|
صح السانك يالعاصفي الهواوي
اخبارك واخبار الحراثه عندكم وش تحرثون . . جدتي الله يرحمها ويغفر لها كانت دوم اتحازينا عن وحده ينقالها تريتره مدري ماره عليكم والا لا عاد هاذي تريتره ياطويل العمر مغير تاخذ من هالبشر وتدفن بالقاع قلت مدام السالفه فيها حراثه عسى الله يستر لاتكون تريتره عودت وتبا تدفنا معاها لكن ابد والف لا وكلا لن نكون لها لقمة سائغة سنبقى نجلدكم الى اخر رمق من انفاسنا . . . الا ماعينتو النجلا وينها فيه اختفت انا مخليتها راقده ومريحه قلبي ماارتاحت امس تحاتيني فديتها حبيبتي نجوله وينتس ياحياتي اظهري وباني عليتس السلام يابنات ياحلوين تريتره تراها صارت قريبه تحيزمن واندسن لكن بمكان تراها تشم ريحة الدسم عن بعد بلاد هههههههههههه |
ههههههههههههه
اتصلت على اختي الكبيره قلت لها جدتي لما كانت اتحازينا عن تريتره كانت تقول عن كلام كانت تقوله وش هو ههههههههههه تقولي انتي اشعندك تسالين من ناويه عليه هالمره قلت لها مالتس شغل عندنا واحدن يقولي انتي منت حول شي ابا اوريه انه تريتره ماياقف بوجها شي قال قوليله ياتريتره وش تحفرين احفر ضب ولا له رب ولا له عكرتن تقضب عاد انت طيب يالهواوي وحنا نستاهل هههههههه . . الفراج جهز الي طلبته منك هههههههههه |
هههههههههههههههههههههه
تريترا الله يلعن شيطانك منين طلعتيها هذا مدفونه بعدين هذا سر شلون تعلمينهم به |
كله منك شسويلك
ماتبي تجي منا حضرتك وسويتلك حزب بروحك قلت اطلع المدفون والذي منه جود انك تلبدلك بحدا هالطعسات لاتشم ريحتك تريترا عاد انت عارف وش يصير بعدها هههههههههههههه |
هههههههههههه
سعود اتصدق لما جدتي اتحازينا فيها بالليل ماننام من الخوف وانا واخواني ماغير لازقين بفرشنا ومانرفع روسنا هههههههههه |
تكفين ترى الدمعه على طريف
الله يرجك قسم ذكرتيني بوقت ليته يعود لزقين بالفراش انا حتى نفسي كا تسمعينه هههههههههههه |
يَ روعهہ .. آللحظآت بيني وبينهہ
غلآهہ ، متعدي آلزمن بـ آلمسآفآت حسهہ وضحكآتهہ وصوتهہ وعينهہ تسوى آلـحياهہ بـ كبرهآ وآلملذآت |
لآهب نسنآس آلغرآم وطرقني
زفك على آلشوق يـ أعز مخلوق أحبك أي وآللي خلقك وخلقني إني عليك أموت وأحيآ من آلشوق |
انت تبكي على زمانك ياسعود
وانا ابكي على جنتي جدتي ربي يرحمها ويغفر لها وعزاي بغيابها ذكرياتها الله يرحم موتانا جميع |
ماهو مهم من يروح ومن هو يجيني ،
أقرابي .. أصحابي .. أحبابي وخلاّني ! عذراً : هنيّا .. خلاص أبنفض إيديني ، بـ أعيش عاقل [ تعبت ] أعيش بجناني . |
ياحلاة صوت المطر بالخيمه
يجننن عسى ربي يتمها هالاجواء الحلوه والرائعه |
كاس مليته بالوفا لاتكبه
خله يبلل بالوصل يابس الريق صبه بقلبي ثم مله وصبه وان كان ودك غرق القلب تغريق دام الهوا راسي وراسك يهبه خذ سجه ترى زمانك توافيق |
مو هذا اللي يبكيني
الحين تلقين العجوز تتابع مسلسل تركي مو فاضيه لحد |
الجو غيم و ساقني يمك حنين
الله يجيبك يوم جاب الله مطر |
اقتباس:
انت من صجك سعود هههههههههههه وربي مت من الضحك والله ماالومك صراحه حنا لا عجايزنا مع برناج بدايه والحين طلع برنامج حياتك لا وزعلانه بعد تقول ليه الله يقطعهم غيروه وحافظه اساميهم بعد ههههههههههه |
صوت المطر غطاا على كل الألحان
تبطي مزامير البشر ما تعزّفه����. |
اقتباس:
