|
كاتب الاحمر بحرف العين له قـاف انتهضيّـا=
والله اني مابغيت ادخل معك بعـض القضايـا ارضي القيفان وازعلهن واراضيهـن بقضيّـا= يوم بالصوره على جنب المبيسـم بإلحظايـا ماعليك من البطون ولاعليـك الحـظ حظيّـا= الحظيظ من الحظوظ اللحظ يحضى بإلحضايـا ياحلو ديم المزون إليا هطل والعشـب غضيّـا= من بدايـة نزّتـه يسقيـه وعيونـه غضايـا غض طرفه ريم جافـل مستذيـر ولا ركضيّـا= ذيّـره قنـاص والقنـاص للصيـد اركضايـا جض قلبي في ضلوعي والضلوع الحدب جضيّا= جضتيـن وجضتيـن ويمهـا سـج النضايـا يالثمان الباسمات من الخجل لإصبـع قرضيّـا= ليت لعّاب الكلام معـوّض اصبعهـا إقرضايـا ياغصين البان وان هب الهوى مال وعرضيّـا= ان نطحته صحت صيحه وان قفيته لإنقضايـا شفت محاره بهـا درٍ ثمـان الحسبـه إضيّـا= حسبـي الله يامحمـد والتحسّـب لحظظـايـا لو عسرت القاف ناصل كل بيـت ٍ وانتقضيّـا= مرضي القيفان يشضا كل صـاروخ انقضايـا هامتي يم السماء وسنين عمرالرجـل مضيّـا= سيف صخره برق رعد وليل وايامـي مضايـا من سلم يسلم ومن هو عاقته بقعـا مرضيـا= والله اني ماحسبت امراض غيري وامرضايـا |
راعبي الصوت ما يشكي الهجير=ولا عرفنا لحزنه وفرحه سجـع
ولو يبين الصوت يا لفح العبير=صار لك هاجوس فكري منتجع يادروب الوصل في سلك الحرير=معك راح القلب لكن مـا رجـع |
حدب الضلوع اللي كما صلد جلمود = احيان احس الهن لجج و اهتزازي
إن دار فكري في فلك ماله حدود = اخضع ذليل لخالقي بإعتزازي |
رعاك الله ياليل السهر كم لاح فيك البرق =
على ضوحه و نجم الجدي يِمّه , وجهت الساهر و أنا كم شفت في الصفحات ياليل السهر من فرق = فوارق بين طيات السطور وبعضها ظاهر و تباريح الصدور اللي تفيض وينظم ءبها الطرق = حوّت ما استحوذت من فيض ما يخفى على الماهر |
مساك ياليل السهر خمس شمعات =
والشمعدان اصابع اليّد تخيّل ؟ و حبر القلم ماء المزن يرسم للوحات = إليا اختلط بألوان من عقب خيّل يرسم علامات الرضا بإبتسامات = جزله كثير ولا رضى بالقليّل و رسمت وصف وحط جملة علامات = و صارت حروفي في عيونه تزيّل و احترت , في قرب وبعيد المسافات = ولا ودي اجفِّل شبيه الغزيّل |
تعال قنّدني من البن فنجال =
و اعطيك من كيف القوافي جزيله و احدد التصوير و ابني لك اطلال= تبقى لك الذكرى سنينْ طويله |
ليلي ينادي للسهر يكتب امثال =
و تشكيلة الألوان تبقى قليله لو برسمك يا نجم في عالي العال= لميعك الباهر حرق للفتيله و رغم اتساع الجو مشحون باهوال = و هاجوس فكري في السما له دليله |
أتدري إذا نطق اللسان تلعثما =
فأدنِ اليراع لعل أن يتكلم سحر البيان اليعربي بضادهِ = بفصح لسانٍ قد يناجي الأنجم |
| الساعة الآن 09:51 AM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir