فواز البقمي
19-03-2010, 01:38 PM
المنيفه
تنتسب منيفتنا الى قبائل يام وتتفرع اليهم من قبيلة العجمان هذا على حسب الرواية
التى قد اطلعت عليهاا .. تقطن تلك القبائل في شرق جزيرة العرب وتمتد من نجران الجنوب
حتى ديار فارس هذا مبني على ما قد نسمع ولكن مع البحث والتحري تبين ما يلي .. من أجل أ ن نقف على الحقيقة لتلك القبائل يجب أن نحدد الصمان .. ... حدود الصمان : من جنوب غرب الخفيسة ووادي المهمري والتريبي وجوساقان وهي آخر صمان مطير من جهة قبيلة سبيع، ومن جنوب شرق العجمان حيث تقع ديار العجمان ومنها جويات الهمل وأم السروج وأم المصران و هجريات والعوينة وهي أشهر عدود "آبار" العجمان وهي في طرف الونان من جهة الوادي وقد حدد الشيخ راكان بن حثلين ديرة العجمان عندما قال:
شوفة وشيحاء مع مفيض البثاوي =أخير عندي من طعوس البشورة
والبكر حيث أني لشوفة شفاوي= وشوف اللقيح زاميٍ وسط قورة
– وشيحا : هي وشيحا الضبطية الواقعة قرب جودة بلدة الدامر من مشايخ العجمان وليس وشيحا اللهابة الواقعة في الصمان .
– البـكـر : هو ضلع صغير يقع قرب الصرار
– البشورة : هي عبارة عن كثبان من الرمال تقع قرب الإحساء
– اللقيـح : يقع في طرف ودي العجمان
من جهة الشرق يحد الصمان العرفج ووادي العجمان وآخر الصمان من شرق الطوال وهي طوال مطير اللصافة ـ القرعة ـ اللهابة .
يقول بو حواس :
لابتٍ يوم اللقا فيهم صلابة= شرقنا العجمان مزبان المجنا
ولا يغطه حصرهم في كل بابه =واقعات أفعالهم ما يجحدنا
وحدنا من حدهم كلٍ درابه= حدهم من رجم بذال تثنا
يقع رجم بذال جنوب شرق بلدة مشله (أم الهوشات) التي أسسها الشيخ صعفق بن حاكم بن مشل الدويش وهي بلدة عامرة بالسكان حيث يتوفر بها مركز صحي ومركز للبريد والهاتف وأربع مدارس للتعليم ومركز شرطة ومركز إمارة آل مشل الدويش ويبعد رجم بذال حوالي 50 كيلو جنوب شرق بلدة مشله وهو الحد الفاصل بين مطير والعجمان .
ومن جهة الشمال يحد الصمان الدبدبة وحفر الباطن وهي ديرة بريه ( واصل ـ الصعران ) وتقع ام قليب بلدة بن عشوان شيخ العبيات من بريه آخر حدود الصمان من جهة الشمال وأيضاً المتياهة بلدة ناصر بن شرار شيخ ميمون من عبد الله من مطير ، وأيضاً من الشمال ( الصداوي ـ دبية ) الواقعتان في حدود الدبدبة .
لقد تغنى في هذا الموطن " الصمان " الكثير من شعراء مطير على سبيل المثال لا الحصر ( دعسان بن حطاب الدويش ـ حنيف بن سعيدان " ربع مطير" ) وغيرهم الكثير من الشعراء وأول من دافع عن الصمان من الشعراء المعاصرين هو الشيخ محمد بن جازع بن دله الصهيبي. .
المرجع
تـــــــاريــــــــــخ الـــــــــصــــــــمـــــــــــان
من كتابات المؤرخ السوري يعرب الغيلاني
في كتابه الاعراب وجزيرة العرب صـ 186
نعود لشاعرتنا .. المنيفه بنت سلطان العجمي .
حيث قالت في إحدى قصائدهاا.. بعنوان ..عبور ووسيلة ..؟ وهي عقب مشكلة ..؟
يا هجوسي لا يهزك ما يقال وما يعاد=كل يوم يجد علم وكل يوم يجد حيله
كل شاعر يسرج أركابه ويزود فا لعتاد=الفوارس للمعارك والردى لاهل الرذيله
يوم ثارت بندق القناص قالوا صاد صاد=والحقيقة ما معه صفره وبارود وفتيله
لا وانا بنت الحموله وبنت من بالجود جاد=لا وانا بنت الرجال وبنت من يحمي دخيله
أعتزي برجال يام و شايب بالسيف ذاد=يوم طير الموت حوم أحتمى كل القبيله
ذاك أبوي يا لعتيبي والحكي علم وكاد=القديمي محزمه والعقل ميزان الدليله
ما أرتضي بالهينه والعرف فكري فيه ساد=والقصيد اللي كتبته جزل يا راعي الجزيله
وأنت مالك في قصيدي لا مكان ولا معاد=انت مبلي والردي حطك له عبور و وسيله
وجهك أبيض يالعتيبي وكان ودك بالمزاد=العذر قِدم الرجال يساق والبيضا تعيله
والتحية للنشاما والفكر بالشعر جاد=نغرفه من بحر وغزوره بعيدات طويله
المنيفه
26 ذو القعدة 1430هـ
والقصيدة التالية تعبر عن نفسهااا اليكم النص .
شجون الروح
تفارقنا بلا توديع ولا أحدٍ عارف الأسباب=بلاك أنتِ شجون الليل سبت كل غربا لي
بعد فرقا وليف الروح عافت نفسي الاحباب=وعاف القلب منزال اللقاء ياحلو الاقبالي
تقابلنا على عز ونقا ثم صار فيه إعجاب=وفرحة تغمر فؤادي ليا شفته تعنالي
جروح كانت بقلبي شفاها كان له أسباب=لعل العاقل الفاهم يقول الطب ما زالي
يحاول يخترع مصل الهوى لكن والله خاب=جروح الحب ما تبرا يكود بشوفة الغالي
أحبه حب ما يوصف بيبقى بالحشا لو شاب=ولو طال الزمن يبقى حبيبي شامخ عالي
نخيت أهل القلوب الصافية ربع لنا واصحاب=عسى في ماقف رجال الوفا تتحقق أمالي
ويرجع سيدي ويطيب قلبي بعد ماهو غاب=وغابت فرحتي والهم عاث بجملة أوصالي
حبيبي يابعد حي فؤادي في حضورك طاب=وشمسي زاهية في إشراقها والقلب لك مالي
تفضل وأسكن قليبي بعد شرع لك الابواب=ولك كل الجوارح خادمة ياطيب الفالي
وبياض الوجه للي قد نخيته ما جلس مرتاب=أخذ علمي على ساق القدم طرقي وعجالي
وقال العلم واضح يالمنيفه ما عليه حجاب=لكن الوقت ما جالك على كيفك ولا جالي
نبي منك الصبر والك الوفاء يالشاعره بحساب=ولن خابت مساعينا سرينا ليلنا التالي
وهذا هاجسي قِدم العوارف بالشعر ينساب=يسيرها معاني صرف ما هو قول جهالي
اله مغنى وله مبدا وله معنى وفيه عتاب=وفيه الشكر مثني للنشاما قدر واجلا ليولكم اطيب التحايا
المنيفه
10\شوال\1430هـ
في هذه القصيدة .. أحد الشعراء حاول يتطاول عليها أو يتحرش فيها وردت عليه امام الناس ..على المتصفح بهذذة الفاتنة استمتعوا معهااا ..
ما كل بيضاء شحمة
على روس الطوال اليوم ابا اغني على الموال=ابا اغني على طرق جــديد ولحن موالي
لحون الفن لأهل الفن واحذر يا ردي الحال=حليم القوم لا منه جهل يتبدل الحالي
في سوق العرف نتبايع وكل بالمثِل يكتال=وصاع أتبيـع به لا بد تشــري به وتكتالي
هذا سلم العرب من سالف الأزمان يا رجال=وعلى وضح النــقا ما كل زول وكاد رجالي
عن الخايب نغض الطرف لكن الردي ما زال=على درب الرذيلة محتزم قايم ولا زالي
ضميــرِ ما يجي له بالزمن صحــوة وظله مال=وشمسه مقفيه يم المغيب وظلها مالي
عليكم ياهل الميقاف شرهه من كريم إسبال=عساه يروح في غيــه وأنا با كرم إســبالي
تعبت أجامل الخــايب لكن الأمر زاد وطال=تعب قلبي ونفسي زارها هم بها طالي
على قول المثل ما كل بيضاء شحمة يا خال=ولا كل الأصابع في سوا يا شخص يا خالي
متى نعرف لنا موقف كريم وسجةِ فالبال=ونفسي من عناها تستريح وين بالي
ويصبح موقف بين ونسبح في وسيع الجال=ويصبـــح بينِ جالك ويصبـــح بينِ جالي
ألا وأختامها مني تحية والردي محال=يجاورني يصادقني هذا من سابع محالي
المنيفه
21 رمضان 1430هـ
وتقول في قصيدة لهاا من خلف الكواليس وهي بهذا العنوان ..؟
شبّ وتعلل و أوقد النار حيّه=في خافقي يا منوة القلب وجنونه
لا عاد به روحه ولا عاد جيّه=عقب البطا كلِ يجفف دمعة عيونه
حبي لكم عذب زلال كما آلميّه=وطيبه كما العود في عجة دخونه
نحمل تهانينا بشهر الصوم يا وخيه=وللكل نثنيها من الخافق ومكنونه
وسلام للي سوات البدر في ضيّه=ولا كما برق تلالا بعالي مزونه
الصاحب اللي مغيب وزاد البعد في غيه=الله يجازي كل شخص حسبة ظنونه
وتحياتي لكم وكل عام والجميع بألف خير
وفي إحدى قصائدها كان هناك رمز قد تغلغل بين طوقوسهااا وبدأت تأخذ قصائدها
طابع الحزن وشيء من ما يخالج القلب والمشاعر .. اليكم هذة الفاتنة
دورة الأيام
الله على الأيام إشلون كنا=يا سيّدي قفت وحنا ذهايب
ليت التمني ينفع اللي تمنا= كان ارتجي شوفة عيون الحبايب
البعد والحرمان زود تعبنا=ونار الفراق اليوم تلهب لهايب
ياروح روحي زاد فينا ولعنا=عطرك نشمه مع نسيم الهبايب
لا هبت الغربي تجدد املنا=لعل يرجع كل من كان غايب
ولا هبت الشرق تدنا تدنا=سهم المحبة سار خاسر وذايب
وبنات فكري كلبوهن زعلنا=الواحدة عندي تساوي ركايب
والشعر والهاجس عليهن تجنا=والقلب منهن صار تايه وخايب
حتى الفرح ماعاد يعرف ضعنا=وايام عمري روحت فالضرايب
ومع دورة الايام شفنا وعفنا=والبال مما شاف كاره وطايب
يهون لأجلك كل غالي فقدنا=ظلك علينا مثل ظل السحايب
في عودتك ياحب يكمل سعدنا=وتسعد ليالي نجد لاجل الحبايب
لم يتسنى لها البقاء برفقتنا سوى ما يقارب الشهرين ثم غادرتنا ونحن ضمأ بعد وفاة والدتهاا ... وكأنها ذابت في احزانهاا وباتت منتديات اعماقي خربة عقبهااا ومازالت تئن على ذكراهاا
تهنئه ومعايده وعذر وسموحه
أعلم يقينآ أنها متقدمة وجاية بدري ولكن خلفها ما يبررها
التهنئه واجب لكل المحبين=عيد مبارك والخواتم للأبرار
البارحة هاجوس شعري معنين=ما هو غلا لكن ما قدمي إخيار
عديت بالمرقاب واخيل الأدنين=واللي بعيدين المنازل والأمصار
وأخذت لي وقفه وتهيأ لي أثنين=واحد يروح يمين والأخر يسار
نقطة تلاقي بينهم في الثلاثين=شيخ مودعنا والأخر لنا جار
ياللي مودعنا مسافر على وين=مع السلامة عقبكم تظلم الدار
دورة فلك لا شك معها تدورين=يا نفسي اللي في الملذة لها كار
سؤال في ذهني عساكم مجيبين=يا للي تجيزون المعاني والأشوار
نبكي عزيزِ فارق أهلِ عزيزين=ولا نقيم أفراح ونحمي الطار
نبكي كريم راح وإحنا مقيمين=واليوم من فرقاه كني على نار
هلت دموع العين والناس لاهيين=وإستمطرت من موقها كل مدرار
ما هو حزن ألا السعادة سعيدين=لكن فرقا ضيف أصبح بنا بار
مع السلامة يا حبيب المساكين=مع السلامة تتبعك كل الأنظار
واقبل نهار العيد مرحا هلا وين=سعيد عيدك مرحبا هيل يالمار
لاحت مزونه والبشر له مهلين=كلن يهلي فا لأذاعه والأخبار
عاده ورثناها من سنين وسنين=ننقل تهاني العيد بالسر وجهار
يا صحابنا يا للي علينا عزيزين=نظمتها في قالب الشعر تذكار
أخواننا اللي في ذراهم مقيمين=يا مكرمه للضيف يا مقدره الجار
أعماقي اللي تحتوي كامل الزين=علم وثقافة وقسم كامل للأشعار
سكنت في جاله قرابة لشهرين=وجنيت منه أحلى المعاني والأثمار
ناس لهم ذكر قديم من سنين=حماية التالي كريمين وأحرار
أصيغ شعري للرجال الفطينين=اللي لهم فا لطيب مسلك ومعبار
وفي مجمل أبياتي من الراس والعين=والقلب والإحساس وعقلي والأفكار
أسما معاني الشكر باكر وها لحين=وأجمل تهاني العيد مع باقة أزهار
جيت اطلب المعذار وأسدد الدين=والعفو في التقصير يالربع الاخيار
وسلامتكم
وكل عام وأنتم بخير
المنيفه
25 رمضان 1430هـ
المنيفه
ذو القعدة 1430هـ
هنا نتوقف وسندرج في مقتبل الأيام بعض من قصائدها .. وهناك صوت وصدى مع بعض الشعراء
ونتمنى إن الله يجملنا معكم ياهل رواسي .. واعذرونا على القصور.
ملوحظه
لا نغلط فنخلط ..؟
منيفة العجمان .. ليست هي منيفة عتيبة .. التي كانت معنا في منتديات اليانبيع واليوم ما زال لها تواجد
في أحد المنتدياات .. لكم تحيتي واحترامي .
اخوكم
فواز البقمي
4\4\1431هـ
تنتسب منيفتنا الى قبائل يام وتتفرع اليهم من قبيلة العجمان هذا على حسب الرواية
التى قد اطلعت عليهاا .. تقطن تلك القبائل في شرق جزيرة العرب وتمتد من نجران الجنوب
حتى ديار فارس هذا مبني على ما قد نسمع ولكن مع البحث والتحري تبين ما يلي .. من أجل أ ن نقف على الحقيقة لتلك القبائل يجب أن نحدد الصمان .. ... حدود الصمان : من جنوب غرب الخفيسة ووادي المهمري والتريبي وجوساقان وهي آخر صمان مطير من جهة قبيلة سبيع، ومن جنوب شرق العجمان حيث تقع ديار العجمان ومنها جويات الهمل وأم السروج وأم المصران و هجريات والعوينة وهي أشهر عدود "آبار" العجمان وهي في طرف الونان من جهة الوادي وقد حدد الشيخ راكان بن حثلين ديرة العجمان عندما قال:
شوفة وشيحاء مع مفيض البثاوي =أخير عندي من طعوس البشورة
والبكر حيث أني لشوفة شفاوي= وشوف اللقيح زاميٍ وسط قورة
– وشيحا : هي وشيحا الضبطية الواقعة قرب جودة بلدة الدامر من مشايخ العجمان وليس وشيحا اللهابة الواقعة في الصمان .
– البـكـر : هو ضلع صغير يقع قرب الصرار
– البشورة : هي عبارة عن كثبان من الرمال تقع قرب الإحساء
– اللقيـح : يقع في طرف ودي العجمان
من جهة الشرق يحد الصمان العرفج ووادي العجمان وآخر الصمان من شرق الطوال وهي طوال مطير اللصافة ـ القرعة ـ اللهابة .
يقول بو حواس :
لابتٍ يوم اللقا فيهم صلابة= شرقنا العجمان مزبان المجنا
ولا يغطه حصرهم في كل بابه =واقعات أفعالهم ما يجحدنا
وحدنا من حدهم كلٍ درابه= حدهم من رجم بذال تثنا
يقع رجم بذال جنوب شرق بلدة مشله (أم الهوشات) التي أسسها الشيخ صعفق بن حاكم بن مشل الدويش وهي بلدة عامرة بالسكان حيث يتوفر بها مركز صحي ومركز للبريد والهاتف وأربع مدارس للتعليم ومركز شرطة ومركز إمارة آل مشل الدويش ويبعد رجم بذال حوالي 50 كيلو جنوب شرق بلدة مشله وهو الحد الفاصل بين مطير والعجمان .
ومن جهة الشمال يحد الصمان الدبدبة وحفر الباطن وهي ديرة بريه ( واصل ـ الصعران ) وتقع ام قليب بلدة بن عشوان شيخ العبيات من بريه آخر حدود الصمان من جهة الشمال وأيضاً المتياهة بلدة ناصر بن شرار شيخ ميمون من عبد الله من مطير ، وأيضاً من الشمال ( الصداوي ـ دبية ) الواقعتان في حدود الدبدبة .
لقد تغنى في هذا الموطن " الصمان " الكثير من شعراء مطير على سبيل المثال لا الحصر ( دعسان بن حطاب الدويش ـ حنيف بن سعيدان " ربع مطير" ) وغيرهم الكثير من الشعراء وأول من دافع عن الصمان من الشعراء المعاصرين هو الشيخ محمد بن جازع بن دله الصهيبي. .
المرجع
تـــــــاريــــــــــخ الـــــــــصــــــــمـــــــــــان
من كتابات المؤرخ السوري يعرب الغيلاني
في كتابه الاعراب وجزيرة العرب صـ 186
نعود لشاعرتنا .. المنيفه بنت سلطان العجمي .
حيث قالت في إحدى قصائدهاا.. بعنوان ..عبور ووسيلة ..؟ وهي عقب مشكلة ..؟
يا هجوسي لا يهزك ما يقال وما يعاد=كل يوم يجد علم وكل يوم يجد حيله
كل شاعر يسرج أركابه ويزود فا لعتاد=الفوارس للمعارك والردى لاهل الرذيله
يوم ثارت بندق القناص قالوا صاد صاد=والحقيقة ما معه صفره وبارود وفتيله
لا وانا بنت الحموله وبنت من بالجود جاد=لا وانا بنت الرجال وبنت من يحمي دخيله
أعتزي برجال يام و شايب بالسيف ذاد=يوم طير الموت حوم أحتمى كل القبيله
ذاك أبوي يا لعتيبي والحكي علم وكاد=القديمي محزمه والعقل ميزان الدليله
ما أرتضي بالهينه والعرف فكري فيه ساد=والقصيد اللي كتبته جزل يا راعي الجزيله
وأنت مالك في قصيدي لا مكان ولا معاد=انت مبلي والردي حطك له عبور و وسيله
وجهك أبيض يالعتيبي وكان ودك بالمزاد=العذر قِدم الرجال يساق والبيضا تعيله
والتحية للنشاما والفكر بالشعر جاد=نغرفه من بحر وغزوره بعيدات طويله
المنيفه
26 ذو القعدة 1430هـ
والقصيدة التالية تعبر عن نفسهااا اليكم النص .
شجون الروح
تفارقنا بلا توديع ولا أحدٍ عارف الأسباب=بلاك أنتِ شجون الليل سبت كل غربا لي
بعد فرقا وليف الروح عافت نفسي الاحباب=وعاف القلب منزال اللقاء ياحلو الاقبالي
تقابلنا على عز ونقا ثم صار فيه إعجاب=وفرحة تغمر فؤادي ليا شفته تعنالي
جروح كانت بقلبي شفاها كان له أسباب=لعل العاقل الفاهم يقول الطب ما زالي
يحاول يخترع مصل الهوى لكن والله خاب=جروح الحب ما تبرا يكود بشوفة الغالي
أحبه حب ما يوصف بيبقى بالحشا لو شاب=ولو طال الزمن يبقى حبيبي شامخ عالي
نخيت أهل القلوب الصافية ربع لنا واصحاب=عسى في ماقف رجال الوفا تتحقق أمالي
ويرجع سيدي ويطيب قلبي بعد ماهو غاب=وغابت فرحتي والهم عاث بجملة أوصالي
حبيبي يابعد حي فؤادي في حضورك طاب=وشمسي زاهية في إشراقها والقلب لك مالي
تفضل وأسكن قليبي بعد شرع لك الابواب=ولك كل الجوارح خادمة ياطيب الفالي
وبياض الوجه للي قد نخيته ما جلس مرتاب=أخذ علمي على ساق القدم طرقي وعجالي
وقال العلم واضح يالمنيفه ما عليه حجاب=لكن الوقت ما جالك على كيفك ولا جالي
نبي منك الصبر والك الوفاء يالشاعره بحساب=ولن خابت مساعينا سرينا ليلنا التالي
وهذا هاجسي قِدم العوارف بالشعر ينساب=يسيرها معاني صرف ما هو قول جهالي
اله مغنى وله مبدا وله معنى وفيه عتاب=وفيه الشكر مثني للنشاما قدر واجلا ليولكم اطيب التحايا
المنيفه
10\شوال\1430هـ
في هذه القصيدة .. أحد الشعراء حاول يتطاول عليها أو يتحرش فيها وردت عليه امام الناس ..على المتصفح بهذذة الفاتنة استمتعوا معهااا ..
ما كل بيضاء شحمة
على روس الطوال اليوم ابا اغني على الموال=ابا اغني على طرق جــديد ولحن موالي
لحون الفن لأهل الفن واحذر يا ردي الحال=حليم القوم لا منه جهل يتبدل الحالي
في سوق العرف نتبايع وكل بالمثِل يكتال=وصاع أتبيـع به لا بد تشــري به وتكتالي
هذا سلم العرب من سالف الأزمان يا رجال=وعلى وضح النــقا ما كل زول وكاد رجالي
عن الخايب نغض الطرف لكن الردي ما زال=على درب الرذيلة محتزم قايم ولا زالي
ضميــرِ ما يجي له بالزمن صحــوة وظله مال=وشمسه مقفيه يم المغيب وظلها مالي
عليكم ياهل الميقاف شرهه من كريم إسبال=عساه يروح في غيــه وأنا با كرم إســبالي
تعبت أجامل الخــايب لكن الأمر زاد وطال=تعب قلبي ونفسي زارها هم بها طالي
على قول المثل ما كل بيضاء شحمة يا خال=ولا كل الأصابع في سوا يا شخص يا خالي
متى نعرف لنا موقف كريم وسجةِ فالبال=ونفسي من عناها تستريح وين بالي
ويصبح موقف بين ونسبح في وسيع الجال=ويصبـــح بينِ جالك ويصبـــح بينِ جالي
ألا وأختامها مني تحية والردي محال=يجاورني يصادقني هذا من سابع محالي
المنيفه
21 رمضان 1430هـ
وتقول في قصيدة لهاا من خلف الكواليس وهي بهذا العنوان ..؟
شبّ وتعلل و أوقد النار حيّه=في خافقي يا منوة القلب وجنونه
لا عاد به روحه ولا عاد جيّه=عقب البطا كلِ يجفف دمعة عيونه
حبي لكم عذب زلال كما آلميّه=وطيبه كما العود في عجة دخونه
نحمل تهانينا بشهر الصوم يا وخيه=وللكل نثنيها من الخافق ومكنونه
وسلام للي سوات البدر في ضيّه=ولا كما برق تلالا بعالي مزونه
الصاحب اللي مغيب وزاد البعد في غيه=الله يجازي كل شخص حسبة ظنونه
وتحياتي لكم وكل عام والجميع بألف خير
وفي إحدى قصائدها كان هناك رمز قد تغلغل بين طوقوسهااا وبدأت تأخذ قصائدها
طابع الحزن وشيء من ما يخالج القلب والمشاعر .. اليكم هذة الفاتنة
دورة الأيام
الله على الأيام إشلون كنا=يا سيّدي قفت وحنا ذهايب
ليت التمني ينفع اللي تمنا= كان ارتجي شوفة عيون الحبايب
البعد والحرمان زود تعبنا=ونار الفراق اليوم تلهب لهايب
ياروح روحي زاد فينا ولعنا=عطرك نشمه مع نسيم الهبايب
لا هبت الغربي تجدد املنا=لعل يرجع كل من كان غايب
ولا هبت الشرق تدنا تدنا=سهم المحبة سار خاسر وذايب
وبنات فكري كلبوهن زعلنا=الواحدة عندي تساوي ركايب
والشعر والهاجس عليهن تجنا=والقلب منهن صار تايه وخايب
حتى الفرح ماعاد يعرف ضعنا=وايام عمري روحت فالضرايب
ومع دورة الايام شفنا وعفنا=والبال مما شاف كاره وطايب
يهون لأجلك كل غالي فقدنا=ظلك علينا مثل ظل السحايب
في عودتك ياحب يكمل سعدنا=وتسعد ليالي نجد لاجل الحبايب
لم يتسنى لها البقاء برفقتنا سوى ما يقارب الشهرين ثم غادرتنا ونحن ضمأ بعد وفاة والدتهاا ... وكأنها ذابت في احزانهاا وباتت منتديات اعماقي خربة عقبهااا ومازالت تئن على ذكراهاا
تهنئه ومعايده وعذر وسموحه
أعلم يقينآ أنها متقدمة وجاية بدري ولكن خلفها ما يبررها
التهنئه واجب لكل المحبين=عيد مبارك والخواتم للأبرار
البارحة هاجوس شعري معنين=ما هو غلا لكن ما قدمي إخيار
عديت بالمرقاب واخيل الأدنين=واللي بعيدين المنازل والأمصار
وأخذت لي وقفه وتهيأ لي أثنين=واحد يروح يمين والأخر يسار
نقطة تلاقي بينهم في الثلاثين=شيخ مودعنا والأخر لنا جار
ياللي مودعنا مسافر على وين=مع السلامة عقبكم تظلم الدار
دورة فلك لا شك معها تدورين=يا نفسي اللي في الملذة لها كار
سؤال في ذهني عساكم مجيبين=يا للي تجيزون المعاني والأشوار
نبكي عزيزِ فارق أهلِ عزيزين=ولا نقيم أفراح ونحمي الطار
نبكي كريم راح وإحنا مقيمين=واليوم من فرقاه كني على نار
هلت دموع العين والناس لاهيين=وإستمطرت من موقها كل مدرار
ما هو حزن ألا السعادة سعيدين=لكن فرقا ضيف أصبح بنا بار
مع السلامة يا حبيب المساكين=مع السلامة تتبعك كل الأنظار
واقبل نهار العيد مرحا هلا وين=سعيد عيدك مرحبا هيل يالمار
لاحت مزونه والبشر له مهلين=كلن يهلي فا لأذاعه والأخبار
عاده ورثناها من سنين وسنين=ننقل تهاني العيد بالسر وجهار
يا صحابنا يا للي علينا عزيزين=نظمتها في قالب الشعر تذكار
أخواننا اللي في ذراهم مقيمين=يا مكرمه للضيف يا مقدره الجار
أعماقي اللي تحتوي كامل الزين=علم وثقافة وقسم كامل للأشعار
سكنت في جاله قرابة لشهرين=وجنيت منه أحلى المعاني والأثمار
ناس لهم ذكر قديم من سنين=حماية التالي كريمين وأحرار
أصيغ شعري للرجال الفطينين=اللي لهم فا لطيب مسلك ومعبار
وفي مجمل أبياتي من الراس والعين=والقلب والإحساس وعقلي والأفكار
أسما معاني الشكر باكر وها لحين=وأجمل تهاني العيد مع باقة أزهار
جيت اطلب المعذار وأسدد الدين=والعفو في التقصير يالربع الاخيار
وسلامتكم
وكل عام وأنتم بخير
المنيفه
25 رمضان 1430هـ
المنيفه
ذو القعدة 1430هـ
هنا نتوقف وسندرج في مقتبل الأيام بعض من قصائدها .. وهناك صوت وصدى مع بعض الشعراء
ونتمنى إن الله يجملنا معكم ياهل رواسي .. واعذرونا على القصور.
ملوحظه
لا نغلط فنخلط ..؟
منيفة العجمان .. ليست هي منيفة عتيبة .. التي كانت معنا في منتديات اليانبيع واليوم ما زال لها تواجد
في أحد المنتدياات .. لكم تحيتي واحترامي .
اخوكم
فواز البقمي
4\4\1431هـ