طال البطاء

[سامي الرقيب]

السلام عليكم ورحمة الله وبركاته
اخواني الاعزاء تقبلوا مني هذه القصيده المتواضعه
وكل عام وانتم بخير وشهر مبارك
ودمتم بكل صحه



البارحه قامة هواجيسي تلوح = لوح البروق الي كشفة غب الأبحار
من واهجٍ وسط الحشى جاي اله فوح = فوح الدلال الي على شعلة النار
سبعة سنين اذا انتصف ليلي انوح = ودمعي على خدي ليا الصبح مدرار
اضحك مع العالم وانا القلب مجروح = ولحدٍ درى عن علتي من هل الدار
واليوم عن ما داخل القلب ابى ابوح = طال البطاء ما جتني علوم واخبار
ما ابآت في ليلي ولا اسرح ولا اروح = بين الحقيقه والعهد صرة محتار
ليت الحمام الي لفى بحلمي مزوح = حمامةٍ في عشها فروخٍ صغار
ان كان هذا الصدق لا وا عنا الروح = يا ويل حالي من زمن دوم غدار
ما عاد ينفع قلبي علاج ونصوح = ولا عاد ينفعني ريالٍ ودولار
ولا عاد الي فالوقت حاجه ومصلوح = وتحرم علي الدله الي بها بهار
والي تسبب في عنا الروح مسموح = ما عاد تنفعني به الوقت الاعذار
باقي ثلاث سنين واكتب على اللوح = يا وقتي اعذرني على صايرٍ صار
ومن لامني يا جعل ماهو بممدوح = لا من حضر في مجلس شيوخٍ كبار
عشرة سنينٍ في رجا طيف مملوح = ماهي قليله لو تحسبون الاعمار
والله لو ما اخشى على عقلي نزوح = لسج وانشد عنه في كل الاقطار
واجلس اغني به لو الصوت مبحوح = وانقش حروفه داخل الكف تذكار
يقطعك يا دنيا بها العشق مفضوح = تآل الزمن صار الهوى للبشر عار



اخوكم سامي الرقيب

[شيخة الزين]

والله لو ما اخشى على عقلي نـزوح
لسج وانشد عنه فـي كـل الاقطـار
واجلس اغني به لو الصوت مبحـوح
وانقش حروفه داخل الكـف تذكـار

.....

ابدعت شاعرنا سامي
ابيات قمة في الروعه
دمت بخير ولاحرمنا مزيدك
شيخه

[محمد القسامي]

سامي الرقيب
كالعاده بل وبزياده
لشاعريتك ميزة الحزن والألم
ولبوحك لغة الجزاله والعذوبه
صح لسانك وكلك وجعل السعد مايملك
ودام هالوجود بكل خير وموده

[غنادير]

الله

رووعه وصح لسانك والله يعطيك العافيه


دندونه<< من هنا،، مرت

[محمد الروقي]

صح لسانك ياسامي

جزله ولاهي بغريبه عليك

تقبل مروري وتقديري لا عدمتك

[بــحـــر]

صح لسانك سامي
قصيده جزله

وتقبل مروري من هنا

[الهاشمي]

حروف من ذهب سبكتها صح وصح لسانك

[سـرابـ..]

وآآه من غدر الزمان

بكاء قلب اعياه الفراق

سامي الرقيب

تحدثت عن ألمك بشفافية قلب
ينبض من اجل ان يعيش
حقاً
جعلت من البكاء صوت على الورق

لله درك