طعم المفارق

[سلمى]

من يمينك ذقت طعم المفارق مرتين
للظروف أحكامها وأنت ف البعد اجودي
من طيوفك والعرب ف المضاجع نايمين
كم طرا لي ما يعكر حلاوة مرقدي
وبعد صرت من الهوى في صفوف الدالهين
ردني لمواجه الشوق لحن المسردي
عاد صوته يحزن الشخص لو ماهو حزين
خل عاد اللي من الوقت به جرحٍ ندي
وامتزج صوت الكرامه مع صوت الحنين
والكرامه ما يفرط بها غير الردي
وأنا مالي في دروب الردى لو طرف عين
بس حكم الشوق غلاب ماهو في يدي
حايره مالي جدا غير دمعي والونين
يا عيوني والوسايد على الحال اشهدي
بين ماودي وودي غدا قلبي ثنين
يالله إنك لا تكلني على قل اجهدي
روف بي يا خالق الناس من ماءٍ مهين
وقل لنيران المحبه على الكبد ابردي
ولا تذرني فرد مالي بنات ولا بنين
عادني مشتاقه أضم بنتي وولدي

سلمى

[عادل الدوسري]

كفو يا شيخة الشعر......كفو

كنت هنا

عادل

[ام ساره]

رووعه

الله يعطيك العافيه

تحياتي

[هزاع محمدالعاصمي]

اللهم آمين يارب العالمين
الشعر فكرة توحي لنا بموضوع يخالج الشاعر
وينظمة منا من يوفق ومنا من يتعثر هنا كنت رائعة
في نظم خلجاتك وفقني إلى الخير وبالتوفيق وصح السانك
دمتي بخير

[رحيل]

صححح لسانتس شاعرتنا
ولاهنتي