سلطان الروقي
07-08-2010, 05:07 PM
جدي رجل غزاه الشيب وأخذ حلاله وماتبقى في جسدة من قوّه وجبروت وعظمة ياست !! يناهز عمرة التسعين
عاماً احياناً ينطح الصغير بالهروله وأحياناً مايمشي إلا بنتعه زي الهايلوكس الي كان يسوقها ايام شبابه وكان يسميها
عصيفيره كنايه أنها كانت تسبق العصافير من سرعتها .. هوايته رعي أغنامه التي تشكل اكبر نسبة اغنام بالعالم
بحيث ان موسوعة قنتس تزوره كل عام وتسجل رقم جديد لين زهقو وتوجهوا لحساب الضفادع في نهر الأمازون
الي ماتجي
نص عدد اغنامه .. همة الأول والأخير راحت الاغنام وتقديم الخدمة الذاتية لها حصل على براعة أختراع عندما
قدم مشروعة ل/لجنة مدينة الملك عبدالعزيز وهو عبارة عن ريموت آلي مزود بساعة بيلوجية يستطيع حساب
الوقت المتبقي لوجبة الأغنام ويقوم هو بوضع الشعير والجت في الوقت المناسب.. أدهش هذا الأختراع العالم الياباني
(سازوكي ددسن غمارتين ) وأشهر أسلامه حينها ونطق الشهادة بمساعدة جدي لكن مامرت ساعتين رجع
هذا العالم لدينه السابق (بوذي) لأن جدي حفظة الله طلبو منه ينطّق العالم الياباني الشهادة وحشره في زاوية القاعة
كأنه جالس يطلّع جني من أدمي وتروع العالم من وحشية المسلمين وأعلن تمسكة للبوذية
واصل جدي دراستة وخلص الكفائة في عمر متقدم حيث كان يدرس ليلي والي كان يدرسة تاريخ ولده (شاكر)
وبالواسطات ولعنة الخير اخذ الشهادة وصار كل يومين يجمع العائلة ويسوي أنا الرجل الفاهم ويقول من أسباب
سقوط الدولة الأموية أنهم ماكملو الكفائة !!
جلس جدي لمدة عشرين عام وهو يجمع قطع غيار من الصناعية ويشتري التلفزيونات القديمة وكل ماشاف ريموت كنترول
سرقه خلسه دون ان يشعر به احد ويدز لحضيرة الغنم إلى ساعة متأخره من الليل ويجلس هناك حتى يذن الفجر
والناس تروح تصلي هو يقفل الحضيرة ويروح يرقد لين أذان المغرب ويكمل برنامجة اليومي
حتى جتني اللقافة وقلت لازم أضع حد لهذا الشايب جلست لمدة أسبوع أتبع أثره تاره في صناعية الدمام وتاره في
تلك الحضيرة الي مايمديك تدخل الا بكمام وعدسات لاصقه لأنك يالله تشوف جدي من كثر الغنم الي فيها
ومابين انا متنقل ومتابع لتحركات هذا العود كفشني وأنا مطلع راسي ورى حوض الماء وأراقبة بالبداية سوى نفسه
مايشوف ويناظرني بطرف عين ويقول ياراكبن من عندنا فوق قم طس!! وأبتسمت أنا ورديت عليه // أحسن من قولة
تقلع وفارق (( بيت الشعر الي حفظة لي وانا صغيرون )) وتلني مع رقبتي بسرعة مدهشة
وحسيت أول مره أشوفه بقوه وصرامه ويهزني كأنه ماسك
رقبت أرنب قال ماللذي أتى بك الى هنا <- نسيت اعلمكم جدي مايتكلم الا بالفصحى مايعترف بالكلام العامي ابد ..
قلت له كنت أتبعك وأريد أشوف وش تسوي !! قال هل خلفك أحد ؟ قلت ايه ذيل اللقافة هههههههه وصفقني على
حوض الماء قلت له ماخلفي أحد انا وحدي يبن الحلال! ناظر في الذيل وش طوله قال ماذا تحمل؟ قلت له
ماذا شي ... قاال هااه ؟ قلت مامعي شي وأنا انتفض نفض ولا انتفاضة فلسطين يوم طلعوا اغنية الحلم العربي
ومع النفضة طاح ريموت كنترول مني قال وشو ذا قلت له هدية جبتها لك لاني اشوفك تحب الريموتات وقلت
عشاك اليوم على حسابي ( أحسب أنه ياكل الريموتات ) ناظر فيني وأبتسم وطلعت فوق راسة علامة فكره ومكتوب
داخلها (( فاهمني ياخسيس )) المهم انه وخر يده وطحت على الأرض وعطاني ظهرة وقعد يسولف ويقول
ياولدي الحياة تحتاح للصبر ....وصار يتفلسف ... زبدة الكلام اتفقنا انه يعلمني وش يسوي بشرط
أعاونه واجمع له كل يوم ثلاثه ريموت كنترول زيادة بطارية مع واحد عصير أسلاك تلفون ؟؟ أستغربت من الشرط
قلت له ليه تبي كل ذا ؟ قال ليس من شأنك ! أكسبت أور نت ؟ قلت له أكسبت أكسبت !!
قال اجل امش وراي صفر تصفيرتين وخرت الغنم عن طريقة وانا امشي وراه بعدها وصل لفتحة في الأرض مسكرة
بقطعة حديدية عليها قفل طلّع المفتاح وفتحها وناظرت لقيت سلم يوديك لسرداب ويمشي وهو يسولف عن تاريخ
الحضارة الرومانية !! وأنها انهارت برضو لأنهم ماكملو الكفائة هههههههه!
وصلنا لأخر السرداب ولقيت سرير زي حق العمليات مغطى بشرشف أبيض وجنبه كرسي جلس جدي على
الكرسي و وراه كَبت مرصوص كُتب انقليزية طلّع كتاب وجلس يقرى فيه قلت له وانا مندهش
جدي تعرف انقليزي !!!؟ رفسني مع بطني وقال الأنسان مايتطور الا اذا عرف لغات العالم فتح الكتاب وجلس
يقرى وانا منبطح على الارض ومندهش.. جلس شوي وبكى !! قلت وش فيك قال أكذب عليك ماعرف !! بس
انا على يقين أن خلف هذا الكتاب معجزة علمية قلت له طيب تبيني اترجم لك أنا اعرف كم كلمة ناظر فيني
قال صدقاً ؟ قلت اي والله من صدقي عطني أقراه ..عطاني الكتاب وقريت العنوان وبحركة غير مقصودة
صفقته على بطنه بالكتاب قلت الحين مسوي في امها فيلسوف وبتحل شفرة ديفنشي وبالاخير تقرى كتاب ( كيف
تعدين العشاء لزوجك ) وأنا أمشي وأخليه يوم وصلت لفتحت السرداب طرى على بالي اعرف وش الي مغطيه
رجعت له قلت تبي توريني الي انت مغطيه ولا اعلم عليك ( سوالف بزران ) قال كلا كلا قلت اجل لاتجلس
اتكل كلي افتح الغطاء قال أوعدني بإن ماتخبر احد قلت بأبي وأمي كلا أفشي السر لأحد أنبسط وفتح الغطاء
وأناظر وألقى نعجة مفصخ ملابسها وفاتح بطنها نصين وأقرّب لمها واحط يدي عليها ويضربني! قال من غير تلميس
قلت طيب ... قال هذي نعجتي (سالي) تعرضت لحادث دهس يوم كنت جاي من الخط العام ومانتبهت لها وهي
أحب نعجاتي فجعت أثر وفاتها وأنا الحين أكرس كل جهدي علشان أشوفها تمشي قدامي قاطعته وقلت
اغسسسل ايييدك قال أخرس ودعني اكمل كلامي قلت طيب قال أنا مؤمن بالله أني سأرها تمشي بطريقة أو اخرى
قلت أشهد أنك مخرف ياجدوو اجل تبي ترجع لك؟ أفلقني! قال بفلق أبوك الي جابك وأحط رجلي جهة الفتحة
وهو يحذفني بكتاب طبخ أنقليزي قال اوريك يالسلوقي الشرهه على الي يفشي لك سر قلت ههاي سلم على سالي!!
ههههههههههههههههههه
مرت الأيام الين ماجاء اليوم الصباح وأنا توني واعي من النوم وأسأل امي عن جدي قالت عند غنمة قلت ماتدرين أجل
قالت وشو ( ناوي يفضح جده ) قلت جدي يكذب عليكم .... مايمديني أكمل كلامي الا واسمع صوت صراخ
ونناظر أنا وامي مع الدريشة ونلقى جدي بالشارع ويرقص قالت له امي انجنيت ياعمي قال (وجدتها وجدتها ) مسوي نيوتن
قالت وش الي وجدته قال تعالو كلكم الحضيرة حالاً..! نزلنا انا وامي وأتصلت على خويتها أم بدر امي لازم
تعلم ام بدر كل شي يصير بالبيت حتى لو ابوي طلق امي تقول له عطني دقيقتين وتروح للتلفون وتعطيها خبر انها تطلقت
المهم انها علمت ام بدر اننا رايحين للحضيرة واتصلت على ابوي في الدوام وخوالي وعماني وصلنا هناك
ولقينا جدي مبسوووط حده ومستأجر كراسي حفل من محل تأجير حفلات وبالنص منصه ومايكرفون جلسنا
وجلست أم بدر جنبي قالت وش فيه قلت هااه مدري!! ... طقطق المكرفون جدي وطلع صوت صفاره
عدل المكيرفون وقال ليدز أند جنتل مان وجلس يعلمهم الي قاله لي البارح كله وإنه اليوم الصباح دق سلف
ماطور قلب (سالي) وصحت من غيبوبتها وأنبسط وقال كل شي فيها سليم عيبها الوحيد ان الشاصي منعوج شوي
لكن لو تناظرها من الصدام للصدام ماتقول انها دخلت سمكرة ابد وقال ان سالي حالياً تتمتع بصحة جيدة
لكن متخدرة من تأثير البنج نهاية كلامة جلس يهايط ويقول إن الأنسان اذا عرف قيمة الصبر قدر يحقق
المستحيل وإن الدين وصانا بالصبر .....ألخ بنهاية الحفلة تجمعنا عليه وجلسنا نبارك له وهو انبسط
من حميمية اللقاء يوم شاف عيالة والعائلة حوله ومن قو الخقة والفرحة بكى بكاء اليم وحلف انه
يعشينا بمناسبة الجمعة الحلوه وطلق طلاق من جدتي انه يذبح سالي كرامة لنا <--- أمحق نهاية
مايستفاد
1- وما نيل المطالب بالتمني ... ولاكن تؤكل المعزى علافاا .
2 / لابد يا ماي برذر تعرف ان مافيه شي مستحيل وان الصبر والعزيمة مفتاح سرداب الحضيرة .
3 / انهارت حضارات روما والدولة الأموية لأنهم ماكملو كفائة .
4- إذا عجبكم الموضوع قيموني لاني اكتشفت ان التقييم أكوس كواسة من كواسات الدنيا .
عاماً احياناً ينطح الصغير بالهروله وأحياناً مايمشي إلا بنتعه زي الهايلوكس الي كان يسوقها ايام شبابه وكان يسميها
عصيفيره كنايه أنها كانت تسبق العصافير من سرعتها .. هوايته رعي أغنامه التي تشكل اكبر نسبة اغنام بالعالم
بحيث ان موسوعة قنتس تزوره كل عام وتسجل رقم جديد لين زهقو وتوجهوا لحساب الضفادع في نهر الأمازون
الي ماتجي
نص عدد اغنامه .. همة الأول والأخير راحت الاغنام وتقديم الخدمة الذاتية لها حصل على براعة أختراع عندما
قدم مشروعة ل/لجنة مدينة الملك عبدالعزيز وهو عبارة عن ريموت آلي مزود بساعة بيلوجية يستطيع حساب
الوقت المتبقي لوجبة الأغنام ويقوم هو بوضع الشعير والجت في الوقت المناسب.. أدهش هذا الأختراع العالم الياباني
(سازوكي ددسن غمارتين ) وأشهر أسلامه حينها ونطق الشهادة بمساعدة جدي لكن مامرت ساعتين رجع
هذا العالم لدينه السابق (بوذي) لأن جدي حفظة الله طلبو منه ينطّق العالم الياباني الشهادة وحشره في زاوية القاعة
كأنه جالس يطلّع جني من أدمي وتروع العالم من وحشية المسلمين وأعلن تمسكة للبوذية
واصل جدي دراستة وخلص الكفائة في عمر متقدم حيث كان يدرس ليلي والي كان يدرسة تاريخ ولده (شاكر)
وبالواسطات ولعنة الخير اخذ الشهادة وصار كل يومين يجمع العائلة ويسوي أنا الرجل الفاهم ويقول من أسباب
سقوط الدولة الأموية أنهم ماكملو الكفائة !!
