|
صح لسان الشاعر علي
وصح لسانكِ نجد اي والله فاقدين شاعرنا ابو عبيد |
لعل غيابه خير الهواوي
هو عاد اللي غيابه مو معتاد |
اقتباس:
هلا بك زود زعيمنا والله يبقيك ويسلمك وأنا معلمه على قد حالي اذا صرت مديره ومليونيره ابشررر هههههه |
اقتباس:
ان شاء الله خير يـ ريم الهواوي يوم قدم كفالته يقول للخفير,ناوي مشوار و فكري للجنوب اندار يعني اغراه الدنيش بوصف الجنوب والامطار والاجواء الراائعه وسافر للجنوب,الله يهنيه شاعرنا حسب مـ استشفيت من قصيدته والله اعلم :smile: |
وصباح الورررد للجمييع
وصحت الالسن والاذواااق جميعااا وصح لسان السجين. والشاعر علي السجن طلع المواهب والابداع ههههه |
فاقده شآعرنا وأخونا الغآلي
الهوآوي عسا المانع خير ان شاء الله |
اقتباس:
ايبالله احزاب وبوادر حرب:smile: ,بس انت شكلك جديد عـ السجن واذا بتنضم لاتهور مثل ريم وتختار على عجاله تريّض واختر برواقه ترى فيه حروب وعواصف وقذائف و و :smile: صح بدنك شاعرنا سجن القوافي سجن الابدااع والامتااع والفكاهه والتسالي بين اسرة الرواسي,من اخوهـ واخوات,’’ |
اقتباس:
بنعطيه فرصه لاخر الشهر يمكن يجيب الله مطر ههه والا جبنا له جهاز انا وباقي الحزب هههه يستااهل زعيمنااا |
اقتباس:
هلا بك شاعرتنا منووره السجن آخر الليل وخليك محضر خير ههه ر. وخلي علي يختار على راحته بدون تدخل خارجي هههه |
انا اللي زرعت الحلم وقطفت التوت
في بساتين المواجع ارويت الجروح تربت على كفي ونسجت له بيوت أطهر حروف المعاني واعذب البوح أسافر بها جواب والسؤال مكبوت على رخيم الأسى تستفيق الروح صادق الحرف |
اقتباس:
بعض الصفحات تطوفني ماشاء الله |
اقتباس:
صح لسانك مليووون ولا يكفوووون مبدعه يا شاعرة نجد وصح لسان السجين لا احد يطلعه من السجن نبي نسمع جديده ابو عبيد ولله انا فاقدينه هو حلاة السجن جعل ما يجيه شر المهره لا تضلمين حضك وصفي النيه هههههه الجوهره ما عد ابي شي انا غاسلن يدي من دراهمك ههههه رحيل جعلك تسلمين ون شاء الله بكون متواجد اما الناقد وريم الفلا انا شرهان عليهم مالهم مشاركات رغم ان ريم اشوفها متواجده |
هلا ي محمد الفراج
متواجده صح بس الواهس مو متواجد وحتى انت مقل وبعد شرهانين عليك (: والناقد يغيب يغيب ويجيب وحده مسكته خلاص وش نقول بعد |
اقتباس:
يا شاعره زعيمكم وين غايب يومين ما جاء عنه لو بعض الاخبار انصوا ضرّيه فوق عوص النجايب و تنشّدوا عن ناصر الشعر وش صار و ان قالوا ارتكزت عليه النصايب الموت حق و قافي الروح قبّار وان كان حي وفي ظروف وعجايب يبشر بفزعتنا و انا بنت الاحرار ان عوّدت للمشكله و الطلايب اكفيه عن مجمع عوارف و حضّار و ان كانها بالمال فالمال خايب نقضي به الحاجه و نفنيه فالكار ابوي ما جاله عيالٍ مصايب مالله عطاه عيال علاّم الاقدار و انا ليا صكّت عليه النشايب حاميت دونه كنّي مدورة ثار |
اقتباس:
مبدعه قليله في حقك صح لساااااانك مليوووووون ولا يكفوووووون لا عدمناك ولا عدمنا جزالتك ولله يخليلك شايبك |
صح السانك يا ريم شاعره متمكنه
وما يحتاج اي والله وفقك الله |
اقتباس:
ولله الحال من بعضه ههههه والناقد نبي نشوف له حل الضاهر نحطه في السجن |
ارحب يا محمد الفراج
وراك ما تبيني اطلع هههههههههه والله اني ضعيف طيب هههههه اي والله |
هههههههه
هلا هلا ب علي نبي نسمع من ابداعاتك ونت ماعندك شغل وفطور وعشى وهبت ريح احمد ربك هههههههه |
هذه قصيده طبعا صار فيها الكثير الجدل
ونا قصايدي كلها مثيره للجدل اي والله لكن وش نسوي القبول من الله فيه ناس شعار وقصايدهم قويه لكن ما لهم قبول وهذا شي من الله ما هو بيد احد اي والله فاتمنى انها تعجبكم ون ما اعجبتكم فما شي جديد في الموضوع ابدا بربي برب الناس خالقني بسم اللذي ما يفارق ذكره الساني جلّ وتعالى اذا ما شاء يرحمني اعوذ به خالقي من كل شيطاني من بعد في خاطري شي ٍ يراودني ودي ابيّح من الاسرار ما كاني يا من على صفحتي دايم تشرفني بالله وش هو شعورك ونت تقراني ؟! تدري مرورك عليّه وش يحسسني يوم اتعطي وقتك الغالي لديواني ولا ّ بلاشي اوضح ما يخالجني كاف انسجامك معي ليقاع قيفاني ما دمت متشوّق وتحرص تتابعني فبشر ابقاف ٍ عليه الكيف بطراني بس انت خلّك معي يا زين وسمعني ورايك تعرفه مهمن في علو شاني لكن سؤالي اذا ودّك تجاوبني بالله وش هو شعورك ونت تقراني؟ |
مساكم ورد
شعراء وشاعرات ومتذوقين ومتذوقات ويعطيكم العآفيه على المشاركات الرائعه والحضور الجميل خاصه السجين. أبدعت علي وصح لسآنك وانا اضم صوتي لزعيمنا بعدم الافراج عنك ههههه |
ارحبي يا معلمة التاريخ مدري الجغرافيا والله مدري الذاكره عندي ضعيفه
المهم صح بدنك والسجن والوحده لها طابع خاص كلها اي والله رفاهيه وسعادة وسعة بال وسعة خاطر وانصح الحقيقه من هذا المنبر ان الواحد يعيش وحيد احسن له الوحدة زينه يالربع اي والله وابد ما لك ومال الناس ووجع الراس اللي ما له داعي وسلامتكم |
الله الله
مساء الابداع والتميز (: صحت الالسن تبون الصدز السجن ماهوب زين بدون الهواوي ): . سلمت لك قلبٍ حشيمٍ حيــاوي قلبٍ يشوم من الردى و الرديين قلبٍ ليا من حب يوفي و ياوي ينذر لك الغالي و يرخصلك سنين |
هو وينه الهواوي
وينك يالهواوي .. الله بصلحك قل آمين اي والله حطيتني في السجن وروحت تعال طلعني لا هنت ابي اسافر بعد ما اطلع لابعد منطقة في العالم مرة ون بغيت تروح معي حياك الله |
اقتباس:
يا سلام عليك يالريم وصح لسانك .. وطال عمر الزعيم الهواوي قريت ردك على شاعرة حزبنا نجد وتوقعت أنها بتقول إسألوا الدنيش لأنها إستشفت من قصيدة الهواوي أنه سافر لديارنا .. على أي حال هذا رد خاص لا يخرج خارج الرواسي هههه ولا أدري إلا أم عبيد بمشعابها فوق رأسي ههههه ^ زعيمنا ياريم غايب وجايب=مْن الدرر قبل السفر عذب الاشعار يزعيمنا يالريم طيّب وطايب = وأبشرك بالخير يا عرق الأخيار زعيمنا عوداً ولا هو بشايب = قلبه من الخُضره تحاكيه الأشجار من كم سنه شفناه والقلب ذايب = وليا هدر شعره كما هدر الأنهار والذيب لا هرول على أم الذوايب = ما هي عبث هروالته وسط الأقفار هذا حدس والعلم خايب وصايب = وأظن بن غنام غرّاه وأغتار وعن شاعرتنا جاك رد الجوايب = وعساه رطني ما يورط ونحتار وسلامتكم |
تحليقة خاصة بالهواوي عسى يرجع سالم غانم & زعيمنا ياريم غايب وجايب=مْن الدرر قبل السفر عذب الاشعار يالهواوي يا زعيم القصايد يا عريف = يا زعيم العاصفة والشعر وعْصايفه من يشوف الشعر عندك يقل عندك نزيف = من بحر تغرف ومن صخر تنحت قايفه بسم ربي والمشيئة ووصفه باللطيف = إحفظ الشيخ الهواوي وديم إلطايفه شاعرن يقدح شراره وكنه وسط ليف = ون نوى ع القاف يغديه ضمن عْسايفه الله اكبر يا زعيم القوافي يا حصيف = أنت تفتلها وتنقض وتغدي كايفه ^^ وسلامة الجميع ،، |
هلا يالدنيش
وصح لسانك وصح بدنكك والله يجعله بخير وعافيه دووم ال بناخي وصل الله يسلمك منك ولامن نجد لاعدنتكم ابد محد معلم ام عبيد ههههه |
اقتباس:
وانا أشهد ماشاء الله عليه لاعدمناه |
اقتباس:
تسلم شاعرنا وصح لسانك على هـ الرد الواافي الكاافي توقعك في مكانه,انا قلت اغراه الدنيش عـ الجنوب,يستاهل شاعرنا السؤال من الجميع واسمح لي ارد على ريم رغم ردك الفااخر,لاني قريت قصيدتها من جوالي قبل م اشوف ردك والله الله يـ الدنيش تواجدك مطلوب زعيمنا غايب مانبي للأحزاب ثغره رغم انهم مسالمين ولا شفنا منهم ثوره هي ريم وقمنا عليها كلنا:smile: |
صحت السنة الجميع
وصحت ابداانهم وصحت الذوائق الممتعه وداام الحضور والابدااع,’’ |
اقتباس:
صح لسانك ريم وكفو كفو والله يخليك للوالد ويخليه لك,لاعدمنا حضورك المميز واسلمي واستلمي زعيمنا ياريم غايب وجايب=مْن الدرر قبل السفر عذب الاشعار يقول فيها الفكر داير وطايب=ويقول فيها ناويٍ له بمشوار يشكي ويبكي من فراق الحبايب=يبدع من القيفان ويبوح الاسرار بحرفه يهيّض مَن من الشعر تايب=يلعب على حس المشاعر بـ .الاوتار زعيمنا من فضل جزل الوهايب=ضاري على قطع الخرايم وبيطار ماهوب ضايع في سموم وهبايب=الا مسافر في بساتين وازهار بيعود بكره كاسبٍ له كسايب=ياويلكم لا عاد من بعد الاسفار يشعل سماا الاحزاب برق وحرايب=بشعرٍ يهلّه مثل وداان الامطار |
مسآء الخير يا وجوه الخير
وما شآء الله على الابدآع والجزآله صح لسآنك عبدالله الدنيش وصح لسآن شاعراتنا المبدعآت ريم الفلا وشآعرة نجد ويسلم ذووقك رحوووله ويعطيكم العآفيه جميعا والله يعينك علي شكل سجنك مؤبد هههههه |
شآعرنا القدير الهوآوي
اشتقنااا لك الله يهنيك بسفرتك ويردك بالسلامه ان شاء الله |
صح لسانك يالدنيش
ابيات جزله وفخمه صحت السنتكم يالريم وشاعره نجد على المحاوره الرائعه لاهنتوا |
لا لا لا حنا طالعين طالعين الله لا يعوق بشر
اما طلعنا بالطيب ولا بالقوة هههه مرة ما يحتاج |
والان مع آخر مشاركة
حبي غدى غصنن مع الوقت مكسور ** فوق الكسر ولع وشب الحريقه معذرو انا يا لايمي كنت معذور ** وش حال خفاقن يفارق رفيقه كان العمر روضن وبستان وزهور ** واليوم صاير ارض جردا سحيقه |
هلا بك مهووره منووره
وصح لسآنك علي وليه اخر مشاركه من غير شر ان شاء الله |
اقتباس:
صح لسانك مليوووون ولا يكفوووون مبدعه وشهادتي فيك مجروحه يا شاعرة نجد الله لا يضرك |
اقتباس:
صح لسانك يا علي ولا عدمنا هالحضور |
أسعد الله صباحكم
وصحت ابدانكم جميع وصحت السنتكم وصح بدنك يـ الفراج ودام حضورك الفاخر,’’ |
| الساعة الآن 06:56 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir