يا صاحبى والله ما عندي سناب
لو شفت لى صورة وجاتك علومي

يا صاحبي يمكن أسوى لى سناب
متردد أسويه مدرى وش قومي

‏جيتك وكم الحزن والضيق ولاّ
أنا معاك أحس بإحساس ثاني

صحيح كان مْواجهك ساعه إلا
لكن قسم بالله كنها ثواني

ياقلب ياقلب الشقا ويش مغضبْك
من جور وقتك صايرٍ بك حماقه

ماخذت عبرة من نتايج تجاربْك
عكست مفهوم العداوة صداقه

ياما غلطت وغلطتي من سبايبْك
تدخل مجال(ن) وانت خارج نطاقه

ماني على شيٍّ مضالك معاتبْك
لازم نصحح نقطة الأنطلاقه