ياناصر الفلقات جت بالتساوي=وحده بوحده والضماير سليمة
مير ابشر ابشر بالسجن يالهواوي=ابسجنك لو كان جور وظليمه
قبل امس سيلي فوق راسك نحاوي=وان قاله الله يعقب السيل ديمه
استانس استانس وجرّ الغناوي=يوم وثلاثه ثم تجيك القسيمة
انا اشهد اني فيك ناوي وناوي=بـ اقلّط السيف الحدب لك وليمه
---------------------=---------------------
يامن يبلغ لي سلام النخاوي =لـ. الشيخ ابو بندر عسى الله يديمه
روّح وخلّاني بوسط البلاوي=اَسم وسيمه واتحمّل وسيمه
وكل البلا من عود روق الهواوي=اللي بعذب الشعر ذعذع نسيمه
نوبٍ احدّه يم وادٍ سناوي=ونوبٍ يورّدني عدودٍ صريمه
احيان اقول العود هذا عماوي =واحيان اقول العود هذا صتيمه
ياكثر ما جرّيت لا اجله عزاوي=حتى نفد كل الصبر والعزيمه
ماعاد باقي غير اجيب النواوي=وارجف دياره لين تصبح حطيمه