هلا بالهواوي هلا هههههه صح لسانكـ مليوووووون ولا يكفوووون علامكم شايلين علينا حمله هههههههههه استلم يا هاجسي يم اجزل الشعر نادوكـ ـــــــــــــــــــــــــــــــ وعادتك عسر الـــقــــاف دايم تــفكه اكتب ثمين الهرج في داخل البوكـ ـــــــــــــــــــــــــــــ ودهن شنب صاحبك من سمن عكه اشوف بعض الناس فالسجن لاموكـ ــــــــــــــــــــــــــــــ وبــــــابٍ يجـــــي مــنــه المناقيد لـكه ياسعود حزب العاصفه كيف غشوكـ ــــــــــــــــــــــــــــ عــطــوك سيف وقـــالــو الموت ذكه ما تدري ان السيف معنى ونا خوك ــــــــــــــــــــــــــ كــم راس شيخٍ عـن مــتـــونـه نحــكه يا حزبنا ما همكـ احزاب عادوكـ ـــــــــــــــــــــــــــ حنى اكبــر اجبــال الجـــزيـــره نــدكه تدلعن يالغيد والخير مشروكـ ــــــــــــــــــــــــ مـــــدام ابن فـــراج مـــوجــــود نــــكه |
الله الله
صح لسانك يابو فيصل مجارااه جميله جداً |
اقتباس:
ههههههههههههههههههههههههه والله صادقه كل شي تغير ياربع انا لعبتي بي تريترا وعيالها ونسيت الحزب كله اعذروني لين اجمع نفسي واعود عليكم الله على زمان تريترا وايامها شلون تسوي فعايلها فينا سويا الوافي |
صـــــح بــــــدنــــكـ
يابو بـــــنــــدر والـــــجـــــمــــيل اطـــــرائــــكـ |
ايو الله اضيق لاشفتك تضايقتي
وافرح بشوفتك مبسوطه وفرحانه والله لوانك على صدري توايقتي ليفوح لك ريح يشمومه وريحانه |
صح لسان الجميع مبديعين جداً
" ابو فيصل ، أبو بندر ، الهواوي، الوافي، سجين الناقد ، النوري ، النجلا ، صدود ، الجوهرة ، رحيل وكلم ..." ومجاريات رائعة نشاط ملفت وصراع عنيف بين الأحزاب وتحية للنوري لي وقت مفهية بكلامك عن ترتيرة وما فهمت شي ..... ياحلوك فديتك |
اقتباس:
حزيب الجرم لو سيفك على الغيمة يحدّونه فهقـــه البـــارق المـــركي علـــى ثغر النداويّه إذا جمرك مـــن المعنى يبات الّليـــل بردونه ألا كــم جمـــرةٍ من نارنـــا مـــاتت حياويّـــه |
صح السانك ياابو بندر
يسعدك ربي ياخوي لاخلا ولاعدم من روائعك . . سعود تريترا جنها على حدود عرعر وطريف اعتقد هههههههههه |
اقتباس:
هماليل ياقلبي تريتره هاذي جنيه اوخيتك مخاويتها يعني تشم ريحة الاوادم عن بعد بلاد وبلاد وبلحظه اتلاقينها قدامك ماتدرين منين اطلعتك اسم الله عليك تاخذ الي تاخذه من بينهم وتحفر له حفره وتدفنه فيها ههههههههههه ومتى ماجاعت احفرت حفرتها وقامت عاد تاكل فيه لحد انها اتمصمص عظيماته هههههههههه فهمتي ياحلوتي تراها على حدود عرعر وطريف |
صح السانك يالغاليه هماليل
مبدعه فديتك |
تغآنم آلشوق دآم آلقلب تحت آمرك
مشآعري فيك مَ تشبع .. إلـى جآعت لا دآر وقتك .. و طـول ربـي بعـمرك عرّفت وش قيمة آلفرصه الى ضآعت |
انا اخو العيال ابك ياسعود ارفعك انت وحزبك وتعود للعبه؟؟ ههههههههههههههههههههه
هات القلم والمحبره وابسط البوك=في هجس ريس حزب الاجرام حكه لوهم بليلة قدر ربعك تمنوك=الا فرشو لك ورد في حيد دكه هلكا اثر ما صدقوا يوم لاقوك=شافو شبح عفريت شمطا تعكه والا امس مالدو بسجنك وقهوك=ولا قلطو لك فيه لو رز بكه وحزبك امسيس بين طينه وداموك=بكره يهد اسه بلكه بلكه غزلان ترثع به بطلقة توماهوك=وسجين بسكود المسمى يدكه وعزي لكم من شاعرة نجد انا اخوك=يخسر بلوتك لو معك100 إكه |
اقتباس:
تبون تروعنا بترتيرتكم يالمجرمين :nerves: خلوها تحفر حفرة للعاصفة والطناخه |
هههههههههههه
تروعتي هماليل وانتهت هههههههههه |
خذني بحنانك وطف البرد [بعظامي]..
