مرسى ( هاجوس فكري ) الرواسي

[كديميس السيحاني]

قرائي الاعزاء

أينما اكون يكون حرفي معي

واتمنى أن يجد زائر متصفحي متعة التصفح

هنا في مرسى

( هاجوس فكري )

رواسي نجد



في رواسي نجد مرسى هاجس افكاري ينادي = مرحبا يالزاير , الفنجال باليمنى نمده
إن تصفحت القوافي و إن تصفحت المبادي = ما لك الا مايسر لخاطرك و العلم عده



,
,,
,

[كديميس السيحاني]

خذ جديـد النظـم والنظـم القديـم=سيّد الإحساس خـذ منـي جـواب
في عيون الشعـر ياعيـن العديـم=بارق الأشواق مـا دونـه ضبـاب
كم بصدري للرعـد تسمـع هزيـم=كل ما ناضت بروقك فـي السحـاب
وكم على شانك بنظم الشعـر اهيـم=كل ما ناظرت صفحـة مـن كتـاب
وكم نظرت احزانـك بدمعـة يتيـم=كل ما افهم قولك بفصـل الخطـاب
وكم من اجلك ادعيت انـي غشيـم=و استثيرك عطف مع لين الجنـاب
و مستحيل انهرك لو في الجو غيـم=و انت لك في الصدر روضاتك رحاب

[كديميس السيحاني]

ياشيب عيني منك يا الريم شيبـاه=جننتني من قبل لا اصمل واجننـك
مر(ن) توردني متاهـه ومضمـاه=و مر(ن) تفر الفكر معك بتفننـك
حيرتني و الفكـر حايـر بدنيـاه=عسى تزبّني مثـل يـوم ازبّنـك
لو كان وصلك بس حرف و مناجاه=وما فيه من مثلي بالأيمان طمّنـك

[كديميس السيحاني]

في ميزتك يانهر ما توصف بخيـل=لفيت ضامي والصدر يبغى انشراح
على ضفافك حط لي فـيُّ ضليـل=متعة نظر واعل من عذبٍ قـراح
و اصبح اسيرك طول ليلي والمقيل=ما اطلبك رأفة لجل تطلق لي سراح

[كديميس السيحاني]

العمر توّه لو تسمويـت شايـب=ما دامت الانفاس تأخذ و تعطـي
و الجرح غاير لو يقولون طايب=بنى عليه الصبر لو هو بقى نـيّ
و حطي لذكرى العام قبر ونصايب=ما قيل بأن الميّت ابقى من الحي
و القبر لو هبت عليـه الهبايـب=ما تاخذ الانفاس منها ولا شـي

[كديميس السيحاني]

ان كان حدسك حي ياشوق ما مات=كم بيت من نظمك يجي نبع من زم
في ساعة الافكار كم راحت وجات=توارد (ن) فيها الخواطر على الجم

[كديميس السيحاني]

الا ياحروف الصمت اقدم لـه الاعـذار=ولا يحتسب غلطة ( على البعد) مقصوده
عشقته بليا طوع منـي و دون اختـار=سلاطين حبه حرف لو ما اعرف سدوده
تلاقي صدف و اثر الصدف تتبع الاقـدار=ولا كنت اضن انـي تعديـت لحـدوده

[كديميس السيحاني]

وين انت ياللي معاك الفكر شد الرحال=اقسم برب البشـر غيبتـك ياشينهـا
ماعاد باقي لصبري يا وليفي مجـال=هذي رسالة و تشرح لـك عناوينهـا
لا تحسب اني دلوه وسالي بكل حـال=لو ضحكتي للملا بانـت مضامينهـا
أناشد النود و إن هبت هبوب الشمال=و البوصلة تتجه للغرب فـي حينهـا
و اقول طال البعاد ايوالله اليوم طـال=و ش فايدة صفحة المرسى وتلوينها

[كديميس السيحاني]

انادي لك ليا حـل الظـلام بستـره المزعـوم=وليفي يوم توصـل لا تمـن بروعـة فنونـك
ولا تأخذ علي بخاطرك و تقـول لـي منجـوم=أنا اللي في جراهيد الخيـال اجـاوب شجونـك
وأنا اللي ما اتعمد قطع وصلك علم والا حلـوم=اعاني للأرق و انتي يحول البعـد مـن دونـك
لو الجلسه على الشاطيء يسامرنا قمر ونجـوم=بنظراتك , تناديني , تهدينـي , علـى هونـك
و اترجم معك احاسيسي , على دربٍ لنا مرسوم=تفضفض لك مشاعر صمت تطلب ضافي ردونك

[كديميس السيحاني]

حاولت ارتب وقت نومي ولا فـاد=النوم مستعصي بغفـوه و قومـه
و غديت أنا والليل في حرب وجهاد=و من الأرق , جفني كِره قل نومه

[كديميس السيحاني]

انتي بطبعك كما موج البحور الطامـي=كل ما يقبل على الشط انكسر مرجاعـه
و انتي العد القراح ولا يـورّد ضامـي=يُعجز اللي يارده لو هو طويل (ن) باعه
و انتي الدرّه ودونك يعجـز العوامـي=وانتي ابعد من نجومٍ في السماء لمّاعه
و اعذريني لو سبحت بعالم الأوهامـي=يوم صرتي نور فجر , ونجمه بمهجاعه

[كديميس السيحاني]

لعبت دورك بكل الفن واتقنته = لو كان ماجبت لي طاري المحبيني
والشوق لك في حروف الشعر بينته = قلت الغلا لك علن يمك يقدّيني
ويوم إن ودي مع الاحباب قارنته = ودي لك اللي مرجّح للموازيني
و من بعد ما رجّح بميزانه اعلنته = و انته تصدد يسار ومر (ن) ءيميني
و ما ودي انك تصير الا مثل ما انته = لو كان في البعد تذبحني وتحييني
و أنا اشهد اني معك عهد الوفاء صنته = و خليت قدرك مثل قدر السلاطيني


,
,,
,

[كديميس السيحاني]

ليا غنت طيور الفجر فرحانه بشوف النـور=ولا تحسب حساب إنه يجيها مـا يكدرهـا
يودّع كل طاير عشه , ولا يعرف المحـذور=بتغريده يغنـي للطيـور اللـي يحاورهـا
اشبه به قلوب العاشقين , اعشاشهن صدور=لكن الفرق عش الطير ما يشكي مهاجرهـا

[كديميس السيحاني]

وين العلاج اللي يهدي ثورة اعصاب العنيـد=إليا حصل لي شد للاعصاب ياعيـن المهـاه
بيني و بينك ما قدر فل الحديـد الا الحديـد=قدرت تتسيطر على قلبـي و منيـت بـدواه

هذا و انا من قبل اعرفك كل ما يكفخ يهيـد=و اليوم اشوفه صار قلبي ناقل(ن) داه برداه
امانتك لا تسـرف بقلبـي وتبتـر للوريـد=ثم عاد ما تلقى وليف (ن) صد عنّك من حياه

[كديميس السيحاني]

الليل يستنبط حروف الحقيقه = يعطي ولا يأخذ ولا يوصف بخيل
هات القوافي هذي اسلم طريقه = تجلى همومك بالسهر والمواويل

[كديميس السيحاني]

يجي على حس الاصول العريقه = ما يردعه ظلمى ولا يردعه سيل
ولو القوافي ما تطفي حريقه = كان احترق صدر (ن) حياته غرابيل

[كديميس السيحاني]

إن بخلت بجرعة البلسم لطب جروحـي=لا تقول الجرح ليه ابطى وهـو ماطابـي
والله اني كل ما اشـم العبيـر يفوحـي=صرت شرِه بكثرته و اشفق على الاطيابي
لو تقول اني شرِه يالصاحب ومشفوحـي=قلت هذا الصح لو هم يزعلون اصحابـي
مير لا تبخل بسجعك ياحمـام الدوحـي=كل ماهبت هبوب النـود هـد اعصابـي

[كديميس السيحاني]

ما يهيضني و يجبرني على بدع القوافـي=غيـر طـاري نجـد يـا نجـد المسمـى
فـي ربيـع وقيضـه وعـج وسـوافـي=لـو عطشـت بنجـد كنـي وارد الـمـا
ولو مشيت بنجـد فـي رمضـاه حافـي=عندي الرمضا حرير وصارت الاقدام سلمى
ولو ب/ احـادث نجـد يبسـن الاشافـي=يعجـز المنطـوق لـو بالـقـول هـمـا
هـي مـلاك الارض و المجـدول ضافـي=كـل مـا تضفيـه , عـنـي زال هـمـا
وهي سهام العشـق مـن زرق الشلافـي=قاتـلـة عـاشـق ويفديـهـا بـدمـّى

[كديميس السيحاني]

وصّلتني نجـد للنظـم الفصيـح=والنبط قد صغت منه ارقى البيوت
لا تجادلني بعشقـي يـا مليـح=طاري اطريته عليّه مـا يفـوت
كيف تسأل صاحب القلب الجريح=من غلاه لنجد كـن الـدم تـوت
فدوة لنجد المسمـى والصحيـح=من قتل لعيونهـا لا مـا يمـوت
كلّي عيون ٌ لها وقولي صريـح=والدعاء يحميه ربي في القنـوت

[كديميس السيحاني]

ليه تنبش لجرحي عقب ما هوب غاير = و تترك الجرح ينزف يا الغلا من جديد
ما هقيت إن قلبك قاسي و دوم جاير = كل ما ارجي حنانك صرت قسوة تزيد !!
صرت قيس الملوّح وانت سيد الحراير= و الغرام اعترف به في حروف القصيد
آآآهـ/ وا صبري اللي ما بقى له ذخاير = لا تلومون مغرم لو يقول و يعيد
صاحبي فيه ضاعت يا العباد البصاير = هيّن ٌ,, ليّن,, و فيه القساوة حديد

[كديميس السيحاني]

إن سالت الدمعـة بعـد مـا تعالـت=غيضٌ من الضيقة و فيضٍ من البوح
تروى عطش بالفعل ما قيـل قالـت=و تستاق روح و لا لها سر مفضوح

[كديميس السيحاني]

وقّف دقيقة هوى بالـي علـى هونـك=بعلن بالاشعار هجس الفكـر وعماسـه
من لمحة الطيف تدمي صدري طعونـك=يوم الخطر من عيونك دقت اجراسه !!!
يحق لـك مـن دلالـك تظهـر فنونـك=تغلي وثقل , تسلب عقل بسياسـة !!!
سـدد ديونـي وانـا بسـدد ديـونـك=تبي الصراحه ؟ غلاك اسقيتنـي كاسـه
فتنتنـي بالغـرام وصـرت مفتـونـك=و احرمت جفن السهر من لذة نعاسه !!!
و صرت احسد اللي من قريّب يشوفونك=و إن كان قصدي جهلته ضاعت الطاسه
ماتدري إنـي قريـت الكـف لشجونـك=وحطيت لك من ضلوع الصـدر كرّاسـة
وماتدري إني محـال اخيّـب ضنونـك=راعِ الهوى ما يخيّب ولفـه احساسـه
بيّن طوي صفحة الهجـران ف/عيونـك=إن كان بنك الغلا لي ما اعلـن افلاسـه
و إن كان قفيت عنـي شُـح بمزونـك=بيت الغـلا مـا تقفـي عنـه حرّاسـه

[كديميس السيحاني]

سامريني يالهجـوس اللـي بريتـي حالـي =كود اعبر عن غـلا الغايـب بوقـت غيابـه
ويا النجـوم الساريـه ودّن لهـا مرسالـي=آآآه/يا طـول الغيـاب اللـي مشـرّع بابـه
واهنيـه يـوم قلبـه فـي بعـاده سـالـي=ما انشغل فكره ولا آثـار انتظـار اعصابـه
ما دريت إن الهوى يقضـي علـى الرجالـي=لين شال القلب من صدر العنا و اقفـى بـه
اختفى برقه ولـو صـوت الرعـد بخيالـي=كنـه يناديـه بإسمـه , مايـرد الجابـه !!
و الله إن الجـو كلـه عقـب خلـي خالـي=و إن حضر ما انشد عن الغيّاب و ادرى عتابه
عنـدي إن الليـل قمـراء والقمـر يبرالـي=لو شهـر شـوال يشهـد لآخـره بحسابـه
ويا العيون الساهـرة يـوم ابـدع الأمثالـي=من صفا جو الطبيعـة مـدري مـن اسبابـه

[كديميس السيحاني]

ثلاثة ارباع وقتك لو خذيته حلال = بس انتي الوقت كله تأخذينه سدى
ما قد تذمرت من سرقك لو الوقت طال = ساعات مثل الدقايق لو يطول المدى
و ساعة غيابك تعادل في قياسي ليال =و ما عاد اميز خطأ دربي من اللي قدا
قل لي وش اللي تبي مافيه شي(ن) محال = لو تطلب الروح مني قلت سم وفدى
المستحيل إني ارضى منك قطع الوصال = و المستحيل إني اضحّك عليك العدا

[كديميس السيحاني]

يا ذا الخيال اللي تخيّلت في الكأس = مع شربة الماء اللي يزود المناعة
لو ما ظروف الوقت تحكم على الناس = وصلت لك واعطيك مني و داعه
عهد الوفاء اللي له مع الناس مقياس = ما اغث لك خاطر بكل استطاعه
لكن ,, على بعد المواصيل هوجاس = فكري يوصّل لك وداعة براعه
ابيات شعري كل ماهب نسناس = معهن عبير الورد يوصل بساعة
ضمانة الاحساس مني للاحساس = إن إلك قدر (ن) ما يهان ارتفاعه

[كديميس السيحاني]

ما انساك ياليل السفر, ذكرى الوداع = حتى بنومي باقيه في الذاكره
و اجادلك حتى تقول الحق ضاع = فعل الليالي و الليالي ماكره

[كديميس السيحاني]

بيني وبينك يالعواطف مسافات = الا لمن في القلب ثبّت رسومه
خل(ن) خليل(ن) حط بي عشر كيّات = كيّة غلا ماهيب كيّة خصومه
اعانده و اجادله كل الاوقات = تهديده القاسي يخالط نعومه
لحظة غيابه كنها عشر ساعات = و ما امل قربه طول ليله ويومه

[كديميس السيحاني]

سلطن غلاك بخفوقي وانت ماتدري = قدرت تبني قصر في داخل ضلوعي
وسط الشرايين ودك يالغلا يجري = و تساقي القلب حتى بودك يفوعي

[كديميس السيحاني]

تعالي :_ من حروف القافية سويت لك سلسال = مثل عقد (ن) من الإلماس تزهى به ويزهى بك
تعالي :_ واخذي العقد المرصع و ابني الاطلال = عليها شاهد الذكرى , وشاعرها تغى بك

[كديميس السيحاني]

ما بين عسر الـدروب وفكـري التايـه=على سفوح الخيـال يرفـرف جناحـي
لو ما جناحـي يظـل حـدود مرسايـه=تهـاوت صـروح مرسايـه بالارياحـي
رسمت لوحـة يحـدد رسمهـا الغايـه=و الوانهـا تبتسـم لالـوان مصباحـي
بروازها حروف مـن شعـري ومغنايـه=و مضمونها منه عطر المسـك فواحـي
يا شجـرة الـدر ليـه القيـد لخطايـه=يحزنـي قيـد مسـرايـه ومسـراحـي
فـي كبريائـك شمـوخ عـازفٌ نايـه=وفي بحر حزنك غرق من كان سباحـي
وفي البسمة اشراق شمس ويرفع الرايه=نصـرة احاسيـس تعلنهـا وترتاحـي
وفي طول صمتك غموض اسرار وحكايه=يحتـار فيهـا طبيـب قلـوب جراحـي
ياشجرة الـدر فـوق المـوج مركايـه=و رحلت مع هاجسي و استرسل ايضاحي
و الجو لو راق لـي واصلـت مسرايـه=على سفوح الخيـال الجهـد ما طاحـي
الجهـد باقـي وباقـي فكـري التايـه=ومابين عسر الدروب يرفـرف جناحـي

[كديميس السيحاني]

عيوني تخيلك وانت يالغيم تسبح فـوق=و أناظـر بروقـك و اتسمـع لرعـادك
واراقب مزونك تنهمر من صدوق ءحقوق=على مقربـه وانتـه تماديـت ببعـادك
ليا شفت برقك لاح يسترسـل الطـاروق=وعلى لوحة الرسـام سجلـت ميـلادك
رسمتك وشبهتك براعي الحسن والـذوق=توافق بقاسم مشترك واعشـق عنـادك
رسمتك جمال وحسن من شعرك المفروق=ليا اخمص قدم رجلك وفي رسمي اسعادك
ترفق على قلوب العشاشيق يا معشـوق=اسرت القلوب بدون لا تسـرج جيـادك
ليا قلت شلال الشعـر تنسفـه برفـوق=يماري سـواد الليـل ويسبـب قيـادك
وجبين وحوجب شوفهن يسلب المعلوق=بشد انتبـاه لكـل مـن وقّـف قصـادك
وعين(ن) بنظرتها تسدد سهـام العـوق=نزيف الجروح بقلب من ناظر , ءقنـادك

[كديميس السيحاني]

كم واحد (ن) قبلي رقى في الرجومي = وفيّض لغيض الصدر مما يخفيه
وكم واحد(ن) في اعلى الرجم له حلومي = يحلم بها لين الليالي تصحيه
وكم واحد(ن) في اعلا المراقيب يومي = لا شك ما به من يلد النظر فيه
وكم واحد(ن) في الرجم عد الرقومي = ضاعت حساباته وضاعت هقاويه
و يا معدي المرقاب مالـك لزومـي = مدخلـك بالله تتركـه لا تعـديـه
خله ل/ حرٌ عقب ما ابطى يحومي = ميّل على المرقاب وكـره علاويـه
وخله لمشتاق (ن) لربع(ن) قرومي = وانحت به ظروف الزمان وتحديـه
وخله لمن هو بالديـون مغرومـي = وعيا الغريم بموقف العسر يمليـه
وخله لمن هو للمعالـي يشومـي = وليا تغنـى نـادر الـدر يجنيـه
وخله لمن يشكي فعول السهومـي = من عين نجلا عشقها الحال يبريه

[كديميس السيحاني]

يابنت كم ليل(ن) سهرته وغنيت = وكم تسرقين الوقت لو ما سرقتك
واجاوب الورقا ولا قلت ياليت = يا ورق لو نحتي لسمعي ذبحتك

[كديميس السيحاني]

من دون لا تعتب وانا ما اعتب عليك=ومن غير لا تشرح عن اسباب البعاد
احساس شاعر له سنين(ن) يرتجيك=حس التغيّر والتزم صمـت الحيـاد
يا كم يمر الوقت وابقى و احتريـك=ما قلت طال الإنتظـار و لا السهـاد

[كديميس السيحاني]

تجرح سنين الصمت في لحظة البـوح=من غير ما يستـأذن البـوح صمتـي
و ارسلت صوتي من بعد صمت مبحوح=وفي الرد عما يسأل الصمـت صمتـي
يا مشيّعـة جثمـان بيديـك مذبـوح=جثمان شوق(ن) به رحلتـي وأقمتـي
أشعلت شمعة وهجها في الدجى ضوح=بين الضلـوع ليـا جلستـي وقمتـي

[كديميس السيحاني]

مع الغضب ما دريت الا اني اضمـك=واثر الحجر منك ينعم مثل ديباجـه
على جناح الخيال اسعى واجي يمك=حتى لو البحر دونك هاجت امواجـه
عنك اخفي الهم ماابغى يزود به همك=واقول هات الغلا مغليـك محتاجـه
كنت احسب انه شهد واثر الغلا سمك=واناتجرعت منك السم فـي عاجـه

[كديميس السيحاني]

في عيونك ملاذ لمـن لفـى مستجيـر=وفي عيونك هلاك لمـن تمعّـن نظـر
و/في حروفك لضامي شعر مثل الغدير=وفي حروفك لمن يطرد سراب الخطـر
و/في لياليك همس لكل ظلمـاء ينيـر=وفي لياليك طمس لمن تعـدى الحـذر
و/في حياتك من الاحزان شـيٍ كثيـر=وفي حياتك من الافراح عـذب النهـر
و/في قبالك بشوش الوجه مسك وعبير=وفي قبالك غضب للوجه لـو مازجـر
و/ في بعادك شجون الشوق حر الهجير=وفي بعادك تعابير الشحـوب انتصـر

[كديميس السيحاني]

صحاري الصدر قفر, الغيث يرجنّـه=اسقي صحاريه من مزنك و ودانـك
النبع واجـد ولكـن مـا وردهنّـه=للعهد باقي وفاء للعهد مـا خانـك
وترى القوافي على شانك عسفهنّـه=حتى يسطّر بوسط الصـدر ديوانـك
لو لاك مرضي حروف الشعر ينعنّـه=ويشاركنك حروف الشعـر وجدانـك
وقفر الفيافي على شانـك طواهنّـه=هاجوس فكري وطيفك يشرح احزانك
و إن كان مرضي بولفه صادقٍ ضنّه=لا بد يثبـت مـع الأيـام برهانـك

[كديميس السيحاني]

ماتنعدل حدب الضلوع العوج لولان الحديد=ياشين دورات الزمان ليا انطـوت طياتهـا
والعزم في حدب الحنايا عهده موثّق بقيـد=ويشاف تقويس الحنايا ولا تبين اصواتهـا
بين الرجاء واليأس والمنظور والعلم الفيـد=في داخل الجوف الصدى زلزل كيان اسكاتها

[كديميس السيحاني]

اليـوم كنـه شبيـه العـام بأحلامـي=والعام كنـه شبيـه اليـوم بالضيقـه
مابين غفـوات عيـن وسهرالايامـي=الصمت يفرض علـي اليـوم توثيقـه
كثر الوعود ومدى تصديقـي إلزامـي=وطال الزمن لين صرت الصبر ما اطيقه

[كديميس السيحاني]

يا اللي زرعت الشوق في صدر شاريك=لا تحرقـه بالـزرع وتقـول ويـنـه
وياليت قلبـي يـوم قفـى مخاويـك=مااشتال من حدب الضلـوع السكينـه
لو تهمس بنجواك في قلـب مغليـك=اللـي معـك قفـى بحكـم الرهينـه
يمكن وهو في الاسر عنـدك يسليـك=لو كان جرحـه نـازفٌ مـن وتينـه
ترك حنايا الصـدر بأصـداء تناديـك=والنبض بإسمك في مشاعـر دفينـه
و إن قلت جرح الشوق ماهوب يعنيك=العـذر يُقبـل منـك هـزل وسمينـه
واسيرك اللي صـار مأسـور بيديـك=حكم الأسير , العرف ما احـدٌ يهينـه

[كديميس السيحاني]

اليا انكسر مجدافه السباح في البحر العميق=زاد الجهد على العضود اللي بكربه تسعفه
وكثر الدعاء والإلتجاء لله يفرج كل ضيـق=ويصخّر ءله الموج في غزر البحار وينسفه
حتى يصل للشط ,عقب الكل ضن انه غريق=والنفس في دبرت إلهٌ من لجاء له ينصفـه

[كديميس السيحاني]

يا موج بحر الخليج ليا وصلت لشاطي الإنكسـار=اشرح مشاعرك من بعد انكسارك وانت تعبر بحر
ما كل لك جهد مجدافك هبوب الريح عبر البحـار=ويكسرك شاطي الآمان ليا وصلته عنه ما لك مفر

[كديميس السيحاني]

لعله يعود عيدك يا نظر عيني =سبقتك بتهنئه مني , لك ( اجحدها )
اعايدك مني بكلمة وحرفيني = يا من لك الروح تسبق في معايدها

[كديميس السيحاني]

وين انت ياللي ليا جاء للقوافي مجال = اذكرك بالخير لو انك بعيد(ن) علي
و اقول حي القصيد ليا نظمه ارتجال = جاب الجزيلات ما يغرق به المحملي
ماهوب ممن تبع طراد قيل(ن) وقال = حسن النباء , ما اتّخذ لبس الغرور الحُليّ
إن صد ما صد غير من الخطايا الثقال = و إن صد لا تنتظر مِنّه يجي مقبلي
و الله ما ارضى عليه يجيه مني خمال = ايضا ولا من حدٍ غيري , ولو هو مِلي

[كديميس السيحاني]

يعيد العيد لك يا اغلا من انفاسي على صدري = ليا ضميتك لصدري يصير العيد عيديني
نظر عيني بعد قلبي غلاك مع النفس يجري = علي تغار و أنا , اقول غيرك ما ملا عيني
هلا بنتي هلا قلبي هلابك يابعد عمري = غلاك من الله اللي حط لك في الصدر قصريني

[كديميس السيحاني]

.
,
,



http://www.shy22.com/dldIsG48296.mp3.html





تسري هجوسي مع النسنـاس لليمّـه = من غيـر تحديـد لديـاره وعنوانـه
كل المشاعـر تنـادي لـه ومهتمّـه = و الموج لا يغـرق المركـب وربانـه
لو وابل الشعـر سيّـل وادي الرِمّـه = يمكن يمر الديـار ويسقـي اوطانـه
وإلا يقول إن سيل الشعر مـا عمّـه = و ارسل مع الريح ما يطرب على شانه
ولو جاء تحدي شعر والناس ملتمـه = عيب(ن) على من تراجع دون ميدانـه
ولاقف مواقيف ورّاد(ن) على الجمـه = وهداج تيما عهـد يرضـي لقيفانـه

[كديميس السيحاني]

ياشين دمعة ولفي الفواحه = إن ثقل مزحي معه هل دموعة
ودي إن صدره وسع شاطي الراحه = واسكن بصدره والتحف بضلوعه
له في حجاجي بسمةٍ وضّاحه = و له في الحنايا نبتة(ن) مزروعه
نبته ثمرها في الخفوق جراحه = و جرح المحبه يختلف في نوعه
ما يدري إني في اللزوم سلاحه = ولا يدري إني في الظلام شموعه؟

[كديميس السيحاني]

