جميل العتيبي
09-09-2009, 09:28 PM
ياويل حالي ليا من جات لك سيره = وفزت خفوقي من أولها ليا آخرها
ياللي عصيت الرياض ورحت للديره = وهلّت جميع المدامع من عبايرها
وتركت قلبي مع الحرمان والحيره = وخليت صم الجروح تشوف غايرها
لا تستثير الهوى وتعذّب الغيره = لو كانت الناس تعرف وش مصايرها
ماكانت الناس تدعي يالله الخيره = من المعاصي لا نشقى في كبايرها
لا تخالف الضحك وتبيّنه تكشيره = سود النوايا ما تسلك في ضرايرها
والوقت لا تعبّره لو فاد تعبيره = في يوم يقلب ويفضح لك سرايرها
ولا روّح الليل والجو بان تسفيره = صل الضحى وادع ربك في مآثرها
وكبّر وعقّب على التكبير تكبيره = تكبيرتينِ من أقصى القلب مصدرها
وخل دنيتك للإله وفي تدابيره = والناس روّح ولا تحسب مخاطرها
وكل صبح لا عزّم القمري مساييره = بذكر سنينٍ مضت حضرتك ذاكرها
ولا قطّرت غيمةٍ بالمزن تقطيره = بأذكرك ياشحّ غروٍ شحّ ناظرها
يوم إن روّح وخلّف في مدابيره = قلبٍ بعد صار للصدّات قاهرها
أصبح ضعيفٍ ولايوزن معاييره = ويقول يا الله صوّبني واعايرها
ولاّ أنت خابر كسيرِ ضاع تجبيره= وكل الطعون المغيره بعد تخبرها
لا تقول لي ذا الزمان وذا مقاديره = ما للقدر ذنب في طعنتك يسترها
والله واللي بيده البدر تكويره = ماني بخازن ضلوعي وانت خاسرها
خذها وسيفك عليك اليوم تحريره = ولاتقول شكراً ماباقي نفس تشكرها
وانا بصبّر ضميري كم تصبيره = وأسلّي النفس لو تكثر كدايرها
بأسمّعك بيت واسمح لي في تقصيره = خير المعاني ماكانت في قصايرها
ماكل ضلعٍ طويل وفيه دحديره = وعقم البشر مايساعد في تكاثرها
شعر / جميل العتيبي
ياللي عصيت الرياض ورحت للديره = وهلّت جميع المدامع من عبايرها
وتركت قلبي مع الحرمان والحيره = وخليت صم الجروح تشوف غايرها
لا تستثير الهوى وتعذّب الغيره = لو كانت الناس تعرف وش مصايرها
ماكانت الناس تدعي يالله الخيره = من المعاصي لا نشقى في كبايرها
لا تخالف الضحك وتبيّنه تكشيره = سود النوايا ما تسلك في ضرايرها
والوقت لا تعبّره لو فاد تعبيره = في يوم يقلب ويفضح لك سرايرها
ولا روّح الليل والجو بان تسفيره = صل الضحى وادع ربك في مآثرها
وكبّر وعقّب على التكبير تكبيره = تكبيرتينِ من أقصى القلب مصدرها
وخل دنيتك للإله وفي تدابيره = والناس روّح ولا تحسب مخاطرها
وكل صبح لا عزّم القمري مساييره = بذكر سنينٍ مضت حضرتك ذاكرها
ولا قطّرت غيمةٍ بالمزن تقطيره = بأذكرك ياشحّ غروٍ شحّ ناظرها
يوم إن روّح وخلّف في مدابيره = قلبٍ بعد صار للصدّات قاهرها
أصبح ضعيفٍ ولايوزن معاييره = ويقول يا الله صوّبني واعايرها
ولاّ أنت خابر كسيرِ ضاع تجبيره= وكل الطعون المغيره بعد تخبرها
لا تقول لي ذا الزمان وذا مقاديره = ما للقدر ذنب في طعنتك يسترها
والله واللي بيده البدر تكويره = ماني بخازن ضلوعي وانت خاسرها
خذها وسيفك عليك اليوم تحريره = ولاتقول شكراً ماباقي نفس تشكرها
وانا بصبّر ضميري كم تصبيره = وأسلّي النفس لو تكثر كدايرها
بأسمّعك بيت واسمح لي في تقصيره = خير المعاني ماكانت في قصايرها
ماكل ضلعٍ طويل وفيه دحديره = وعقم البشر مايساعد في تكاثرها
شعر / جميل العتيبي