يمكن [بحضنك] انام الليل واحكي لك .. محتاج أسافر بعيد فيك بأحـــــــــلامي.. وأنزل [بصوتي] على شاطي مواويلك.. وأحط راسي ع [صدرك] شوق وهيامي.. وأترك خفوق تعذب فيك [يشكي] لك.. |
الله يجازي صدفة الوقت بالخير
اللي جمعتني فيك من غير ميعاد ياصاحب الصوت المميز عن الغير ياللي بكلامك تملك قلوب وعباد ودي ألاقي للأحاسيس تفسير ليه القلوب لبعض الأشخاص تنقاد ؟؟؟ |
صحت السنتكم جميعا
وصحت الاذواق مبدعين لاهنتوا |
اقتباس:
ياهلا والله ناقدنا عبدالله الروقي حياك الله واخر الغيبات ان شاء الله وصح الله لسانك على المجارآه الرائعه ابـــــدآع شــــعـــرآئــنــا |
بوقت من البطا و بليل تتراقص شياطينه بعد شفت الضيا ينزع من ثياب المسا ثلثين تحايلت المنام اللي مثل بيتك تمرينه و انا اللي من تفارقنا و أنا ما غمضت لي عين غريبة كل حلم يمر برقادي تزورينه و الأغرب كيف أحلم الحلم و ارجع و احلمه بعدين؟ قبل يومين شفتك بالمنام .. و قمت من حينه ! ونمت أمس ، ورجع نفس المنام اللي قبل يومين أنا اللي قبل اسافر شلت قلبي من شرايينه تركته في يدك مثل الأمانه ، و احفظيها زين ترى حفظ الأمانه دين .. مجبورة تردينه أجل ، ما فيه أحد قد قال لك ( حفظ الأمانة دين )؟! |
من أول ما رجعت من السفر ماشفت لك بينه ؟ وأنا اللي كنت أحسبك قبل ادوس ارض المطار ..تجين تكونين أنتي أول شخص عيني تحتضن عينه و كنت أتخيلك من زود فرحة رجعتي ..تبكين وأشوف بدمعتك حكي .. وأعرفه قبل تحكينه واجيب أحلى من اللي بتحكينه ، و أتركك تحكين تقولين :الوطن نور .. وأقول بنور مضوينه تقولي لي : غديت أحلى ، و أقول : عيونك الحلوين كلام نام بشفاهك ..و خفتي لا تصحينه ذخرتيه لغرام اللي ينام ..و يتركك تصحين |
اقتباس:
صح الله لسانك ياسجين مبدع لاعدمناك |
قصة قالوا كذا مبسم هيا .. قلت لا لا.......بين البروق وبين مبسم هيا .. فرق كان الشاعر محسن بن عثمان الهزاني وهو شاعر الحريق وهي ديره( وهي بلده تبعد عن جنوب الرياض 30 كيلو متر ) كان مولع ببنت اسمها( هيا) وكان جمالها وحسنها باهر. ولحرص والدها عليها اسكنها في (روشن) والروشن كما تعلمون غرفه تكون في أعلى البيت خوفا عليها من أن ترى الشاعر محسن أو يراها فيقعا في الغرام حيث اشتهر هو أيضا بوسامة وشجاعة نادرتين وشهرة واسعة بين النساء. وعين لهيا خادمة ومشاطه تزورها على فترات للعناية بها وتمشيط شعرها. فعلم محسن بجمالها وعرف مكانها فقرر إن يصعد إليها في روشنها العالي الذي يصعب الوصول إليه وقام يراقب البيت لكي يجد له مصعدا لروشن هيا. وجد محسن أن الروشن له منفذ صغير يدخل منه الماء عن طريق ساقية القصر من بئر قريبه فلم يجد طريقه غير النزول إلى البئر وصار يتعلق بحبال الغروب اللي تسحبها السواني حتى دخل إلى القصر وكان له ما أراد وجلس هـناك ثلاث أيام ولم يعلم احد بوجوده وفي رابع يوم سمع صوت إقدام ألمشاطه قادمة لكي تمشط ذوايب هيا. وإثناء تمشيطها لذوايب الحسناء (هيا) قامت تغني وترد هالبيت: أصفر على اصفر ليت محسن يشوفه ============== توّه على حد الغرض ما بعد لمس وعند سماع محسن الهزاني لبيت ألمشاطه طلع وقال: أربع ليالي مرقدي وسط جوفه ============== البارحة واليوم وأمس وقبل أمس وهرب وكان رفاقه قد افتقدوه ، ولما أتاهم حاولوا يعرفون منه أين هو طول هذه ألمده لكنه لم يجيبهم وكان احدهم ذكيا ولما لمح البرق قال هذا البرق يشبه مبسم هيا. فانشد محسن الهزاني قائلا:ٍ قالوا كذا مبسم هيا .. قلت لا لا ============== بين البروق وبين مبسم هيا .. فرق ويالله .. بنوٍ مدلهم الخيالا ============== طافح ربابه .. مثل شرد المها الزرق لا جا على البكرين بنا الحلالا ============== ولاعاد لا يفصل .. رعدها عن البرق يسقي غروسٍ .. عقب ماهي همالا ============== وحط الحريق ديار الاجواد .. له طرق يسقي نعامٍ .. ثم يملا الهيالا ============== ويصبح حمامه ساجعٍ .. يلعب الورق جريت إنا صوت الهوى .. باحتمالا ============== في وسط بستانٍ .. سقاه أربع فرق طبّيت مع فرعٍ .. جديد الحبالا ============== وظهرت مع فرعٍ .. تناوح به الورق روشن هيا .. له فرجتينٍ شمالا ============== وبابٍ على لقبله .. وبابٍ على الشرق مبسم هيا .. له بالظلام اشتعالا ============== بين البروق .. وبين مبسم هيا فرق برقٍ تلالا .. بأمر عز الجلالا ============== وأثره جبين صويحبي .. واحسبه برق يا شبه صفرا .. طار عنها الجلالا ============== طويلة السمحوق .. تنزح عن الدرق له ريق .. أحلى من حليب الجزالا ============== وأحلى من السكر .. إلى جاء من الشرق حنيت إنا .. حنة هزيل الجمالا ============== ينقض ردي الخيل .. قد حسه الفرق ويا قلته .. في عاليات الجبالا ============== ماها قراح .. مير من دونها غرق ماعاد للصبيان .. فيها احتمالا ============== من كود مرقاها يديهم .. غدن طرق قالوا تتوب من الهوى .. قلت لا لا ============== إلا إن تتوب .. ارماح علوى عن الزرق قالوا تتوب من الهوى .. قلت لا لا ============== إلا إن يتوبون .. الحناشل عن السرق قالوا تتوب من الهوى .. قلت لا لا ============== إلا إن تتوب الشمس .. عن مطلع الشرق |
اقتباس:
الله الله ياسلام عليك وصح الله لسانك يابو فيصل مجارآه رائعه مبدعين شعرائنا |
اقتباس:
ههههههههههههههههههههههههههههههه لا لا ياهماليل ما هي حولك هذي متربعه هي وعياله عندي بالخفجي بس يمكن تجيكم بالصيف لانه ما تحب الحر ودايم تدور البراد بس حلوه ترتيرتكم هههههههههههههههههه |
| الساعة الآن 05:13 PM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir