جمال نجد وفتنة حايليه

[حلمي سراب]

هذي قصيده سمعتها واعجبتني للشاعر الرائع / حمد الســــعيد وحبيت انقلها لكم


لعلها تنال اعجابكم

ــــــــــــــــــــــــــــــــــــــــ

مات الجمر وقلوب الاحباب حيه ... والموت لا ماتت قلوب الحبايب

ياشيشتي لو فيك ذنب وخطيه ... معاك احس اني عن الناس غايب

العام كانوا لي من الاصحاب ميه ... وقت الرخا لكن جفوا بالنوايب

لاهنت يا قلبن شكى من خويه ... كم راس من طعنات الاصحاب شايب

مرات اقول ان الخبل يا هينه ... ولقيتهم يشكون ظلم القرايب

ومرات اقول النذل لا رحم حيه ... واثر النذل في بعض الاوقات صايب

يا نفس شيليها على السامريه ... شيلة طرب ماعاد فيها طلايب

وش لي بتنبيه القلوب العميه ... وحنا في هالدنيا دروب وركايب

ابتغزل في هذيك البنيه ... بنت تفل القلب فل الذوايب

كم بعثرتني واجمعتني هنيه ... بنفس المكان اللي جمعنا غرايب

يا ضعفها معهم وعندي قويه ... منها غدا ثلثين قلبي خرايب

مرباعها بين العيون الشقيه ... ومقيضها بين الجروح العطايب

ما اقول يذبح زينها بس هيه ... تلفت لها قلب عن الحب تايب

ولا اقول مغروره ولا هي خليه ... فيها دلع طفل تبناه شايب

جمال نجد وفتنة حايليه ... وش جمع الثنتين فيها عجايب

اليا اقبلت بين احسنات وسيه ... ياكثر ذنبي بين طيب وغصايب

واليا ادبرت في دمعتين نديه ... قلب معاها وقلب في الصدر ذايب

راح العمر ما بين روحه وجيه ... ياكثر غلطاتي ولاني بهايب

شب الجمر مادام الاشواق حيه ... وطف العتب والعمر ضحك ونصايب

[صمت،المشآعـر]

جمال نجد وفتنة حايليه ... وش جمع الثنتين فيها عجايب


يعطيكِ العآفيه على هـ الابيآت الاكثر من رائعة احترت ودي اقتبس كل الابيآت لكن شدني هـ البيت ،
يابعد حيي ياحلمي سرـآب ، تقبلِ مروري ،،

[حلمي سراب]

يابعد حيي انت مشكور عالمرور الرائع

يحفظك ربي

[محمد الروقي]

تسلمين حلمي سراب

على النقل المميز مع خطاء الشاعر بكلمة ياشيشتي


يعطيك العافيه حلمي سراب

[حلمي سراب]

دامه يخطي خلاص ماراح نخليه يصير مع لجنة التحكيم في شاعرالمليون وبنخليك انت الا جد ليه ماتشارك في البرنامج
مشكووووووووووووووووور عالمرور الرائع

يحفظك ربي

[محمد الروقي]

اذا كانت كلمتك نقدااا على ماقلت

فالشيشه من الاشياء المحرمه والمفروض انه لا يجعلها
من الاشيا التي بها خير لان الشاعر يتابعه المراهق والكبير والصغير

ياشيشتي لو فيك ذنب وخطيه ... معاك احس اني عن الناس غايب

اعترف انها ذنب وخطيه
هذ ا هو قصدي واسف لو غلطت عليه

[حلمي سراب]

لا كلامك صح ميه بالميه

ومعاك حق المفروض مايكتبها

يعطيك العافيه

[علي الزهيري]

سلمتي من كل شر

نقل رائع وحضور مميز

تحياتي

[ترانيم ع ــشق]

صح لسانك ولسان قايلهـا
::
حلمي دووم مبدع ـه .. فديت حايل واهلها

[حمووودي]

مشكوووره اختي

على الطرح الراااائع

[حلمي سراب]

مشكورين عالمرور الرائع

[حلمي سراب]

صح لسانك ولسان قايلهـا
::
حلمي دووم مبدع ـه .. فديت حايل واهلها


فداك الكون كله رنوووووووووووم