أنا سميتك الدنيا وأنت وش تسميني ؟؟؟

[ترانيم ع ــشق]

فديتك ياهوى نفسي مع الشدات خاويني
فديتك لاقسى وقتي علي وناحت أشجاني

أبيك في لحظة الفزعه تحط يديك بيديني
وأبيك لياشكيت الياس تكون بساحة أوطاني

أبيك البلسم لجرحي وأبيك النوم في عيني
وأبيك اللي ليامني صحيت ألقاه بأحضاني

طلبتك يابعد ذاتي أماااااااااانه لاتخليني
تراني لو رحلت أبقى ضحية كيد عدواني

سألتك بالله الواااالي سألتك لاتجافيني
لأني أمووووت بغيابك ياروحي وجثماني

معي واصل مشاويرك أواسيك وتواسيني
معي إبقى مثل ظلي حذااااري لاتعداني

أبي منك الوعد إنك على غيري تبديني
وأنا هذا وعد مني ماأبيعك وأشري الثاني

وإذا بلسانك الصادق نطقت وقلت تغليني
أنا بأعلن خبر عاااااجل تعالوا إقروا إعلاني

أبكتب داخل الإعلان إلى من صار يغليني
إلى قلبي إلى عمري إلى من صار يهواني

إليك أهدي نغم شعري وكل عرق نبض فيني
وإليك أهدي شذى عطري وياسميني وريحاني

وأبكتب داخل الإعلان وصيه كان شاريني
معي بالطيب عاملني ولاتجرح بهجراني

ومهما تقسي الدنيا علينا لاتعاديني
ولاتسعى أبد في يوم في عندي وعصياني

أبيك دكتور لآلامي من أحزاني تداويني
وأبي لاكفت أبصاري تكون النور لأعياني

وأبي لافاضت أنفاسي تكون أول معزيني
وأبيك بيدينك الثنتين تلف الجسم بأكفاني

وبعد ماأكون في قبري تذكرني وتبكيني
وأكون حزن على بالك ماتغفل وتنساني

أبي لاقالوا العذال وش اللي بينك وبيني؟
تبسم وتدمع عيونك من الحسره وفقداني

وتجاوبهم إني حي وبالأضلاع تخفيني
وإني سلوة الخاطر معك لاصرت وحداني

أبيك تقول هو مامات أحاكيه ويحاكيني
أبيك تقول هو موجود وخبيته بوجداني

أبيك تقول هو دمي اللي في شراييني
لأنك دمي اللي كان يضخه عرق شرياني

وأبي لازادت جراحك تخيلني وتناديني
وتفتش داخل شعورك وتهمسلي وتلقاني

وإذا طال السفر إقرا كتاباتي ودواويني
وقل ياكثر ماخلي كتب لي شعر وأهداني

ترى لو للقصيد عيووون والله ماتقديني
لأني للقصيد عيون وإسمك رمز ديواني

وترى لو للحروف أهداب تعجز لاتغطيني
لأني للحروف إيحا ووحيك سر لإذعاني

تداركت الزمن يمك الا ياليت يمديني
أخاف أجيك متأخر وسيف الوقت ياطاني

نسيت من أجلك الصادق اللي الروح يعطيني
ونسيت الأول والآخر والقاصي مع الداني

وجاري المسح للباقي وأنت اللي تكفيني
حرام أحط معك غيرك وأحبك وأظلم الثاني

كفايه أنت في دنياي أمل باقي يسليني
أمل صوته إذا ضاع الأمل ألقاه بأركاني

كفايه همسك الحاني إذا جاني يدفيني
ويبدد وحشة ظروفي وتشرق فرحة أكواني

تراك بعالمي شمعه تبدد ظلمة سنيني
وتراك بدنيتي دنيا لها لون وشكل ثاني

ودنيا' مابها حسك ماأبيها وعمرنا فاني:

أنا سميتك الدنيا وأنت وش تسميني؟

[أحلام رماديه]

:

:

لاااه هذي مايبيلها تسجيل إعجاب وبس ؟

هذي يبيلها تصفيق وتحيه وإحنا واقفين ..

أعجبتني القصيده بجد .. وجاري لطشها ..

مشكوره وكلك ذوق

[الرعــد]

انا سميك الكون كله هههههههه
احساس عذب
نثر قلم سطر اجمل القصيد
يا بخت من كانت له ...ويارب يعرف صدق احساسك
ربي يحفظك من كل شر
دمتي بخير

[علي الزهيري]

تسلمين من كل شر

ابداع وحضور راقي

تحياتي

[محمد الروقي]

قلت لهم اختياراتك
اختيارات ناقد سلمتي ودمتي

يسعدك ربي مروري وكل التقدير

[ترانيم ع ــشق]

رمادية الهوى
::
سلمتي يـ عذبة الروح لـ حضورك الراقي
ممتنه لمرورك

http://up.m5h5.com//uploads/images/domain-06c3c39e0e.gif

[ترانيم ع ــشق]

الرع ـد
::
شاكره لكـ حضوركـ ..

سلمت يا راقيhttp://up.m5h5.com//uploads/images/domain-06c3c39e0e.gif

[ترانيم ع ــشق]

علي الزهيري
::
عظيم شكري لـ حضوركـ النقي


http://up.m5h5.com//uploads/images/domain-06c3c39e0e.gif

[ترانيم ع ــشق]

محمد الروقي
::
شاكره لكـ حضوركـ وأطرائك يا نقي

http://up.m5h5.com//uploads/images/domain-06c3c39e0e.gif

[قلبي ابتسم]

وه تاااااخذ العقل مغلفة باحسااااس جمييييل

[ترانيم ع ــشق]

قلبي أبتسم
ـ::
عظيم شكري لـ حضوركـ النقي


http://up.m5h5.com//uploads/images/domain-06c3c39e0e.gif (http://up.m5h5.com//uploads/images/domain-06c3c39e0e.gif)

[حمووودي]

أبيك دكتور لآلامي من أحزاني تداويني
وأبي لاكفت أبصاري تكون النور لأعياني

وأبي لافاضت أنفاسي تكون أول معزيني
وأبيك بيدينك الثنتين تلف الجسم بأكفاني


روووووووووووووووعه

مشكوووره اختي


على الطرح الراااائع


حمووودي

[ترانيم ع ــشق]

حموودي
ـ::
عظيم شكري لـ حضوركـ النقي


http://up.m5h5.com//uploads/images/domain-06c3c39e0e.gif (http://up.m5h5.com//uploads/images/domain-06c3c39e0e.gif)