل عالي ودقه بنجر جارك اللّه من الباس دقه بفن وخل صوته يلالي ولا فاح ماك فكب بنك بمقياس وخله يفوح وماك خله زلالي واليا قطع ريحه تشمه بالأنفس جره يهون ولا تزله بحالي وبهر دلالك جعل يفداك الأنجاس بهيل ومسمار وخله عدالي وحطه بوزن وراعي الكيف حساس وزلة عليه وقرب الجمر تالي وخله يفوح وينقلب ثقل ينحاس وهات القدوع اللي من الدبس خالي واجذب لنا الدله وصبه بلا كاس صبه بفنجال من الصين غالي ومده لمن هو عارفينه على ساس خص الصديق وخص قرم العيالي هذا هو اللي معجبه كل نوماس وأنا أشهد أنه عقبها طاب فالي تمت وصلوا عد مادايس داس وعداد ما تضوي عليه الليالي على النبي اللي لنا خير نبراس اللي بعث به عقب وقت الضلالي للشاعر / فهد الفضلي |
ارحب يالناقد وصح بدنك لا عدمتك يالامير
ونا اعترض عن دخول الناقد السجن ابي اقنص انا وياه لسودان ههههه ابو بندر صح لسانك لين ترضى لاكن تراك غلطان الهواوي ما فاز بشي هههه خيال مطير رحيل الجوهره دام حضوركم ونا استأذنكم غياب فتره مؤقته اشوفكم على خير |
| الساعة الآن 11:17 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir