مشاهدة النسخة كاملة : أطلق لخيالك العنان ..فالشعر سياحة ..!
فواز البقمي
11-02-2010, 02:18 AM
ياللي غيابك ما يسدونه الناس =لو تجتمع كل المخاليق عندي
لك في حنايا الروح وحشه ومجلاس=ما للغلا لك وسط الأضلاع حدي
يا من حضوره لا حضر يلغي الناس=وإن غاب ما غيره بعيني يسدي
السلام عليكم
لن أجلس وحيد متكئ تارة وأخرى واضع كفي على ريموت التلفاز متتبع لما كدسته تلك القنوات من غث وسمين .
أقفلت تلفازي وبدأت أتجول بين أروقة المنزل .. وتغنيت بقول الشاعر
ياعين هلي عبرة بين الامواق..=هلي دموعك يالعيون الشقيه
لاتذخرين الدمع في ساعة فراق..=ما دامها جروح المعاليق حيه
قلبي تعذب من كثيرات الاشواق..= للصاحب اللي ودنا في مجيه
الصاحب اللي محرق قلبي احراق..=ليته يجي ويشوف وش صار فيه
ثم أنتقلت الى أبيات راقت لي وانا في جولتي ..!
هذي أمنياتي يا مبعثر سنيني=الود ودي نجتمع لو في تابوت
ودي أحطك ياحبيبي في عيني=وأسكر عيوني عليك أنت وأموت
ومع الخيال والشعر كانت المتعة التي تمخضت عن هذه الفكرة والتي أدعوكم من خلالها لنصبح رفقة في سياحة ضمن أبيات القصيد وحبذا إن كانت منتقاهـ .. ونطلق العنان للفكر يسج من خلال أبحرة الشعر ويتيح للمفردة أن تنتقل بين الألسن فتسموا بالحرف والمعنى .. وندع للأحاسيس والمشاعر أن تلتقي في رياض الأدب والمعرفة وتتلاقح الأفكار فربما تولد من خلالها نموذج نجد فيه نتاج رحلتنا والتي ميدانها بحور الشعر وشواطئها ورياضها عصارة أفكارنا .
فالجزل من الشعر غواية فقد يروق للبعض مجرد مولد أبيات أو قصيدة ولكن لكل متذوق ميوله وما قد يطرب مسمعه فهلا مددتم أيديكم لأقلامكم أحبتي وكان لنا بكم شرف الرفقة في سياحة
عبر القوافي مما طاب وراق لمسامعكم
دعوة مفادهاا
هات الدلال وسوق بيض الفناجيل=وحط القدوع وشب ضوء المناره
ولع حطبها با لجروم المجاثيل = خله ينادي ساري الليل نارهـ
أملي أن تلبون دعوة أخوكم فلي في أحرفكم كل الكسب والإفادة
هويت اسولف لك من الراس للراس=بعلمـك وشهـو شعـور المحـانـي
لا شفت زولك شايـفٍ در والمـاس= واليا نطقت اسمـك تعطـر السانـي
ابك انت والله غير عن باقـي النـاس= انت معاك الحـب لـه طعـم ثانـي
روح القصيد ومملكة حب واحسـاس= لـذة حياتـي دونـك العمـر فانـي
لا مرني طيفك وانـا ميـتّ انعـاس= لا غمضت عيني ولا النـوم جانـي
اشقر عفر فيك الحـلا مالـه قيـاس= ومع البيـاض مخالطـك زعفرانـي
ولكم كل التقدير وتحيتــــــــــــــي
فواز البقمي
طيف المشاعر
11-02-2010, 02:39 AM
ما شااااء الله تباركـ الله عليك >> قسم بالله
ابداااااااع والله ابداااااع احييكـ واحيي قلمكـ المجنون جد جد رااااق لي
اشكركـ على ما تملكه من حضور جميل >> انت شااااعر منتدااانا
يا شيخ تستاهل احلى تقييم + الفاااايف ستار
لعيونكـ ولقمكـ المجنون
اعجبتني روحك الشعريه وما تملكه هالروح من احسااااس شاعري فذ
تقبل مروري
تحياااتي
سكر نبات
11-02-2010, 03:56 AM
فواز
سلمت على طرحك العطر
راق لي مضون الطرح
وفكرته الشقية
يعطيك الف عافيه على
جهودكـ
.
.
.
أختكـ الخياله
فواز البقمي
11-02-2010, 11:56 AM
هلا يابناات
طيف ... سلم راسك ولا هااان ... نورتي يالغلا ... وننتظر مشاركتك
الخياله ... اكرمتيني بمرورك وتعقيبك .. لا هاان راسك ...وننتظر مشاركتك
تحيتي
لهفة شوق
11-02-2010, 12:13 PM
فكرة رائعة اخوي فواز ولي عودة
فواز البقمي
11-02-2010, 12:24 PM
النفس ملـت مـن غثا حاجتينـي=دمح الخطاء ومجاملة بعض الاصحاب
عـوج الخطايـا يبحثـن الكنيـنـي=لو قلت خافيها مع الوقت مـا يجـاب
مشروههـن دايـم علـى الطيبينـي=ولا الردي ما حصلن فيـه مقضـاب
الكف الاملـس مـن قديـم السنينـي=ماقيل وش ودى مع الناس وش جاب
لهفة شوق
11-02-2010, 12:37 PM
مشاركة اولى لي في طرحك الراقي
هذه ابيات عجبتني وان شاء تروق لذائقتك الشعرية
دنيا لعينه مابها حي ماخآآن
حتى الوحيد اللي أحبه خذلني
ماعاد ينفع قولتي كان أو كآآن
حتى العذر عن خذلته مانفعني
الله حسيبك طالع بكل الألوآآن
كل البشر باضدادهم فيك يعني
مره حنون ومغرم وحيل عشقاآن
ثم (ن) تخون وتخدع وتمتحني
يكفي قليبي وافي لي وانساآن
رغم الشقا والتعب عنك يغني
لا لاتحاول ترجع القلب مالاآن
كل الحكي عن غلطتك ماقنعني
ياقو وجهك راجع بعذر الأحزاآن
غير الخيانه قلي منهو كسرني!!
لهووووفة
فواز البقمي
11-02-2010, 01:00 PM
لهفة شوق
ياهلا فيك نورتي ننتظرك وننتظر مشاركتك
تحيتي
فواز البقمي
11-02-2010, 01:07 PM
حـالي مع وصلك مثل قآبض المي=لآ صار في وسطه ملآ اليد منه
ولا شالهآ لقى ماهو قابضن شي=ما غــير دمع ٍ في كفوفـه يكـنـه
أحلام رماديه
11-02-2010, 04:36 PM
مرحبا فواز
,,
موضوع رايق بروقانك ,, وأكيد لايخلو من ألأبداع مادامه تحت أسمك
,,
أسمحلي بمشاركتك
,,
يقول الشاعر:
ياصاحبي لا تبتئس لو انقطع صـوت الدخيـل
وين الكرام ولا وجد من يعرف لكلمـة كـرام
حث المسير ولا توقف دام لك رجل وصميـل
لين يقضي الله امر مفعول او يخوننـك عظـام
لابد ما يـوم ٍ هـذاك الـوادي المقفـر يسيـل
تنبت به اشجار ٍ تحرى السيل من ستيـن عـام
من بعدها عوّد تجد لـك تحتهـا ظـل ٍ ظليـل
واسرد حكاية رحلتك لغصونها وارتـح ونـام
محمد الروقي
11-02-2010, 05:41 PM
حيه وحي ماجاب
ابشر بالي يسر الخاطر
والله يقدرنا على الي يرضيكم لي عوده
تليق بمقامك
أحلام رماديه
11-02-2010, 05:55 PM
ارسم غيمة .. داخل خيمة
وارسم ظلمة _ تلعب بالما
وارسم شمسك _ واترك ظلي
وارسم ذنبي _ جالس جنبي
وارسم مسجد _ وانت تصلي
...
وارسم حالك وانت لحالك
وارسم وين تحط رحالك
...
ولا تدري
هات الريشة
...
شفني ارسم وانت قبالي
يمكن عقبي تقدر ترسم
وتلحق ركب العمر التالي
وتبري جرحي بري المرسم
...
ولا تدري
ارسم وقتك كانك فاضي
وارسم غيضك وابعد عني
وارجع وارسم نفسك راضي
وارسم قلبي طفل يغني
خله شايفنا ومتغاضي
وارسم له لعبة وامكني
وارسم عطرك بين اغراضي
وهات يديك وهاك احظني
شفني ميت هالك قاضي
جيتك حتى ماهو مني
...
ولاتدري
ارسم قلبي جوا صدري
وحاول تظبط قوس ظلوعي
وارسم صبحك صاحي بدري
وارسم فرقا شمل دموعي
...
ولا تدري
ارسم عالم وارسم دولة
وارسم دولة وانت الحاكم
وارسم بنت وعقد وخاتم
وارسم نفسك تاخذ جولة
وارسم منظر واجلس حوله
...
ولاتدري
بكره تكبر يارسام
واقول ارسمني بوجودي
من ختم شماغ البسام
ل ازرار الثوب العودي
وفرق ان الناس اقسام
وارسم فرقك وانت سعودي
ولا تدري
وقبل اللون يجف وبوحة
وقبل القلب يمل جروحة
...
ارسم
حزنك يرسم لوحة
فواز البقمي
11-02-2010, 08:38 PM
ابن البادية نورتنا ... اليوم انا فاقدك عساك بخير
هلا بك والوفاء طبعك
تحيتي
فواز البقمي
11-02-2010, 08:39 PM
أحلام
مكانك ومحلك ونورتي ... وياهلا بها الطله
تحيتي
فواز البقمي
11-02-2010, 08:42 PM
الوافي أسم علم تعثرت بفاتنته فحملتهاا لجمالهااا
خـلت بـراقٍ عـلى العــــارض زمـا =مــن روابــي نـجــــــــد جاذبني غــرام
مزنةٍ في صادق الشعــر ادهــــــما =اشــــتــعـل يابــرق وامطـر يا غـمـــــام
اعسف القاف العـنيــد المحكــــــما =ســايقـــــه سـوق الـمـطـيــه بالخـطــام
يا ولد طق الحديد اليا احـــتــــــما =قـبــل تــصـبـح نــارهــا بـرد وســــلام
ما تضيق وخالقي رب الــســــــما =ولا نصـدّرهـن مــــن المــارد حـيــــــام
ما قصدت ازعجك يــا عذب اللـــمـا =يــا مـعـــرّب مــن خـوال ومـن عـمــــام
سايقٍ روحي عــلــى شوفــك ظـما =مــن هـجـــير الــشـوق طــاويــها هيــام
غايتي لا ماك يا ظبي الـحـــــــما =يــا رفــيــع الســـاس يـا بدر التمـــــام
الاصيل ان قـال للعهد احـتـــــمـا =وان تــقــدّم ما يجي فيـــــه انهــــــزام
كل وصفٍ فيك عن غيـرك ســـــما =مـجـلسـك بالمجـــد مــــن فـوق السنــام
لك مرام النفس لو قلبــي كــــــما =وكـــل حرٍ لا جـزع بالجـو حـــــــــــام
الله اللـي بالخـوافي يعـلـــــــما =عـشـقــتـي بــنـت الــحـشـيـــمين الكرام
أحلام رماديه
12-02-2010, 01:08 AM
لك صاحب يعاف الليل دونك
من أشواقه ذبح قلبه ملامه
(حنو)
،،،
ساري الليل والموعد عيونك
من أحلامه نزف حرفه علامه
(زوير)
^_^
فواز البقمي
12-02-2010, 01:42 AM
يـــاردى حـظ النـــفــوس الي بــهـــا هـمـّـي ســطـــا=ويا عــيون ٍ فـي خــفــاها تشــعــل الدمـــع وتـنـــوح
جـيـت أدور عـــلـّي القـــى مــن بــحــبه لـي عـطــــا=مالقـيــت الا جــروح ٍ بــاقــيه مـن عــهــد نـــــــــوح
كـل جــرح ٍ من جــروحــي ســاتـر وبـه لـي غــطـــا=وروح روحي تـــــســتـضـيق اليـوم ولـه بـكره نـزوح
أسـأل الله يـجـلي هــمّ ٍهــوفـي قـــلبـي لـه بــــطـــــا=غــادي ٍ مــثــل اللـي مــيـت وباقي ٍ بالقــلـب روووح
يا حــسـافات النـــهــايــه يـــوم أســرعـت الخـطــــا=كـنــي مـثـل الـي يــدور شــي ضـايـع لــه يــلـــــوح
أســـرعـت نــفسـي تـهـيــم ولا بـأرض ٍ لــه وطــــــا=ولا مـكــان ٍ في خــيــالـه يـلتــجـي لــــه أو يــــروح
الخـطـا لـي مـن تـــأكـــد مـا تــقــــول إنــه خـــطـــــا=وهــذي حـــــال ٍ مــا تـَغــيـــر أويــغـــيــر فيـــك روح
فـينــا مـن هـواليـوم يـعـطيّ ويــنـتـظرمـنـا العــطـــا=مــايـفـكـر أنــه يــوقــع مـن بــعـد عـالي السـفــــوح
فواز البقمي
12-02-2010, 01:55 AM
كانت الدنيا ظلام .. وحولي اللحظة سكون
كانت الساعة إنقسام
نصفها دمع وبكاء .. ونصفها الآخر جنون
وكانت الفرحة شحيحة
بـ أول الليل استحالة
وأخر الليل المحال
وضاق في صدري المجال
صرت أحس : بلا أمان
وإحترق في داخلي أجمل سؤال
ولا سألته
فواز البقمي
12-02-2010, 05:05 PM
يطيح جفن الليل واهز كتفه=نجمٍ يشع وباقي الليل مطفي
احاكي الجدران عن وصف غرفه=ما تشبه الجدران ويطول وصفي
وتملني الجدران واظهر لشرفه=تحت السما واسكر الباب خلفي
ريحٍ تهب وتسكن العظم رجفه=وتموت ريح وتسكن اوراق iiنزفي
على الروابي تهطل دموع وطفه=وتصب لمع بروقها وسط iiطرفي
ياطاري الغدران والعمر رشفه=مع قلها ياليتها يوم تصفي
الحب واجد مير الاقدار صلفه=والأرض واجد لكن الحلم منفى
واللي اعرفه راح ماعاد اعرفه=ولاظن يذكرني الى أقبلت مقفي
ماهو حبيبي مورد القلب حتفه=ولا هو حبيبي يفرح بوقت iiضعفي
مر ثمر هالليل وأمر قطفه=يالحنظل اللي قمت اذوقه بكفي
متى الشوارع تجمع اثنين iiصدفه=لا صار شباك المواعيد مجفي
يابنت تو الليل ماراح نصفه=وياليل بعض اللي مضى منك يكفي
محمد الروقي
12-02-2010, 06:58 PM
العام انا لك وجسمي مثل روحي لك=واليوم ما اعطيك لا جسمي ولا روحي
لالا تعذب ولا تتعب مراسيلك=يكفيني الي حصل ولا انت مسموحي
00000000000000000000000
ياظالمه وينك ترا الشوق غلاب=مشتاق لك مشتاق حتى ال عذابك
وينك تعالي اظلميني بلا حسب= ظلمك ولا ظلم الزمن في غيابك
امنت بالي توجك عرش الاحباب= والي غرسني عشبة في ترابك
انك مناي ادواي والدرب والباب= وني هذاك الميت الي حيابك
أحلام رماديه
14-02-2010, 01:40 AM
يقول الشاعر:
كل ماجيت باب الدار متعني ،،،
مالقيت الذي للدار عناني
أسأل عليه الليل وآحني ،،
أسبق الشوق ماعمره تعداني
لهفة شوق
17-02-2010, 09:05 AM
علمتني الحياة..ان أجعل قلبي مدينة .. بيوتها المحبة .. وطرقها التسامح والعفو
وأن اعطي ولا أنتظر الرد على العطاء
.. وأن اصدق مع نفسي قبل أن اطلب من أحد أن يفهمني
.. وعلمتني أن لاأندم على شئ وأن اجعل الامل مصباحا يرافقني في كل مكان
وأن احتفظ بأحزاني في قلبي , وأن ارسم البسمة على شفتي
حتى لا أحزن الآخرين000000
فواز البقمي
19-02-2010, 12:51 AM
لاَ لفَآگ الهَم ْثـُم عَيّا يَزُول؟.
وإرِتَجَفَ » قَلبَگ « وُكِل ْدَمِعِگ نَزل
سَو مِثلِي لَوُ بَغَيِتَه مَايَطُوُل..!
أخِلَق الفَرحَه , وُفَكّربـِ/ العَقَل
إبِتَسَـَمْ..}
مِنّ كِلّ أَعَمَاقِگ وُقُوُوٌلْ ..؟
قَدّر الله وُمَاشَآء فَعَـَل..!
فواز البقمي
19-02-2010, 01:00 AM
انـا ماشـــير بالفـــرقا ولا احــدك عـلى المقعـاد=تخـير في طــريق الـوصـل والا درب هجـــراني
حـرام الوصـل مايجمع قـلوبٍ عـن هـواها بعـاد=وبعـض البعــد لـو عــــذب يجمـع بين خـــلاني
تحـسب ان الهوى ضحكة دقايق عشتها فميعاد=الى مارحـت تـنساها وتـنسى الوعـد وتـنساني
الا ياصاحـبي الرفـقة تـرى ماهى ثـياب إجـــداد=تـبـدلها مـتى ملـيـت وتلبـس غـيــــرها ثــــاني
الى ضـاع الـوفـا مـابه هـوى بارجـيه انا ووداد=ترى ذا الفـرق بين اقـرب قـريب وبين عـدواني
تحاكيني بطـرف لسان وهرجي من صميم فـواد=وتـقـف مـن بعــيد ويـم درب المـــوت تنحــاني
فواز البقمي
19-02-2010, 01:02 AM
فـي كل قصة حب أحلام ومدينة ..
ليل ونخيل وهبوب ..
لكل قصة حب لو كانت حزينه ..
أجمل ألوان الغروب ..
ناظري ضيّ الحوانيت القديمه ..
ونقش أبواب البيوت ..
كلها شعر ومواعيدٍ قديمه ..
وصوت قلبي اللي يموت وما يموت ..
لكل قصة حب عذال وحسود ..
ليه تخدعنا الأماني والليالي السود سود
إشعلي جمر العناد قربي معاد أشوفك ..
لا يفرقنا السواد ..
ارسمي وجهي بكفوفك ..
ولا تجرّحنا عيون الليل وحروف النميمه
ولا يعذبنا السكوت ..
إن عطشنا أو شربنا الدمع ديمه ..
للهوى بنحيا ونموت ..
لكل قصة حب أشواك وورود ..
وليه نصرخ من ألمها وكلها تنبت في عود ..
ناظري هذا قمرنا لو تغطيه الغيوم ..
وناظري هذا شجرنا مهما تحرقه السموم ..
ولو تجرّحنا عيون الليل وحروف النميمه ..
ولو يعذّبنا السكوت ..
إن عطشنا أو شربنا الدمع ديمه ..
للهوى بنحيا ونموت
فواز البقمي
19-02-2010, 01:07 AM
قال السراب وقلت ظامي سـرابه =قال الهلاك وقلت لعيون الاحباب
يا لايمي في حب متـرف شـبابه =الموت حق ولاتبـرق في الاسباب
كانة ذبحني صـاحبي من عـذابه =مابي لدمي يا أهل اللـوم طلاب
الـجادل اللي فية زيـن ومهابه =تاقف له قلوب وتخضع له أرقاب
في حجر عينة لي غديـر وسحابه =وفي وسط قلبي لة تناهيت وعتاب
إن قلت أحبة يكفي القلب مـابه =وان قلت أنا مابية..باصير كذاب
فواز البقمي
19-02-2010, 02:51 AM
طفشّ .. لاصارت الديره طفشّ .. والساكنين : اغراب ..
تشوفك : رغم كثر الناس / [وحدك] عايش بـ ديره !
تلوّح للمدى لـ الشوق لـ الإشراق للـ غيّاب ..
يجاوبك السهر : مالك سواي وهالحزن سيره .!
تنادي : ليه يادنيا قضاي آترمّل الأحباب .. ؟
يذوب الصوت في حلق الكلام وتنطق : الحيره !
فواز البقمي
19-02-2010, 02:52 AM
كتبه الله لعمـري جـرح ولغيـري كتبـه مـراد
وتذبحني ظنوني وان صحت بي جمـرة الغيـره
يقول انتي .. واقول انت الغلا.. ياروح روح ابعاد
عليك الله وامانه وش يضـف الدمـع ويجيـره
دريت انـه لغيـري واقتنعـت ولابقـى مقعـاد
تفارقنـا ويامكثـر غـلاه وكـثـر تقصـيـره
خذا كـل العمـر واقفـا بلاعـذر .. وبلاميعـاد
وانا . . قفيت ..ما والله في قلبي سكـن غيـره
فواز البقمي
19-02-2010, 02:57 AM
اخاف ابوح بسـر قلبي و شكواي = و تصير نفسي بين ربعي ذليله
اضحك ودايم بسمتي تسكن شفاي = و من شافني قال محدن مثيله
و انا بجـوفي هـم و النار بحـشاي =و الجرح ينزف و الليالي طويله
فواز البقمي
19-02-2010, 11:20 AM
الالم .... هو الاحساس الوحيد الذي لانستطيع نزعه من جميع الجروح سواء كان ذلك الجرح شوقا قاتل لمحب لنا او شوق قاتل لراحل عنا ..اما الشوق القاتل لمحب لنا نستطبع مداواته بوجوده اما شوقنا للراحل فهو الم باق لان الميت لايعود ..؟
أحلام رماديه
20-02-2010, 01:46 PM
المشكله ماتبي درس وهاتك شروح..~
..........................وعنوان ضايع(ن)صيغته مدري...~
المشكله واضحه وسرها لازم يفوح..~
..........................والضيق نقص بالعمر وانت تدري ...~
حاول تفضفض ان ملا صدرك النوح..~
..........................وانفض همومك واقتل الجرح جذري...~
هاك الفرح ياعسا الضيقه تروح ...~
..........................وهات جرحك مشتاقله طيب صدري ..~
لاضقت واختنق في داخلك بوح ...~
..........................بس صوت ياضيقتي وين بـ اسري ...~
فواز البقمي
20-02-2010, 10:03 PM
لاطــاب لي الوقــت وقلت الفلك دار=خــابت ظنــوني والزمن ماصفالــي
أضحك وأنا قلبـــي على واهج النــار=ماودي الحســـاد تدري بحالـــي
والله لولا أنــي على الضيم صبــار=وأخاف من هرجــة عدوٍ طوالــي
أعلنت ماأخفيــت والرب غفـــار=وغير الولي مالي من الخلق والي
فواز البقمي
20-02-2010, 10:08 PM
حرّام مدهال الوجيه الذليله =توي قنعت من المداهيل توّي
اعرف عدوي وابخص شلون اجيله=مير البلا لأصبح صديقي عدوي
فواز البقمي
20-02-2010, 10:14 PM
على كثر الكلام وكثر ماقبل الكلام جروح=سكت ومالقيت الكلمتين الي علي بالي
أخاف إن قلتها ماقلتها وان قلتها بوضوح=توسدني ملامات الرفيق وشرهة الغالي
كذوبه يالهوجس اللي على الخاطر تجي وتروح=بغيت أزبن ذراها وأستريح وما تهيالي
ورحت أتلي شتاتي واترجي صوتي المبحوح =تموج بي الدروب ومسند كفي على ظلالي
عسي مانتي رجايه يابروق في سماي تلوح=يشرهبني رعدها والضما بالصدر همالي
نقلت جروح ما اعرفها بقلب مرهف مجروح =تنطحت البياض وسود الله وجه عذالي
فواز البقمي
22-02-2010, 11:26 PM
فيني حنين وهالحنين اشقاني=لكن مدري وينهم خلاني
فتشت حجرة حوستي وافكاري=ابغى الدليل لمن يكون الجاني
اللي خذاني من سكون اعماقي=واشعل خفوقي نار ثم خلاني
روح وخلاني اعيش الفوضا=فوضا الشعور اللي غمر وجداني
احيان احس انه معي في روحي=واحيان احس اني كذا وحداني
يخرب بيوت العشق منذو مبطي=الداخلي اصبح بها براني
فواز البقمي
22-02-2010, 11:31 PM
الفراغ بشارع الفكر اجودي=كل مامره عقل يفتح يديه
لين صار الفكر والحظ الردي=وجه عمله لاريال ولاجنيه
خلنا في ساحة الفكر نعدي=دام انا عاقل ولا اشوفك سفيه
نتريض دام مافيها جهدي=يستصح الفهم لاقمنا نحديه
فواز البقمي
22-02-2010, 11:44 PM
ايها الخادم .....
هات كوبا من القهوة السمراء وابحث لي في وجوه الحاضرين عن انيس
انت تعلم بالتأكيد اني لا اقصد ... أحدآ بعينه
كان صحبي يعشقون الامسيات
فتواروا كلهم خلف السبات
انظر المار ..كم يرمقني
نظرة توحي بأني
قد فعلت السيئات
كان واحدهم قديما
كسفينه
تمخر الاسواق لكن
بين موج النظرات
كان شاعرهم يغني
للحسان
لباقيا نزوات الامس
للعطر المسجى
في ثياب الفاتنات
كان عاقلهم
اذا ما
رام نصحا اشعل
الارجاء ترديدا
يغني
(هل رآى الحب...)
وتاتي السكرات
ايها الخادم
فتش فلقد ياتي
من البعد
صديقا
ليس يخشى اللكمات
فواز البقمي
22-02-2010, 11:53 PM
تعال حاكيني فديت الحكي منك=أطرب لصوتك وانسجم مع محاكاك
محلا سواليفك حبيبي ومزينك=من جد يا مزينك كلك ومحلاك
تعال سولف يا غلا خاطري عنك=خليني اعرف كل مافيك من فاك
وانا بسولف لك حبيبي واطمنك=إني على خبرك .. وخذني بيمناك
تدري .. ولا تحتاج مثلي يعلمك=إني طعام(ن) لك وشربك ويهناك
ياعمري ادنا ما من اوصافك احسنك=كلك حلا عمري من ادناك لاقصاك
ياويل قلبي يوم تبرز مفاتنك=أنسى جمال الكون كله ولانساك
أخاف اصور لك مفاتنك وافتنك=ماهو بشعري تنفتن (من حلاياك)
ما تدري اني من حروفك ومدمنك=وشلون لوشفت الحكي من شفاياك
أحلام رماديه
23-02-2010, 03:52 PM
غمـــّضت عيني دقايق شفتــلي حلـــم وخيال
شفت نجمات الليالي تنتظم عــقدٍ فريــــد
وشفتني مثل الاميره تكتسي ثوب الدلال
وشفت حظي بابتسامه يحضن الفجر الجديـــد
وشفت وردي بعد دمعه يبتسملي باعتدال
وينثر اشواقه سنابل كنني في يوم عيــد
فتــّحت عيني ورمشي غارق ابلهفة وصال
وشفت من حولي ظلامي رافع ٍ 2000 قيــد
كبّل احلامي بقيده وقال ممنوع الهبــــال
لي بغيـــتي حلم ثاني اذكري حــظٍ عنــيد
ابتسمت وقلت تووبه من صفا جو الليــال
اعــــتذر اني نسيــته حظي العـــاثر اكيــــد
واعتذر اني قصدته ذلك الحلم المحـــال
ماهقيت ان الليــــالي تحتضن شوك وجليد
وماهقيت الحلم لحظه يختفي مثل الظلال
احتضنت الفرح لحظه واصبح ابلحظه فقــيد
يمكن اني ما حلمـــته..كان واقع؟؟ احتمــــــال
مااظن الحلم يكــفي قول اشعار وقصيـــد!!!!!!!!!!!
,,,
,,
,
الصيرمي
26-02-2010, 08:52 PM
فوآز .. فكرهـ مميزهـ
لكـن .. ينقصهآ حآجه صغيرهـ ..
آلآ وهي :
آي عضو ينقل ابيات آو خآطرهـ من آلمفروض يذكر إسم آلكآتب .. حفآظآ على حقوق آلآخرين ..
وبيض آلله وجهك .. فكرتك مميزهـ وتنفع آلمنتدى فيكون متجدد ..
تقبل مروري وعودتي بعد حين ((إن شآء آلله))
أحلام رماديه
26-02-2010, 09:25 PM
كافي تسأل ليه أسهر وماذاقــت عيونــــي المنــــام؟؟
....جـــا جــــوابـــي قبـــــل تعتـــب وقبل تدوين السؤال
هــــذا حالــــي مــــن عرفتــــك تهت في عالم غرام
....أرتعــــش حتــــى خفـــوقي وفوق خدي دمعــي سال
,,
لااعرف كاتبه
أحلام رماديه
26-02-2010, 09:30 PM
اشتروا لي بعض ضحكٍ
غلّفوه .. ببراءات الطفولة
استفيقي .. استفيقي
يا براءاتي العتيقة
جاوبي حزني وضيقي
وأعيدي لي نقائي
وسعاداتي العميقة
كان حولي .. بعض أحلام جميله
سَكنت جوفي زمانا
كيمامٍ نائحاتٍ وسط صدري
بهديل الأمنيات
ضاق سربا وسط جوفي
ثم ولّت كل أسرابي طليقه
يا صديقي
بتّ أجهل سرّ حزني
والحقيقه
لست أدري
غير أني جدّ أدري
ضاق بالأحزان صدري
مات عزمي
مات صبري
تخنق الأوجاع نبضي
وعروقي
يا صديقي
هل عرفت سرّ ضيقي ؟!
فلتُجب عنّي سؤالاً
زادَ
حسراتي
ولوعاتي
جراحاتي
وضيقي
استمع نبض عروقي
وأزيزي
وأنيني
شَهْق روحي
زفراتي
عبراتي
ولتلملم مني أشلاء الأماني
ذي حروفي
لا وربي
هي من نزف عروقي
(عذبة المطر)
فواز البقمي
27-02-2010, 06:54 PM
الصيرمي
كلام جميل وممتاز وانت محق بلا شك وسنحاول أن نعمل على تحقيقه وأتمنى من الجميع أن يحاولوا قدر المستطاح كتابة صاحب المقطوعة
مرحبآ بك أخوي الصيرمي ولا هنت وفي إنتظارك
أحلام رماديه
28-02-2010, 06:46 PM
أحـلام ترهقنـي تجرعنـي الـسـم
كم جسدت أموات في صـورة الحـي
صرت اسبق الأيام بالحلـم و ا هتـم
بس القدر يقـول للنفـس انـا جـي
يهناك يا مـن حلمـه اتحقـق وتـم
أهداه حلمه وصـل خيـة مـع خـي
بنيتهـا مـن وحشتـي طـوق للفـم
وقلت يـا روحـي تناسيـه وانسـي
(سالم الفيفي)
الصيرمي
03-03-2010, 01:10 PM
قال أبقفي قلت شف ذاك الطريق=امش في منحاه والا مفرقه
و الطريق اللي بلا خل ورفيق=ما يوسع خاطر اللي يطرقه
منته ملاقي مثل صدقي صديق=في مغيب الكون و الا مشرقه
رح جعل من لاق فعيونك يليق=و سوبه مثلي وحبه و اسرقه
و خل من حبك بتوديعك غريق=و لا نجا حرة فراقك تغرقه
خله اليا من ذكر وجهك يضيق=و لانساه يون و يصب عرقه
سمه الناسي و سمه بالعتيق=و شب قلبه بالرسايل و أحرقه
خل عينه لا قرت خطك تريق=عذبه و أذبح طموحه بورقه
وخله الواقف على ذاك الطريق=ميت من البرد و يصب عرقه
للمبدع : سعد علوش
فواز البقمي
11-03-2010, 09:12 PM
الشاعر \د\ عبدالله الثمالي
مبـطـي وشـعـرك مـابـدالـه مظـاهـيـر=والــبــدو دوم رحـالــهــم مـشـعـفـانـه
ياشـاعـر ٍ دايـــم حـبـالـه عـلــى بـيــر=وش آخـــرة جـبــد الـدلــى ومـيـحـانـه
ومـتـى تحـلـب ام الـديـود المـصـاريـر=كـم لـك شهـر ماجبـت لـو كــان دانــه
يانـاشـدي وشـلــك ووش للمـشـاويـر=الـعـد راهــي وانـــت راعـــي مـيـانـه
خللك من حسـاب الخـرز والمخاسيـر=كـــم سـبـحـة تـحـتـاج فـــك وصـيـانـه
غـيــري يــوردهــا وذودي مـصـاديــر=وتشبـع نيـاقـه مــن دحـيـس البطـانـه
وانـــــا ليـاسـرحـتـهـا فـالـمـخـاضـيـر=تـرعــى زهـــر نــويــر زان قـطـفـانـه
والـيـا حلـبـت بـكـارهـا والمصـاغـيـر=نـقــري لبـنـهـا لـكــل راعـــي أمـانــه
الشعـر صـرف ٍ مثـل صـرف الدنانيـر=ماينـصـرف فــي كــل حـانــه وخـانــه
واليا استوى عند العرب شعر وشعير=يـشــوم عـنـهـا كـــل ضـلــع وتـكـانــه
ومادامـهـا حـــب وشـويــة عصـافـيـر=والله مـاثــور بـنـدقـي فــــي سـمـانــه
تنشد.! ورى مبطي لسـوق المظاهيـر=مــن القـصـيـد الـلــي جـديــد سـمـانـه
بـلاي يالصاحـب../ جـمـوع وطوابـيـر=وكـل ٍ يـوصـي صاحـبـه فــي حصـانـه
احــد ٍ يخـيّـل لــه غــدا سـالـم الـزيــر=مـطـلـق لشـيـطـان الـلـقـافـه عـنـانــه
واحـد ٍ بـدع لــه منـصـب ٍ كـنـه أمـيـر=يـامـر وينـهـى مــن طــوارف لسـانـه
واحـد ٍ علـى العـالـم يـحـد السواطـيـر=لسـانـه اطــول مــن ظلـيـعـات ابـانــه
عفت القصيـد وقلـت يالله عسـى خيـر=يعيـب مـن هــو عـابـوا الـلـي وزانــه
أحلام رماديه
14-03-2010, 04:12 PM
كل جرح يهـون يالجـرح القديـم ..
.. وكل شي قد مضـى معـك أذكـره
جرحي وذكـراك والليـل البهيـم ..
.. حـزت فـوادي بمثـل المنشـره
العذول غراب وأنا أكبـر غشيـم ..
.. والجروح الماء وطاريـك حجـره
والزمان أكرم من الحـظ الكريـم ..
.. لانفتح لي بـاب صوبـك سكـره
وحبك اللي لاطرى لي رحت أهيـم ..
.. قمت أحسب أصغر كلامك وأكبـره
...
ابن فطيس
الصيرمي
14-03-2010, 09:24 PM
سبحان واليك ياليلٍ سرى برقه = أراقبه والعرب في نومها غرقا
ماصدّت من شوفك الاّ الهم والحرقه = بعض الملاقا تعوّضني به الفرقا
حبٍ مع حبّ غيري ماظهر فرقه = غديتّ كنّي شفيع وحبّه الزرقا
للآسطورهـ سـ ع ـد بن جدلآن
لهفة شوق
14-03-2010, 09:59 PM
ياويل قلبي كل مااشتقت لقياه
وشلون ماتشتاق عيني لعينه
أنا أدري إني حيل أحبه وأهواه
وأنا أدري إن القلب صار بيدينه
أموت أنا به في غيابه وأحياه
وشلون أجل لو صافحتني يمينه
حاولت أنا اكتم عبرتي يوم فرقاه
وألملم جروح الزمان الطعينه
واعطيه من قلب المعنّى معاناه
وآخذ من جروحه ولو هي دفينه
وأضيع به في زحمة الناس وأنساه
وأنسى معه ذكرى السنين وحنينه
لقيت نفسي كل ما حل طرياه
عروق قلبي كلها تقول وينه
يامر على قلبي ولا شك ينهاه
كلي أنا تحت الإشارة رهينة
ما كل من يضحك سعيد بدنياه
وما كل من يبكي دموعه حزينه
أحدن بكى .. والكل يدري عن بكاه
وحدن مع الضحكه تحس بونينه
ياشين فرقى الحب وياشين بلواه
والمشكلة دنيا بلا حب .. شينه
والزين ما يكمل ولو كان ماحلاه
إلا حبيبي ماتغيّر بزينه
ماجيت أسولف عن حلاه ومزاياه
.يكفي أحاسيسي وقلبي عارفينه
كن الفضا في غيبته ضاق مسعاه
وكني غريقٍ ينتظر له سفينه
شف دنيتي ياصاحبي عقب فرقاه
مثل الظلام اللي حصل بالمدينة
باكتبه أنا في صفحة الشعر واقراه
وباذبحه بزود الغلا دون سكينة
وبارسمَه في لوحة الشعر وانعاه
وبادفنَه بين الضلوع الحنينه
بوسط الحشا في داخل الصدر مثواه
إما يسار القلب وإلا يمينه
أحلام رماديه
15-03-2010, 12:04 AM
هوّن على نفسك ترى الكل مهموم ....................وكلن على ما قيل يسرح بهمّـه أحدن طواه الفقر والصدر مكتوم....................وأحدن يصيح الويل وينك يايمّـه وأحدن همومه كلها يـْـقوم وينوم....................وتالي نهارة يجتمع مع مخمّـه وأحدن على ما قيل صابر ومحموم....................ما يظهر اللي مختفي وسط دمّـه و البعض مثلي شانة الحظ ّ يا قوم....................وسط الحنايا يدفع الوقت سِمّـه ما كني إلا شاقي الوجه مذموم....................الـكلّ مـبـعد والليالي تذمّـه .....أمير القلم
فواز البقمي
15-03-2010, 12:34 AM
جرب حروف الهجا من الباء للمده = دامك شطبت الالف ماعاد تحتاجه
وشكل على ماتبي بالفتح والشده =والضم والكسر بس لاتكسر سراجه
قلبٍ طوته الهموم وباح لك سده =يومك لباب الهوى كسّرت مزلاجه
بين المشاعر جسور الحب منمده =وبين المحاني قصور الحب وابراجه
كله على شان احبك صار لي مده =سلكت كل السبل عدله ومنعاجه
واليوم اشوفك تباغتني بهالصده =وحمست قلبي حميس البن بالصاجه
ياخل صبرك معي وتزول هالشده =من رحم هالليل خيط النور مبلاجه
والنور لاشع يملا الكون ويسده =وتنسى ظلام الشتات وقمة احراجه
وان كان صبرك نفذ او واصلٍ حده =ارحل وانا قلبي ابخص فيه وعلاجه
ملزوم قلبي على النسيان احتده = الله.. يقهر غلاك ويلعن الحاجه
واشطب حروف الهجا من الباء للمده =مع الالف دامها اشواقك بثلاجه
المبرقعه
15-03-2010, 07:24 AM
كنت اعشقك واخفي عن الناس بوحي
طاش القلم وأورى معاذير الأورق
قلت أكتبك وأعلن ملامح وضوحي
في صبحي اللي لاح مع طيش الأشواق..!!
لا اعرف قائلها
فواز البقمي
15-03-2010, 07:57 AM
الشاعرة \ المبرقعه ..... منـــــــــــــــوره
وحضورك يشرح الصدر
وصح السانك
فواز البقمي
15-03-2010, 08:28 AM
هنوف الشعر
هنوف الشعر تغر المفردات بطرفها الفتان= تحب المستحيل وتعشق اللي فوق اللاهامي
تخيرت أجمل اللحظات والأحداث والإنسان=وتخيرت المكان اللي لبس له تاج ووسامي
الأربع كلها محفورةً في داخل الوجدان=ليا مرت على بال القصيد فوصفها اللزامي
أهيم بديرتي يا اللي نشدوا وش بلا الهيمان=على ريضانها وجبالها يحيني هيامي
فديت ضليع مرضي والرحاء والماعزي وضعان=وفديتك يا مداهيل النشاما فدح الاقرامي
وسلام الله على الطارف سلام كنه السميان=يجي مثل الجبال الشامخه والاد ابن سامي
وسلام الله على رضوان واللي مسسن رضوان=سلام وراية بيضاء تعد افعول أسامي
اماكن ماتزعزع لو يجي من حولها بركان=مسامير على كبد العداء في حدنا الشامي
عليك الله وامان الله يامرضي ويارضوان=مدام ان به سمي فوالله انك شامخً زامي
هذا طارً طرا ما كان في بالي ولا الحسبان=لكن انه حصل من شوف فعل الربع قدامي
يقولون متعصب قلت اقول بفمي المليان=انا متعصب للااد سامي ربعي حزامي
هل الماقف ليا منه حصل عند الفشق دندان=واهل تاريخً ابيض ناصعُ في صدر الايامي
متهيت البكار و داحمين الضد با الاضعان=يسوقون العطف لو كان في سوق البلاء الحامي
عليهم تركز الرايات ماض وحاضر الازمان=وفرسان ماماتوا غير في بطولات وإقدامي
حيا الله ركننا اللي كل من يمه ذرا وأمان=سيوف للقبيلة في الجواهل ثم الاسلامي
هذا قسمً من اقسام القبيله والعلوم اسمان=على حدانها من كل صوب فارس ورامي
عمارً يا تربه ياديرة الشجعان والفرسان=ياما سطر لك التاريخ من صفحات واقلامي
بطولات شهادتها من الاصحاب والعدوان=ومفاخر ضاربه ماهيب مثل العالم النامي
مثل يوم المهار اتشوش تحت رشيد ابن جرشان=يلم ابها جيوش الترك هي وجيوش الاورامي
وسوقً للقلايع كلها لمحمد وقطنان=فراريس البقوم اللي تخوض الماقف الدامي
ليا منا كسرنا الكون الاول جاء وراه اكوان=هاذا التاريخ يا اللي للحقايق مشفياً ضامي
منقول للشاعر\المهدي بن تركي الرياحي البقمي
فواز البقمي
15-03-2010, 09:17 AM
مساء الخير يانفاس الغلا واغلى
مساء الخير يـــــاحلا من الحلا كله
مساء اجمل مساء اكمل مساء اسمى
مساء ابلغ من التعبير والتصوير
مساء الهيل واطياب البهار وصفوت الدله
مساء السمن والمله
مسائك ذوق .. مسائك فوق
مسائك أجمل المنطوق
مسائك شوقي المحسوس
مسائك شعري المخصوص
مسائك طير ما يَسْلَى
يبي عشه يبي ظله
ومسائي قلبي (اللي الحين انا ارسله)
مساء اجمل مع التغيير
مساء ابلغ من التعبير
مسائي انتي ياوجه الخير
وفي الآخر مساءاتي وسهراتي وضحكاتي معاكي قمة الفله
وقلبي يابعد قلبي معك كله
أحلام رماديه
16-03-2010, 12:02 AM
ونسأل
:
هو باقي للطريق آخر؟؟
وإلا أنتهى؟
هو باقي للسحاب ظلال
وإلا نسى؟
ملينا
كثر ماولهنا وحكينا
كثر دمع طاح
عطشنا
ولا روينا
كثر الغياب المر وزياده
كثر الحظور العقيم
وش فاده ؟
غير ترديد الحروف
غير تهميش الكلام
في صداها ألف صوت
وفي معانيها وئام
لكنها أختفت
خلف السطور
مايجاريها أي حرف
ولا يواسيها غرور
أحلام رماديه
أحلام رماديه
29-03-2010, 12:02 AM
ياخاطـري سولـف بـلا قيـد واحسـاب
سولـف وطـول بالقصـص والحكـايـا
خل الكـلام اللـي سكـت يفتـح البـاب
يكفـي غريـب الـدار صمـت الزوايـا
سولف. وسولف وتـرك الهـرج ينسـاب
مـاعـاد بـاقـي للحـواجـز بـقـايـا
تلعـب موازيـن الدهـر دور الارهــاب
توشحـت بالـسـود بـيـض النـوايـا
سولف علي ياخاطـري وانـت منصـاب
مليـت صمتـك والـجـروح الخفـايـا
عطني علـوم الليـل يـوم القمـر غـاب
سولـف عـن اللـي تحتويـه الحـوايـا
ياخاطـري سولـف ولا ابغـاك ترتـاب
عـن مسألـة بـوق العهـد والوصايـا
كـم ضـاع حـق وفيـه للحـق طـلاب
ومـن ضـاع حقـه ماتحـرى العطايـا
ياخاطري سولف عـن الوضـع بسهـاب
كـلـي سـمـع لمعـقـدات القضـايـا
لي (سـن) يضحـك بالشدايد.ولـي نـاب
ولـي هامـةٍ تشمـخ بـكـل المـرايـا
ماعاد افكر.. وش خذى الوقت.. وش جاب
عنـدي تسـاوت حسنـتـه بالسـوايـا
ياخاطري سولف علـي مابقـا اصحـاب
فـي عالمـاً كلـه ذنــوب وخطـايـا
العمـر واحـد والدهـر كلـه اسـبـاب
والصمـت مايوقـف سيـوف المنـايـا
ياخاطـري ماهزنـي جمـع الاحــزاب
حتـى لـون اسنيـن عمـري عـرايـا
مـاذل نفسـي عنـد ربعـي والاجنـاب
وجيـوب ثوبـي مـن كفوفـي مـلايـا
ياخاطري..تدري.. تـرا خاطـري طـاب
ماقلـت يكفـي ميـر.. خــل البقـايـا ..
مما راق لي
فواز البقمي
16-06-2010, 11:28 PM
على الغصون مغردات العصافير=وعلى دلال الفكر ما من كلافه
كلٍ يحث السير .. واحنا هل السير=إن ما كسبنا الاوله .. في الوصافه
واليا لفينا الدار يا (نادر الطير)=مرسى الكرم ما فيه نفسٍ تعافه
امن اول المشوار لـ نهايته .. خير=إبداع حتى في اختصار المسافه
فواز البقمي
18-06-2010, 09:48 AM
اسم الشاعر \ النجم الساهر
لاتباطاني تراني جيت لجل عيونك =مالنا ومال العيون اللي تمنى الفرقى
جيت اخيب ظن من ظنه بعكس ظنونك =والله ان عيون خلك لجل شوفك شرقى
يابعد عمري تراني تايه من دونك =والله ان البعد وقعه مثل حامي الطرقا
لين جيت وشفت زولك جعلهم يفدونك =في خفوقي سيرتك تبقى وذكرك يرقى
سمني خلك0اقلك سمني مجنونك =مالنا حيلة وحبك جوف قلبي عرقا
كن طرقك يوم جريته يجر لحونك =وكن طيفك يوم شفته مر كنه برقا
لاتفكرتبتعد عني وانا مضنونك =كيف وانته سارق قلبي وفكري سرقا
كيف انا ابنساك لو كل البشر ينسونك =وانت ساكن بالحشا والعين جعلك تبقى
حالف بالله انا مااجفاك والا اخونك =دام احاسيسي بذكرك وسط بحرك غرقا
صاحبك يانبض قلبي دايم من دونك =س ناديني واجيلك غرب والا شرقا
فواز البقمي
27-06-2010, 08:45 PM
الشاعر والاديب .. عبدالرحمن العشماوي
أزهارُ الوادي,.
تَبعَثُ عِطرَ شذاها
ورحيق الطَّلِّ,.
يُسَلسِلُ في الأغصانِ نَداها
أهدابُ الشمس,.
تُراقب خَيط رُؤاها
ورُؤاها ترسمُ وجهَ هواها
وهواها نارٌ,.
تحرق مَن خَلفِ البابِ,.
تُلَوِّحُ للشمس يَداها
وأمام البابِ عيونٌ,.
تُغمَضُ حين تَراها
قامتُها تسمع وَقع خطاها وخطاها تسمع هَمسَ ثراها
وثراها يُنشد لحن الخِصبِ,.
ويهتف حين يراها
من سرَّبَ في عينيها النومَ,.
ومن أغمض جَفنَ الليلِ عليها,.
مَن غطاها؟؟
ولماذا قبل طلوع الفجر دَعاها؟؟
وأباح لجيش الرُّعبِ حماها؟
مَن أسكنَ فيها الرُّعبَ,.
ومن أغواها؟؟
ولماذا امتص رحيق براءتها,.
ووراء جدار الحسرة ألقاها؟
مَن أطفأ شمعة بسمتها,.
ولماذا انقلبت شفتاها؟
مَن مزَّق فضل عباءتها
وبثوب الاغراء كساها؟
من أحرق قمح بيادرها
وبحب الحنظل غذَّاها؟
ولماذا عكَّر منبعها
وبكأس الأوهام سقاها؟
ولماذا اغتال محاسنها
بالصمت وعد خطاياها؟
مَن تلك، وكيف تحدِّثنا
عن أنثى نجهل فحواها؟
ولماذا صِرتَ تلاحقنا
بحكايا نجهل مغزاها؟
عمن تسألنا، عن ليلى
فلماذا تبعث ذكراها؟!
ولماذا لا تسأل قيسا
ليصور بعض سجاياها؟!
وليقرع باب قبيلتها
بالحب ليطلب لقياها
عمن تسألنا، عن لُبنَى
أو سُعدى او مَن والاها؟
مهلا,.
فسؤالي عن أخرى
يخفق بالحب جناحاها
حيرني وصف ملامحها
والشعر بعالمها تاها
عيناها,, كيف أصورها
والأفق الحالم عيناها
ربطت بالسحر ضفائرها
وعليه تلاقى جفناها
فكأن البدر استنسخها
وكأن الحسن تبناها
أسألكم عن ذات وشاحٍ
صبحها الرعب ومساها
تشكو والليل يلاحقها
يدفن في الظلمة شكواها
وأبوها يفتل شاربه
يغمض عينيه ويتباهى
وأخوها الأكبر يتغنى
في بلد الغربة بسواها
وأخوها الأوسط يتلهى
بنوادي الليل ويغشاها
وأخوها الأصغر يتلقى
زيف القنوات وطغواها
أما أبناء عمومتها
فقلوب تطفو بهواها
أسألكم عن أجمل انثى
رُفِعَت للخالق كفاها
شجر الزيتون موائدها
والتين المثمر حلواها
تضحك للشمس مآذنها
والبدر يتوق لنجواها
اسألكم عن ذات وشاحٍ
تمسك بالجمرة يُمناها
أنتم أخلفتم موعدها
ونقضتم بالذل عُراها
اسأل عن أجمل فاتنة
صوبها الغدر وأدماها
تشهد بالجرح مآذنها
ويحدِّث عنها أقصاها
والمسرى يسمع صرختها
ويكاد إلينا ينعاها
لو كان لها عين تبكي
لاجتاحت بالدمع رباها
عاشقة أسرف عاشقها
في الهجر، فمن يتولاها؟؟
فواز البقمي
16-08-2010, 12:34 AM
يامودعت كف العمر خارمة قاع =يبست غصون الورده الي زرعتي
بلاقعٍ صارت والاشواق نجاع =من يومك اقفيتي علوقي مزعتي
الي بقى في خاوي الصدر الاوجاع =والا الفرح بحبال صدك شلعتي
تشرعت ابواب صدري للاطماع =اطماع حساد الرخا من نجعتي
لك صورةٍ في سقف الاحلام بقناع =عيا ضباب الوصل وانتي منعتي
ولك همسةٍ اصداءها في ترجاع =بكره ابرجع ..ذي سنه مارجعتي
افتق جروح الامس واقول ذا الساع =جرحٍ طري نزفه يذكرك نعتي
(مجنون حب)ولاقيٍ صدر وذراع =يطيب لامنك ونينه سمعتي
رحتي وصارت دنيته خارمة قاع =يبست غصون الورده الي زرعتي
فواز البقمي
16-08-2010, 12:36 AM
الشعر والشاعر علاقتهم علاقة عاشقين =وان عاف الأول صحبة الثاني يقول المعذرة
الشعر ثلج ونار وابحار وتجارب عارفين =والشعر ديوان العرب من عصر عبس وعنترة
ينقل شعور ويوصل الفكرة بدون مراسلين =ويفتّح ازهار القلوب اليابسات المقفرة
يلبس من المنطوق مايشفي غليل السامعين =ويلبّس المعنى عبارات الجمال ويستره
وان قصّفوا لبسه ولاضفّوه فوق المنكبين =نسمع أنين الحرف تحت اكراه ضغط الحنجرة
كم واحدٍ حاول يزيّنها وعيّت لاتزين =والشعر ماينصاع مع شاعر بليّامقدرة
آسف لياوظّفت شعري في وصوف العابثين =اللي يحسبون القلم يكتب بدون المحبرة
والشاعر اللي ينحسب من زمرة المتطفلين =أرهق بيوت الشعر لاوفّر ولاجاب ثمرة
لاشحّت افكار الرجال اللي تعدّتها السنين =صارت بيوت الشعر كومة من نشارة منجرة
والله ماهو طبعنا نرمي قفيّ الغافلين =ونصور أخلاق الأوادم بالوصوف المنكرة
من شيمتي مااعطيت نفسي حقّ غشّ المسلمين =ولااسمح لنفسي على انّي عود من عرض شجرة
أتناول الجزلات باليمنى واناول باليمين =والفرق واضح بين مدّ الميمنة والميسرة
أحشم مقام الشعر عن مورد هماج وورد طين =لاخذت من ناقد ملام ولامن الذنب اكبره
اللي يغوص البحر جاب اللول والدر الثمين =والأجر ماينعاف لوهو من تراب المقبرة
دام التراجع حلّ بيدين الرجال الفاهمين =أخير من تحويلها لعبة حروف مبعثرة
والكلمة اللي تفضح الرجال في دنيا ودين =ماني براعيها ولا قدّمتها للفشخرة
والشطحة اللي تحذف الشاعر من اوّل كلمتين =عزّ الله انه في غنى عنها ولاهي مفخرة
ياليت (الانتربول)يفزع لاعتقال الخاطفين =ينصف هل الذوق الرفيع البحتري والشنفرة
وافرح بتحرير الشعر في حفل يوم وليلتين =وادعي له اللي مايحبون اللغط والمصخرة
ياهاجسي بلّغ نصيحتنا بواحد من ثنين =أما كلام يجمّل الرجال والاّ يهجره
هذا وصلى الله على الهادي إمام المرسلين =أختم بها جملة كلامي واحمد الله واشكره
فواز البقمي
18-08-2010, 09:34 PM
قصيدة الرحيل
هي غلطتي والا الزمن دوم غلطان = منك العتب ؟والا العتب من زماني
أحيان أحس الحزن .. لـ أجلي وأحيان = أقول هذا الحزن ماهو عشاني
ياليتها غربه وادوّر لي أوطان = ياليتها دمعه وتنسى زماني
ياليتها كلمه وادوّر لي إنسان = ياليتها ساعه واعدّ الثواني
كل العمر وأنا مع الهم خويان = لاضاق صدره زارني وابتلاني
أكذب عليك إن قلت عايش وفرحان = واكذب عليك ان قلت موتي كفاني
من ياخذ همومي ويعطيني إنسان = ماجاه مثل اللي من الحزن جاني
المشكله ماهي بغلطه وندمان = المشكله ليه الوفاء دوم فاني
صوره وملّتها من الشيل جدران = ورده وذبلت ومن قطفني رماني
كل آدمي يفرح وتنساه الأحزان = الا .. انا .. عمر الحزن مانساني
ماعاد باقي بالعمر كثر ماكان = والصمت يقتل فرحتي والأماني
هات الحزن مادامها احزان بـ أحزان = هات الحزن دام الفرح مالقاني
ياليل وين الصبح كل يوم سهران = أسهر وحزني يحتوي كل مكاني
يابلاد عمري مابقا فيك سكان = ويادمع عيني من بقا مابكاني
وياقسوة الأيام حنّي بـ (سلطان ) = لو راح ماتلقين ( سلطان ) ثاني
.
علي الزهيري
18-08-2010, 10:49 PM
والله اني بت احبك من كلامك والبيان
والله اني بت عاشق للمعاني والهدف
من قرا لك طب قلبه بالعواطف في ثوان
ثمّ ردّد ( حسبي الله حسبي الله ) وانصرف
ذوّبتني هالمشاعر والعذوبة والمعان
واستحلت قلب شاعر بالمحبة وانجرف
كل كلمة من كلامك لولوة والكل دان
لا قريتك فزّ قلبي من مكانه وارتجف
هي مشاعر خالجتني وقتها والوقت حان
اعترف لك بالمحبة واعترف لك بالشغف
قلتها لك والله يعلم وش صراحة هاللسان
لو يخادع بالمشاعر او بقوله ما حلف
ذا شعوري والمقاصد بيّنة والعلم بان
من بداية ما عرفتك حتى يومك ما اختلف
ودّي انشد يا الاميرة عن لجوئي والامان
تمّ شعرك في عذوبة وتمّ حسّك في رهف
الاماني راودتني اعترف لك من زمان
مير همي من كلامك ( يا هلا بك يا الترف )
لا تقولي كلمتينك او تقولي يا جبان
واتركيني في عتابي .. ليت قلبي ما اعترف
حسّسيني باهتمامك وارحميني من هوان
وارسميني في خيالك واسلكي درب الكلف
اسمحيني لو بديت بموقفي من هالمكان
واسمحيني لو جرحتك والاسف يتبع اسف
ع ـذابي غ ـير
03-01-2011, 08:34 PM
شفني على درب الوفاء (http://www.h2f2.com/vb/t54908.html)جيت حافي
ماهمنــــــــي جــــرح الليالي والايام
خليت جرحـــــــك داخل الصدر غافي
ورددت ياحُبــي تـــــرى الوعد قدااام
لـــو كــل مـــــن أخطى دواه التجافي
ماكــــان عشنا بالهوى ربع من عام
اجرح علـــى كيفك ترى القلب وااافي
مــــــدام حبك داخـــــــل الروح قد هام
والله ما اقول لك بــــس ياهيه كااافي
دامـــــي رضيت الجرح وشلون تنلام
أحس فيك احســـــــــاس بارد ودااافي
احساس يعجز عن حسن وصفه اقلام
ولاّ جمـــالك شـــــي جـــــــدا خرااافي
ياليت اهلك بــــس سمـــوك الهــــــام
الهام شعـــــري انت له دوووم لافــي
ياجعــــــل قلبــــي فيك طايـــح ولا قام
أمّا علـــــى قصة جروحـــــي عواافي
والله ما اصحي الجرح لو بات اعواام
مما راق لي~
محمدالمـــرشدي
24-02-2011, 11:48 PM
حسبي على الشـــعر نــوب و نوب حسبي له =نـــــوبٍ يخـفـف علي ونوب يجــــرحني
لــــولاي احــــبه وفي صــــدري مداهـــــيله =ماسـقـــت هـــــمي عليه ابـيه يشرحني
عســـاني اخـــطي رداه وهـــزله وميــــــــله =واصــيب شــــيءٍ اذا قــلته يربـــحـــني
والله يســــــــامح خـطـــاه وســــــوء تــأويله =وانــا علـى زلـــــتي ربـــي يســـامحني
النـــــــاس كــل ٍ عــــلى هــــــمه يـغـنـي له =وغــنـيت لأصـغر هـــمومي وانــكسر لحني
ياصــاحــبي صــاحــبك كــــثرت غرابـــــيله =ولا بـه الا انـت يشـــعــربي ويــلمــــحني
ويـــن انـــت ياأعـــذب مـن الغـــيم وهمــاليله=يــاللي لـــيا مـــر لك طـــاري يفــــرحني
جـــاد بـــَك كــف الزمـــان وشــــح مـن لـيله =شـف كــــيف الايـــام ماتـــبغى تريحـــني !!
محمدالمـــرشدي
25-02-2011, 01:27 PM
عرفت موضوعك ياهمي وغمّـي ""= وقايست مقدار الحياه (( التكاليف ))
ومشّيت دمعي من طرف ثوب كمّي ""= وركبت فالقارب وأخذت المجاديف
وصديت من جدي وخالي وعمّـي ""= وغنيت فاللي شوفها يقعـد الكيـف
فديت قلـب اللـي غلاهـا بدمّـي "" =وياجعل تفداها عروق السراجيـف
ليت التعب فيني ولاهـوب فاأمّـي ""= وأشيل عنها المعضلات التكاليـف
وأحطّهـا فالقلـب وأزيـح همّـي ""= وأخشّها من شدة البـرد والصيـف
لعلنـي أفـدى حذاهـا وأسـمّـي "" =على مشاعرها من الضيق والزيف
بعض السوالف تنحكر وسط فمّـي "" =يوم أنت ياقلبي كلتّك الصواديـف
ماهو بعيب أن أنحى الراس لمّـي ""= العيب لاكثـرت علـيّ السواليـف
حلوة المبسم
26-02-2011, 03:02 AM
ياليت أعرف وش مخبي ! وشنهي آخر أسرارك!!
.. .. .. رغم أيامنا الحلوه ! أحس بقلبك العتمه ,,
امانه ! لايجي عقبي حبيب(ن) يقلب افكارك !!
.. .. .. اذا بتخون "لمحلي " عشان تهون هالصدمه ,,
حسبت الحب يغمرني ويسري بموجه انهارك !!
.. .. .. حسبت الشوق في غيابي يسبب في حشاك ازمه ,,
حسبت احساسي احساسك حسبت اخباري اخبارك !!
.. .. .. حسبتك آهـ .. ياطول الكلام ان جبته بعلمه ..
واذا بتسأل عن اخباري ! تعال وشوف مقدارك !!
.. .. .. تعال وناظر ابياتي بنزفي كلمه ! بكلمه !
تعال و لقن دروس الجروح المغرمه بنارك !!
.. .. .. تراك انت الوحيد اللي تجيب ألآم مبتسمه !!
تعال وجيب كذباتك وغلفها مع اعذارك !!
.. .. .. تعال بكل متاهاتك تعال قلوب منقسمه !!
تعال بمسرح جروحي ومثل لعبه ادوارك !!
.. .. .. تصفق لك جماهيري من الطعنات متألمه !!
احس بجيتك ! كذبه ؟ ما عادت ريحه ازهارك !!
.. .. .. تعال وقول " يافلان ترى ! مالك علي لزمه " !!
بعدها شوفني راحل ! و لاهمتني اقدارك !!
.. .. .. انا اصلا قبل عشقك " بقايا آمال متحطمه " !!
واخير القول تسمعني اذا باقي على اذكارك ..
.. .. .. مدامك ناوي الفرقا قرار ولازم احترمه : -
امانه ! لايجي عقبي حبيب(ن) يقلب افكارك ,,
.. .. .. اذا بتخون" لمح لي " عشان تهون هالصدمه ,,
....
رآقت لي ,,,
ملامح خجوله
26-10-2011, 02:25 AM
ما بقالي قـلب يشفع لك خطيّه
ذوبـته اجروح صدّك والخطايا
صاحبي بالله ... لا تعـتب عليّه
العَـتـب ما عاد تاسَعه الحنايا
كلّ جرحٍٍ فات لي منك هديّه
وش بلاك اتخاف من ردّ الهدايا
الله أكبر ... كيف مالك مقـدريّه
وكل ما تحمله من هـمّي بقايا
لا تمنّيني ... سَرَاب المهـمهـيّه
الـقـرَاح اليوم ... ما يروي ظمايا
وان غَدى للحب في قلبك شظيه
وش يقـول اللي غدى قلبه شظايا
ملامح خجوله
26-10-2011, 02:28 AM
كم هي صعبه تلك الليالي
كم هي صعبة تلك الليالي
التي أحاول أن أصل فيها إليك
أصل إلى شرايينك
إلى قلبك
كم هي شاقة تلك الليالي
كم هي صعبة تلك اللحظات
التي أبحث فيها عن صدرك ليضم رأسي
حبيبي
الشوق إليك يقتلني
دائماً أنت في أفكاري
وفي ليلي ونهاري
صورتك
محفورة بين جفوني <
دموع تجرح
22-12-2011, 07:25 PM
اسـآلَتـنِـيً گمُ بِـنتً تـعَـرِفّ ؟
جَآوبتَهَآ رنا و عَبِيير و الهَنُوفً و غَدِيرً
وقَـفَـتّ وشمُـوخَهَآ يِملَىّ الگتِفً !
وفِيھ أسئِلَةّ بِخَآطِرهَآ وِدّهَآ تِنجِرفً
أيشّ هَالـجَـرَآءھُ . . .
هَالوَقَآحَـةُ . . .
گل هَـذِيً صَـرَآإحَـھُ !
ولَـھُ عِيـنً يِـعَـدّدً ويِـسَمّـيً ويِعتِرَفّ ..!!
وحَبّـيتً أزِيـدً الطيـنً بَـلھُ
وأقُول لهَآ إنّ الأخِـيـرَةُ أصغَرهُمً
والـهنُوٌفً أجمَلـهُمً
والـثآنِـيَـةُ أطيَبـهُمً
ويُومً شِفتَهَآ تِـنــهَــآإرً !
والـعِزّةُ والـشّمُوخً رآإحَـتّ دِمَـآإرً
والـشّفَآإيِفً بِدَتّ تِـرتِـجَـفّ
جِيتً وبِستَهَآ عَـلىّ خَـدّهَآ اليِـسَآإرّ
وهَمَستُ ب إذنَـهَآ
تَرَآإهُمً خَوَآإتِـيً ورنُا الگبِيـرَةُ بِينِهُمً
وأنَـآ مِنوِلدً قَـبلهُمً
vBulletin® v3.8.7, Copyright ©2000-2025, TranZ by Almuhajir