|
تقبل الله منا ومنكم صالح العمل وكل عامٍ وأنتم إلى الله أقرب،،، |
أبو بندر لاهنت على الرسالة وعيدك مبارك وكل عام وأنت طيب! ---------------- أبو فيصل قصيدة ابن عون اللي أرسلتها علي ياليت تضيفها مع قصيدتك في المنتدى! قصايد جزلة وتستحق الاهتمام! وتصبحون على خير،،،، |
صباح الخير والابداااع
وصح لسآن شعراءنا المبدعين وكل عام والجميع بخير وصحه وسلامه ويعطيكم العآفيه جميعا شعرآء ومتذوقين |
لاهنتو جميعاً
صحت الالسن ودام هالابداع امسيت قلبـي خابره في محلّه وش صار وانا غارق ٍ في منامي أصبحت احبّك والمحبّه من الله سرقت قلبـي يا الحبيب الحرامي (: سداح |
شطحة ، ، جيتك غلا جيتك وله جيت مشتاق واقع غرامك في خيالي حقيقه مهما حصل من بيننا بُعد وافراق ما غاب طيفك عن وليفك دقيقه ➰نديم القوافي➰ |
الله عليكم ما اروعكم وماشاء الله البارح معيدين صح الله يسعدكم بالاولي والآخره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ ابو سيف من العايدين وصح الله لسانك على المجاراه وكثر لنا من هالشطحات اهلا بناقدنا وعيدك مبارك نديم القوافي هيض الهجس في معناه=وانا من قبل والورق بالصوت مشجيني وانا المشكله ما اعرف بكا الورق من مغناه=لكن نوب يابو سيف بالنوح يبكيني اذكر من تذوب الكبد شوقٍ على لاماه=تطريه المشاعر وجد واتوق له عيني ماهي عادةٍ له ما يعايد وش اللي جاه=وانا ما استطعت اجي ولايقدر ايجيني كنت اضحك على فريد الاطرش بترديد آأأأأه=واثر ربي ابها بعد مامات باليني |
اسعد الله مساكم ياآل رواسي الكرام
أبو عبيد صح الله لسانك مبدع الله لايضرك العواد صح الله لسانك ملايين شاعرنا ناقدنا ياهلا والله ومرحبا وكل عام وانت بخير وعساك من عايد العيد واليوم السعيد رحوله ذوق دايم ربي يسعدك يالغلا الجوهره منوره بحضورك يالغاليه |
e3
ياسودالأيام ما فينا مكفيّنا فالحلم نبني ولكن للبناء هادم ! للماضي العذب عودي يا ليالينا لو يرجع العمر بعنا عمرنا القادم |
يا صرخة إحساسي وخنقة دموعي
إذا الصّدف جابت مكاني مكانه من داخلي إحساس يعلن خضوعي وفي ظاهري رجال حافظ كيانه |
ظامي الوجدان وأشواقك نهر
اسقني من عذب معسول الغدير الرّموش السّود والطّرف الحور ليتها عن لحظها لي تستخير ليتها عن لحظها لي تستخير وآخر المشوار عمري به خطير |
يا ليتني من خلف اضلاعك سجين
يا ليتني محكوم فيكي للابد لا تشملي بالعفو خليني دفين بس بيني وبينك ولا يدري أحد بقلمي |
صح لسانك ابو عبيد و صح لسانك العواد
وصح لسانك نجوله صح لسان الشاعر علي وصح ذوقك مهوره ياﺑﺎﻳﻊٍ ﻭﺭﺩ ﺍﻟﻤﺤﺒﻪ ﻭﺍلأشواق ﻋﻄﻨﻲ ﻣﻦ ﺍﻟﺠﻮﺭﻱ ﻭﻛﺎﺩﻱ ﻭﻓﻠﻪ ﺣﺘﻰ مسائي ﻳﻠﻴﻖ ﺑﻜﻞ الأذواق ﻻ ﻗﻠﺖ مساء ﺍﻟﻮﺭﺩ ﻣﺎ ﺣﺪٍ ﻳمله |
ويش اللي تشوفه بي ومضحك يابو هنود=رح شف شغلك احسن دامني رايق وهادي
وش عرَّفك في صدرٍ من امس الضحى ملهود=صحيح انت في وادي وانا عنك في وادي وللحديث بقيه |
مساء الخير
وش هالزين يخزي العين يعطيكم العافيه على الشعر والمجاراة يا مبدعين رواسي الله يحفظكم ويسعدكم وصح لسانك الهواوي ودوم وانت رايق شاعرنا وبانتظار بقية الحديث هههه |
شاعرة نجد المهره رحيل النجلاء الجوهره صحت الألسن والأبدان لا خلا ولا عدم |
السلام عليكم ويسعد مساكم. ي رواسي الشعر والابداع وكيفكم مع العيد~
وصحت السنتكم على هذا الابداع والروعه ~ ودي وتقديري للجميع ~ |
اقتباس:
^^ السلام عليكم ورحمة الله وبركاته وعيد مبارك وكل عام وأنتم بخير غيابي أخر الإطلاع على تعليق أختنا الشاعرة نجد فصح الله بدنك وعساك سالمة .. ونرحب بك وبجميع الأخوة الإعزاء هنا وإذا ما وسعت الفنادق والمنتجعات .. فتسعكم بيوتنا وقلوبنا والله يحيي الجميع ،، حقيقة كانت هذه الصيفية مليئة بالزوار والسياح .. ونتمنى السعادة للكل ،، وخيرها بغيرها يا شاعرة نجد .. وحتى لو في أيام الويك إند .. من سنتين تقريبا إنشأت فندقين في بلجرشي ذات درجات 4و5نجوم .. والله يحييكم في مصايفكم ،، |
صح لسانك يالهواوي ابشر والله بالشطحات يالاديب حنا ندور اللي يهيضك ههههه |
اقتباس:
لاتخاف عليه يالعواااد . دواه عندي ونا خيال ههههههههه |
السلام عليكم .. وعيدكم مبارك وكل عام وأنتم بخير وصحت السنتكم وأحوالكم جميعا ،، تحليقة وتعليقة .... يحتّم علينا الحال ننشد عن الأحوال = عسى أحوالكم زينة ولا جاكم الشينا وعسى أعيادكم تمضي عليكم في أحسن حال = وعسى العام يقبل يحمل البِشر والزينا يجي عيد بعد العيد وإحنا على ما قال = تزيد السنين ونقصها حاصلاً فينا وليا شفتكم طابت علومي وعال العال = كما سايق المركب ليا شاف له مينا ومع أشعاركم هاضت هجوسي على الموال= أردد حروف القاف مع كل تلحينا من العام يوعدنا البخت والرجا مازال = وراحت ثلاث أعوامها ما تلاقينا وحالي مع ذا الحال تنطق به الأمثال = أجل ليش المحبوب رحنا وحجينا ^^ هههههههههه عندنا مثل يقول : وش كنا حجينا له وسالفة هذا المثل ، أن شخص كان يحب أحد بنات قريته وكان يطمح في مقابلتها والحصول منها على قبلة ( بوسة ) ولكن لم تحصل له الفرصة .. وكان في ذلك الوقت تقبيل النساء مباح ومطلوب ، ولكن التقبيل للرجل الذي كان مسافرا .. حيث عند قدومه للقرية من السفر يستقبلوه الأهالي نساءأ ورجالا ويحتفلوا به ويعانق الجميع .. ( صاحبنا )هذا عندما أعيته الحِيَل ذهب لرجل حكيم وذو خبرة وشكى له الحال وقلّ الحيلة .. فاشار عليه بأن الموضوع بسيط ولكن عليك بالسفر والغياب لمدة كافية وعندها يستقبلوك أهل القرية وتحصل على مطلوبك .. قال له ماعندي غرض للسفر ، قال له المشير أجل ترى موسم الحج قرّب ، رح للحج وإذا رجعت سيتحقق طلبك وسط إستقبال حافل .. المهم الرجال راح للحج وعندما رجع تم إستقباله من ضمن الحجاج ولكن العنصر النسائي كان غائب .. أخونا الحاج تبددت أحلامة وضاعت فرصته .. فسأل أحدهم عن غياب النساء .. قالوا له جانا واحد من الإخوان قبل أسبوع وأنكر علينا حضور النساء وتقبيلهن .. فضرب كف على كف وقال: أجل وش كنا جحينا له .. فصار مضرب مثل لكل من عمل جهد بغية الحصول على شيئ ولم يتحقق ،، & وسلامتكم .. وحج مبرور لكل من حج بنية الحج |
أسعد الله صباحكم جميعا
يقول للجروح أرواح وتعظيم السلام وانا اقول ياروح الجروح وأعظم كتاب تمردي بالحرف على صفحات الأوهام واكتب العنوان على أول نغمات الغياب صادق الحرف |
اقتباس:
وعلينا وعليك يتبارك الهواوي ما يمسكه الا اللي يمسك الماء هههههه |
اقتباس:
ليه ما ترد علي انت يابو عبيد خلني لين افضيلك هههههه صحت السنتكم جميعٍ وعاد عيدكم الناقد ريم الفلاء الجوهره الملكه وحشتوني والباقين يعني ههههه الناقد ان شاء الله بنزل الرد |
اهلا بالجميع
ابو فيصل كيف انا ما ارد عليك؟!! الجوهر ساكمل ابو سيف هلابك ابو عامر مرحبابك وهلا وصح لسانك حورنيه الضحى حزب الرعد اليوم وش فيكم عليٍّ=لي معنوياتٍ كبار وعاليه قولوا وانا باقول والرازق ملي=كلام ما اخسر شي انا من ماليه الملهم اللي بالبشر ماله حلي=لو مج بمياه البحر جت حاليه ارضى ليا منه رضي ويحق لي=ابدع باماليِّ وتطيب اماليه ويصير هذا بالشعر واضح جلي=وان ضاق تظلم فيِّ بيض لياليه البارحه قمت افلي الماضي فلي=واسترجع الذكرى القديم الباليه وعن كل ماشيتي من اللوعه سلي=انا استشف انك بعكسي/ساليه |
اهلا ياغزلان وش ؟؟؟؟؟ ههههههههههههههههههه
الخيال لاتخاف عليه يالعواااد . دواه عندي ونا خيال ههههههههه ونعمٍ فيك لكن وش بيدك=وانا من صورتك فيني وفيني وانا بانصحك تاقف عند حدك=قبل ما اومي لك براحة يميني ابا اكافحك لو مانيب قدك=وابي ماتخفي بجيبك يبيني تهددني وبك واهس يحدك=ولافي بطني لحضرتك ديني انا ماودي بشيٍ يهدك=احبك واعرف ان قلبك يبيني ثقيل المزح هذا لايردك=عن الهجمه اذا انك منتويني |
سلام وتحيه/ مسك في جوف علبة عاج=لورد المصيف اتشم من داخله فوجه هديه لبو فيصل محمد ولد فراج=لغنام رمح ليا اعتزا وامتطى غوجه هلا عد ما لبى ملبي وكبر حاج=وعدد ما هدب نجلٍ بالاميال مسهوجه افخر في مردي لك ولا اشوف فيه احراج=وهجوسي تهب ليا نصا حضرتك نوجه وانا يامحمد ما تصافق بي الامواج=راسي مثل مينا البحر لاصك به موجه رفيقي غلاه ايخالط الدم بالاوداج=حشا ما يرى مني بحول الولي عوجه |
وخآتمة العيد عسى تعود الأمآني آل روآسي
ونرجع نعآيدكم سنين. مساء الخير ويعطيكم العآفيه جميعا. ما تصفحت السابق بس أكيد مبدعين كالعآده لي عوده ان. شاء الله |
توقيع حضور فقط
كتبت وطرشت وجيت والوضع نفس الوضع=نيام الجماععه ماتحرك بهم ساكن جنوبٍ تطايح بالفرش والعلابي خضع=ودك من يصب الثلج بظهورهم لكن بعضها يجي لسنونها من براده قضع=ووردي الحلوم اتعاود اللونها الداكن |
ههههههههه زعيمنا صح لسانك وهلا فيك وووش شوي الهام وتهيض خوآفي هههههههه ~
صحت السنتكم جميعاااا شعرائنا ودام ابداعكم وتواجدكم العذب ~ يازعيم الشعر غرد في رابع العيد ~ وروق بالهيل والزعفران والدله الشاذليه .. وأسجع بلحن القوافي وباشعارك زيد ~ دامك معتلي القمم في روحتك والجيه .. وإضرب بصدر المعتدي بأبياتك والقصيد ~ وخلي انغامك تشتعل ونارك بها حيه .. وسلامتك ي زعيمنا والجميع ~ |
مساء الخير عـ الجميع
وصح لسانك زعيم العاصفه على هـ الحضور الفااخر العواد,المهره الاصيله,النجلاء,الغلا والـ هلا فيكم لاعدمتكم وصحت السنة الجميع,’’ |
اقتباس:
عليكم السلام ورحمة الله وأنت بخير ومن عوادهـ ان شاء الله وتسلم وتدووم طال عمرك,وبيوتكم عامره بوجودكم شاعرنا والله يهنيكم,الجنوب جنة المملكه شكري وتقديري,’’ |
الهواوي الناقد وعموم المبدعين صحت الالسن |
خذني شعر عانِقْ شعوري بـ شعورك واحضن حروفي ياهوى البال بـ حروف أنسب حليف لـ كبريائي غرورك وامرٍ وراثي فيني وفيك معروف #محمدالعواد |
حقق على ضو المحبه طموحي ما للهوى في ظل الاهمال خانه سلبتني عقلي وقلبي وروحي ارجع ورجِّع كل شي لـ مكانه #محمدالعواد |
قل لي متى بعيني اناظر لعينك ؟؟ متى يجي للـواقع المـر تبديل ؟؟ متى يجيبك للتلاقي حنينك ؟؟ مليت من تكرار كلمة "تساهيل" #محمدالعواد |
اسعد الله اوقاتكم رواسينا
مبدعين ماشاء الله عليكم أبو عبيد صح الله لسانك ولاعدمنا وجودك وابداعك الدنيش صح الله لسانك ولاهنت ع القصه الرائعه أبو فيصل ياهلا ومرحبا فيك وبشرنا اخبار الاب توب ترانا ننتضر نبي شي لاتحط الاب عذر ههههههه العواد صح الله لسانك شاعرنا شاعرة نجد منوره يالغلا غزلان ياهلا وغلا وصح لسانك ملايين شاعرتنا ريم الفلا فاقدين ابداعك يالغلا |
هلا بالجميع
وصح لسآنك الهوآوي وصح لسآنك غزوووله وهلا بك شاعرة نجد منوره بعد الغيبه وبانتظار ابداعك وصح لسآنك شاعرنا العواد مبدع دائما بس وين راح لونك الهلالي الحلوو هههه وهلا بك مديرتنا الغآآآليه نجوووله دمتي لنا ودام حضورك الجميل |
جيت ارتب باقي جروحي كلن ب، مكانه
وكل جرحن استفيقه أذكر حزت اوقاته بين الرفوف غبار السنين وقسى أحزانه وهنا كتابن ما لقيت أحد يقرأ ترجماته الجروح تكبر والاعمار تروح وهي شفقانه يموت وله وينولد بي ألفين وله وحسراته وما بقى إلا من يقرأ حروف الوجد حرمانه صادق الحرف |
شآعرتنا المبدعه
شآعرة نجد لو تكرمتي وفضلا لا أمرا تفضلي هنااا تشرفي وتنوري الموضوع http://www.r111n.com/t36973.html |
http://www.differencebetween.info/si...ges/1/dove.jpg خلي الهديل وعيّدي ياحمامه=والا ابعدي تكفين بـ .اعيّد العيد روحي رعاك الله مع السلامه=اليوم عيد وبهجة الخاطر بْعيد صوتك شجي والقلب مدري علامه=يميل مع حسك على الغصن ويْعيد مشاعري هشه,عليك الملامه=يامجرمه,قبلك وانا عيدي سْعيد |
| الساعة الآن 02:41 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir