ما بين عَود وعُود ضمه على حرف

[سامي الرقيب]

السلام عليكم ورحمة الله وبركاته
اخواني الأعزاء تقبلوا مني هذه القصيده عسى ان تنال اعجابكم ودمتم بكل ود


ما بين عَود وعُود ضمه على حرف = والكل مِنهـا خيـر شـيٍ يضمـى
العُود لا احرقته دِمع منه الطـرف = ويعجبك رِيحه يوم رِيحـه يشمـى
والعَود كنزٍ ينفعك ساعة الصـرف = يوم المعارف تشترى وبِـه تسمـى
غلطان من قال البحر ضره الغَرَف = البحر ما يحمل مِن الغَـرَف همـى
يا ما جرفوا من قاعته للحِلِي جرف = يعطي وعند اخذه يجيـب المِطمـى
مهما الزمن يقسى ويتبدل الظـرف = يبقى الكـلام الـي اقولـه مِتمـى
العَود شال العُود في داخل الـزرف = والعُود وسط الزرف للعَـود لِمـى
والي خِسرها لو ذرف دمعته ذرف = وش ينفعه لو تبكـي العيـن دمـى
ومِن لا كرف للعَود في دِنيته كرف = يالله يا جِعل العُـود فوقـه يحمـى


اخوكم / سامي الرقيب

[محمد الروقي]

حياك ياسامي

والحمد لله انك بخير وعافيه هذا اول شي

وصح لساااانك قصيدة فيها من مياجعل الشاعر في حيرة

مدفونه يعطيك العافيه تقبل مروري لا عدمتك

[لهفة شوق]

صح لسانك شاعرنا

كلمات رائعة ومعاني أروع

لاهنت ولالالالالالاعدمناك

تنتظر جديدك بشوق <<< لاتغيب

[أحلام رماديه]

صح لسانك اخوي سامي

,,

وألف لاهنت على هالأبيات الراقيه

,,

تقديري

[خالد العتيبي]

صح لسانك لين ترضااااا


الأبداع منك وفيك


تحيتي

[مذكر الروقي]

صح السانك

ياسامي حتا ترضا

تقبل مروري

[فواز البقمي]

الشاعر\ سامي الرقيب

صح السانك ولا هنت وصح السانك وكلك

يعلم الله قرأتها مرار وتكرار ولم أكتفي فيها معنى دفين جعل فضولي يكبر في متصفحك ... أنت الشاعر وبك نفخر وإعجابيبك بلا حدود.. لك أحترامي وتقديري

ولا هااان راسك يالقرم

اخوك