الحزن ليل

[يوسف عبدالله الغنامي]

الحزن ليل وفي ظلامه سرينا = والليل مظلم مانشوف القمربه
ودربه طويل أن ماطلعنا هوينا = وماعاد أميز وين شرقه وغربه
عقب الفراق اللي بعده أنعمينا = أمشي بدرب مايفيد النظربه
دار الزمن ياصاحبي مادرينا = حكم الزمن ياصاحبي وش صدربه
حكم علينا بالجفا ماخطينا = لكن على الله يوم حل القدربه
ياصاحبي من دون ذنب أنتهينا = وحل الفراق وراح كل بدربه
أي والله أنا ّ مع بعضنا وفينا = لكن طريق الحب بان العثربه
وحنا على شان المحبه كنينا = نجحد ولانبغى تحس البشربه
وكم مرة هد الزمن مابنينا = وكم واحد جار الزمان وغدربه
ولاعاد ينفع دمعنا لو بكينا = عمر الزمن دمع الحزن ماشعربه
هذي ثمان سنين مرة علينا = رعيت حبك فالخفوق وكبربه
واليوم ماكني وكنك سلينا = طب الفرح بحر الحزن وأنتحربه
شف دربنا اللي فيه ياما مشينا = محت عواصيف الرياح الاثربه
وأنهد قصر بانياته يدينا = قصر المحبه والزمان أنحدربه
الله وأكبر ليتنا ما لتقينا = وياليت دربي وقتها مامرربه
أن كان يمدينا من الحب نجينا = لكن زمنا مايفيد الحذربه
وياليت من غدر الزمن ماعنينا = ولاشفت أنا وياك يوم الكدربه

[محمد الروقي]

مقعد فاخر يابو عبد الله

في المقدمه امام الجزاله صح صح لسااانك لين ترضى

وياكثر ا لعتب عليك تقبل مروري وكل التقدير

[أميرة رواسي]

صح لسانك

همس قوافي تناغم مع حرفك العذب

تتحفنا دائما بكل ماهو راقي

لحرفك نغم خاص

[انين الصمت]

مشكوووور ع الكلماااات من جد روووعه

[المبرقعه]

يوسف عبدالله الغنامى

صح الله الساااانك لاهنت

ابيات جزلة