[ هرجـــة البـن والهيـل ] !

[سطام الشمري]

أخر قصيده نظمها القلم أتمنى ترتقي للمستوى المطلوب ..





بين الدلال وبين ذيك المعاميل=دنيت من بيض الورق ما صفالي
هز الحنايا صوت رجف الفناجيل=لانه على نفسي عزيزن وغالي
وذكرت دن حجيلها والخلاخيل=لامن تهزع مشيها بالرمالي
يا قيس وإسمع هرجة البن والهيل=ومسامرة نار الحطب للدلالي
راع الهوى له مع سناها تعاليل=لا صار ما قلبه من الوجد خالي
وإسال ليال الجدي وش عقب سهيل ؟=غير الضمى وإسال عن الترف حالي
فرقا العيون الناعسات المذابيل=من خمرتن في كاس خده ثمالي
تسل حالي وأتبع الويل بالويل=وأنعى وصاله بالدموع الغوالي
وجدي عليه إنكان بالوجد تحصيل=وجد العجوز إللي جفوها العيالي
أو وجد حادي خيل قومه على الخيل=خلوه يومن جندلوه الرجالي
لا يا نديمي لا تلوم المهابيل=كود إن منهم ذاق مرّ الليالي
لا شحت إيدين الهوى بالمواصيل=يا قرب درب أهل الهوى للهبالي
وإللي قبالك مرتكي داوي الحيل=باقي على عهد الليال الخوالي
عشقن قديم مأملته المقابيل=غصونه ليان يلاعبن الشمالي
لو طالت الفرقا على ساهر الليل=عيا على صوت الجفا بالسؤالي
والسدره إللي ما جرف عرقها السيل=من عام للمتعوب فيها ظلالي
لليوم يرقب في فجوجه تساهيل=تسمح ويطويها حنين الرحالي







/ سطام الشمري /

[محمد الروقي]

صح والله لسانك ياسطام

هذي هي الجزاله لا عدمتك

سجل الاعجاب مع تقديري

[عبدالرحمن الميموني]

الشمري صح لساااانك مدد بلا عدد

والله يعاااافيك عز الله إبداع جزل للغااايه


لا هنت ولا هان منطوقك تقديري لك أخوك


النداوي

[محمد القسامي]

سطام الشمري
للروعه مبلغها في هذه الرائعه
وللشعر عاطره
فالجزالة لها مرتع هو بوحك

وإسال ليال الجدي وش عقب سهيل ؟ = غير الضمى وإسال عن الترف حالي
فرقا العيـون الناعسـات المذابيـل = من خمرتن في كـاس خـده ثمالـي
تسل حالـي وأتبـع الويـل بالويـل = وأنعـى وصالـه بالدمـوع الغوالـي

الله الله
حينما يقرأ جمال كهذا
صح كلك ياسطام وجعل السعد مايملك
ودام هالبوح وراعيه بكل خير وموده

هنا أعتقد أن هنالك خطأ ما لم يتضح لي بعد
فلعل حرف سقط او إستعجال وراء ذلك
غصونـه ليـان يلاعبـن الشمالـي
عدا ذلك فللجمال وجود وللجزالة مرتع

[عـشـق]

سطآم الشمري
صحت يمينك يآمطر
ارويتنآ من الجمآل الشيء الكبير ..!

لاحُرمنآ

[مرهف الاحساس]

صح لسانك

جميله


رائعه


جزله




لك ودي واحترامي

[الرحال]

رائعه واكثر
من شاعر مميز
سلمت يمينك يالرائع
وصح لسانك ولاهنت

[أميرة رواسي]

أعجبني جدا ماقراته هنا

صح لسانك شاعرنا

[حسين السبيعي]

أحسنت أخي العزيز/سطام الشمري أحسن الله إليك

شكرا لك سيدي الكريم على إتحافنا بهذه الرائعة

صح لسانك ، وبيض الله وجهك ، ولا فض الله فاك

واسأل ليال الجدي وش عقّب سهيل && غير الظما واسأل عن الترف حالي

ما نعرفه يا سطام أنه مع طلوع سهيل تتهيأ الأرض لاستـقبال المطر وظهور النبت

وكما قال الأوائل في أمثالهم: إذا طلع سهيل لا تأمن السيل ، فكيف سهيل يعقّب الظمأ ؟

وأما الشطر الذي لاحظه القسامي ، فلو كتبته: أغصانه تلاعب هبوب الشمالي ، لكان أفضل

دمت بسلام وسعادة وحب وألق أيها الأخ العزيز