|
النجلاء انتي وين تلقين هالتصالي صراحة ما تجيبين الا الخيار لله درك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ لو تسمح ترا الاصبع على ايقونة الاوكي=والجوال في كفي لعلك اتهاتفني بعدك يا غناة الروح كاوي فودي كي=ما لاف الملوح عقب ليلاه لايفني على الكف خدي واركز الكوع له واتكي=وجفني يقول النوم من غبت عايفني ايس واتراجع للامل والرجا بلكي=بعين المروفه يوم مريت شايفني |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
صح الله لسانك يابو عبيد
واهم شي تعجبك تصالينا طال عمرك |
تسليه :8: يآ ضلوعيّ ليه أحسسك ترجفين ْ ؟ نآآم فيكّ الحزن .. ولآ خايفه ! يآ ضلوعيّ و أن شعلْ فيك -الحنيّن الظروف ومثل مآ أنتي شايفَه ! ~~~~~~~~~~~~~~~ ماسلكـت مـن الــدروب الاَ دروبــك ومـا فقـدت مـن الغـيـاب الاَ غيـابـك وما اقترفت مـن الذنـوب الاَ ذنوبـك وما حسبت من الحضور الاَ حسابك وما عشقت مـن العيـوب الاَ عيوبـك وماشكيت من الجـروح الاَ صوابـك |
تسليه
طال البعاد ولع القلب فرقاك ومن غيبتك صاب المولع مضره اسهر طوال الليل واعيد ذكراك واراجع الماضي وبالقلب حره يذكر زمان فات بالخير وياك الله يعيده لو بالايام مرره |
أحبك بإختصار ومن دون
تفكير وشلون ماأحبك وأنت أستاذ المحبة خذني طالب عندك توه صغير ياروح روحي دونك أنا بغربه |
النجلاء المهره مساكن زنجبيل وقرفه وقرنفل
وش بكن علينا الليله كان خليتنا نسبح بعد الفطر هههههههههههههههههههههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ لي عوده بعد الصلاه ان شاء الله |
تسليه ياحبايب قلبي انتم امووووواه
ابو عبيد منت فيها والخشنين كلهم ماهم فيها مواه خاصة كيبورديه في وقتها
ابا اعبر عن الي في خفايا صدري الكدري=لعلك بس لا شفت البيوت اتعرف مقصودي انا يحرم حرام اني مولع فيك من بدري = على شانك ومن شانك بذلت الك انت مجهودي اعرف انك تعرف اني ونا بالي تعرف ادري=وعرف انك تعرف اني صدوق السان وسعودي ربيت العز كله ماعرفت الذل والغدري=لعلي كان ماقلت الصدق باكلني الدودي الا ياعود راك خالطه غصن{ن} من السدري=تراني مابقالي صبر يلزمني على حدودي ابيك اتقول ياراع الغنج يالناعس الخدري=كلام يطرب الخاطر وخذ ناقصك من زودي |
صح لسانك يالروقي
جزل ومبدع يعطيك العافيه |
صح لسانك يالروقي على هالعذبه المجهه والمركزه
مبدع ماشاء الله لاهنت وبيض الله وجهك ــــــــــــــــــــــــــــــــــــــــــــــــ دردشه مع النفس فقط احسب إن سن العقل لاطلع كلٍ عقل=واثر مطلاعه دليلٍ على زود الخبال قاف من بدع الصفا لا.انتحال.ولانقل=دارت الفكره براسي وسويته مقال قمت اقارن بين خفه بي وبين الثقل=ولا اقتنعت من النتيجهوتفكيري لازال واعتقد ان نسبة العقل متوسط واقل=وودي ارفع نسبتي لين اجي بين الثقال ماتدري وش الليله توافق من التاريخ=لكن من يعد اكيد يعرف وش اتوافق ثقيل العتب ماهو بعيدٍ عن التوبيخ=له نبره تهز الروح وتغربل الخافق كثير التغلي معه يمحى الغلا وايبيخ=خصوصا مع اللي ما تزعل ولا نافق ليه اتمد زقمك كلما قلت(لاااااااياشيخ)=ليه الغطرسه دايم مع اخلاقك مرافق من اول خلوق وصرت جافي وكبر التيخ=هبوب الكبر يلعب بك اليوم ويصافق |
اقتباس:
الله الله صح الله لسانك ياولد روق رآآآآآآآآآآئــــــــــــــع |
ابو عبيد صح الله لسانك على الدردشه والشطحه الكايفه
ولاهنت على الحضور الرائع والسجين وينه ماشفناه عسى ماحاشته عدوى جيرانه ترى ماتقصد ابو مشعل هههههههه |
تسليه :crash: يشتاق لي والشوق كله تعاجيب وأنا أدري أني طبه إلا علاجه وأشتاق له والشوق فيني لواهيب وأنا أشهد أنه كيف قلبي وتاجه والله أحـبه دون زيف وأكاذيـب أشتاق له وأحيا بفلت احجاجه ياشوق ياشوق الشعر والمكاتيب ود الخبر للزين ياشــوق ناجـه واسلم وسلم وأختم الخبر بالطيب قله تمام الـهرج حـين انتواجـه |
من السجين ياجماعة الربع(اذكر ان الغنامي سجن نفسه) بس خرج ولم يعد والمشكله ان الربع من خرج لم يعد
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ تكلم برفع الصوت والا تكلم همس=الاالصمت منك ان طال يالترف ما ليبه لو ايصير فيه من الكلام الرقيِّق رمس=ما ينفك سمعي يرتوي من تعاجيبه |
صح الله لسانك يابو عبيد
والسجين الغنامي |
الغنامي يبا سنع بس انا ذالٍ منه لكن يقولون الذل قطاعٍ من المراجل ويقولون من ذل سلم واشوفني ارجح الثانيه
لكن بعد الصلاة لي عووووووووده ان شاء الله |
صح لسانك ياابو عبيد
مبدع وجزل صح ذووقك يانجوله |
حيااااااااك يالغنامي وبالهنا والعافيه ان شاء الله
http://dc03.arabsh.com/i/01764/ieoi1bo11c1d.gif http://i581.photobucket.com/albums/s...g/pic14604.jpg http://bo7.net/wp-content/uploads/2014/02/352927.jpg http://uploads.sedty.com/imagehostin...1343246822.gif |
الله يهديك يالنجلاء ابك الغنامي انا خابره ان طاح بالدباعين ذلي والله ان تدج التجره ويمكن يفصل بعد عن الوظيف كان الصقعي يسد عن البرحي والحلويات ـــــــــــــــــــــــــــــــــــــــــــــــــــــــــــــــــــــ من عين الغنامي اللي له ليالي ماحكى=يمكن نسي عمره على الصامت ولا دق اجرسه يمكن سكوته ضيقه او تكتيك مدروس و ذكا=ويمكن خلاف اللي ذكر كله وربه يحرسه مجلد بقيده لاعلوم ولا من الوحده شكى=لازم مدرس علم نفس يشوف حاله يدرسه |
ههههههههههههههههههههههههه يابو عبيد هالاكل كله مايسد جوع ثلاثه ايام اللي راحو
صح لسانك يابو عبييد وبيض الله وجهك على الحضور المميز صح لسانك يالروقي المهره صح كلك ولاهنتي صدود صح كلك ولاهنتي على الحضور النجلاء . اميره المكان والزمان . الله يكثر خيرك ويسلم لنا ذوقك الجميل __________________________________________________ __ كيبورديه لا تدققون فيها هههههههه انا لي ثلاث ليال ماذقت طعم الزاد=ولو ان ماهي في الرواسي من العاده سجين القوافي ماعنه ياعرب نشاد=لو انه بدون فراش ولحاف ووساده غزاء الهم صدري يالهواوي بلا ميعاد=وانا عارفٍ ماهوب وقته وميعاده صحيح الليالي حاربتني على الاشهاد=وانا فالحروب البارده عندي اراده لجل عين طرقاً شوفها ثالث الاعياد=ابا اطلق عقال الهرش ذالليل وقياده عيونٍ طبيعه كن فيها خجل ورقاد=فداها من الذود المزايين جلاده عقب شفتها الحب القليل طفر ثم زاد=وهي وافيه ماهيب خبله وجحاده |
الله الله
صح الله لسانك يابو عبيد وصح الله لسانك يالغنامي على هالدره وفايف ستار لشعرائنا المبدعين http://btaentertainment.com/images/5-star-gif.gif |
بيتين على الطاير وبكملها بكره ان شاء الله :)
شوف سود العيون الناعسه ياحبيس=اشهد انه لروحي سبت علاجها عقب ماكنت ضايق صدر وجهي عبيس=شوف عيني بعدها يضحك حجاجها |
اقتباس:
صح بدنك يانجول وشوفك افخم ستار دمتي بخير |
كيبورديه على الطاير
لاتدققون نامت عيونك وانا عيني جفاها المنام=أسهرت عيني وعينك طايبٍ نومها قبل اعرفك ماسهرت الليل شوق وهيام=ولا أقبلت لي منايا الموت وسهومها ومن عقب ماشفت عينك ياظبي العدام=ما لوم عينٍ جفاها النوم مالومها غنت على الحاير الجاري فروخ الحمام=لين انتهى ليلها مدري بداء يومها محبتك نار ماهي برد ولا سلام=وش قومها غير حب الناس وش قومها |
اقتباس:
ابيات جميله كجمال حضورك المميز لاهنت |
لاوالله اللي نويت عل الكمباك مافيها هرجه انتضروني قليلا هههههههههههههههههههههههههه
|
اقتباس:
الله الله صح الله لسانك يالغنامي رآآآآآآآآآآآئــــــــــع |
اهلا بالجميع وحياكم الله
