اطوال الالسن

[نايف خويتم]

ما طالت اطوال الالسن غير جمع الذنوب
تقفي بها ظلم والظالم تجي حزته

الحاسد اهموم صدره من شمال وجنوب
واليوم فاضت وغيظه ما قضى عازته

اللي ما يملك زمام امره مطية ركوب
خبل العرب لا بغت مصلوحها وزته

للوثقين النجاح أهداف من كل صوب
بالعزم ترقى المرام الصعب واجتازته

رغمٍ عن الحاقدين ورغم أنف الخطوب
ما ردها عن بلوغ المجد وحيازته

الكلمة الناقصة عرضتها للهبوب
ما حركة راسي الطيب ولا هزته

والكلمة الطيبة تقلط بصدرٍ رحوب
الطيب عملة نشاما بالوفاا عزته

[ناصر الهواوي]

هلا بك يا ابن خويتم لو زياراتك شفاقه الله يحفظك
صح لسانك مدد بلا عدد على النايفه الكايفه لاهنت يالغالي
تحياتي واعجابي

[ناصر الهواوي]

هلا بك يا ابن خويتم لو زياراتك شفاقه الله يحفظك
صح لسانك مدد بلا عدد على النايفه الكايفه لاهنت يالغالي
تحياتي واعجابي

[نايف خويتم]

البقاا يابو عبيد والله يصح بدنكك ولا نجي الا من بعدك عزيزين وغاليين جعل ربي يسلمكك