|
رواسي نجد هذا الصرح شامخ ما اختلف مبناه=
و حنا اللي بنينا صرحنا طوبه على طوبه على حب ومحبه في بياض قلوب شيدناه= وعلينا واجبٍ للمنتدى نعطيه ماجوبه رواسي نجد صرحٍ لو نعيف اصروح ماعفناه= عليه اركاب شعري درهمت نوبه ورى نوبة رواسي نجد نادينا على أسمه والمثل يعناه= على مرساه نوَخنا ونار الشعر مشبوبه نسجل ماتبوح بْهْ المشاعر كل ماجيناهـ= نصوص مْن الذهب واللول والمرجان مكتوبه سكبنا من الادب شي جديدا ما سبق قلناه= احاسيس تقل عطرا على الاوراق مسكوبه بكل احساس نضويله على كف الوفاء شلناه= بمعنى الشوق ناجيته على كيفه ومطلوبه سعينا له وقمنا به ويم السحب عليناه= وخلينا شموخه بالجزايل يدفن عيوبه شموخٍ يرسم علوه قصيدٍ ارتبط معناه= يشيّد في تفاصيله بحورٍ بالوفا تجوبه جمعنا قلوبنا قدام بدع القاف ومغناه= ونبذنا اللي يعكر صفونا بغناه واسلوبه الا يا حيِّ صــرحٍ .. بالوفـــا رحّــب وحيـّيناه وحي أهلـه . وعمَّـاره . وكل الِّي تـواصـوا بـه والضيف يلقى مرحبا والف هلا وضيفناه .. على النقاء والطيب ناس تبادله ومحبوبه تجمعنا على طيب ونقاء والقاف طوعناه ورايات الجزاله في سماء الإبداع منصوبه محيط الشعر نبحر به بكل أفكارنا خضناه= سبحنا به وغنينا هلاليه ومسحوبه سبحنا بالبحر عرضه وطوله لين عديناه سبحنا بالبحور السبع والطالات منجوبه ليامنه تلاطم موجه الهايج نعَرف غناه وجديد القاف عن نقد المتابع نلبسه ثوبه طويل المنفتل يلحق ليا زانت ودليناه تجي منا لها قيمه ومحبوبه ومرغوبه شموخٍ بالقصيد وبالأدب والعلم طورناه وبالإبداع سوَّى للمتابع ثامن اعجوبه جمَعْنا حب نادينا وقصّدنا ودونّاه عزيمة شاعرتنا الريم للشّعار مأدوبه |
١٩ بيت ماشاء الله
شاكره للجميع والله يعطيكم العافيه |
اللي عنده اي ملاحظه من الشعراء
يشاركنا لان بنختم ان شاء الله |
السلام عليكم ورحمة الله وبركاته الله يسعد صباح شعراء رواسي بكل خير رغم انشغالي بالاختبارات إلا أنني حضرت تقديرا للمبدعين! وتقديرا لأبو بندر خاصة اتصل علي وأخبرني بأن القصيدة ستختم ويريد مشاركتي في التنسيق! وقد تشاورت مع أبو بندر وتقديرا للشعر والشعراء فالمشاركة لها شروط مذكورة في بداية الطرح وهو أن لكل شاعر بيت واحد فقط ومادام أن العمل جماعي فيجب علينا جميعا أن نسير مع الشروط!ولذلك نعتذر من شاعرنا الغالي على قلوبنا أبو عامر عن المشاركة ببيتين رغم أن ريم تستاهل وأنت كريم يابو عامر,لكن العمل توافقي وله شروط! الحقيقة الآراء في ترتيب القصيدة تتجدد تبعا لتجدد الأبيات فلو استجد بيت يتغير الرأي,ومهما اجتهدنا في الترتيب لن يكون ترتيب القصيدة متناهي لأن النَّفَس الشعري ليس واحدًا لكن وضعت هذا الترتيب حسب ماقرأته في المعاني : ليكون المعنى بهذا الشكل: بدأت القصيدة بنداء ثم قال في البيت الثالث ليثبت أن هناك نداء في مطلع القصيدة=قال: نادينا على اسمه والنداء يأتي بعده قول وهذا القول أنه =قال:أن نار الشعر مشبوبه اجتمعنا عليها = وجمعنا قلوبنا قبل أن نغني الشعر وهذا هدف سامي قبل قول الشعر! وهذا الاجتماع ليس إلا = على حب ومحبه لكن ينبغي علينا بعد اجتماعنا هذا أن نعطي الشعر ماجوبه وماهو ماجوبه؟ وماجوبه = أن نسجل ماتبوح به مشاعرنا بنصوص من ذهب مكتوبة=سكبناها من الأدب بأحاسيسنا المسكوبة على الورق=التي عندما نضوي إلى المنتدى نضوي بها بكل أحاسيسنا الشعرية لكن مع هذه الأحاسيس التي قد تتغير مع ظروف الحياة إلا أن الوفاء للمنتدى يرافقنا دائما فنحن ضوينا للمنتدى =وسعينا له وقمنا به وشمخنا به ورفعناه للسحاب بالشعر الجزل الذي إذا قرأناه لم نكترث بما نراه في المنتدى من عيوب بل نتجاهلها وندفنها بسبب مانجده فيه من شعر جزل يغطي هذا كله وهذا الشموخ بالشعر الجزل=هو شموخ يرسم علوه قصيد مترابط المعنى ......وهلم جرا فأنا بنيت الترتيب على معنى قدر الإمكان وليس خبط عشواء ولو كان لدي وقت لتسلسلت في المعنى إلى آخر القصيدة لكن البركة في المبدعين الذين آراؤهم محل الاحترام والتقدير! رواسي نجد هذا الصرح شامخ ما اختلف مبناه= وحنا اللي بنينا صرحنا طوبه على طوبه *** رواسي نجد صرحٍ لو نعيف اصروح ماعفناه= عليه اركاب شعري درهمت نوبه ورى نوبة *** رواسي نجد نادينا على أسمه والمثل يعناه= على مرساه نوَخنا ونار الشعر مشبوبه *** جمعنا قلوبنا قدام بدع القاف ومغناه= ونبذنا اللي يعكر صفونا بغناه واسلوبه *** على حب ومحبه في بياض قلوب شيدناه= وعلينا واجبٍ للمنتدى نعطيه ماجوبه *** نسجل ماتبوح بْهْ المشاعر كل ماجيناهـ= نصوص مْن الذهب واللول والمرجان مكتوبه *** سكبنا من الأدب شي جديدٍ ما سبق قلناه= أحاسيس تقل عطرٍ على الأوراق مسكوبه *** بكل احساس نضويله على كف الوفاء شلناه= بمعنى الشوق ناجيته على كيفه ومطلوبه *** سعينا له وقمنا به ويم السحب عليناه= وخلينا شموخه بالجزايل يدفن عيوبه *** شموخٍ يرسم علوه قصيدٍ ارتبط معناه= يشيّد في تفاصيله بحورٍ بالوفا تجوبه *** تجمعنا على طيب ونقاء والقاف طوعناه ورايات الجزاله في سماء الإبداع منصوبه *** سبحنا بالبحر عرضه وطوله لين عديناه سبحنا بالبحور السبع والطالات منجوبه *** محيط الشعر نبحر به بكل أفكارنا خضناه= سبحنا به وغنينا هلاليه ومسحوبه *** ليامنه تلاطم موجه الهايج نعَرف غناه وجديد القاف عن نقد المتابع نلبسه ثوبه *** شموخٍ بالقصيد وبالأدب والعلم طورناه وبالإبداع سوَّى للمتابع ثامن اعجوبه *** طويل المنفتل يلحق ليا زانت ودليناه تجي منا لها قيمه ومحبوبه ومرغوبه *** ألا ياحيِّ صرحٍ بالوفا رحّب وحيـّيناه وحي أهله وعمَّاره وكل اللي تواصوا به _____ وهذا رأيي ولاأصادر رأي أحد والجميع محل الاحترام والتقدير,, |
اقتباس:
الأخ سعود صح لسانك وأرجو تعديل البيت حتى يتم إدراجه في القصيدة وتقبل فائق تقديري واحترامي,, |
هلابك شاعرتنا عذرا على التاخير من استشارك دخل ذمتك دامك صاحبة الفكره والبيت الاول لاتستشيرين احد لان نجاحها يعتمد عليك تحيتي وتقديري |
اهلين شاعرنا الناقد حياك الله
وشكراً لدخولك واكيد مانستغى شاعرنا عن تواجدك ورأيك. ماقصروا الشعراء والشاعرات والابيات كانت جميلة لكن التنسيق شوي مشتت خاصة وان كل بيت مخلتف وماقصرت وفي انتظار تعديل الشاعر سعود |
اقتباس:
مايمنع شاعرنا المشاركة في الآراء خاصة وانها قصيدة مشتركة وتمثل الجميع شاكره لك، |
...
|
عسى اللي شيّده يبقى سعيدٍ دايم بدنياه
.. ويعيش بعزه الدايم ويحقق كل مطلوبه |
تمام
صح لسانك سعود ولاهنت خلاص يغلق الموضوع مع خالص الشكر والتقدير للجميع |
صحت السنتكم شعراء وشاعرات رواسي نجد
ابدعتو قصيده مشتركه رايعه دمتم بود وتقدير |
السلام عليكم ورحمة الله وبركاتة
يعطيكم العافيه فكره جميلة بحق تشكر عليها الاخت والشاعرة ريم الفلا ويشكر كل من شارك وانا مع البيت الاخير يبقى لأنه يحفظ لصاحبة الموضوع حقها الا يمنع من أن يكون للشاعر اكثر من بيت والأمر يعود للجميع بالتوفيق |
صح لسان الجميع
و مدري الحق او ما الحق و اعتذر عن الغياب زلال الشعر في هالمنتدى ذقناه و اسقيناه من القلب و من الروح وغلاه يزيده عذوبه |
هلا عبد الله حياك الله
صح لسانك بس ختمنا ونزلنا القصيدة |
ماشاء الله كل هالابداع موجود ولا دريت عنه
صحت السن الجميع ولو انها متاخره اذا اجتمعت الفكره والتنفيذ والتنسيق يكون الابداع طبعا وتمنيت ان تكون لي بصمه مع المبدعين لكن هالقصيده مثل صلاة العيد فرض كفايه |
| الساعة الآن 02:13 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir