..’’ درب الحجاز ’’ ..,, و ,,.. !!؟

[نايف العصيمي]

بسـ الله الرحمن الرحيم ـــــــــــــــــــم



’’ لتواصل ’’



..,, مع تمنياتي لها بالقبول ,,..












ياعنك يادرب الحجاز ان كان توحيني = هديت حيل الي للاحباب مشتاق
اجرمت بي يادرب والبعد كاويني = عز الله انك بالعنى تكسر الساق
يامبعدك يادرب عن من سكن عيني = الي يتل القلب من وسط الاعماق
الي جمع جيشه علي وقام يرميني = وهد الضلوع العوج معلاق معلاق
احتل صدري وانا احييه وش فيني = من يوم شفته جاني الشوق منساق
لا ياقصيده خالده في دواويني = تكرم عن الحبر الرخيص وظهر الاوراق
ياريحه المسك يانبت الرياحيني = شايلك في جوف الحشى وسط ترياق
واليوم غاب وغيبته حيل تشقيني = توقد بقلبي جمر والجمر حراق
اليا طرالي صاحبي قمت من حيني = اخايل القبله وانا يم الاشراق
متى يحين القى بين المحبيني = ويرتاح قلبً للقى حيل تواق
ونذوق صافي حلاه امن الشفاتيني = ونقضّي الساعات في حب وعناق
ودي بلقياه مير البعد حاديني = انا اشهد ان البعد ماعاد ينطاق
يابري حالي ليا جاء الليل يمسيني = يضيق صدر العنى والدمع رقراق
دمعً نحت له خط من فوق خديني = ادري بكثر البعد تاليته فراق
ياهيه يادرب الحجاز ان كان توحيني = سألك بالله تقرب لديرة اشواق

[محمد الروقي]

صح لسااانك يانايف

ولي ملاحضه بسيطه اختلف بعض

من القصيده عن الاخر بالحن تقبل ملاحضتي وربما الهجه لها دور

[نايف العصيمي]

صح بدنك يامحمد


ومن ناحيتي القصيده سليمه ان شاء الله وانت دكتور وادراء مني يامحمد


شاكر لك مرورك يالروقي

[غازي العتيبي]

صح السااانك يانايف ولاهنت
لاكن اسمحلي وانا امون فيها كسور او جبر
وحياك الله بعد الغيبه
تحياتي

[نايف العصيمي]

صح بدنك

وابقاك الله يابوتركي ولاعدمت هالطله

تحياتي لك

[محمد القسامي]

نايف العصيمي

صح قلبك وكلك

وأسمح لي بنقل القصيده للنقد الأدبي

حتى يتم توضيح جميع الملاحضات من قبل شاعرنا وناقدنا محمد الروقي

وشاعرنا غازي العتيبي

تحيتي وتقديري

[نايف العصيمي]

خذ راحتك يامحمد وشاكر لك تواجدك يالغالي