اقرا رسايلك ودموعي تسابقني

[لهفة شوق]

قصيدة رااااقت لي كثير حبيت تشاركوني متعة قراءتها



ياللي جفيت وجفاك المر .. ذابحني
عقبك وجيه البشر .. ماني بدانيها
ღ
من يوم حبك .. غزى القلب وتملكني
قطعت كل العلاقات وطواريها
ღ
اقرى رسايلك ودموعي تسابقني
وارد ! واقرى الرسايل .. واحتفظ فيها
ღ
انت آخر انسان هاقي منه يصدمني
والظاهر ان هقوتي بانت مواريها
ღ
لو الوصايا ليا احتديت ! تنفعني
ياكثر ناس على ذودي بوصيها
ღ
ليت الفرح ( بنك ) لاجيته يسلفني
واقاصده ( راحتي ) وحقوقه اوفيها
ღ
من كثر ماكنت ! جارحني وظالمني
قمت اعزل جروحك بقلبي واسميها
ღ
تدري وش اللي يبكيني ويضحكني
انك محامي قضيتنا وقاضيها
ღ
تدري متاك ؟ تعرف قدري وتفقدني
لارخصت نفسك ,, لشخص مايراعيها
ღ
بكره الا هملوك الناس تذكرني
وتقول عزاه : عيني من يداريها ؟
ღ
مدام غيري ؟ على قلبك مشاركني
وش هو له ؟ اعلق الأمال وابنيها
ღ
يكفيني انك رحلت ومنت عايفني
هذا عزا النفس من كثرة بلاويها
ღ
اهديتك : دموع من طعنتك تحرقني
وانت اللي تستاهل الدنيا ومافيها
ღ
واهديتني جرح .. موجعني ؟ وعاجبني ؟
لن الهدايا على مقدارمهديها
ღ
صحيح ! ( حنا انتهينا ) .. بس صدقني !!
والله ان تبقى ( هوى روحي ) وغاليها
ღ
مفضوح ؟ راع الهيام .. ونظرته !! تغني
ملامحه واضحه ! , في وجهه راعيها
ღ
لكل داء دوا .. لو هو متعبني
إلا محبتك ؟ .. أعيت من يداويها
ღ
ان قلت : علمني انسى ؟ لاتعلمني

دنياي لامن نسيتك ويش تاليها
ღ
فارقتني وضحكتك عيت تفارقني
والله يلعن ابو الفرقا وطاريها
ღ
مقدر !! أفكر بغيرك ؟ .. وانت عارفني
عشان حاجه ؟ بقلبي .. مقدر !! أخفيها
ღ
اخاف لاحبني غيرك ؟ .. وعاشرني
يشوف صورتك في عيني ويوحيها
ღ
نشدت عنك ؟ وسمعت اللي يفرحني
وارتاح صدري من هموم يحاتيها
ღ
تبي تعرف ! وش ؟ على الفرقا مصبرني
انك بخير .. وحياتك مهتني فيها



تحياتي لهفة شوق

[أميرة رواسي]

نقل رائع

بذوق عآلي

تسلم الآيادي

[لهفة شوق]

مشكورة أميرة على المرور

[محمد الروقي]

قصيدة

استفزت مشاعري للمجاراه

اختي لهفة شوق صح لسانك الى رضاك

وصح لسان من قالهااا تقبلي مروري المتواضع

وكل التقدير

[فواز البقمي]

رائعة

سلمت يمناك .. ذوق رفيع
وانتقاء أروع له ما بعده

تحيتي

[لهفة شوق]

ابن البادية

يشرفني تواجدك في صفحتي عطرت الصفحة بمرورك

دمت بخير

[لهفة شوق]

فواز البقمي

كل الشكر اخوي على مرورك العطر

[عروووق]

اختي لهفة شوووق


من أرووووع ماقرأت سلمتي على الاختياااااار


من كثر ماكنت ! جارحني وظالمني
قمت اعزل جروحك بقلبي واسميها
ღ
تدري وش اللي يبكيني ويضحكني
انك محامي قضيتنا وقاضيها
ღ

[طيف المشاعر]

يسلمووو لهوفه

يعطيك العافيه

مآننحرم من جديدك