سلم النقا

[نايف خويتم]

هرجٍ يجول بصدرك اطلق سراحه
هات العلوم وطيب الفعل مأمول

اقلط على صدرٍ فضا من سماحه
سلم النقا دربٍ الاجواد مدهول

يا صاحبي والعز نلبس وشاحه
حبل الرفاقه مُوثقينه ومفتول

العاقل اللي ما يثور سلاحه
لا شاف عوجا من ماهبيل وخبول

راعي الوفا فالجود يلقى ارتياحه
مثل المطر يسقي ميادين وسهول

لو تقطع ابحور الكلافه سباحه
ما ترضي العالم وبالعون مخذول

والناجح الناجح يواصل كفاحه
عينه تروم النايفه عزم وتطول

وليل العتم لا بد يشرق صباحه
ويجلي الهموم اللي له ثقل وحمول

[روابي]

أبيات جميله ومميزه
نايف تسلم على روعة طرحك
الله يوفقك

[عبدالله الدّنّيش]

العاقل اللي ما يثور سلاحه
لا شاف عوجا من ماهبيل وخبول

راعي الوفا فالجود يلقى ارتياحه
مثل المطر يسقي ميادين وسهول
&
يا سلاااام يا نايف وصح لسانك
قصيدة فيها من الحكمة الكثير والبليغ
سلمت ودمت ودام تواجدك مع أطيب تحية ،،

[عبدالله الصقري]

صح لسانك و سلم قلبك العذب
كل عام و انت بألف خير يا نايف
و عودا حميدا

لك أجمل و أرق تحيه

[خيال مطير]

صح لسانك ؛/ يالبناخي
وبيض الله . وجهك

[الجووهره]

وليل العتم لا بد يشرق صباحه
ويجلي الهموم اللي له ثقل وحمول


قصيده جزله وأبيإت رآئعه
صح لسآنك نآيف
ويعطيك العآفيه على هالرآئعه

[هزاع محمدالعاصمي]

صح السانك شاعرنا مميز فيما طرحت
ابيات تحوي شعر لاهنت وبالتوفيق كل الاعجاب والمتابعة
دمت بخير