معذور من يبكي على فقد خيه = لا مات اخوك اشلون بتجيب لك خي
لا حانت الساعة وجات المنيه = وحان القضا ياخوك ثم إنطفى الظي
صهيون تاخذ غدر وحنا الضحيه = وكل العرب اموات ما فيهم الحي
دون الوطن ارواح تبذل عطيه = هذا الكرم ما هو كرم حاتم الطي
قضيتي ياناس اكبر قضيه = قدمت أخوي ولا بقى لي ولا شي

ابيات متواضعة

كتعليق على هذه الصورة

مع الشكر لصاحب الموضوع

حط النعش خلوني بوجهه اويق = ياللي تشد اطراف كمي بيمناك
بقول له كلمه وانا ناشف الريق = ياخوي كل الغرب والعُرب تفداك
اودعك و دموع عيني غواريق = يا صعب توديعك ويامر فرقاك
واعاهدك واعطيك مني مواثيق = لأخذ بثارك عند كبري من اعداك