شبكة رواسي نجد الأدبية

شبكة رواسي نجد الأدبية (https://www.r111n.com/index.php)
-   فرسان القلطه (https://www.r111n.com/forumdisplay.php?f=79)
-   -   مستشار الرواسي (https://www.r111n.com/showthread.php?t=30912)

بوح شاعر 31-03-2016 12:44 AM

لو يعرفونه زين ياطير شلوى
ماقدموله هرفي وصحن حلوى
ان كان شاتوله ورا حد سلوى
حكم عليه الامر والامر لله


كفنه وادفنه وسط العريق
مابقا عمر حتى يدركه
وقفت وبركت به فالطريق
كيف يلقا لدرب ً يسلكه

النجلاء 31-03-2016 12:49 AM

الله الله ياسلام عليكم ياشعرائنا المبدعين
صح الله لسانك يالطير حوران
وصح الله لسانك ياولد روق

بوح شاعر 31-03-2016 12:52 AM

صح بدنك المهره

صح بدنك النجلاء

محمد الغنامي 31-03-2016 12:08 PM

الله الله
ابك الليل هذا ويش
اثر البارح فايتني طاروق ناري صدق
صح لسانك يالطير حوران
وصح لسانك ياولد روق
مبدعين مبدعين الله لايظركم

طير حوران 31-03-2016 08:43 PM

عانه من الردف لسوق العبيكان...يقلّط المجرم على لحم غزلان...ماله مكان الاّ جزيرة فرسان

حكم عليه الامر والامر لله


جاين ال صلعته مثل البريق
كل ليله نشوف اله ادبكه

إيتميلح ومنطوقه رقيق
مهلكن جهده الله يهلكه

النجلاء 31-03-2016 09:15 PM

صح الله لسانك يالطير حوران
مبدعين ماشاء الله عليكم
لكن عايض وينه ؟ شكله يبيكم لحد ماتنتهون ويشن عليكم هجوم قاتل هههههههه

بوح شاعر 31-03-2016 10:21 PM

لو مسّ لشماغه ولبس الحساوي
شوفه يغث الكبد هو والهواوي
مهوب مطلب لابسات الغطاوي
حكم عليه الامر والامر لله

هرش للحمل اظنه مايطيق
قام يهدر وهو في مبركه
كل صبحن مصبحّ له فريق
مابقا الا يخطب المشركه

طير حوران 31-03-2016 10:34 PM

صحت ابدانكم جميعاً

النجلاء لاشفتاه شن الهجوم دخلنا في وجهك هههههه

ولد روق صح لسانك ابدعت وامتعت بس خلنا نكتفي بالماجود ماودنا نثقّل ع العواده هههههههههههه


الساعة الآن 10:45 PM بتوقيت السعودية

Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir

Ads Management Version 3.0.1 by Saeed Al-Atwi

هذا الموقع يستخدم منتجات Weblanca.com

new notificatio by 9adq_ala7sas
الشركه المالكه