الكورنيش

[شاعرة نجد]

أسعد الله اوقاتكم,اخواني,اخواتي
وجمهورنا الكريم
تواصلا مع التاج,تقبلوا هذه الابيات عسى ان ترتقي لذائقتكم

https://encrypted-tbn0.gstatic.com/images?q=tbn%3AANd9GcSio88_yloVmZ29JbqFg5WDwNw6MOP 7ePmnbw&usqp=CAU

لليل فـ الهامي وفي هاجسي دور
وانا على الكورنيش والموج هادي

لو خاطري في بعض الاحيان مكسور
الا ان هديره ينتعش به فؤادي

واكتب من الابيات وابدع على الفور
لو طابعي يخفي معاني مرادي

قافٍ حزين وقاف يشرح له صْدور
من عذب منضومي تغنَّى البوادي

مراات جوي منه غايم وممطور
ومرات يظلم ويْغشاه السوادي

ودِّ(ي) التمس له عذر واقول معذور
وعيّى شموخي من قساوة عنادي

والقلب ياللقلب مايسمع الشور
لاحرّك اشواقه نسيم البرادي

والا الحمامه لاتغنت على السور
جادت وزادت بالغراام ازديادي

ياموج جيتك فايضه شعْر وشْعور
سولف معي,جاوب لصوت المنادي!

[رحيل]

واوقاتكِ اسعد واجمل شاعرتنا

يا سلاااااام
الله عليتس يا مبدعة ..
صح لسانتس و على شانتس الاميرة
على هالجميلة الرائعة
ولاهنتي

[هزاع محمدالعاصمي]

الله الله
مناجاة رائعة للبحر اجدتي التعبير والبناء
دوماً اجد فيما تكتبين الصدق والجمال
صح السانك ودمتي ودام مداد قلمك ابدعتي وامتعتي
بالتوفيق

[الجووهره]

ياموج جيتك فايضه شعْر وشْعور
سولف معي,جاوب لصوت المنادي

مبدعه دائما شآعرتنااا
صح لسانك مليوون ولا يكفوون
ويعطيك العآفيه على هالرآئعه

[حمد الخالدي]

ما شاء الله تبارك الله ابيات جميلة واسلوب عذب
صح الله لسانك وقواك شاعرتنا
وأدام التواصل

[عبدالله الصقري]

لليل فـ الهامي وفي هاجسي دور
وانا على الكورنيش والموج هادي

لو خاطري في بعض الاحيان مكسور
الا ان هديره ينتعش به فؤادي

هالمطلع لوحده قصيده
و للبحر حديث لا ينتهي
صح لسانك يا نجد ملايين
ذكرني قصيدك كل موجة بحر نادمتني
أهديك منها

سريت ب ليلـةٍ دهمـا من اعدآد الليالي العــوج
و رسّـتنـي بـ شـطّ ٍ نسمتــه تـستــلّ آهــــاتــي

على ذاك الشعاع اللي تناسق به ركود المــوج
جلست الملم اشـتــات ٍ تـبعثـــر في مسافـاتي

جلست وكنّي المسحور ادوّر في النجوم بروج
و اجمّع بين نجـم سهيـل و سهيـل ٍ علامـــاتي

و اخطط في مسـاليك الفلك مسيار لي و نهوج
تجمّع بين تصميمي . و ضحكاتي . و هفـواتي

مع جل ودي وتقديري و احترامي

[شاعرة نجد]

واوقاتكِ اسعد واجمل شاعرتنا

يا سلاااااام
الله عليتس يا مبدعة ..
صح لسانتس و على شانتس الاميرة
على هالجميلة الرائعة
ولاهنتي

تسلمين رحيل فديت روحك
والراائع مرورك العطر
وصح بدنك

شكري وتقديري,’’

[ملكة الرواسي]

أبدعتِ شاعرتنا
صح لسانك مليون

[شاعرة نجد]

الله الله
مناجاة رائعة للبحر اجدتي التعبير والبناء
دوماً اجد فيما تكتبين الصدق والجمال
صح السانك ودمتي ودام مداد قلمك ابدعتي وامتعتي
بالتوفيق

الرائع مرورك الكريم شاعرنا المبدع
وصح بدنك وتسلم وتدوم

شكري وتقديري,’’

[ناصر الهواوي]

لله درك يانجد على الفاخره ولا يستغرب الابداع من مصدره
من اروع ما قريت لك هالدره النادره
صح الله لسانك ولا فض فوك

[شاعرة نجد]

ياموج جيتك فايضه شعْر وشْعور
سولف معي,جاوب لصوت المنادي

مبدعه دائما شآعرتنااا
صح لسانك مليوون ولا يكفوون
ويعطيك العآفيه على هالرآئعه

الابداع مرورك الفاااخر مراقبتنا
وصح بدنك,لاعدمنا تواجدك

شكري وتقديري,’’

[عبدالله الدّنّيش]

أسعد الله اوقاتكم,اخواني,اخواتي
وجمهورنا الكريم
تواصلا مع التاج,تقبلوا هذه الابيات عسى ان ترتقي لذائقتكم

https://encrypted-tbn0.gstatic.com/images?q=tbn%3aand9gcsio88_ylovmz29jbqfg5wdwnw6mop 7epmnbw&usqp=cau

لليل فـ الهامي وفي هاجسي دور
وانا على الكورنيش والموج هادي

لو خاطري في بعض الاحيان مكسور
الا ان هديره ينتعش به فؤادي

واكتب من الابيات وابدع على الفور
لو طابعي يخفي معاني مرادي

قافٍ حزين وقاف يشرح له صْدور
من عذب منضومي تغنَّى البوادي

مراات جوي منه غايم وممطور
ومرات يظلم ويْغشاه السوادي

ودِّ(ي) التمس له عذر واقول معذور
وعيّى شموخي من قساوة عنادي

والقلب ياللقلب مايسمع الشور
لاحرّك اشواقه نسيم البرادي

والا الحمامه لاتغنت على السور
جادت وزادت بالغراام ازديادي

ياموج جيتك فايضه شعْر وشْعور
سولف معي,جاوب لصوت المنادي!

^^
يا سلام ع الشعر المميز
صح لسانك شاعرتنا نجد وطابت مشاعرك
قصيدة مميزة من شاعرة متمكنة
لك أجمل التحايا والإعجاب ،،