شعور قلبي

[سلمى]

شعور قلبي ما تمثنى خوافيك
كلا ولا مرت طيوفي بفكرك
وأنا اللي اردد ليا حل طاريك
من دافع الاشواق من غير ما أدرك
الله يقصّر عمر من لامني فيك
والله يزيد سنين عمري وعمرك
حتى ولو ما صرت لي مثل ماابيك
ما أبغى يجيك من الشقاء وزن ظفرك
يا مرحبآ لا جيت والله يحييك
ما غير وصلك وصل والهجر هجرك
جاوب خفوقي بالغلاء يوم يدعيك
ترى الهوى راعيه ماهوب مشرك
ما زاد طيني بله إلا تغليك
وظروف وقتي يوم شدت من ازرك
ليتك على وصلي تكثف مساعيك
وللغرام تفك بيبان صدرك
محدٍ على عرش الفخامه يجاريك
سبحانه اللي رافعٍ شان قدرك
شاعر ومبدع تفتخر بك قوافيك
واللي يحبك من جماهير شعرك
****** سلمى

[الجووهره]

مبدعه شآعرتنا سلمى
صح لسآنك مليوون ولا يكفوون
ويعطيك العآفيه على هالرآئعه

[سعود العتيبي]

محدٍ على عرش الفخامه يجاريك
سبحانه اللي رافعٍ شان قدرك
شاعر ومبدع تفتخر بك قوافيك
واللي يحبك من جماهير شعرك

صح لسانك واعتلا شانك ..
منتي بسيطه ياسلمى

[رحيل]

الله الله
مبدعة شااعرتنا
صح لسانتس مليوووون
ولاهنتي سلمى

[حمد الخالدي]

وأنا اللي اردد ليا حل طاريك
من دافع الاشواق من غير ما أدرك
الله يقصّر عمر من لامني فيك
والله يزيد سنين عمري وعمرك


كل بيتين تكون قصيدة ما شاء الله
صح لسانك وعلا شانك وننتظر جديدك

[هزاع محمدالعاصمي]

شعور جميل وقوافي تسعد القلب
سلمتي سلمى ابيات بحق استوقفتني كثير
لجمالها وروعة بنائها وجمال معانيها صح السانك حد رضاك
وكل الشكر بالتوفيق

[عبدالله الدّنّيش]

شعور قلبي ما تمثنى خوافيك
كلا ولا مرت طيوفي بفكرك
وأنا اللي اردد ليا حل طاريك
من دافع الاشواق من غير ما أدرك
الله يقصّر عمر من لامني فيك
والله يزيد سنين عمري وعمرك
حتى ولو ما صرت لي مثل ماابيك
ما أبغى يجيك من الشقاء وزن ظفرك
يا مرحبآ لا جيت والله يحييك
ما غير وصلك وصل والهجر هجرك
جاوب خفوقي بالغلاء يوم يدعيك
ترى الهوى راعيه ماهوب مشرك
ما زاد طيني بله إلا تغليك
وظروف وقتي يوم شدت من ازرك
ليتك على وصلي تكثف مساعيك
وللغرام تفك بيبان صدرك
محدٍ على عرش الفخامه يجاريك
سبحانه اللي رافعٍ شان قدرك
شاعر ومبدع تفتخر بك قوافيك
واللي يحبك من جماهير شعرك
****** سلمى

^^^

مشاء الله عليك شاعرتنا سلمى
قصيدة ذات حبك وسبك
سهل ممتنع .. جزلة في قصائدك وهذي عوائدك
صح لسانك .. مع أجمل التحايا والتقدير ’’

[ملكة الرواسي]

صح لسانك مليون غلاي
ابدعت