جلس جدي لمدة عشرين عام وهو يجمع قطع غيار من الصناعية ويشتري التلفزيونات القديمة وكل ماشاف ريموت كنترول
سرقه خلسه دون ان يشعر به احد ويدز لحضيرة الغنم إلى ساعة متأخره من الليل ويجلس هناك حتى يذن الفجر
والناس تروح تصلي هو يقفل الحضيرة ويروح يرقد لين أذان المغرب ويكمل برنامجة اليومي
حتى جتني اللقافة وقلت لازم أضع حد لهذا الشايب جلست لمدة أسبوع أتبع أثره تاره في صناعية الدمام وتاره في
تلك الحضيرة الي مايمديك تدخل الا بكمام وعدسات لاصقه لأنك يالله تشوف جدي من كثر الغنم الي فيها
ومابين انا متنقل ومتابع لتحركات هذا العود كفشني وأنا مطلع راسي ورى حوض الماء وأراقبة بالبداية سوى نفسه
مايشوف ويناظرني بطرف عين ويقول ياراكبن من عندنا فوق قم طس!! وأبتسمت أنا ورديت عليه // أحسن من قولة
تقلع وفارق (( بيت الشعر الي حفظة لي وانا صغيرون )) وتلني مع رقبتي بسرعة مدهشة
وحسيت أول مره أشوفه بقوه وصرامه ويهزني كأنه ماسك
رقبت أرنب قال ماللذي أتى بك الى هنا <- نسيت اعلمكم جدي مايتكلم الا بالفصحى مايعترف بالكلام العامي ابد ..
قلت له كنت أتبعك وأريد أشوف وش تسوي !! قال هل خلفك أحد ؟ قلت ايه ذيل اللقافة هههههههه وصفقني على
حوض الماء قلت له ماخلفي أحد انا وحدي يبن الحلال! ناظر في الذيل وش طوله قال ماذا تحمل؟ قلت له
ماذا شي ... قاال هااه ؟ قلت مامعي شي وأنا انتفض نفض ولا انتفاضة فلسطين يوم طلعوا اغنية الحلم العربي
ومع النفضة طاح ريموت كنترول مني قال وشو ذا قلت له هدية جبتها لك لاني اشوفك تحب الريموتات وقلت
عشاك اليوم على حسابي ( أحسب أنه ياكل الريموتات ) ناظر فيني وأبتسم وطلعت فوق راسة علامة فكره ومكتوب
داخلها (( فاهمني ياخسيس )) المهم انه وخر يده وطحت على الأرض وعطاني ظهرة وقعد يسولف ويقول
ياولدي الحياة تحتاح للصبر ....وصار يتفلسف ... زبدة الكلام اتفقنا انه يعلمني وش يسوي بشرط
أعاونه واجمع له كل يوم ثلاثه ريموت كنترول زيادة بطارية مع واحد عصير أسلاك تلفون ؟؟ أستغربت من الشرط
قلت له ليه تبي كل ذا ؟ قال ليس من شأنك ! أكسبت أور نت ؟ قلت له أكسبت أكسبت !!
قال اجل امش وراي صفر تصفيرتين وخرت الغنم عن طريقة وانا امشي وراه بعدها وصل لفتحة في الأرض مسكرة
بقطعة حديدية عليها قفل طلّع المفتاح وفتحها وناظرت لقيت سلم يوديك لسرداب ويمشي وهو يسولف عن تاريخ
الحضارة الرومانية !! وأنها انهارت برضو لأنهم ماكملو الكفائة هههههههه!