بالخزامى والنفل والعود الأزرق هـب نـودي=لا إلـه الا الله المعـبـود هــذا مبتـداهـا
افتخر بك يـا وطنـا مـن زمـانٍ للجـدودي=قبلة الاسلام وامجـاد العـرب فيـك تحماهـا
دارنا مثل الهنـوف ولا شروهـا بالنقـودي=رافضـة خطّابهـا والعاشـق بدمـه شراهـا
امتطى درب المخاطر ساهر وغيـره رقـودي=شايلٍ روحه علـى كفـه وبالمولـى رجاهـا
والمخيلة خايلتها برق سيـف بـلا رعـودي=ومع صلاة الفجر رعّاد النـدا داخـل خِباهـا
بيعة إ ل/عبد العزيز وقال ياشعبـي عهـودي=ماتسـاد الدولـة إلا بالعقيـدة مـن غلاهـا
واحد الميـزان والتوحيـد وتحـد الحـدودي=دولة التوحيـد تعلـن بيعـة لرجـلٍ بناهـا
الشهادة رمزالأمة رايـة الشعـب السعـودي=والقيادة شعب والشعب القيـاده فـي ولاهـا
اسس وعم الجزيره سلم ثم وصـى الفهـودي=واستلمها سعود والسيرة على النهج امتطاهـا
واستلمها واستلمها من صعود ليـا صعـودي=بأمر إله الكون يـوم الفيصـل بيّـده لواهـا
له وقار وله قرار وله على افعالـه شهـودي=نقش علم بذاكـرة طفـلٍ معايشهـا وقراهـا
بصمته في وجه مارد يوم ناصـر لليهـودي=لو نساها يعٌربي خـوّان/ خصمـه مانساهـا
لين سلمها ل/ خالد كل جـود يـزود جـودي=عم خيره كل الأمـة والمكـارم قـد حواهـا
ساسها بقياسهـا ماترتخـي منـه الزنـودي=واستلمهـا ماظلمهـا قايـد العًـرب وذراهـا
الفهد رجل المواقف في الزعـازع والركـودي=ماتزعزعه الزوابـع/ دارنـا زعـزع عِداهـا
خاض في خضم الحوادث لين حط إلها بنودي=رجل عزم ورجل حزم بليـن الأيـام وقساهـا
للصديق الشهد صافي لين غطتـه اللحـودي=وللعِداء سم ٍ ذحاح وكلمتـه يسمـع صداهـا
وسلم الرايه ل/ عبد الله وقال ارقي سنـودي=خادم البيتين من شعبه وفـي شعبـه تباهـا
حد سيف ارخى ل/كيس وبلسم الجرح اللهودي=للفتن مايرخـي الهامـه ولا يقبـل خطاهـا
يا ملكنا لك ولانـا لطمـة لخـد الحسـودي=قايد الأمة والأمـة معـك ماشقـت عصاهـا
معك من يمشي على نهجك وقوة للعضـودي=معك سلطان العرب عضدك ليا دارت رحاهـا

[كديميس السيحاني]

,
,
,
,




http://www.shy22.com/dld4T322931.mp3.html



كل وقت اجي و اعسّ رياض مرتاع الجوازي=و اتشوّف للجليلة مثل مـن يقتّـص جـره
مالقيت لها مقيل و لا الأثر في ارض ٍ عَزازي=ذيّروها وطيّروها عـن غديـر أول , تمـرّه
و لو بغيت أواصل المشوار يتعطّل جهـازي=شفرة احداثية الموقـع لهـا تسعيـن فـرّه
دونها الليل وظلامه مع دروب (ن) ما تهازي=لو بغيت اسريه تاه الفكر مع نجـم المجـرّه
و معه سن الشيب حاديني ويفرض لإحترازي=التهور راح في عصر الصبا ما هناش كـرّه
و يا ظلام الليل ليه تصير للظرف انتهـازي=تخفـي دروب الوصـول لـسـاري ٍ لله دره

[كديميس السيحاني]

,
,,
,

http://www.shy22.com/dldwdM79624.mp3.html

,
,,
,






اذا هي من الاسرار ما ابحث عن الاسرار = بغيت الصحيح وجاب لي عذره الواهي
و خواطر خيال الشعر يا درّة المحار = تكيفني رموزه بمعناهن الراهي
و اقول إن ينبوع القراح إن سقى الازهار = يفوح الشذى و اصير في عالمه ساهي
و اعاند خيالي لين يسبح مع الاقطار = و اجمّع خواطر و اصبح الآمر الناهي
تماري خيولي سابق الخيل في المضمار = ولا قد كسبت الفوز بالمال والجاهي
بنات الفكر ما تنظم الا اجزل الاشعار = ولا نيب مكلوف (ن) بنقدٍ من الفاهي
و هذا اللي بغيت اقول فيما بحثت وصار = ولا كنت عن تحليل ما ترمزه لاهي

[كديميس السيحاني]

الـورده اخذيهـا بـدال انزعاجـك=واستبدلي ضيقتك بملاعـب الـورد
ونامي قريرة عين ,, فلّي حجاجـك=وما زعّلك , منه المشاعر ترى شرد
يستطرد احساسي معك لابتهاجـك=ويستنفر احساسي معك لعبة النـرد
والا ليـا منـه تعـكـر مـزاجـك=أنا لك الفيّ وذرى , الحر , و البرد

[كديميس السيحاني]

,
,,
,

http://www.shy22.com/download.gif (http://www.shy22.com/dldZrz83927.mp3.html)

,
,,
,


غدا بالقلب ملهوف الحشـى والسـد منـي بـاح=هـذا دور السنـه مـا راف بالخـافـق ولا ردّه
عليه الله و اكبر كيف يضحك لـي وهـو ذبـاح=سقاني كاس من سم الغـلا والحيـل بـي هـدّه
اساهر كل ليلة طرفـه الناعـس ليـا الاصبـاح=و اداري خاطره , و ازعل ليا اطرى البعد و الصده
تلاعب بالمشاعر لعبـة الشاعـر مـع المسبـاح=يلـوّح بالخـرز وليـا تقالـل للـخـرز عــده
على شانه معاليـق الخفـوق تشـادي الملـواح=ترجى الطيـر يرجـع للحنايـا ميـر مـا هـده
بغيت انه يجود اللي لبـس للجـود كـل وشـاح=و لكـن مـن دلالـه قـال تفكيـره علـى قـده

[النجلاء]

صح الله لسانك شاعرنا
مدونه فاخره تستحق المتابعه والتقييم والتقدير
تقديري والنجوم لسموك
النجلاء
http://www.zahr3a.com/vb/images/star3.gifhttp://www.zahr3a.com/vb/images/star3.gifhttp://www.zahr3a.com/vb/images/star3.gifhttp://www.zahr3a.com/vb/images/star3.gifhttp://www.zahr3a.com/vb/images/star3.gif

[كديميس السيحاني]

العبي يا الراعبيه على خضر الغصون = والقلوب الخضر ترقص طرب متمايله
و كل عصر وليل لو ترتدم دهم المزون = من يشوف البرق يبرق لزوم يخايله

[كديميس السيحاني]

يا اللي رسمت الوان حرفك بالاشواق = لا تمزج ءمع الوان حرفك رمادي
ولا تمتطي صهوة ندم وانت مشتاق = درب الوعر يقداه للشوق قادي
كم لي وانا مجروح ما شفت ترياق = بلسم لجرحٍ ساطيٌ في فوادي
عطني تباشيرٌ بها تُحكم اعناق = ما دنقت لرضا الحضر والبوادي


,
,,
,

[كديميس السيحاني]

ليا غاب هوجاسي عن الشعر ويش اقول = يلفّ المدار ويجمع من الفضا شعوره
اهجرس واعنّ الطرق في الدار عرض وطول = ولا يكتمل عقد اللآلي بمنظوره
و احاول يجي للشعر مع هاجسي مدخول = و رفض كل مرسى ويعشق الموج وبحوره


,
,,
,

[النجلاء]

صح الله لسانك يالسيحاني
مدونه فاخره استمتعت بتواجدي بين صفحاتك وجمال مشاعرك الراقيه والعذبه
تقديري لك
النجلاء
https://lh3.googleusercontent.com/-PARQazHf9E4/VdtxrU0VujI/AAAAAAAAiJw/WH0lzQzDAr0/w426-h568/2015%2B-%2B1

[محمد الغنامي]

الاخ القدير / الشاعر كديميس السيحاني
اسعدني مروري من خلال متصفحك الرائع والثري بالجمال
والابداع المميز اخي الكريم
دمت ودام حرفك الفاخر
مروري وتقدير لك

[كديميس السيحاني]

صح الله لسانك يالسيحاني


مدونه فاخره استمتعت بتواجدي بين صفحاتك وجمال مشاعرك الراقيه والعذبه


تقديري لك


النجلاء


https://lh3.googleusercontent.com/-parqazhf9e4/vdtxru0vuji/aaaaaaaaijw/wh0lzqzdar0/w426-h568/2015%2b-%2b1


,
,,
,
النجلاء

صح كلك ولا هنتي

انرتي متصفحي بمرورك العطر ايتها النقيّة

دمتي بخير

,
,,
,

[كديميس السيحاني]

الاخ القدير / الشاعر كديميس السيحاني
اسعدني مروري من خلال متصفحك الرائع والثري بالجمال
والابداع المميز اخي الكريم
دمت ودام حرفك الفاخر
مروري وتقدير لك



,
,,
,
محمد الغنامي


مرورك تشريف و وسام لا هنت
دمت بخير

,
,,
,

[كديميس السيحاني]

,
,,
,




حكمك صـدر و الوضـع مافيـه تبريـق=وشفـنـا حـقـوق يـمــاري الـلــي سلـبـهـا
وراك حــديــتـــه لـــوعــــر الــشــواهــيــق=و شعمت له نار (ن) ضلوعه حطبها
ولـو مـات طـرّاد الهـوى ناشـف الريـق=حـــتـــى وصـــاتـــه خــافــيــه مـاكـتـبــهــا
يصعب على الرجال نقض المواثيـق=لـــو يـــارد حــيــاض الـمـنـايـا بسـبـبـهـا



,
,,
,

[كديميس السيحاني]

,
,,
,




ياليـتـنـي سـاحــر واعـــرف الـطـلاسـم=وليـا بغيـت اوصـل للاهـداف عـزّمـت
سـحـر البـيـان الـلـي يـسـبـب مـيـاسـم=يسحر قلوب(ن) مالها يوم خاصمت
و اشوف من بعض العبـاد المباسـم=الــلـــي تـخـفـيـهـا الـبــراقــع وسـلــمــت
ســلام لــو مــن بـعـد والـوجــه بـاســم=عــن بـعـد نظـراتـي وانــا مــا تكـلـمـت
لـــو شـوفـتـه للـقـلـب تـكــوي وتـاســم=ولا افتح فمي لو عادتي ما تلعثمـت



,
,,
,

[كديميس السيحاني]

,
,,
,




كـــل مـاقـفـيـت عــكــس الــوقــت جــيــت=وكـل مـا جـيـت ,, انــت تقـفـي يـاحـرام
و كل ما اسهر لأجلك , بنومك غفيت=وقـلـت مــا لاقـيـت طـيـفـي فـــي الـمـنـام
كـــم شـعــرت بـدمـعـتـك لا مــــن بـكـيــت=وكـــم مــعــك جــاوبــت تـرنـيــم الـحـمــام
وكــم عـلـى شـانــك زعـلــت ولا رضـيــت=وكــم عـلــى شـانــك رضـيــت الاحـتـكـام
وكـــم عــلــى شــانــك أجــافــي للـمـبـيـت=يـــــوم عـيــنــك ســاهـــره عـــيـــت تـــنـــام
و الـــســـلـــوم مــخــالــفـــه لــلاتــيــكــيــت=و نـــور شـمــس يــبــدد لـعـتـمـة ظــــلام
و انـت تـدري بـه وانـا اللـي مــا دريــت=كــــل مــــا ثــــار الـغـبــار مــــع الـعـســام
خــلــنــا فــــــي جـــونـــا بــقــمــة كــمــيــت=وفــي الشـفـا والا الـهـدى نبـنـي خـيــام
واســـرج مـهــار القـصـيـد لــيــا ســريــت=مــــع هـجـوســي لــيــن نــرقــى لـلـغـمــام
حــاور الشـاطـر وقــل لـــه وش لـقـيـت=مـــــــن خـــطــــأ والا قـــيــــود ولا تـــــــلام
واعتـرف لــك مــا حــواه ومــا احتـويـت=مـــــن مـفـاهـيــم وغـــــلا والا انــســجــام
والعـب الشطرنـج و احــذف مــا بغـيـت=مــن قـوافــي الـشـعـر والا مـــن الـكــلام



,
,,
,

[كديميس السيحاني]

الا يا حروف الشعر لا يضفـي الجلبـاب=على صفحة المرسى ,, وسميتهـا بيتـك
ليا زارها مـن ينتظـر للجديـد وجـاب=من أقصى الضماير لحن الأشعار ,, ناديتك
أنا ما ذخرتك غير طـبٌ مـن الأطبـاب=ليا عل منك الضامي وذاع ,, لك صيتـك
تمشى بروضك و استثار اللحون وطـاب=له الجو ينسى اللهم ,, لرضـاه سميتـك
من المسك والعنبر شذى الفوح للأطيـاب=لزوار مرسى هاجسي ,, طبت واهديتـك

[كديميس السيحاني]

الا يا حروف الشعر لا يضفـي الجلبـاب=على صفحة المرسى ,, وسميتهـا بيتـك
ليا زارها مـن ينتظـر للجديـد وجـاب=من أقصى الضماير لحن الأشعار ,, ناديتك
أنا ما ذخرتك غير طـبٌ مـن الأطبـاب=ليا عل منك الضامي وذاع ,, لك صيتـك
تمشى بروضك و استثار اللحون وطـاب=له الجو ينسى اللهم ,, لرضـاه سميتـك
من المسك والعنبر شذى الفوح للأطيـاب=لزوار مرسى هاجسي ,, طبت واهديتـك

[كديميس السيحاني]

هجوس الليل يوم الليـل ولا = علام السهر في موقي تجـلا
اساهر ساري النجم وسرى بي = و أبي غفوة وقال الفكر كـلا
وبقيت الليل لين الصبح واعي = و أمد الشوف في الطيف اتحلا
تحليته و أنـا عينـي بعينـه = ونشدته ليه قال اصبـر لعـلا
الا يا وين أنا والصبر وينـه = ما دام انـه بمنطوقـه تغـلا
صوابه يا ملا ما اصعب علاجه = ولا ضنيتـه بجرحـي تـسـلا
و إذا أنـه بيّـت النيّـه وداري = فلا ابيحه بمـا سـوى بـي إلا
إذا عالج صواب العشق وصلـه = و إذا إنه عن صويبه ما تخـلا
أنا من قبل زاهد عـن هواهـن = ولا ادري كيف جاني واستحـلا
مثل ما احتل بوش أرض الخلافه = وعن التحريـر عيـا وإيتعـلا
شبيهـه بإحتـلالـه للحنـايـا = وليفٌ في الضمايـر لـه محـلا
وعقب ما احتل صدري شال قلبي = وعيا القلـب مـن قربـه يمـلا

[كديميس السيحاني]

وين العـلاج اللـي يهـدي ثـورة اعصـاب العنيـد=إليـا حصـل لـي شـد للاعصـاب ياعـيـن المـهـاه
بينـي و بينـك مـا قــدر فــل الحـديـد الا الحـديـد=قــدرت تتسيـطـر عـلــى قـلـبـي و مـنـيـت بـــدواه
هذا و انا مـن قبـل اعرفـك كـل مـا يكفـخ يهيـد=و اليوم اشوفه صـار قلبـي ناقـل(ن) داه بـرداه
امـانـتــك لا تــســـرف بـقـلـبــي وتـبــتــر لـلــوريــد=ثم عاد ما تلقى وليف (ن) صد عنّك من حياه

[النجلاء]

صح الله لسانك شاعرنا
مدونه رائعه وجزله تستحق المتابعه
وكل عام وانت بخير ان شاء الله

[كديميس السيحاني]

صح الله لسانك شاعرنا
مدونه رائعه وجزله تستحق المتابعه
وكل عام وانت بخير ان شاء الله

النجلاء
صح كلك ولا هنتي
عطرتي متصفحي بمرورك العطر
و اشكرك على هذا الاطراء
وكل عام وانتي بصحة وسلامة بإذن الله
,
,,
,

[كديميس السيحاني]

غرد وتلقى من يجاوبك تغريد = وتابع ولا تنسى التواصل بالاشعار
اعايدك من قبل لا يُعلن العيد = و ارسل لك الاشواق من عبر الاقمار


,
,,
,

[كديميس السيحاني]

لو إن غزّه مـا اشتكـت للأمـه اللـي نايمـه=ماكان ثارت ثايرة صهيـون فـي كـل الديـار
لكـن إهانـه مـع تحـدي للعقـول العايمـه=في بحر عصر العولمه شدد على القدس الحصار


,
,,
,

[كديميس السيحاني]

تحالف جيش الاهداب ارتخى من نظرة المبهوت=وجاه امداد من حالـك سـواد وشـن غاراتـه
شهر حدب السيوف ايعاز فعل ولا يبين الصوت=جفن كسل الحيا يا قو باسـه وقـت هجماتـه
ليا اوردهن يسوقن المنايا مـا عليـه اثبـوت=شراسة جيشـه الغاشـم يوجههـا بنظراتـه
بغيت ارجّع الهجمة بصـدي للنظـر ويفـوت=لكّـن متعمـد التركيـز يستعـرض بقـواتـه
ورضيت انه يوجههن لصدري مانسيت الموت=ولو ماصرت درع ًدون غيري كثـروا امواتـه
و على بعد المسافة كنه استخدم سحر هـاروت=سطى بين الحنايا سهم متمكـن مـن اثباتـه


,
,,
,

[كديميس السيحاني]

ياصاحبي عطني من الوصل قرطوع =وتشوف وصل ماتجيه القطيعة
والاترى حبي مثل حبّة الكوع =مانيب من يمشي معك بالخديعة


,
,,
,

[كديميس السيحاني]

خفف تراك ادميت جرحي ولا شفت = مني جزاء غير الوفاء والكرامـة
خفف ترى ما فيه في يوم والفـت = غيرك وباقي لك بصدري علامـه
خفف ما دامك في هوايه تحسفـت = درب البعاد , انا امتطي له سنامه
خفف تراي اقفيت من يوم صادفت = طعنة سهومك , قلت وين السلامة



,
,,
,

[محمد الغنامي]

الله الله
ابو منصور
صح لسانك على هالدرر النادره
يروق لي المكوث هنا

[مجيد الجنابي]

اسعدني الكوث بين ثنايا مدونتك الجميله

التي تعطر بشذا اريج احرفك الرقيقه

اعطر وارق التحايا لسموك

[كديميس السيحاني]

الله الله
ابو منصور
صح لسانك على هالدرر النادره
يروق لي المكوث هنا

,
,,
,
محمد

هلابك ومرحبا
شرفتني بتواجدك في مدونتي
صح كلك ولا هنت

,
,,
,

[كديميس السيحاني]

اسعدني الكوث بين ثنايا مدونتك الجميله

التي تعطر بشذا اريج احرفك الرقيقه

اعطر وارق التحايا لسموك



,
,,
,
مجيد الجنابي

هلابك ومرحبا
شرفتني بتواجدك في مدونتي
على الرحب والسعة

,
,,
,

[كديميس السيحاني]

الضريبه سهر ليل وهم بعـد وقـل ريّـا=بل ريق اللي نشف ريقه ولاغيرك طبيبـه
اسقي العطشان من نبع الزلال وقرب فيّـا=ليه عن بعد المزارق بالسهوم اللي رهيبه؟
بالوصوف اشغلت تفكيرٍ تمادى عنجهيـا=ماقدر يرتد طرف العين عن طيفٍ طليبـه


,
,,
,

[كديميس السيحاني]

يا لاعي الورق جيت ءعصير عمساني = وسج القدم غير عن فكري وسجاته
يوصل مسافات منها تشيب الأذهاني =ياليت فكري يقصّر من مسافاته
يرسم خيالي تصاويره على شاني = و إن شفت بعض الصور , ما اجمّع اشتاته
يضيق صدري ويفرح بعض الأحياني= والغيب مااحدٌ كشف مضمون طيّاته



,
,,
,

[صـدووودٓ]

الله الله
صح لسانك
راقت لي مدونتك بجمال حروفك
تقبل تواجدي هناا
اختك
صـدووودٓ

[كديميس السيحاني]

الله الله
صح لسانك
راقت لي مدونتك بجمال حروفك
تقبل تواجدي هناا
اختك
صـدووودٓ


صدووود

صح كلك ولا هنتي

عطرتي متصفحي بمرورك العطر

دمتي بخير تقديري لكِ

,
,,
,

[كديميس السيحاني]

محتاج لك وين انت , يوم الزمن دار=إن كــان لـلـذكـرى مـــع الـنــاس قـيـمـة
علـيـك ادوّر , و أعــرف الـفـلـك دوار=إلا لـــيـــا قـــلـــت , الــعــلاقــة قــديــمــة


,
,,
,

[كديميس السيحاني]

ابيك تكتبني ليا دلبح الليل @
وتسرج حروف القاف سرج الاصايل

و على ضفاف الحدس غن المواويل@
واسترجع من الذكريات الدلايل

حتى يجي للقاف عج ومراسيل @
عبر الفضا و الهجس يعطي بدايل

كرٌ و فر يعانق الجدي و سهيل @
و فتلٌ ونقض بفاخرات جزايل

[كديميس السيحاني]

اجمل تهاني صادقه بين قلبين @
من قلبي لقلبك يعبّر شعوره
عيدك يعود بصحة سنين وسنين
دعوة محب يزفها من سروره
في رغد عيش و راحة البال تحيين@
عمرٌ مديد و يانعاتٌ زهوره
مهما حكم من بيننا البين ب. البين @
يبقى الغلا يحمل بطاقة عبوره
و مهما تجافيني و مهما تصدين @
في القلب لك قصرٍ و الاضلاع سوره

[رحيل]

الله الله
صح لسانك على هالابداع
كنت هنا رحيل

[كديميس السيحاني]

الله الله
صح لسانك على هالابداع
كنت هنا رحيل

رحيل

صح كلك ولا هنتي
انرتي المتصفح بمرورك العطر
المحل محلك لا هنتي😀
دمتي بخير
،
،،
،

[كديميس السيحاني]

يا رواسي نجد هم وين الرواسي
مبدعين القاف و الطرق الفريدة

ما قرينا و لا سمعنا ءلهم حساسي
و الشهود اثنين في تاج القصيدة

لو بعضهم واصل الرقم القياسي
ما يمر التاج ب اشعارٍ جديدة

وكل طرف من الارق جاه النعاسي
ولا يطيب النوم للروس العنيده

و الهجوس ءلها على الشاطي مراسي
تنشد الامواج عن سلسال جِيده
،
،
،
وبس ✋🏻

[الجووهره]

نورت متصفحك شآعرنااا
وصح لسآنك ودآم ابدآعك
والله يحفظ الرواسي
ويردهم بالسلامه

[كديميس السيحاني]

نورت متصفحك شآعرنااا
وصح لسآنك ودآم ابدآعك
والله يحفظ الرواسي
ويردهم بالسلامه

الجووهره
النور بوجودكم
صح كلك ولا هنتي
نورتي متصفحي بمرورك العطر
( اللهم آمين )
دمتي بخير

[كديميس السيحاني]

،،
،،
،

اكتب رموز الشعر في سبعة حروف
مبداه عين و حرف الالف النهاية
شد السروج لقاف والمهر معسوف
قدام نطوي ماد سبق الحكايه
وغابت نجوم الليل والجفن مكلوف
لجل السهر يعلن قرار البدايه
عن مورد الضامي ليا زحزح الخوف
شرّع قوانين و وضعها هوايه
قرار حكمه دون برهان و حلوف
و غاية ثبوته معترف بالجناية
لا طالبٌ شاهد على شخص معروف
ولا طالبٌ في عدل حكمه دعايه

،
،،

[كديميس السيحاني]

يا ركني الهادي بعد ما تقهويت
من دلة الرسلان و الناس هجاع

بكتب على صفحاتك اليوم كم بيت
و اشدي بحرفي لا ربابه ولا ايقاع

الطيف ما خبرك كم ليل ناديت ؟
سهير جفن العين ما يشكي اوجاع

اجادلك و انا علو قمّة كميت
و احاورك ما بين نزله و مطلاع

ما تقدر تجاوب لو اني تمنيت
للكبرياء تنصاع تنصاع تنصاع !!!

وش عاد اقول ان كان في الدرب صديت ؟
القلب يسمع لو بهن صمخ الاسماع

،
،،
،

[كديميس السيحاني]

يا زياد وش علمك تهيّض لهجسي عقب مانام
فر الشريط و طوى يا زياد لي خمسين عامي

ان جيت ابا ادله زياد اينبش جروحي له ايام
و يهيّض ام القريحة لين ترقى كل طامي

[كديميس السيحاني]

هاجوس فكري رسى مرساه
بين الرواسي ومرساها

و يا هاجس الفكر كيف انساه
حلفت بالله ما انساها

ياقسي قلب الغلا ما اقساه
في لين الايام و اقساها

،
،،
،

[كديميس السيحاني]

البرق هيض للمشاعر بريقه
و سحايبه هلت من المزن ما راق

ابيات شاعر والمشاعر طليقه
ما قيّدت في صدر للبوح ما طاق

استوقدن نار ٌ تطفى ب ريقه
ذكر الإله ومبدع الكون خلّاق

و استدرج الافكار في كل ضيقه
والهج بتسبيحه مع وقت الاشراق

وان هب نسناس العبير و عبيقه
استنشق التحميد واستشهد احداق

فيما خلق لك في سماهن طريقه
تأخذك عن عالم به الموج صفاق

الرد جاك و رود زهر بحديقه
ما شرّعت بيبانها لكل تفاق

[كديميس السيحاني]

على الساحل الشرقي تساوا الشتاء والقيض @
تشوف ونشوف ومثلنا صار مغتاضي

تمدد خطوط الكهرباء مالها تاريض @
وتلامس ليا وردن حيامن على الحاضي

ليا اقفى شباب الرجل ما عاد له تعويض@
لو ان القضى يستعجل الحكم ما راضي

[كديميس السيحاني]

تعمد تنبش جروحي تظن الجرح بي قد طاب؟=
ترى جرح الغلا بالقلب غاير وانته ادرى به

يكفي منك تعذيبي ولا ادري وش هي الاسباب =
تنقض بي جروح ٍ يعجز ءبها الطب واطبابه

دخيلك لا تجرعني كؤوس مثل سم الداب =
بتعذيبي تلذذ !!! والمقدّر صح عشنى به

ولو طال الجفا ماعاد لي في معتركك عناب =
وانا باقي على عهد الوفاء والصبر جلبابه

بزعمك كل طعناتك لصدري عادة الاحباب=
حشى لله ما قبلك تعمدها مع احبابه

فمان الله يا حبٌ بنكرانه يكشر ناب =
و لو تبقى لي الذكري ، ومشاعر زيف كذابه

،
،،
،

[كديميس السيحاني]

يا ذكريات السنين اللي بسن الشباب =
تصحي بي الداكرة و تعود بي للورا

خمسة عشر عام يكسي ليلهن الضباب=
سحابة الصيف تمطر ما تبل الثرا

و ايامهن يكتسيها بحم صيف السراب=
ما يسقي الضامي اللي من ضماه انبرى

و معالم اطلال لقيانا كساها التراب =
تذري عليها الهبايب و المقدر جرى

،=,
،=,
،=,
،=,
،،،،،،،

[كديميس السيحاني]

انا وانت يا سبع الخلا لو سهرنا الليل =
نجاذب عوانا والمقادير مكتوبة

حداني على طول السهر للنجوم اخيل=
و اداري غلاه و زود عناد بسلوبه

[كديميس السيحاني]

انا و الليل و نجومٌ نْتبارى =
على يمة هدف من غير يمة

لو ان الليل يرأف بالسهارى =
اقول الليل الا يا خف دمه

اعرف انه يعاد الاختبارا =
اذا ان الطالب اخفق في المهمه

[كديميس السيحاني]

عليك اللهُ اكبر ياحمام ناح باعلى صوت
شعاني مع غيوب الشمس كنه عمد مرسلها

تمكن بي صوابه مارمى بالسهم والنبوت
وبعد ما ثبّت انه صابني دعواه كنسلها

[كديميس السيحاني]

يسعد صباح اللي بصدري له مكان
و هو يعرف انه وسط صدري منزله

ادراه ،، يدري لا يزال و حيث كان
و بعض التصرف منه سبّب زلزله

[كديميس السيحاني]

يا سعود من غنّا على حس ليلاه =
ضحكة حجاجي ف انفرادي سلبها
يا سعود انا جيته على كيف دنياه =
اعطيه مشهاته وهو ما طلبها
يا سعود موج البحر كم صرت مرساه=
وكم ليلةٌ شعري يكحل هدبها
ياسعود قل له ليتني من دناياه =
اقول والا من طوارف عربها
ياسعود قل له من يسوي سواياه؟=
يحرق شرايينٌ ضلوعي حطبها !!
يا سعود يقرأني و يكتب و انا اقراه=
وكم كلمةٌ عقب الكتابه شطبها

[كديميس السيحاني]

غن يالليل الطويل وعانق النجم السماوي =
و اشرب الفنجال من يمنى نزيهه ما تمنه

والقدوع اللي مع الدله من خلاصٍ حساوي =
ما يجيه السم من ناب الهوايش لو تخنه

كل ما قلت ارجهن القلب جاه الهجس ضاوي =
ومتوزع هاجسه ما بين فرض وبين سنه

و آه يالقلب الجريح اللي عجز عنه المداوي =
مبطيٌ به جرحه اللي ثومته صارت مغنِه

ما استرحت من الشقا والشيب للعارض كساوي =
مخفيٌ برداي داي وكل شخص يظن ظنه

[كديميس السيحاني]

لا توقد الجمر في جفنٍ من اجلك سهير
و لاتنبش الجرح تدمي جرح باقي طري

[كديميس السيحاني]

رواسي نجد لو جريت صوتي على المسحوب والا بالهجيني =
صدى صوتي يزلزل كل قمة و ثاروا ضده الروس الرواسي

تعود الذاكره بي و اتذكر وش اللي صار في ماضِ السنيني =
سهارى اغلب احيان الليالي بسكون الليل ما نسمع حساسي

ترى متعة سهرها في عنادي، واذا عاندتها لابد اليني =
اداريها وهي درّة مصونه ولو في طبعها ذو قلب قاسي

عهود الولف تبقى ما حيينا ولو حال النيا بينه وبيني =
وانا باقي على عهدي و وعدي لو الفرقا تسبب لي مآسي

[كديميس السيحاني]

انا و هاجوس فكري كل ليل وصباح
نقطف من الورد والمشتل يغيض ويفيض

و نخاوي الطير لو ما كان معنا جناح
ونعانق السحب ونلامس رذاذ النفيض

يا طاير الشوق غرد بالكلام المباح
في الصمت حكمة وكتب الشعر عنِّه يعيض

[رحيل]

صح لسانك شاعرنا
مريت من هنا وماحبيت اطلع بدون تعليق (:

[كديميس السيحاني]

صح لسانك شاعرنا
مريت من هنا وماحبيت اطلع بدون تعليق (:

حياك وبياك
وعودا حميدا ( بعد الهروب من السجن )😀
صح كلك ولا هنتي
شرفتي و نورتي الركن بمرورك العطر

[كديميس السيحاني]

،
،،
،
لي مع غروب الشمس وقفات انتظار
ادري بعدها الليل يا طوله عليّ

لكن هذا مكتوب واللي صار صار
مجبر على غوص البحر بالمحمليّ

لو ما القوافي متعه لفك الحصار
ناديت بأعلى الصوت بالمعنى جليّ

،
،،
،[

[كديميس السيحاني]

،
،،
،

تعال فضفض تحتويك المعاليق
اطيق لاجلك كل مالا تطيقه

صدري ملاذٌ لك عن الهم و الضيق
و يصير لك بستان في كل ضيقه

و ضلوع صدري لك قصورٌ شواهيق
و عندك على عهدٍ قطعته و ثيقة

،
،،
،

[كديميس السيحاني]

،
،،
،

سلسبيل شفاك طب للجروح
و رشفةٌ منهن تداوي للجراح
ريح مسك و عنبرٌ منهن يفوح
و الرضاب اعذب من الميّ القراح

،
،،
،

[كديميس السيحاني]

‏

ليا ضاق لي خاطر وحاولت أبـديّ شـي=زرعت إبتسامة يمكـن احصـد نتايجهـا

يبدل لي الضيقة , وحر الشمـوس بفـي=و الإنسـان بالنسيـان دنيـاه سايجـهـا

و أنا ما بعد قيّمت لأهـل الهـوى والغـي=لكن البـروق تهيضنـي فـي تلاعجهـا

و أمتّع نظر عيني بجو(ن) خضـار ومـي=ويزيد الدجر شـوف الهنـوف وتغنجهـا

ليا مايل النسنـاس عـود(ن) ليـان و ري=تخثـع بخطوتهـا وتقـصـر تدرّجـهـا

تلافح شعرها كـل ماغـط نـور الضـي=من خدودها اللـي مـوردات ومباهجهـا

لها مبسمٌ يفـرز شهـد والشهـد يشفـي=رضابـه دواء لمـن ذاق والا يهرجـهـا

‏
‏
‏
،
،،
،

[كديميس السيحاني]

‏

ودي ان الطرس ماله خزاين في الرفوف =يوم يجمع ذكرياتي ويحفظ سدها

والله ان بعض الهواجس مثل وقع السيوف =بين ذكرى شوق والا لحزن يرتدها

‏
‏
‏

[كديميس السيحاني]

‏


انتظرت لساجع الورق يطربني بصوت =واثر سجع الورق يرجى ولو طال انتظار

في المدينة مسكني مير كني في الخبوت =كن ما حولي ونس من يمين ومن يسار

‏
‏
‏

[كديميس السيحاني]

‏

ليت ما احد(ن) يا خذ بخاطره من نظم قاف =والله اني لبـدي لحـون حرفـي وانتجـه

لجل من ثار القريحه ومعه الفكـر طـاف =في دهاليـز الجزالـه , وقافـه ينسجـه

لو بغيت اقول ما ترحم الحـدب النحـاف =قال يا خبث النوايـا , وانـا ويـن اتجـه

وان بغيت احط معدال لجل الحـق اخـاف =إي تذيّـر منـه شبـه الغزيّـل وازعجـه

الليالـي علمتنـا طـريـق الإنعـطـاف =و تسهر الليل الطويل العيـون و تسهجـه

يا ملاك الحسن لو كل ما يخفـى يشـاف =ما احتفظ صدرٌ بالأسرار لو هـي تبهجـه

ولو يميل القلب مع كل نهرٍ لـه ضفـاف =ما يميل لكـل ضحكـة وغمـزه وغنجـه

‏
‏
‏

[كديميس السيحاني]

‏

تدرين لو عبرت لك بالاحاسيس ؟ =كان الغيوم وبرقها له تواشي
و تهتز له بصرا ويافا وبلقيس =و تقول والله ما يجيك الغشاشي

‏
‏
‏

[كديميس السيحاني]

لسهوم عينك سطوةٌ فتّاكة =
لو هي من بعيد المسافة جتني

لجروح قلبي والدماء سفّاكة =
ياهوووه رغم البعد كيف أردتني ؟

و إن قلت لي هذي بيوت رْكاكة =
ما اروت احاسيسي وانا ما اروتني

قلت السهم هذي فعول ارباكه =
اسمع صدى الونّة ولو ما ابكتني

[كديميس السيحاني]

معقول كل الماضي اللي بنيناه ؟=
اضغاث حلم و للحقيقه ينافي ؟

و نقاشنا وقت السِهر والمناجاة =
من حكمك الجاير ذرته السوافي

[كديميس السيحاني]

بانت مواري صده بدون تبرير =
ولفٌ بصدري موقداتٌ شموعه

اسعى لوصله مخلص اجد بالسير =
و يمن بوصاله ويبعد نجوعه

و ياقلب لا تحزن ليا شفت تغيير =
من عنك قفى لا تحرى رجوعه

لا يرتفع ضغطك بكثر التفاكير =
راسي لغير الله ما ارخى خضوعه

لْيا دله بالوصل مع عالمٍ غير =
حر بحياته و ليّ نفسٌ قنوعه

[رحيل]

هالله هالله صح لساانك

[كديميس السيحاني]

هالله هالله صح لساانك

والله والله هههه
صح كلك ولا هنتي
نورتي الركن الله يسلمك

[كديميس السيحاني]

يسري بي الشوق يا خلي
و الليل يا طول ساعاته

طيفك لي اصبح مثل ضلّي
و يشوقني بالتفاتاته


اساقي الورد والفلي
في نظرته و ابتساماته

تعال خذ مني و قل لي
و جمّع لي الفكر و اشتاته

[كديميس السيحاني]

صباح الخير يا هاجوس فكري
ادوّن فيك ما يطري ب بالي

[كديميس السيحاني]

اسولف للقوافي والقوافي
توردني على حوض المنيه

و اردد حشرجة صدري بصدري
بليل الصمت يالروح البريه

[كديميس السيحاني]

سمحوا لي يوم اعارض كل قاف و بالصراحه
كل بيت ارتاح في معناه هاجوسي يفره

كل طيرٌ طار لا بده يعوّد من مَرَاحه
و ان شلع فوق السحاب الجاذبيه ما تسره

لو لقى له دون هام السحب ساعة طار ساحه
مستحيل انه يواصل ، لازم يعود ل مقره

[كديميس السيحاني]

اللهم آمين للدعوة ترى التآمين سنة
شاقني معنى البيوت وقلت ب اجاريها

ما يغر العقل من يضحك وبيّن سِنه
واليد الوحده واصابعها المثل يعنيها

كل قلب و محتوى ، قلوب الاوادم جِنة
و النوايا السود عثرتها على بانيها

احد لامن غاب يفقد و الظروف ابطنه
و احد لو هو حاضر العالم تصم اذنيها

[كديميس السيحاني]

ءليا دعيت الشعر والبال رايق = ردي على الكلمة بيوتٍ بدلها
وليا دعيت الشعر والصدر ضايق= يجن حيل إلهام شعري فحلها
وليا دعيت الشعر فصل وحقايق= الحق حق يردني عن عيلها
وليا دعيت الشعر للكيف سايق = شعر الغزل بنتٌ وقافي حِللها

[الجووهره]

صح لسانك شآعرنااا

[الجووهره]

صح لسانك شآعرنااا

[كديميس السيحاني]

صح كلك ولا هنتي

[كديميس السيحاني]

ناظر عيوني بارق الشـوق فضـاح=ودقـق بنظراتـي وحقـق رجاهـا
أبي العوض فيما مضى سهر و افراح=و ابـي لمقابيـل الليالـي ضياهـا
اسهر معي وحروف شعري لك وشاح=وتعانق بروق الحيـا فـي سماهـا
سراب وصلك حوّلـه عـد نضّـاح=و الحق على حـالٍ براهـا ظماهـا
و ثّق عهودٌ كلها اشواق و إنصـاح=تبقى طوال العمر مـا احـدٌ لغاهـا
لا لا تقول ظروفنا باللقـاء شحـاح=الصبر مـل وكـل صفحـة طواهـا

[كديميس السيحاني]

نا السحاب اللي طرد لاهب الصيـف = و اسقي زهور النبت صفـو الـرذاذا
وأنا العتيم اللـي سكونـه مجاديـف = للفكـر فـي ساعـة هـدوء المـلاذا
و أنا الخيَال اللي صعيب التواصيـف = عالـم خيـال بـدون كلمـة لمـاذا
و أنا القصيد اللي يجي لك على الكيف = و انتـه تخيّـر بيـن هـذا وهــذا
و أنا عطيتـك نبـذه بـدون تكليـف = اطلب تجد , رد الطلـب لـك معـاذا
كفي وكفك ما لهن وصل يـا حيـف = معقـول دربـي يـم وصلـك يحـاذا
اصبغ تلاوين الفـرح لـلأدب سيـف = وعندي جواب إن قلت عن شي مـاذا

[كديميس السيحاني]

ارحلي في خفوقي وين ما تشتهين=بين شريـان والصمـام والأورده
بين دق الخفوق وبين نبض الوتين=وكل ماينخفض نبض المحبـه زده
في ظلام الدجى قنديل دربك يبيـن=من سناك اتقدا فـي دجاهـا قـده
وبالغلا تسرحين وبالغلا تمرحيـن=وللهب فالحنايـا بالغـلا موقـده

[كديميس السيحاني]

لك في ضلوعي شمعةٍ تسهج الليل =
ليل الشتاء دونك يبدد ظلامه

ولك في عيوني نظرةٍ تسبق الخيل=
ولك في خفوقي نبضةٍ مستهامه

ولك في عماسي كيف يابن ياهيل=
ولك في طريقي كل خطوة سلامة

[كديميس السيحاني]

كاتب الاحمر بحرف العين له قـاف انتهضيّـا=
والله اني مابغيت ادخل معك بعـض القضايـا

ارضي القيفان وازعلهن واراضيهـن بقضيّـا=
يوم بالصوره على جنب المبيسـم بإلحظايـا

ماعليك من البطون ولاعليـك الحـظ حظيّـا=
الحظيظ من الحظوظ اللحظ يحضى بإلحضايـا

ياحلو ديم المزون إليا هطل والعشـب غضيّـا=
من بدايـة نزّتـه يسقيـه وعيونـه غضايـا

غض طرفه ريم جافـل مستذيـر ولا ركضيّـا=
ذيّـره قنـاص والقنـاص للصيـد اركضايـا

جض قلبي في ضلوعي والضلوع الحدب جضيّا=
جضتيـن وجضتيـن ويمهـا سـج النضايـا

يالثمان الباسمات من الخجل لإصبـع قرضيّـا=
ليت لعّاب الكلام معـوّض اصبعهـا إقرضايـا

ياغصين البان وان هب الهوى مال وعرضيّـا=
ان نطحته صحت صيحه وان قفيته لإنقضايـا

شفت محاره بهـا درٍ ثمـان الحسبـه إضيّـا=
حسبـي الله يامحمـد والتحسّـب لحظظـايـا

لو عسرت القاف ناصل كل بيـت ٍ وانتقضيّـا=
مرضي القيفان يشضا كل صـاروخ انقضايـا

هامتي يم السماء وسنين عمرالرجـل مضيّـا=
سيف صخره برق رعد وليل وايامـي مضايـا

من سلم يسلم ومن هو عاقته بقعـا مرضيـا=
والله اني ماحسبت امراض غيري وامرضايـا

[كديميس السيحاني]

راعبي الصوت ما يشكي الهجير=ولا عرفنا لحزنه وفرحه سجـع
ولو يبين الصوت يا لفح العبير=صار لك هاجوس فكري منتجع
يادروب الوصل في سلك الحرير=معك راح القلب لكن مـا رجـع

[كديميس السيحاني]

حدب الضلوع اللي كما صلد جلمود = احيان احس الهن لجج و اهتزازي
إن دار فكري في فلك ماله حدود = اخضع ذليل لخالقي بإعتزازي

[كديميس السيحاني]

رعاك الله ياليل السهر كم لاح فيك البرق =
على ضوحه و نجم الجدي يِمّه , وجهت الساهر

و أنا كم شفت في الصفحات ياليل السهر من فرق =
فوارق بين طيات السطور وبعضها ظاهر

و تباريح الصدور اللي تفيض وينظم ءبها الطرق =
حوّت ما استحوذت من فيض ما يخفى على الماهر

[كديميس السيحاني]

مساك ياليل السهر خمس شمعات =
والشمعدان اصابع اليّد تخيّل ؟

و حبر القلم ماء المزن يرسم للوحات =
إليا اختلط بألوان من عقب خيّل

يرسم علامات الرضا بإبتسامات =
جزله كثير ولا رضى بالقليّل

و رسمت وصف وحط جملة علامات =
و صارت حروفي في عيونه تزيّل

و احترت , في قرب وبعيد المسافات =
ولا ودي اجفِّل شبيه الغزيّل

[كديميس السيحاني]

تعال قنّدني من البن فنجال =
و اعطيك من كيف القوافي جزيله

و احدد التصوير و ابني لك اطلال=
تبقى لك الذكرى سنينْ طويله

[كديميس السيحاني]

ليلي ينادي للسهر يكتب امثال =
و تشكيلة الألوان تبقى قليله

لو برسمك يا نجم في عالي العال=
لميعك الباهر حرق للفتيله

و رغم اتساع الجو مشحون باهوال =
و هاجوس فكري في السما له دليله

[كديميس السيحاني]

أتدري إذا نطق اللسان تلعثما =
فأدنِ اليراع لعل أن يتكلم

سحر البيان اليعربي بضادهِ =
بفصح لسانٍ قد يناجي الأنجم

[كديميس السيحاني]

ياصاحبي خل الزعل لا تتخذ يمه طريق =
و من طابع المزح ارسم البسمه والانفس فانية

لسع النحل من بعد ما يأخذ من الورد الرحيق =
ردة فعل كيف العسل تأخذه اوادم جانيه

ما لاطف الورد لنعومة ملمس الورد الرقيق =
احيان يورد للهلاك ليا لسع في ثانيه

[كديميس السيحاني]

تعالي واسكني صدر(ن) عليه من الضلوع سياج =
و بساتين الورود بكل لون وشكل من حوله

تعالي سامري معي النجوم , ومن ضياك سراج =
نعمّر ليلنا الساهر , بشعر(ن) نسرج خيوله

لنا همس القوافي باطراده للقلوب علاج =
ولا نترك مشاعرنا ورى بيبان مقفوله

تعالي وانثري شقر الجدايل كنها الامواج =
تماوج من على كتفيك يوم تفك مجدوله

تعالي بابتسامه شوق تغشى خدك الوهاج =
ليا ناظرتها انسى كل همي عرضه وطوله

[كديميس السيحاني]

تمنيتك معي يوم البحر يسترسل من الموج =
و دمع الغيم من عين السحابه ساق هتانه

وهب الكوس نسناس وفتح بين الضلوع فجوج =
واحاسيس ومشاعر نادتك من صدق وجدانه

[رحيل]

..

حرفُك أنيق جداً




كنت هنآ
ماحبيت اطلع بدون تعليق (:

[كديميس السيحاني]

..

حرفُك أنيق جداً




كنت هنآ
ماحبيت اطلع بدون تعليق (:


هذا من ذوقك الراقي لاهنتي
شرفتي هاجوس فكري بمرورك العطر
دمتي بخير وفائق التقدير

[كديميس السيحاني]

ريان عوده كل ماهب نسناس
قام ايتثنى والهوى منه ما مل

يحوف جسمٍ معتدل قد ميّاس
إليا مشى غصبٍ عليه ايتمهل

[كديميس السيحاني]

لو يصغي السمع للضوضاء تفجر صدور
ثم قلت صم الأذاني خير من مسمعي

مانيب قاصر شبر لو كثروا اهل الشبور
ولا نيب زايد شبر عمّن تصافى معي

درب الردى مغلقه عن كل كذبه وزور
والباب مغلق عن الأشرار ومشمّعي

وصفحة بياض من احاسيسي وصدق الشعور
علن علن مالها تحوير في مجمعي

يا اصفى من المزن في الوسم إن تحدر حدور
واصفى من النبع في زمّ العلا مطمعي

وإن خاب حسن الضنون اقول ماجاء قصور
و اصد عن خط سير, وللنداء ما اسمعي

عشق الصبابة يشين ليا بداء به فتور
و اخشى لا اكون الفتى واحاور الأصمعي

قوس الربابه بصدري واشتكى منه جور
والمستحيل إن من عيني تسيل ادمعي

[كديميس السيحاني]

نسايـم الليـل ماشفتـي سمـوم النـهـار
في لاهب الصيف والمضماه و أرض(ن) خِلي

تعبت و أنا على جمر الغضـا فـي انتظـار
يبسـت شفايـاي يابعـدي عـن المنهلـي

[كديميس السيحاني]

موج البحر كل ماهبـت عليـه الهبـوب
ما عاد يُعرف مسـاره يـا الله المستعـان

يا موج مافيه شاعر عن قصيـده يتـوب
بين الرضا والزعل ياموج ويـن الأمـان

يا موج مافيه من غاص البحور ءمغصوب
يا موج لا تنكسر , مرساك يعطي ضمـان

يا موج مـا فيـه مخلـوقٌ بليـا عيـوب
يا موج لو زاد عيبك عندنـا مـا تهـان

[كديميس السيحاني]

بين العتب والزعل يالريم دو (ن) خلا
وبين السهو والتعمد بينات الفروق

لو قلت حط اعتذار العمد قدم الملا
قلت اعلنه يوم مثلي يفرضون الحقوق

و لو تدمح السهو قلت اشكرك و مجملا
يا ما تحريت في الوسمي صدوق البروق

[كديميس السيحاني]

للقنص نبـل مـن الحنكـة تنمقـه
حتى اصابت سهام لي مـن الكلـم

اشتقت لقياك , إن اشتقت اوعدنـي
اشراقة الشمـس لقيـاي بمحتكـم

يا اقحوان الرياض ان عل ماطـره
شهد الرضاب به ارضى عن الظلـم

جد لي بشهد الثنايـا عـل تنقذنـي
حين وقعت بأسـرك مِـنّ بالكـرم

فإن تمادى رعاف الحرف في طلـبٍ
فلا تشح ولا تغضـب مـن القلـم

ما قد كتبت حروف انـت ملهمهـا
يا ملهم الفكر تذكيري مـن الشيـم

قد قيل سبقاً من انذر فقـد اعـذر
فمن جنى للخطيئة صاح مـن نـدم

فإن صفحت لقول الأمـس ادركنـي
في النصر والسلم كم يرفع به العلم

وإن عزمـت بهجـران لتحرقنـي
أوقد من النار ما تحرق بـه الحلـم

فمن بعث من ممـاتٍ بعـد غفوتـهٍ
قد كان في الأمس مع آسره في سلمٍ

[الجووهره]

مبدع بكل حالاتك شآعرناا
نبطي وفصيح
صح لسآنك مليووون ولا يكفوون
ويعطيك العآفيه على هالروآئع

[كديميس السيحاني]

مبدع بكل حالاتك شآعرناا
نبطي وفصيح
صح لسآنك مليووون ولا يكفوون
ويعطيك العآفيه على هالروآئع

الجووهره

هذا من ذوقك الراقي
صح كلك ولا هنتي
شرفتي هاجوس فكري بمرورك العطر
دمتي بخير وتقدير

[كديميس السيحاني]

حطي الزند لرقبتك وساده
واسفهلي بغمضات الجفوني

واخذي النوم مني بالهواده
لا تقولين يا مسهّر عيوني

[كديميس السيحاني]

نار البعاد ونـار الاشـواق تـزداد
ونار الغلا اللي بين الاضلاع تكفي

جليد بُعدك لـو شهاليلـه اطـواد
في وقت قربك حر الاشواق يدفـي

رجواي قربك يأخذ بثـار الإبعـاد
وفرحة لقاء من لاهب الصدر تشفي

[كديميس السيحاني]

على الهون يا مورِّد سهوم العيون السود
لو إن الحيا يمنعك والناس ملتمّه

بلحظة غضبك تشب نارك كما النمرود
تبي تحرق اللي خالقه عاصمٌ دمه ؟

تمهل على شاعر حروفه عليك شهود
اسرته غلا و افصح لك بكل ماهمه

[كديميس السيحاني]

مرساي من نزف القلم يرفع الصوت
ولو قلت انادي قيل من له تنادي

ناديت من يعبر مع الموج بـ./ يخوت
واليخت هدّى الموج والطبع هادي

[كديميس السيحاني]

خصيم نفسي وضد عداي
بشرعٍ و عُرف و قوانيني

و اليوم مع حيرتي مسراي
طوّل وهمي يناحيني

و ما كلش اطوله بيمناي
حتى لو انخى السياحيني

كل(ن) يبي يجتهد بالرأي
ولا فيه رأي(ن) يقديني

و يا هاجس الشعر روّح جاي
لك خمسة أشهر مجافيني

و اليوم تسمع رفيع نداي
دام المخاليق غافيني

اسهر معي واستمع نجواي
بأبيات شعري و تلحيني

غيض الحزن في الحشى له ناي
و يسورق الدمع من عيني

و اضحك مع الناس من دنياي
و اقول ياربي تعيني

يالله بك عاقد(ن) رجواي
راجيك في العسر والليني

للقادر المقتدر ملجاي
سامع , يجيب المناديني

من امتحن صبري ءبلواي
قادر من الهم ينجيني

ما غيره ابث له شكواي
و ادعيه دعوى الملحّيني

[كديميس السيحاني]

بعد صوم القريحه لا تجيب مع اللحون لحون
ثمان شهور غفوّة ما اعترف بالشعر واسبابه

و ليا قامت من الغفوّة قريحة خافق(ن) مشحون
يسيل المزن من عالي سماه ويسقي هضابه

من استهلالها ترحل مشاعر خافقي بالهون
لموجز شرح عن فعل الليال و ظاهر كتابه

تعاندنا الليال و تستمر بغيّها بفنون
و تحكّم فينا الأقدار و قدرنا غصب نرضى به

رضينا به من ايمان بإلوهية إله الكون
ورضينا به من إيمان الربوبية وما جاء به

ننام بغفلةٍ عما طواه الغيب والمكنون
ولا ندري تردّ الروح والا رفعها أولى به

ليا حبك إلآهك يبتليك ويظهر المضمون
وليا ظنيت به خير ابشر بخيره وتحيا به

وليا منك سخطت بما كتب لك ما لك الا الهون
ولا به من ضمن يوم النشور يفوز بحسابه

[كديميس السيحاني]

يا بسمة الفجر يا الطف نسمة (ن) للهبوب
شهقة من الأكسجين وعطره يجيبها

و إلا إن قسى قلب حواء يستبيح القلوب
تلقا لها متعة بتنويع تعذيبها

والعاطفه تنمحي من قلب خشفٍ شغوب
ورمش النواعس حياض الموت يحري بها

[كديميس السيحاني]

ابداعنا غير وانتن ملهمات الفكر والذوق
يا مصدر الهام للشاعر وهو جاز إله الإبداع

و اوجاعنا غير وانتن تودعن الصدر محروق
ياطب حرق الخفوق انتن علاج لكل الاوجاع

و اوضاعنا غير وانتن تأسرن لكل معلوق
والأسر وشلون حل قيوده اللي بحكم الأوضاع

و امتاعنا غير وانتن غاية الأنظار والشوق
من غيركن مالنا نظرة ولا اشوااااق وامتاع

[كديميس السيحاني]

يا نجد هيضتي كما شامخ طويق
بابيات شعرك والمشاعر ثمنها

بالشعر كم حلقت ف الجو تحليق
خوي جنب احيان يأمر وينهى

مستودع اسرارٌ بليا صناديق
غبة بحر به كل درّه خزنها

خمسين عام اغفي مع الشعر وافيق
حتى حروفه طاوع ءليه رسنها

[كديميس السيحاني]

في ميادين الحياة وطبها و اجراحه
مايفيد بها عبوس ولا يُجنّ الصاحي

كل فكرة في بساتين الزهر سوّاحه
و تقطف من الورد يوم إن الشذى فوّاحي

عانقي حرفي فرح ضد الحَزَن و اشباحه
و انسي احزانك وغني للفرح و ارتاحي

لين تشرق بسمتك شمس الضحى الوضّاحه
و الشحوب اللي على الورد الندي ينزاحي

[كديميس السيحاني]

يا مصدر الإلهام وين الحفاوه
اللي من القيفان تسرج لها الخيل

[كديميس السيحاني]

سريت مع ليلي واناجي ليلي
وامضيت ليلي مع طيوفك سارح

و اسرجت خيلي يا متّعب خيلي
لو ان خيلي ما بهن القارح

[كديميس السيحاني]

سامريني يالهجـوس اللـي بريتـي حالـي
كود اعبر عن غـلا الغايـب بوقـت غيابـه

ويا النجـوم الساريـه ودّن لهـا مرسالـي
آآآه/يا طـول الغيـاب اللـي مشـرّع بابـه

واهنيـه يـوم قلبـه فـي بعـاده سـالـي
ما انشغل فكره ولا آثـار انتظـار اعصابـه

ما دريت إن الهوى يقضـي علـى الرجالـي
لين شال القلب من صدر العنا و اقفـ بـه

اختفى برقه ولـو صـوت الرعـد بخيالـي
كنـه يناديـه بإسمـه , مايـرد الجابـه !!

و الله إن الجـو كلـه عقـب خلـي خالـي
و إن حضر ما انشد عن الغيّاب و ادرى عتابه

عنـدي إن الليـل قمـراء والقمـر يبرالـي
لو شهـر شـوال يشهـد لآخـره بحسابـه

ويا العيون الساهـرة يـوم ابـدع الأمثالـي
من صفا جو الطبيعـة مـدري مـن اسبابـه

[كديميس السيحاني]

قل للمفسر ويش تفسير ياليت
شفت الشعاب الممحله يوم سالن

من لهفة الاشواق اقول اني ابطيت
و ناضت عزوم من الجَهد ما يكلن

و رجعت للساحة بقوة و ظنيت
ان العهود الماضية لا يزالنّ

ولقيت ما نكّد عليّ و تمنيت
ان الليالي قبل لا اعود حالن

و انا على السجيّة وظني يا بالفيت
ان العهود بكل كفّه يميلن

و انا احمد الله دامني ما تماديت
في سبحة افكارٍ قصار و يطولن

[كديميس السيحاني]

الدائرة مفرغة ، والمفردة فتح باب
ما ودي اعيد نفس السالفة كلما

كتبت بيتين والثالث سبب ل اضطراب
مشاعرٌ صامته تشبه مجسم دُمى

البارق اللي سرى يبجد بطون السحاب
ويلامس الارض بإشعاعه ويعرج سما

من شرق الأبرق لميعه،رحمة الله حجاب
والا احرق اخضر ويابس من بصير وعمى

مني عطيته رسالة ، وانتظر للجواب
من قايد الغيد لو كلمات بالبرسما

انا ادري انه بيفهما و يكتب كتاب
والا على الشط برمال البحر يرسما

للكبرياء حد واحسب للعواقب حساب
خف من دعاء اللي ظلمته واستبحت الحمى

و في لب صدره كويته كيتينٌ عُجاب
و شلون تحكم بقتل المغرم المسلما

قل له وش اللي جنى من ذنب واكسب ثواب
و يدلي بقول، اعتراف او نفي ، وانت احكما




،
،،
،

[كديميس السيحاني]

على الفكر وُرد الهجس و استوقد القنديل
و دنّا القلم والطرس و املاه من فحواه

تناضح عدود ورِس ما ف القراح بخيل
على السرعه ارس الترس و اللي فهم يقراه

تبسم حجاجٌ عبس مما قراء تبجيل
سهير العيون من امس لين السهاد اضناه

[كديميس السيحاني]

انا على نيّتي و امشي بدربٍ سليم
ما ودي اهل النميمه يمتطون الكلام

اخاطب الطيف ماشي مع طريق القصيم
حتى مع الخط نتقاسم لمسك الختام

عيني تخيل الثريا اطوف عند الحطيم
اشغلتني في طوافي ما لبست الحرام

[كديميس السيحاني]

ليش تزعل و انت لك منزال عالي
في حنايا الصدر ماغيرك وصل له

خوّتي للطيف مع جرد السهالي
و في بلاد بكل دين وكل مِلّه

وين حدسك غاب عن صب الدلالي
من دُلالك صار قلبي فوق مَلّه

[كديميس السيحاني]

انت تدري و انا ادري كل هذا خطأ
ما نبيح المباح ولا نحرّم مباح

كل ذكرى حفظناها برغم البطا
و كبرياء بنت حوا تعتبره الوشاح

[خيال مطير]

انا

كنت هنا من بطي

لاتفكر اني متجاهل
تبقى ( هامه ابو منصور

كل يوم أمر
مدونه مرصعه بماء الذهب
كنت هنا
ومتابع

[كديميس السيحاني]

انا

كنت هنا من بطي

لاتفكر اني متجاهل
تبقى ( هامه ابو منصور

كل يوم أمر
مدونه مرصعه بماء الذهب
كنت هنا
ومتابع

خيال

حياك الله من مبطي وهالحين وبكره
متابعتك تشوفني والمحل محلك لاهنت
تقديري واحترامي لك

[كديميس السيحاني]

لا تحيّرني وانا فكري محيّر
من دلالك وانت يزهى بك دلالك

و الغلا يا الولف والله مايجيّر
وانت تدري بالغلا انه لك لحالك

الشبه لك ف الغزال ليا تذيّر
طالبك يا الولف لا تبخل وصالك

[كديميس السيحاني]

على الشاطي وليلٍ سكون وهدير الموج
خيالي تصوّر طيف ما اكتملت الصوره

ليالي مضت كن الصحاري كساها مروج
ليا من مشينا بروض فزّت لنا زهوره

تسامرت انا وياك والفوج يتبع فوج
من اعذب قصايدنا بشذى الورد ممطوره

[كديميس السيحاني]

كل ما حسيت في الدنيا فتور
التزمت الصمت في حال انفراد

وش تغيّر يا ملذات الصدور
والبرود احيان من جو البراد

ان فهمت اللي كُتب بين السطور
التجاهل ليه و فنون البعاد

في الصراحه خذ بطاقة للعبور
و كل تفسيرٌ بحسب الاعتقاد

[كديميس السيحاني]

كانت ليالينا فنون
فيما يكون او لا يكون
ماهمنا سِهر وتعب

ودارت بنا كل الظروف
ما بين تبرير و حلوف
حتى نقد كلمة عتب

يا ليل قلت انه صريح
ياليل وش طبع المليح
ما اشوف لاطباعه سبب
،
،،
،

[كديميس السيحاني]

تعمد تنبش جروحي تظن الجرح بي قد طاب؟=
ترى جرح الغلا بالقلب غاير وانته ادرى به

يكفي منك تعذيبي ولا ادري وش هي الاسباب =
تنقض بي جروح ٍ يعجز ءبها الطب واطبابه

دخيلك لا تجرعني كؤوس مثل سم الداب =
بتعذيبي تلذذ !!! والمقدّر صح عشنى به

تشتت فكري الهايم و من كلمة معي ترتاب !!=
وانا باقي على عهدي معك والصبر جلبابه

بزعمك كل طعناتك لصدري عادة الاحباب=
حشى لله ما قبلك تعمدها مع احبابه
،
،،
،

[كديميس السيحاني]

ان كان من بيني و بينك فجوجٌ وساع
قل جرهدي الفيافي صعب تقريبها

اطفي شموع السهر و انثر مداد اليراع
صفحة بياض انطوت و اسرارها غيبها

عش كل ذكرى على بحرك و فل الشراع
و انا اقتنع في ليالينا و الاعيبها

يوحي لك الليل كل احساسك بلا نزاع
في مهرجان الحياة بكل اساليبها

وفاً لعهده معك ، عهد الوفا ما يباع
و ارقب نجومه ولو كثرت مشاهيبها

يسري بك الليل للقمة بليا ضياع
و معك الغيوم الرفيعه ينتثر طيبها

ماله ومال البطون شباع والا جياع
صوت وصدى و اللحى تكرم لاشانيبها
،
،،
،

[كديميس السيحاني]

يا ليل ما كل منهو حاول السجه
يلقى لها درب دام الجو به عجي

و ياليل كلٌ يدوّر له على حجه
و اسعارها غالية للي نوى الحجي

والسجن مرجوج والاوضاع مرتجّه
و الظاهر اني لركن الهجس بهجّي

السجن ضيقة صدر والناس محتجّه
مدري على ويش يا الشاويش يالحجّي

بيت الشعر لو ترقّع مِنه الفِجّه
تبقى فتوقه ولو إن الذرى فِجّي

مانيب مكلوف حتى اصيح و اوجِه
كلٌ على سجيته واليوم بسِجي
،
،،
،

[كديميس السيحاني]

يوم هل الغيث من صادق قنوف
ما نطقت بحرف لام الناهيه

يا سهام الموت من عين الخشوف
ارسلتهن والاوادم لا هيه

وقعهن اشد من وقع السيوف
و زرق رمحٌ ماقدرها الا هيه

و اعلنت للحرب مع ضرب الدفوف
بالسهام ، اقوول ، حواء داهيه

كل هذا في خيالي له وصوف
في تغطرسها الخشوف الباهيه
،
،،
،

[كديميس السيحاني]

غنّت على نبضات قلبي حمامه
و جاوبتها بالصوت والسر مكنون

غبّة بحر تسعه و تسعين قامة
تلقى بها صندوق الاسرار مدفون

ما به دليلٌ له ولا له علامه
و عن زمرة التنجيم خافي و مصيون

لا لا تلحّقني بعشقي ملامه !!
و انت السبب في كل ما كان ويكون

لك في حنايا الصدر تاجٌ و هامه
تتويج ملك اللي على القلب يسطون

[كديميس السيحاني]

تعرف شتات الفكر في نبرة الصوت
و تعرف تحدد ويش ابي ، من حروفي

ما ينفع النادم ليا فاته الفوت
ان كان ما ضمّدت جرحٌ بجوفي
،
،،
،

[كديميس السيحاني]

ليا سجع راعبي صوت الحـزن والعلـل=
كنه يناجيني بصوتـه ويشكـي الهمـوم

صوتي يرد الصدى ما أنحاز مثـل الشِلـل=
والنفس تبقى عزيزة ، لوم ياللـي تلـوم
،
،،
،

[رحيل]

صح لسانك شاعرنا

[كديميس السيحاني]

صح لسانك شاعرنا

هلابك يا رحيل
صح كلك ولا هنتي
شرفتي متصفحي بمرورك العطر
تحيتي وتقديري لكِ

[كديميس السيحاني]

الشوق يجتاح الضلوع المحاديب
والموج هاج و يكسره رابي الشط

و ارسلت انا الامواج يمك مناديب
و اعرفك مع موج البحر تفهم الخط

،
،،
،

[كديميس السيحاني]

ياحبي لقربك وخيرك و سوّك =
و الفال , خير و نظرتك كنها خيال

يسقي حنايا الصدر هتان نوّك =
إن سال, من مزنٍ مراديم و ثقال

ويطيب جوّي معك و يطيب جوّك =
في حال, لين و شد وعناد وجدال

ياسيدة , بسمه , بحضرة سموّك =
تختال , و تماري على وجه رجال

،
،،
،

[كديميس السيحاني]

ارسل مع النسناس في غفلة الناس=
عزفـك وموالـك وتلـقـى ردوده

الصمت له مقياس والفكر حساس=
والمنتظر صبـره تعـدى حـدوده

ماكن فيه اوناس مع قطع الارماس =
ليت التلاقي بك تحرر قيوده

اما اسقني بالكاس والعطر الانفاس =
و الا صويب العشق جهز لحوده
،
،،
،

[كديميس السيحاني]

احذر تخلي الفكر يصفق كما الموج =
في حيرته مابين قلبي وروحي

القلب معك اقفا وصدري غدى فجوج =
والروح عطشانه وكاسك شحوحي

اما اسقني كاس ٌ من الحب ممزوج =
وصل ودلال وبلسمٌ للجروحي
والا= ؟
،
،،
،

[كديميس السيحاني]

لي صاحب(ن) كيف ما جاوب صدى الونه=
و أنا احسب إنه ليا ونيت يدري بي

ارسلت ونات صدر(ن) جض,, ما حنّه =
ما كنّه الا شفوق لزود تعذيبي

و مشاعر الصمت, بسلوم الغلا جنّه =
و في بسمته ضيّع السلم و مطاليبي
،
،،
،

[كديميس السيحاني]

وين انت ؟ في صدري من الشوق و لوال
ارفق على حالٍ من الشوق ناحل

خوفي عليك ، يبدد الفكر و الحال
و كلمه تطمني ، و للبحر ساحل

،
،،
،

[كديميس السيحاني]

تدري غلاك بداخل الصدر مكتوب
بخطٍ عريض و قلتها لك صراحه

عفوية الكلمة ولو تفقد سلوب
نطق بها قلبٌ تنازف جراحه

،
،،
،

[كديميس السيحاني]

الصبر للوهلة الأولى لقلبي ثبات
و الحمد لله و المكتوب لازم يصيب

ليا انطفت شمعة ( ..... ) و فات الفوات
نرضى بما قدره رب ٌ علينا رقيب

و يا دمعة العين حدّر سيلك الذكريات
من عهد سن الطفولة لين سن المشيب

ما بين ضحك و عتب و أوامر ملزمات
و ما بين شوق و جدل و يخالط الورد طيب

و دعتها و حلت الفرقا و فكري شتات
ياصعب وقت الوداع لمن لقاهم صعيب

،
،،
،

[كديميس السيحاني]

سامريني بإختراق الصمت و الليل و سكونه =
لجل ابوح بما احتواه الصدر من شوق و موده

كل همسه منك توصل , تثري القلب و شجونه =
يوم احاسيس الغلا تنساق لك من غير صده

و كل قاف من القريحه صغت لعيونك لحونه =
و للمشاعر فيض تعزف لك سلام و مستعده

[كديميس السيحاني]

انثر عبير الشوق في بيض الاوراق
و اسرج من بحور القوافي مهارك

و مع انبلاج الفجر شف ورد الاشواق
يعبق شذاه و منه طيّب خمارك
،
،،
،

[كديميس السيحاني]

ان شفت براقٌ كشح ليل يا سعود
قل للوليف ان الهوى مابه إنصاف

احدٌ سهر ليل الهوى و ناسه رقود
و احدٌ غفى يا سعود ما حافه اطياف

[كديميس السيحاني]

يا ركن هاجوس فكري طيفه يمرك؟
والا نسى هاجسي و الحدس ما جابه؟

في ما مضى يا هجوسي دايم يسرك
و احترت ما بين نار الشوق و عتابه

و يا ولف اقول ءلك يا حلوك و يامرك
و انشد هجوسي وش اللي محرق اعصابه

[كديميس السيحاني]

خيال شاعر هام في البحر سابوح
و احلام يقضة مبعدات الشبوحي

ياعين قرناسٌ مواكيره سفوح
سُمر الجبال العاليات السفوحي

ترسل نبال اقواس واللب مذبوح
للي نوَت عوقه بلحظٌ مزوحي

قولوا لسلسالٌ على العنق له ضوح
لا يجرح البلور والعقد يوحي

انا احسده لو راعي الحسد مجروح
على ترايب عشقتي له و ضوحي

و بش العرق من نحرها عنبر يفوح
يوقد شموعٌ للسعاده بروحي

ولبى القماش اللي على الصدر مشروح
امتص منضوحه بعطرٍ يفوحي

و لو جيت اكمّل باقي الوصف مفضوح
معذور لو ما اكمله من جروحي

[كديميس السيحاني]

على ضفاف الشـط فـي دار عينيـن
الموج يوصل لـه ويعطيـه الاسـرار

وانا عطيـت المـوج كلمـة وبيتيـن
تعبير خافي جاش في نظـم الاشعـار

حمّلتـه الاسـرار ولـهـا نياشـيـن
بصمة عليه اثبـات والشمـع والنـار

للمـوج حملـه بالأمانـه براهـيـن
إليـا وصـل لأقـدام رجليـك ينهـار

لا تنشدين الموج من ويـن و لويـن
ولا تفرضين الصمت بالحكم لو جـار

ردي بحكم العـدل و اوفـي موازيـن
قسطاس عدل ويعكـس المـوج تيـار

استأذنـك صمتـه وصبـره زمانيـن
حتى انبرى حاله ولا اعلن لك جهـار

وناجاك طيـف مثبتـه فـي دواويـن
وارسل مع الامواج في غزر الابحـار

وارسلت له ليزر سهومك مـن العيـن
و ادميت معلوقه قبل وصـل الأنظـار

لك جاذبيـه تحكـم ءبهـا البعيديـن
ولك نظرةٌ توردني لحـوض الأخطـار

عليـك ون وسِهـر والنـاس غافيـن
و جاوب لبوح الورق لاغصان الاشجار

وعليـك نـادى يستبيـح القوانـيـن
لـو تستبيـح الـدم ماتُطلـب بثـار

وبيني وبينك لو صفـا ولـف قلبيـن
ما يفـرح العـاذل بتبريـر الاعـذار

[كديميس السيحاني]

لسان ضاد اليعربي ما يترجم
و بين السطور إقراه ويبين خافيه

ليا شح يا عد الروى صافي الجم
الله يجيب من المطر ما يساقيه

و من اللغة عندك ثلاثين معجم
وما تعجزك في مفرداته معانيه

[كديميس السيحاني]

يا ركني الهادي ليا هبت النود
ما بيك يا ركني تعكر مزاجي

انته لي الاطلال و الرمز موجود
محفوظ بين حروف في حق عاجي

[كديميس السيحاني]

ما يكفي القلب معك اقفى اسير و جريح ؟
الصدر تدميه !! يا الغالي وبه منزلك!!

!

[كديميس السيحاني]

لو تدري بما حونه ناحلات الضلوع
ما كان صديت كنك ما تعرف الخفا

لو ينزل مأشر الاسواق سهمك طلوع
و الله ماقد نزل لو بان منك الجفا

[كديميس السيحاني]

مكانتك عندي كما شامخ طويق
مهما الزمان يدور لا ما تزحزح

[كديميس السيحاني]

ياليل قل للرواسي ،، ف السجن وين الحساسي
الصمت خيّم على الجو ،، و السهر طاول عيوني

سمعت صوت الحمامه ،، و تقول ما افهم كلامه
و اصحابنا ليش ما جو ،، عسى السبايب تهوني

[كديميس السيحاني]

حسبي على دورات الايام هي كيف؟
تقدر تبعّد بين ولف و وليفه ؟

[كديميس السيحاني]

تقافت بنا الايام وين العهود و وين @
و عود ٌ قطعناها على مر الايامي

ليبقى التواصل بيننا لو يطول البين @
بصدق النوايا ما نمثل للافلامي

[ناصر الهواوي]

لله درك يابو منصور مبدع بالفطره صح لسانك ولاهان راسك
اسعدني مرور في هالبستان الرائع
تحياتي

[كديميس السيحاني]

لله درك يابو منصور مبدع بالفطره صح لسانك ولاهان راسك
اسعدني مرور في هالبستان الرائع
تحياتي

هلابك يا ابو عبيد
شرفت المرسى بمرورك الشامخ

[كديميس السيحاني]

الهجوس اللي على الصدر استشاطت
كنها موج البحر تسمع هديره

[كديميس السيحاني]

في برهة الصمت كني فاقدٌ حاجه
و تصعب على الفكر يوم انه يدورها

و اصير كني غريق البحر و امواجه
و سترة نجاته قدم عينه يناظرها

ءليا تقدم لها تُبعد بمنهاجه
و كلّت عضوده و موج البحر يسترها

[كديميس السيحاني]

هاجس كديميس نجّب لك نجايب
قبل نص الليل يعلن للنهايه

لا تناديني مع بروق السحايب
الندا من روحك لروحي كفايه

و الله انك حاضرٌ لو كنت غايب
في سمو الطيف ما قلته دعايه

ريح عطرك مع نسانيس الهبايب
تنتشيه الروح و اكتب لي روايه

انشد الاوراق و تشوف العجايب
كل بيت من القوافي فيه غايه

استدنت الصبر و ادفع له ضرايب
و الضريبه عج هجرك في سمايه

لا تخون العهد و تسوق الركايب
خبري انك وافيٌ دايم معايه

[الجووهره]

صح لسآنك شآعرناا
ودآم ابدآعك

[كديميس السيحاني]

صح لسآنك شآعرناا
ودآم ابدآعك

صح كلك يا الجووهره ولا هنتي
انرتي متصفحي بمرورك العطر
دمتي بخير

[كديميس السيحاني]

ياليل ما تدري عن الحال يا ليل
يوم البروق لدارها وجّهت بي

مشتاق له واشتاق منه التعاليل
عقب الظروف ءعن الولايف نحت بي

امانتك ياليل وصّل مراسيل
كم موجه لشاطي هواه عبرت بي

[كديميس السيحاني]

لـيـه تحرمـنـي الضحـكـه وقلـبـي جــزوع
ما طمعـت اتـواجـه مـعـك وابــدأ الـجـدال

وانت لك مسكن (ن) مغروس بين الضلوع
لو يـطـوّل غيـابـي عـنـك هـجـرك مـحــال

و كلـمـة(ن) قلـتـهـا مـزحــه تـــرد الـدمــوع
ما هقـيـت انـهـا توجـعـك فــي كــل حــال

لا تكاثـر مـزوحـي بــأي شـكـل (ن) ونــوع
الـمـيـانــه تــنـــادي لـــكـــل مـــنـــا تـــعـــال

[كديميس السيحاني]

الغزل واشعاره ان ما قلتهن في حلي
سج عنه الفكرسجاته ويطري طاري
.
بالنظر صديت عن طيفك وعيا يفلّي
وغصب شد الانتباه وقلت فيك اشعاري
.
الجديل اللي خلافك مفترش له زلي
كنه حبال السفينة يلفت الانظاري
.
ابك ضفيه بعباتك قبل اجيلك كلي
لو هدب عينك سيوف وحدّهن بتاري
.
المنايا من عيونك بالنظر ترسل لي
لكن اعلنت التمرد سجله تذكاري
.
مثل من يعلن بثورة ضد للمحتلي
ساق روحه للشهادة والمقدر جاري

[كديميس السيحاني]

يسري بي الليل كني قاطعٌ فرجه
وانا بمكاني وفكري طار بجناحه

[كديميس السيحاني]

ما بين وارد وصادر من يرد الخبر
لعل الاسباب خير ولا يطول انتظار

و ان قلت للمنتظر ربك يجيب المطر
يفز قلبي كما فزّت غصون الخضار

[كديميس السيحاني]

مع هجوس الشعر كم طال التفاهم والنزاعي@
لو هل الشعر الحقيقي فنهم عشق و صبابه

شايب و كم شاب طفلٌ توه بسن الرضاعي@
يا عتب ما عاد لك بحلوق خلق الله طلابه

و يا مشاريه الغلا ما عاد للشرهات داعي @
كل شرهه يقتفيها لوم ( يا مكثر عتابه )

نافخٌ في قربة شنه لها خروقٌ وساعي @
مخطيٌ فيما فعلت و ضاع جهدك و المهابه

قفل ابواب العتب يا اللي لبذل الجهد ساعي@
لا تحسب ان المبادي لأكثر العالم تشابه

احتسب ما تفعله بإقبال والا ف الوداعي@
و ابتسم والصدر خله من رحابه في رحابه

و واكب امواج البحر و لمركبك فل الشراعي@
كل موجه تنكسر ف الشط من زيف انسيابه

[كديميس السيحاني]

يسري بي الهاجس اللي ما صفا جوّه
و انا على طارف الذكرى و الاطلالي

يا نجم سامر سهِيرٌ تتقد ضوّه
بين الحنايا لهبها يشعل اشعالي

و ان قال للهجس هوّد قال له توّه
ما كل ما قلت هوّد صار يحلا لي

و الذاكره من مداره تاخذ القوّه
ما بين روح و تعال وذا لك وذا لي

[كديميس السيحاني]

تبيان شطرٌ كتبته و انت تدري به
و تكميلة البيت تبقى داخل ضلوعي

[كديميس السيحاني]

يا بلسم الجرح ليش تمن بعلاجه
و كنك تقول ان طبه كيف يعنيني؟

[كديميس السيحاني]

شفتك مقفي معَ طلعت كرى و تلامس الغيم
و اقفيت مع خط جده و دي بشاطي بحرها

[كديميس السيحاني]

لا تحسب القلب سالي وحبي لك خداع
اشهد اني صادقٍ بالغلا ماقلت زور

انت قلبي مرتعٍ لك فيافيه الوساع
صار محمي لك لحالك عن الغيرإمحضور

اسقي ازروع المحبه وحذرى الانقطاع
كل زرع ليا انقطع ماه يبدا بالضمور

و العهد من بيننا كل سر ٍ مايذاع
كن مابيني وبينك تبادل للشعور

للمشاعر فالحنايا من اسبابك صراع
لا تقولين ان ودي تجاهك به فتور

[كديميس السيحاني]

يزورني طيفه و ازيد التراحيب
و موثقٌ عهدي معه ما انفصليّا

و ارسلت مع نجم الثريا المناديب
وصلوا ولا وصلوا ولا لي وصليّا

و احرق صلو ناره ضلوعٌ محاديب
ما تنطفي يا كود وصله حصليّا

و ان كان ما عنده لوصلي مواجيب
قولوا له انه يلحق النار صليّا

[كديميس السيحاني]

مهما تحررت من كثر العتب و القيود
الذكريات استباحت كل حد و مجال

باقي على عهدنا، والا نسيت العهود ؟
سؤال من وحي طيفك يوم طال الجدال

اشكر طيوفك وفِيه رغم بُعد الحدود
في كل ليله لها عندي وصل و اتصال