النقطه

[سامي الرقيب]

السلام عليكم ورحمة الله وبركاته
اخواني الاعزاء تقبلوا مني هذه القصيده التي اتمنى ان تحوز على رضاكم وتشفع لغيابنا
ودمتوا بكل ود



كلٍ يبى النقطه ولحدٍ كسبها = يا كود رجلٍ جرب الوقت تجريب
يا نقطةٍ يصعب علينا انحجبها = من شانها تصحى الهواجيس وتجيب
حياتنا يا ناس زايد غلبها = واوضاعنا يبغى لها اليوم ترتيب
بعض النقط متشعباتٍ شعبها = واصبح علينا فالزمن حلها صعيب
وبعض النقط يصعب عليه نهبها = حتى ولو هو عمر براسي الشيب
يا كم نقطه لو بغينا نحجبها = يعوي لها ذيبٍ ويشتالها ذيب
الله من نقاطٍ تزايد نسبها = وجروح ما ينفع بها اليوم تطبيب
يالله يا واهب لنفسي طلبها = يالله يالرحمن يا عالم الغيب
افرج هموم الي همومه كتبها = بقصايدٍ يقرونها اهل المواجيب
ما كل من يصفى قهوه شربها = حتى ولو عدى بروس المراقيب
يا كم من نارٍ وحنا حطبها = صرنا في تال الوقت مثل المشاهيب
حتى العيون الي كساها هدبها = اليوم صار الدمع منها مساكيب
ما كل من يركب ذلولٍ شعبها = وين النشاما والجمال المصاليب
يا كم من رجل السعاده احتلبها = واسبابها نقاطٍ بليا مذاهيب
ودام النقاط نقاط ليش انحسبها = يالله عسى شمس النقط عننا تغيب
والنفس لو عاشة تلاقي سببها = والموت واحد لو تعد الاساليب
ولو البحور تهيج محدٍ قربها = وتغرق سفنها بين شرقه وتغريب



اخوكم / سامي الرقيب

[غازي العتيبي]

صح السانك ولاهنت
جزل ياراع الجزاله
تحياتي

[أميرة رواسي]

ولا أروع شاعرنا

صح إحساسك ولاهنت

للقصيدة الشامخة الجميلة

[حسين السبيعي]

يعطيك العافية أخي/سامي الرقيب

شكرا لك على هذه القصيدة الجميلة

[خالد الغنامي]

سامي الرقيب


صح لسانك ولا هان راسك


وافيه من راس وافي ..

تقديري واحترامي

[نياف العتيبي]

سامي الرقيب


صح لسانك

ولاهنتتتتتت

راااااائعه بروعة شاعرها

النااااايف

[محمد القسامي]

سامي الرقيب

مايفقد غير عزيز وغالي وأنت مفقود

ونحمدالله على العوده بصحه وعافيه

لكن هالرائعه تشفع للغياب

نقط في نقط وإتقان ولغه شعريه تخص سامي الرقيب

صح كلك على هالباذخه المحكمه بالحكمه

ودام هالوجود بكل خير وموده

[الأصيلة بنت أبوها]

صح صح صح لسااااااانك ياسامى الرقيب

فالله درك يا اخى

ابيات جزلة ولاهى غريبة عليك الجزااالة دوووم

[الرحال]

رائعه جدآ

صح لسانك يالجزل ولاهنت