وصلنا لأخر السرداب ولقيت سرير زي حق العمليات مغطى بشرشف أبيض وجنبه كرسي جلس جدي على
الكرسي و وراه كَبت مرصوص كُتب انقليزية طلّع كتاب وجلس يقرى فيه قلت له وانا مندهش
جدي تعرف انقليزي !!!؟ رفسني مع بطني وقال الأنسان مايتطور الا اذا عرف لغات العالم فتح الكتاب وجلس
يقرى وانا منبطح على الارض ومندهش.. جلس شوي وبكى !! قلت وش فيك قال أكذب عليك ماعرف !! بس
انا على يقين أن خلف هذا الكتاب معجزة علمية قلت له طيب تبيني اترجم لك أنا اعرف كم كلمة ناظر فيني
قال صدقاً ؟ قلت اي والله من صدقي عطني أقراه ..عطاني الكتاب وقريت العنوان وبحركة غير مقصودة
صفقته على بطنه بالكتاب قلت الحين مسوي في امها فيلسوف وبتحل شفرة ديفنشي وبالاخير تقرى كتاب ( كيف
تعدين العشاء لزوجك ) وأنا أمشي وأخليه يوم وصلت لفتحت السرداب طرى على بالي اعرف وش الي مغطيه
رجعت له قلت تبي توريني الي انت مغطيه ولا اعلم عليك ( سوالف بزران ) قال كلا كلا قلت اجل لاتجلس
اتكل كلي افتح الغطاء قال أوعدني بإن ماتخبر احد قلت بأبي وأمي كلا أفشي السر لأحد أنبسط وفتح الغطاء
وأناظر وألقى نعجة مفصخ ملابسها وفاتح بطنها نصين وأقرّب لمها واحط يدي عليها ويضربني! قال من غير تلميس
قلت طيب ... قال هذي نعجتي (سالي) تعرضت لحادث دهس يوم كنت جاي من الخط العام ومانتبهت لها وهي
أحب نعجاتي فجعت أثر وفاتها وأنا الحين أكرس كل جهدي علشان أشوفها تمشي قدامي قاطعته وقلت
اغسسسل ايييدك قال أخرس ودعني اكمل كلامي قلت طيب قال أنا مؤمن بالله أني سأرها تمشي بطريقة أو اخرى
قلت أشهد أنك مخرف ياجدوو اجل تبي ترجع لك؟ أفلقني! قال بفلق أبوك الي جابك وأحط رجلي جهة الفتحة
وهو يحذفني بكتاب طبخ أنقليزي قال اوريك يالسلوقي الشرهه على الي يفشي لك سر قلت ههاي سلم على سالي!!
ههههههههههههههههههه
مرت الأيام الين ماجاء اليوم الصباح وأنا توني واعي من النوم وأسأل امي عن جدي قالت عند غنمة قلت ماتدرين أجل
قالت وشو ( ناوي يفضح جده ) قلت جدي يكذب عليكم .... مايمديني أكمل كلامي الا واسمع صوت صراخ
ونناظر أنا وامي مع الدريشة ونلقى جدي بالشارع ويرقص قالت له امي انجنيت ياعمي قال (وجدتها وجدتها ) مسوي نيوتن
قالت وش الي وجدته قال تعالو كلكم الحضيرة حالاً..! نزلنا انا وامي وأتصلت على خويتها أم بدر امي لازم
تعلم ام بدر كل شي يصير بالبيت حتى لو ابوي طلق امي تقول له عطني دقيقتين وتروح للتلفون وتعطيها خبر انها تطلقت
المهم انها علمت ام بدر اننا رايحين للحضيرة واتصلت على ابوي في الدوام وخوالي وعماني وصلنا هناك
ولقينا جدي مبسوووط حده ومستأجر كراسي حفل من محل تأجير حفلات وبالنص منصه ومايكرفون جلسنا
وجلست أم بدر جنبي قالت وش فيه قلت هااه مدري!! ... طقطق المكرفون جدي وطلع صوت صفاره
عدل المكيرفون وقال ليدز أند جنتل مان وجلس يعلمهم الي قاله لي البارح كله وإنه اليوم الصباح دق سلف
ماطور قلب (سالي) وصحت من غيبوبتها وأنبسط وقال كل شي فيها سليم عيبها الوحيد ان الشاصي منعوج شوي
لكن لو تناظرها من الصدام للصدام ماتقول انها دخلت سمكرة ابد وقال ان سالي حالياً تتمتع بصحة جيدة
لكن متخدرة من تأثير البنج نهاية كلامة جلس يهايط ويقول إن الأنسان اذا عرف قيمة الصبر قدر يحقق
المستحيل وإن الدين وصانا بالصبر .....ألخ بنهاية الحفلة تجمعنا عليه وجلسنا نبارك له وهو انبسط
من حميمية اللقاء يوم شاف عيالة والعائلة حوله ومن قو الخقة والفرحة بكى بكاء اليم وحلف انه
يعشينا بمناسبة الجمعة الحلوه وطلق طلاق من جدتي انه يذبح سالي كرامة لنا <--- أمحق نهاية
مايستفاد
1- وما نيل المطالب بالتمني ... ولاكن تؤكل المعزى علافاا .
2 / لابد يا ماي برذر تعرف ان مافيه شي مستحيل وان الصبر والعزيمة مفتاح سرداب الحضيرة .
3 / انهارت حضارات روما والدولة الأموية لأنهم ماكملو كفائة .
4- إذا عجبكم الموضوع قيموني لاني اكتشفت ان التقييم أكوس كواسة من كواسات الدنيا .