تَغَنَّى بي

[عبدالله الصقري]

تَغَنَّى بي و لَحِّنِّي بـ كيفك
على المسحوب والا سامريَّه
و خلّينا بـ هـ الليله نغنِّي
خواطرنا يسلِّيها سهرها


أظلّ ان جيتني في الدار ضيفك
تهلِّي بك أحاسيسي نديَّه
جذبها هآجسي منّك و ظنّي
و غيمه ما يجود اْلنا مطرها


ألا يا من سرق هـ الموق طيفك
و عَتَّم بـ النظر . وشعآد ليَّه
أنا بـ شفآتك الترف اْمتعنّي
و لا علّيت من صافي نَهَرها


وليفي لا تماري لي بـ زيفك
و لو كانت همومك سرمديَّه
إذا خفت الحكي عنَّك و عنّي
ترى الدنيا خذت وجهة نظرها


حبيبي من عيونك رد سيفك
ولا تسفك دموع ٍ نرجسيَّه
و يالعبره جرحتيني . تمَنَّي
يجيك الدرّ من غبَّة بَحَرها


ترفَّق لو طغى بـ شتآك صيفك
و ملِّ الكآس . خَلَّ الشآذليَّه
ينسِّينا و قرطوعه يهنِّي
و لو خآن الصدور وما سترها


و لا تندم ولا يزدآد حيفك
ولا تبكي من اوتآر ٍ شجيَّه
كتب ربي على نآس ٍ تغنِّي
لـ نآس ِ ما يفارقها كدرها


من إرشيفي الخاص
1419/5/1هجري

[خيال مطير]

الله الله
صح لسانك

وعتـــــــــــلآ شانك

أبيات جزله
من جزل

[رحيل]

الله الله
صح لسانك ودام ابداعك
ارشيفك جديد يالصقري
لاهنت

[الجووهره]

مبدع شآعرنا الصقري
في قديمك والجديد
صح لسآنك مليوون
ويعطيك العآفيه على هالرآئعه

[عبدالله الصقري]

صحت ابدانكم جميعا
و سلمت قلوبكم و ارواحكم
دمتم بكل خير و محبه
مع أرق و اجمل تحيه