‏انا مع الناس كنّي نايم وحالم !
متشتت الفكر لاهاذي ولا ذيّه ..

قررت اجدّد علاقاتي مع العالم !
واصير رسمي واعيش بدور رسميه ؟

حبها سكن بداخلي واستوطن القلب ..
يعلني دوم يارب فدوه قدمها


يسألوني عن الحب هذا هو الحب ..
حبها لوحه فنان ابدع ورسمها


اهداء لحبيبتي امي ..

طيف المفارق في غيابك سكني
وكل الدروب تحدني يم دربك


انا وشوقي في غيابك نغني
ايام حلوه كانت ايام حبك

لخاطر المكسور يا عاذلـي طـاب
والوقت ما قصر محـا كـل تأثيـر

والمخطي اللي من كثر ما خطا صاب
يشفع له انه لا وقف وقفتـه غيـر

للصدر بوح وللمدامـع سواليـف
.............. وللسجه اللي كل ساعـة حكايـه

كتمتها ليـن أوقدتهـا الصواديـف
.............. ورويتها والحـزن صوت الروايه

عن ماخسرته .. قد قطعت التحاسيف
.............. ليه اتحسـف والعمر .. فالبدايه

أفنيت حالـي بالبـذل والمعاريـف
.............. و لا طلت غير جحودهم فالنهايه ..!

الحل أصد وصدتـي صـدة معيـف
.............. وأقفي .. وهم أدعي لهم بالهدآيه