الجـوووري
31-07-2010, 05:53 AM
سلام الله على ظلم الفراق وقسوة الأيام
عسى ربي يسهل لك طريقك واتحيا واتدوم
رح ووجهك بياضه من بياض الصبح ماينلام
وأنا من مدًّة يدين البخت.. يرضيني المقسوم
وش بيدّي وقف حظ الفقير.. وماتت الاحلام
على حبً من اول يوم.. و افراقً من أول يوم
رقبتي قفلتين وسيف هجرانك مسيرة عام
جلدني وانكرتني ملحة العشرة وربعي قوم
يهوّنها لو ان الحظ.. يسلك مسلك الاقدام
ماكان آصل حدود الارض واعود وانا محروم
تصافق لك معاليق الضماير يابعد من قام
وخلاني خصيم.. لوسعة الصدر ولذيذ النوم
أداري عبرة ٍ ضامت عيوني والعيون اتضام
وأكبِّر هقوتي لا كبرت الشرهه وكبِر اللوم
ياويلي من مناديب الظنون وطرقة الاوهام
تساويني معك في خانة المحمود والمذموم
تشوف انك على حد اليمن.. وتشوفني الشام
واشوف إنَّا على وجه الحياه اثنين توم وتوم
تذكّـر وانت عني بعد الأبوّه عن الايتام
رهين الغربه اللي من دياره ماتجيه علوم
بعد مادار عام من المفارق.. ياغرام العام
وروحي مابقى الا زفرتين وتبلغ الحلقوم
لا ترخص قيمتي لامن تذكرتك وانا قدِّام
وجيه ٍ تذكر الظالم ولا تدري عن المظلوم
مابعدِك بالسحايب والبروق السمر ولا انسام
وساموني بتلويحة وداع وبِعت باول سوم
سأمت العيش نون وصاد واللذات سين ولام
ابن ادم والـ ابن ادم حيلته ماتوجد المعدوم
بعد مالصحف جفِّت وانت رحت وِرِفْعَت الاقلام
على حبٍّ من اول يوم وافراقٍ على اول يوم
مدغم أبوشيبه
عسى ربي يسهل لك طريقك واتحيا واتدوم
رح ووجهك بياضه من بياض الصبح ماينلام
وأنا من مدًّة يدين البخت.. يرضيني المقسوم
وش بيدّي وقف حظ الفقير.. وماتت الاحلام
على حبً من اول يوم.. و افراقً من أول يوم
رقبتي قفلتين وسيف هجرانك مسيرة عام
جلدني وانكرتني ملحة العشرة وربعي قوم
يهوّنها لو ان الحظ.. يسلك مسلك الاقدام
ماكان آصل حدود الارض واعود وانا محروم
تصافق لك معاليق الضماير يابعد من قام
وخلاني خصيم.. لوسعة الصدر ولذيذ النوم
أداري عبرة ٍ ضامت عيوني والعيون اتضام
وأكبِّر هقوتي لا كبرت الشرهه وكبِر اللوم
ياويلي من مناديب الظنون وطرقة الاوهام
تساويني معك في خانة المحمود والمذموم
تشوف انك على حد اليمن.. وتشوفني الشام
واشوف إنَّا على وجه الحياه اثنين توم وتوم
تذكّـر وانت عني بعد الأبوّه عن الايتام
رهين الغربه اللي من دياره ماتجيه علوم
بعد مادار عام من المفارق.. ياغرام العام
وروحي مابقى الا زفرتين وتبلغ الحلقوم
لا ترخص قيمتي لامن تذكرتك وانا قدِّام
وجيه ٍ تذكر الظالم ولا تدري عن المظلوم
مابعدِك بالسحايب والبروق السمر ولا انسام
وساموني بتلويحة وداع وبِعت باول سوم
سأمت العيش نون وصاد واللذات سين ولام
ابن ادم والـ ابن ادم حيلته ماتوجد المعدوم
بعد مالصحف جفِّت وانت رحت وِرِفْعَت الاقلام
على حبٍّ من اول يوم وافراقٍ على اول يوم
مدغم أبوشيبه