ياود لاتظلم الود ..لون الأمل وردي وماهو رمادي..!!

[أحلام رماديه]

:

:




يا ود كل الناس .. والناس لك ود

عطني ودادك .. كان تبغى ودادي

ماجيت لك رقم ٍ واكمل لك العـدّ

ماجيت لك توّي مع الشعـر بادي

ماجيت لك من منتدى واشتكي صد

ماجيت لك شاعر مع النـت غادي

جيتك بحـَر يغلب على جزره المد

هادي .. ولو يكثر به الموج هادي

جيتك مـلـكـ مشـاعـره مالها حــد

جيتك مـلـكـ باسلوب ماهو بـ عادي

جيتك مـلـكـ ماله خصيم ٍ ولا نـد

جيتك مـلـكـ يحـب صفح الايادي

عندي مبادي .. عنـّهـا ما اتـردد

وانا افتخر لا قلت.. عندي مبادي

صادق واشوف الصدق لابدّ.. لابدّ

عنيد .. لو يرفض رفيقي عنادي

شفاف .. ما احـب المجامل مع الرد

طبعي كذا واضح.. صريح.. وحيادي

امزح بوقت المزح .. والجد.. له جد

وارفض ابالـغ.. لـو يطول ابـتـعادي

اعيش فالحاضر.. وعيني على الغد

لون الأمل وردي .. ولا هو رمادي

افتح عيوني .. والنظر فوق يمتد

هذا الفضا .. كله حدود لـ بلادي

يا ود .. ما كل البشر.. تفهم الود

يا ود تبغى الصدق.. ودك مرادي

:



:

اتمنى ان تكون ارتقت الى ذائقتكم

[الجـوووري]

::


لله درك يـ أحلام ذائقتك نقيه جداً
أعجبتني كل القصيده ..
وأعجبني أكثر البيتين
<<اللي هي عنوان القصيده ^^

حقآ استمتعت بقراءتها (:
امتناني وتقديري
http://www.trateal.com/vb/images/xx/icon%20(27).gif

::

[ترانيم ع ــشق]

:
طاب نبضك / حرفك
تقديري

[محمد الروقي]

صح لسانك ولسان من قالهااا

تقبلي مروري وكل التقدير

[راقي باخلاقي]

من جد في قمه الرووعه

سلم ذووقك الرائع

اعجبتني اكثير

[علي الزهيري]

راقت ثم راقت

سلمتي من كل عله

تحياتي

[أحلام رماديه]

:

:

تحيتي للجميع أعلاه :)

[تلميذة الايآم]

رووووعه بجد

صح لسانك ولسان قايلها

كل بيت احلى من الثاني

تقبلي مروري

[عـشـق]

أحلآم رمآديه
ذآئِقه رآئِعه ابدعت كمآ أنتِ دآئِماً
سلمت يُمنآك ...