الغنامي/المهره/النجلاء/صدود /اليامي/وزوار المعتقل صح لسانك يابو بندر وصح لسانك ياحمد وصحت السنة خواتنا الغاليات اثر العرب ما يجون الا ليا اوحوا صياح=لو كنت اعرف الخبر لااصيح واومي لهم سجيننا من كثر شوقه بما اخفاه باح=اثره يعاني هموم وزاده السجن هم كلبشته ردته عن شوف ضبي البراح=لو نال حريته كان لوليفه جهم متعشم بكلمه وبسمه دوى للجراح=وخايف من العكش لا ترم الفواد بسهم عزي لمن صوبه رمش النواعس وطاح=ان ما عطي بلسم لجرحه حصيله وهم |
اقتباس:
صح بدنك يالاميره الرائع وجودك واطرائك العذب |
اقتباس:
ههههههههههههههههه ارحب ارحب يابو عبيد ابو عبيد انت نسيت المقوله اللي تقول مايطلع الرجال غير الصياح ولا النكاح ههههه صح بدنك يالامير وصح لسانك على هالاكتشاف الخطير هههه |
صح الله لسانك يابو عبيد
ولاهنت على الابداع والحضور الفاخر تسليه https://www.youtube.com/watch?v=uq9VAyPTTBE |
هلا يالغنامي وصح بدنك ولاهنت وبيض الله وجهك
والله ما قدرت اكتب لكن الصباح رباح |
تسلية
قـبـــل الــغـــرام وقـــبـــل مــااصــيــر .. مـغـلــيــك أعـاهــدك مـااقـــول : غــيــر ..( آمــــروســــمْ ) حـتــى لـــو إنـــك قـلــت : بــرحــل .. وأخـلـيــك بــقـــول لـــــك : تــامـــر عـــلـــى مــاتــبــي .. تــــــمْ رايــــح أكــــون إنــســـان .. يـفــهــم مـبــاديــك أشــاركــك بـالـضـحــك .. والــحـــزن .. والــهـــمْ مهـتـم بــكْ .. وأغـلـي بـعـد مــن .. يخـاويـك ومـــــن لايـهــمــك مــانـــي ب فــيـــه .. مــهــتــمْ وان قلـت لـي وش كبـر حبـي بخافيـك ؟؟ أقــول أحـبـك .. بــس .. مــدري أنــا كـــمْ !! أبــــيـــــك تــســرقــنـــي .. لروووعة مـــراســـيـــك وأمـــوت بـــك مـوتــة غـريــق ٍ .. وســـط يـــمْ أبــيــك تــــدرك يــــوم انــــا جــيــت أمـاشــيــك قصـدي تكـون أقــرب مــن .. الـخـال والـعـمْ قـصــدي أعـشـقـك .. وأتـمـنـاك .. وأرجــيــك وأشفق على شوفك.. وضحكك .. مع الضمْ أبـيــك تـفـهـم ..!! يـمـكـن أقــبــل تـمـاديــك وأســامــحــك لااخــطــيــت .. وأقــــــول : مـــاهـــمْ لكن ..!! لـو إنـك قلـت : برحـل وأخليـك!! بــقــول لــــك أبــشـــر .. عــلـــى مـاتــبــي .. تـــــمْ |
اقتباس:
ذائقة مميزه صح كلك |
صباح الخير ياهل المحل
تسلمين ياصدود على الانتقاء الجميل اهلا يابو محمد وزارتنا البركه بصراحه ابا اراجع ما سبق حتى اعرف احكي هههههههههههه يغول الصبر كف الرجا لليال البيض=وتروح ابتسامات القمر معه مخنوقه ياويل التسرع ينقهر من برود الريض=ليا قال وش معجلك الايام ملحوقه ينتك الصدر من ما تحاشا به ويفيض=بما يخنلج به هاجس الشعر وطروقه يحن ويون امرار ويهجرس بقريض=كن اصفر عفيف من التعب باركٍ فوقه هذا الوسم من مده طوينا ملف القيض=راع البر ماله عذر عن بره ايعوقه قبل البرد ما يجعل بخار البحر نفيض=تسمع بالخيال ارعود وتشاهد بروقه سقا الله حزومٍ شاسعه بايسر المفيض=بها دجت لكن دونهم مالها لوقه |
يابو بندر كان لك نيه تفك قيودك=لا تعديها يدين اللي لفاك مسيِّر
الكفاله جد لهم بابياتها من جودك=بو محمد عاصمي واراه وجهٍ خيِّر |
صح الله لسانك يابو عبيد
صدود تسالي ذوق ياذوق |
تسلية
كل مااطربت للقيفان والجو زان=عكر الجو هوجاس{ن} بقلبي نشا من صدوف الضروف ومن خبال الزمان=والله الي يسويها على مايشا ون زبنت الضعيف وقلت يافلان لان=مثل من هد طير{ن} مايضوي عشا والخطا مني اني قلتله يافلان= كيف جتلي وهي ماهي بعادة حشا وصاحب السر يزري لايشيله وخان=يودعه عند مثله مايحفض ومشا العرب فيهم اقشر مال قربه طمان=لو تجود بثوبه عن كبيرة وشا |
الهواوي
صح لسانك مليوون محمد الروقي صح لسانك على هالمترفه صدود صح كلك من كل شر ذوق جميل |
الهواوي
صح لسانك ملايين صح لسانك يالروقي لاهنت يااخوي صح ذووقك ياصدود |
| الساعة الآن 03:23 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir