المساعد الشخصي الرقمي

مشاهدة النسخة كاملة : ياكليب شب النارياكليب شبه


حاوي الطيب
14-08-2009, 06:35 AM
اسعد الله اوقاتكم بالخيــر جميعاً

على وقت الامير محمد العبدالله الرشيد ذاع صيت / دغيم الضلماوي الشلاقي الشمري ذاع صيته بالكرم وخاصة القهوة اللي يقول به :-





ياكليب شب النـار ياكليـب شبـه
عليك شبة والحطب لـك يجابـي

وعلي أنـا ياكليـب هيلـه وحبـه
وعليـك تقليـط الـدلال العذابـي

وادغث لها ياكليب من سمر جبـه
وشبة الي منه غفـى كـل هابـي

باغـي ليـا شبيتهـا ثــم قـبـة
تجلب لنـا ربعـا سـراة غيابـي

بنسريـةً ياكليـب صلفـا مهـبـه
لاهب نسناسـه تقـل سـم دابـي

سـراة بليـل وناطحيـن مهـبـه
متكنفيـن وشوقـهـم بالعـذابـي

الوالمـة ياكليـب عجـل بصبـه
والرزق عند اللي ينشى السحابـي

صبـة لقرمـا صرفتـه ماحسبـه
يوم البخيل مكنهب الوجـة هابـي

وصبة لمنعوريـن ليـا جـاة نبـة
يرخص بعمره والدخل لها ضبابي

وعدة عن اللي مايـداري المسبـه
اللـي يـدور بالقصيـر الغيابـي

عن الطيب عده نـازلا لـه بغبـه
يضرب علي درب الخطا مايهابي

لا باطن الهلبـاج خطـوا الجلبـة
يا حلو خبـط عصيهـم بالركابـي

أطمر لهم وأبـدي سـلام المحبـه
لا جو على هجناً يديهـم خرابـي

سلام أحلى مـن شخاليـل جبـه
وأحلى من السمن الجديد العرابـي

مع كبشً مصـلاح راسـه نجبـه
لا أدبـر الهيـن متيـن العلابـي

خطو الولد يـوم الملاقـي نكبـه
يأتي علينا من حسـاب الزهابـي

وحتى ايش لو يلبس وبينن وجبـه
معيـرة علـى غضيـر الشبابـي

أنا لقيـت الصبـر يازيـن غبـه
يرقيك رؤوس مشمرخات الهضابي

من لاصبر ياكليب في حكم ربـه
هذاك يـوم البعـث مالـه ثوابـي

يقولها اللي مـا حسـب المسبـه
ولا عرقل الاجواد ببعض الهلابي

هذا هـوى بالـي وهـذا مطبـه
من قبل مايسفـح علينـا الترابـي





سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :-





الوالمه يا كليب عجـل بصبـه
والرزق عند اللي ينش السحابي





يوم جاء تالي ليلة من الليالي قال الامير لبعض اخوياه الخاصين ترونا نبي نسير ولاعلمهم بوجهته ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرقة وشاف الامير محمد الوجار الا والله الا النار حيه والوالمه على النار وصب لهم الضلماوي من الوالمة وقام يحمس الثانية وقبه النار .

قال الامير محمد
:-
ما تقولي يالضلماوي وش عندك به يوم انك تقوصد يا كليب يا كليب . فعرف الضلماوي ان الامير زعلان فقبلة وقام ومد يده

للامير وقاله :-




مده رهن لولاك ماقلـت ياكليـب
ولا قلت شب النار وصر موقدا له
في ليلة تجدع سـواة المشاهيـب
نسريـة تلصـق خليـل لخـلـه
نطعن بعزك ياحصـان الاطاليـب
عسى الله جمع حزمتك مـا يفلـه
يالجوهر الناريز يالمسك يالطيـب
يـا عنبـرا مـن جربـه مايملـه
تكفي محاليـب وتملـى مجاليـب
وكبـد تيبسـهـا وكـبـدا تبـلـه
ياطير شلوى مالقي بـك عذاريـب
لو تستحتي ما تجمع الطيـب كلـه
يا بو اليتامى والارامل ومن عيـب
وأبوا لمن صار العصى ثالث لـه
وابو المحرول والاعمي والمحاديب
ومن ضامته بعقاء تصير ولدا لـه
أن كان هرجي به عليكم عذاريـب
سامح عسى اللي عقبك بألف حلـه
مده رهن لولاك ماقلـت ياكليـب
ولا قلت شب النار وصر موقدا له
في ليلة تجدع سـواة المشاهيـب
نسريـة تلصـق خليـل لخـلـه
نطعن بعزك ياحصـان الاطاليـب
عسى الله جمع حزمتك مـا يفلـه
يالجوهر الناريز يالمسك يالطيـب
يـا عنبـرا مـن جربـه مايملـه
تكفي محاليـب وتملـى مجاليـب
وكبـد تيبسـهـا وكـبـدا تبـلـه
ياطير شلوى مالقي بـك عذاريـب
لو تستحتي ما تجمع الطيـب كلـه
يا بو اليتامى والارامل ومن عيـب
وأبوا لمن صار العصى ثالث لـه
وابو المحرول والاعمي والمحاديب
ومن ضامته بعقاء تصير ولدا لـه
أن كان هرجي به عليكم عذاريـب
سامح عسى اللي عقبك بألف حلـه




ومن بعدها قال الامير محمد العبدالله يالضلماوي قال نعم
قال والله ماتشريه غير ماشريته مدام ان حي كل مااحتجت تجي يمي وتاخذ حاجتك عقبة قام كل سنة يقيض بالديرة ويقولون يبني بيته بشعيب ابو جرف اللي جنوب عيرج اللي هو الشارع الجنوبي الان لثانوية حائل .


تحياتي للجميع

محمد القسامي
15-08-2009, 07:46 AM
حاوي الطيب
تسلم يمينك والله لايهينك
على هالسرد القصصي والشعري
لدغيم الضلماوي
لاحرمت هالوجود ياحاوي الطيب

محمد الروقي
15-08-2009, 09:23 AM
بيض الله وجهك

والي مثل هذا ودك ان اذكاره ماتغيب
سلمت ياحاوي الطيب ...تقبل مروري وكل التقدير

الجازي
15-08-2009, 04:12 PM
حاوي سلمت ولا هنت

وتقدير يتوسط المتصفح

عـشـق
15-08-2009, 11:19 PM
شكراً لك بحجم السمآءِ
أخي حآوي الطيبـ !

سلمتـ وأكثر !
تحيتي

غنادير
16-08-2009, 11:36 AM
الله يعطيك العافيه..

خالص ودي وتقديري

فزاع
22-08-2009, 03:22 PM
لاهنت على الطرح الرائع

حاوي الطيب
11-08-2010, 08:56 PM
السلام عليكم ورحمة الله تعالى وبركاته
يعلم الله انه لم يكن الغياب مقصوووووود ولاكن لضروفي الخاصه
(تم حذف الرابط وشكرا لك جازي ليس هكذا تورد الابل يا بن العم)الله لايهينكم
بارك الله فيكم وحفظكم الباري
الأشادة فخر ووسامٍ ثميني * من رجال الجود عالين المقامي
أو من الدانه محنيت اليديني * اخت والا أمٍ لها حلو الكلامي
أخوكم الباحث الشاعر
جازي العطاوي ( حاوي الطيب )

محمد الـفراج
11-08-2010, 10:05 PM
حــــــاوي الطيب


تسلم يمينك

تقبل مروووووري وحترررررامي

أبو ساره
11-08-2010, 11:08 PM
طيبه ولاتجيب الا الطيب ياحاوي الطيب

تسلم