شاطي نصف القمر

[ناصر الهواوي]

من شط نصف القمر تاج الخليج النادر النوع
اللي تسر النظر وتونسك زرقة مياهه

تضما له نفوس عشاق البحر والسفن وتجوع
تخوت تقفي وتقبل به باهازيج ورفاهه

احترت ليه الاديب يغادره ويفارقه طوع
وانا اعرف انه ذكي تفكير واحساس ونباهه

ماهو بفلاح يبغى له نخل واشجار وزروع
روقي من اهل الركاب اللي يبوجن المتاهه

حتى لفا بالخبر رجلٍ على الفرجات باتوع
وصول ما يقطع اصحابه وله قدر و وجاهه

يقول صاحبك سوى بالبدايع خوش مشروع
به ساق ما حاق من ماله صدق ماهي فكاهه

يضح الضحى ما طلع والعصر معها فوق مزروع
باجمل حديقه /على قول الخليجيين (كاهه)