ماني مفتش

[عبدالله المشعلي]

برقت بك .. والناس .. ما بـرقـوا بك
ياللي زعلت من العتب.. يوم اعاتبك

من كثر ما تذنب .. وكثرت.. ذنوبـك
على السراط .. تشيلها..فوق غاربك

لا جا نـهـارٍ .. فيه تـظهـر .. عيوبك
مالك عذر .. من ربك اللي يحاسبك

ماني مفتش .. في مخابي .. جيوبك
لكن .. ابـعـدّل .. سـلوكك .. وادبـك

يا ما حلا ضرب العصا .. في جنوبك
اظن ..ما غير العصا .. اللي تناسبك

وان كان .. ما ودك .. تغيّر.. سلوبك
اقول شرهة .. لحيتك .. في شواربك

عبدالله المشعلي
23/10/1444

[نهر]

صح لسانك واعتلى شانك على القصيده الجزله

[محمد الغنامي]

المشعلي
ارحب تراحيب المطر
صح لسانك واعتلا شانك
جزل ولايجي منك غير الجزل
اعذرني على التاخر في الرد
مع فائق تقديري واحترامي

[خيال مطير]

صح لســـــــــــــــــانك شاعرنا القدير