المشاركة الأصلية كتبت بواسطة شاعرة نجد (المشاركة 425893) يامرحباً اعداد مانبت زملوق=واعداد ماغنّى الحمام وُشعاني أطرب على بدع الجزيلات واتوق=ومْجاريات اهل البيوت السماني جزل القصيد يشوق ابن روق ويشوق=كل البشر منذو قديم الزماني جاني مع الارسال همال وبروق=قطعة سحابه عذب ماها سقاني ونظمت من ماجاد به خاطري طوق=وغنّت مزامير القريحه عشاني وغنيت لو حرفي من الوجد مخنوق=بْعذب الجديد اللي يجمل لساني للشعر والشعار مقدار وحقوق=عندي ليامنه على اسمي لفاني لـ .صاغه الشاعر على حسن منطوق=مفهوم,لو يحتاج له ترجماني في ساحة الابدااع واثق وموثوق=من بوحه الفاخر حجز له مكاني يهيض المشتاق ويسخّن الشوق=ويبعثر الاشواق في شكل ثاني,

المشاركة الأصلية كتبت بواسطة ناصر الهواوي (المشاركة 426034) اهلا ياعازف معك على الخط لكن اشوف العالم باسماء مستعاره وجعلتها طلاسم بسم مستعار ههههههههههههههههههه هلامرحبا ماجا لوبل المزون رشاش=خذاني حلاها عاش من صاغه عاشي ياعازف ما كل اللي يشيِّل قناته هاش=صناعات صينيه لو الاسم هيتاشي انا قبل يوم ارسلت لي يمكم بفلاش=قلت ان الزخم بعد المقانيص متلاشي لكن الفكر يامسندي صار به قرقاش=وانا ماقويت بقرقشة هالخفوق آشي اخاف الفهوم اتطير فيها فداك اللاش=وانا اشم ريحة برعمٍ بالغصن ناشي وانا افضل الـ آيسكريمه على الفشفاش=لوكانت تقرمش في فم الزول قرماشي

شعاني سنا برقٍ ومنه اللخيال انداش=سحابه مطرها تقل طلقات رشاشي
وانا مدفعي جاهز وشلفاي والرشاش=والا ثارت الهيه فلاني بمنحاشي
وما جا بلاش يروح يا صاحبي ببلاش=ومن جا بلا دعوه يدور له فراشي
وهذا الفضا تلقى به البيض والاحباش=ولا يملكه عزام ولا ابنه شلاشي
وما اخفنه الايام نظهره بالمنقاش=ويطرب لللاسماء راس مطنوخ شواشي

مساء تحريك سكون الاحزاب
كيبورديه:smile:

العاصفه,القاصفه,تبيد من قدامها=ياويل من نفسه تسوّل له تحدّا العاصفه
نجومها لا والله الا سْيوفها واعلامها=تشهد زعامتهم وهامتهم شهودٍ ناصفه
وان هدّت الاحزاب والا لابغينا اعدامها=ما تاخذ الا ربع ساعه من قذيفه قاصفه

المشاركة الأصلية كتبت بواسطة شاعرة نجد (المشاركة 426181) مساء تحريك سكون الاحزاب كيبورديه:smile: العاصفه,القاصفه,تبيد من قدامها=ياويل من نفسه تسوّل له تحدّا العاصفه نجومها لا والله الا سْيوفها واعلامها=تشهد زعامتهم وهامتهم شهودٍ ناصفه وان هدّت الاحزاب والا لابغينا اعدامها=ما تاخذ الا ربع ساعه من قذيفه قاصفه

الشاعره الماهره قام تسن أقلامها=لين استوت قدامنا والوضع كيف أباصفه

والله لاطوع لاجلهم ما سطرت بابهامها=ولا هي بقصة هاجس تقاسموه مناصفه

ترى التواضع للبشر باوجاعها والامها=يستر قبيح عيوبها لأنه لها أحلى صفه

المشاركة الأصلية كتبت بواسطة شاعرة نجد (المشاركة 426181) مساء تحريك سكون الاحزاب كيبورديه:smile: العاصفه,القاصفه,تبيد من قدامها=ياويل من نفسه تسوّل له تحدّا العاصفه نجومها لا والله الا سْيوفها واعلامها=تشهد زعامتهم وهامتهم شهودٍ ناصفه وان هدّت الاحزاب والا لابغينا اعدامها=ما تاخذ الا ربع ساعه من قذيفه قاصفه

العاصفه مثل الهبوب البارده وانسامها= لاقابلت حزب السعد بالعاصفه ماناصفه

اربع دقايق ماتزيد وتعلن استسلامها=اطويق ماهو شجرةٍ لقح الرياح اتعاصفه

حزب المدمر خلفها وحزب السعد امامها=امّا كلينا حزبكم والاّ نبي نتناصفه

المعاني كنها صارت نحاوي=يمنا والله يعين اللي نوانا
عدنا ياشيخ سموه الرهاوي=وبالملاقى عزتي للي جهلنا

ياقلـب وان حسيـت بـعـض الـمـراره=خلـك عـلـى مـلـواك والـسـر كتـمـان
حـتـى الـزمـان إلـلـي تـعـلا مـــداره=نصبـر ويـرجـع والـعـزا دار ووطــان
ياقـلـب قــدري ماتضعـضـع مـنــاره=طبع الوفاء سلمي على مر الازمان
أتـلـى الـزمـان إلـلـي مـثـور غـبــاره=لابـد مـا يَسكُـن وتخضـر الأَ غـصـان
وان لـــذت بالله فـالـمـعـزه بــــداره=وطلب كريـم المـد فـي كـل مـا كـان
الـواحـد المـعـبـود يـسـعـد جـــواره=فـي مدتـه يرجـح علـى كـل مـيـزان
كـلـن رجــاه وطـامـعٍ فـــي عـمــاره=واللـي رجـا غيـره بـلا شـك خسـران
حتـى الشيـوخ اللـي تعـلـى الامــاره=تجـود مـن فضـلـه وتطلـبـه غـفـران
وصــلاة ربــي عــد رمـــل الـزبــاره=على النبي المختار مـن نسـل عدنـان

اليا غنت الاحزاب غنيت مع حزبي=تهيض القريحه يوم كلن مدح حزبه
وترا العاصفه هبت على بيوتهم هبي=هذا تشلح اشراعه وهذا شلع طنبه
وانا البارحه قامت هجوسي تلاعبي=وحارب لذيذ النوم عيني ولاطبه
سبايب هنوف حبها باالحشى شبي=خذت قلبي المسكين ووقعته بغبه
ليا قالت انت الحب تعال ياحبي=انا عاشقه شخصك وغيرك مابي حبه
وخلتني بحيره ويدي على قلبي=بعد ماعطاني هاالحكي راح في دربه
وانا بسئل العشاق مال الهواء طبي=من يعرف له طبن يزودني بطبه

المشاركة الأصلية كتبت بواسطة النجلاء (المشاركة 426404) عازف الشوق صح الله لسانك ملايين على هالرائعه وان كان لقيت لك طبيب جيبه وياك لشباب اللي هنا ترى فيهم اجر ههههههه رحوله صح ذوقك ياقمر حضور مميز وذائقه راقيه المهره تسلم يمينك ع الغداء كريمه وبنت كرام صدود اخبارك ان شاء الله مرتاحه خلاص ان شاء الله قرب الاعدام >>>>> قصدي الافراج ههههههههه

العاصفه فوق الثريا رافعين اعلامها=اشبور اهلها طايله وعقول اهلها حاصفه
لولا تهاونها بهالشله وثقل احلامها=كان اضغطتكم ضغط تمرٍ رص في وسط اخصفه
مانلتفت لمهايط حزيب السعد وإعلامها=وحزب المدمر قد رغا في عرفنا مله صفه
ـ

شعاني تقادح بارقٍ نايضه مغباش=اخيله وانا بالسطح جالس على فراشي
حراويه من هضبة سويقه الى النشاش=تروع رعوده من يخيله وينحاشي
وانا ياحبيس اللي تبي /مع جرد كلاش=له نوزٍ يخاف المرتشي منه والراشي
ولي خافقٍ مامون بس ابيضٍ كالشاش=ونابين من ناشن مواطيه ماعاشي
لكن وش لزوم السيف والرمح يا عفاش=أمن هاهنا ما عندنا حرب وهواشي

المشاركة الأصلية كتبت بواسطة ناصر الهواوي (المشاركة 426446) العاصفه فوق الثريا رافعين اعلامها=اشبور اهلها طايله وعقول اهلها حاصفه لولا تهاونها بهالشله وثقل احلامها=كان اضغطتكم ضغط تمرٍ رص في وسط اخصفه مانلتفت لمهايط حزيب السعد وإعلامها=وحزب المدمر قد رغا في عرفنا مله صفه ـ

:band: