يا جماعة

[عبدالله المشعلي]

يا جماعة


كل مارميت هقوة .. توقع في صفا
غير انا ما لان عزمي لو تلين الصفاه

يا جماعه..لي رفيق .. تبيّن .. واختفا
اختفا عنّي .. وانا مانويت ابحث خفاه

كم يواعد بالوفا .. ما حصل منّه وفا
والرجل مقياس صدقه تعامله اوفاه

ان تبين لي..لقاني على راس الشفا
وان تغيّر واختفا ما على شوفه شفاه

بس .. لا يدخل بوجهٍ .. ويعطني قفا
والمقفي ماتعرضت .. هرجٍ في قفاه

لكن الكذاب بطرده.. لى الباب وكفا
والمثل.. يكفيه..والا.. لعلّه.. ما كفاه

عبدالله المشعلي
1444/11/1

[ناصر الهواوي]

قمة الابداع وصح لسان المشعلي
بس هل انت يابو عامر المشعلي او المشعلي عضو جديد نرحب به
انا اعرف ان المشاعله سبعان حسب عرفي يمكن اكون غلطان
لكن القصيده عليه بصمتك ههههههههههههه

[عبدالله المشعلي]

السلام عليكم
انا عضو قديم في هذه الشبكة وانقطعت من سنوات وعدت
وحاولت اتواصل مع الادارة ولكن للاسف ما احد يمي
لكن باحول لعل وعسى اجد من يرد