مجاراه لقصيدة الشاعرالجميل عبدالرحمن الغالب

[عبدالله الصقري]

مجاراه لقصيدة الشاعرالجميل عبدالرحمن الغالب
قبل اسبوع
حبيت اشاركها معكم هنا
مع أجمل تحيه و تقدير

...........

أحيان أحس ان النجاح انتقائي
يمنح لشخص دون غيره من الناس

ماله دخل بالموهبه يااصدقائي
ولاله معايير اختيار ولا قياس

ومن شان تنجح لازم انك ترائي
تمدح, تسب , تصير جاسوس للراس

واحيان اقول الفكر هذا بدائي
المسأله فرصه وقدره واحساس

ورغبه وجهد في صباح ومسائي
وصبر وتجارب واجتهاد من الساس

والبيت حتى لو عن الدرب نائي
العلم لا منه حضر غاب الافلاس

هاتو الخبر ياناشرين الضيائي
أبغى جواب ما قريته بكراس

عبدالرحمن الغالب
_______________


و هذي مجاراتي لـ نصّه
...

جوابك تلاقيه عند الروآئي
ماهو هنيَّا يوم كل ٍ بـ نوماس

اللي تقوله صدق لكن عزائي
ان الوفا والصدق باقين في الناس

فيهم هل النخوه و فيهم فدآئي
و فيهم قلوب ٍ فايضه طيب واحساس

الناجح يحاربه حاسد عدآئي
و الفاشل الميسور ينحط ع الراس

غيِّر زوآيا الشوف عن لون مآئي
تلقى من الوان الطبيعه زها الباس

دقق و تلقى كل دآء و دوآئي
في بوتقه يصهر بها در و الماس

يصفى الثمين و يلمع لكل رآئي
و ما كلنا مثل الفرزدق و نواس

والله يجيرك من نديم الغبآئي
مستشعر و سارق و مغرور و حوّآس

و كثير جاءوا مثل موج ٍ فجآئي
او ريح تقلع ما غرس كل غرَّآس

البعض جآهل و البعض كـ الوبآئي
مير البقيه غير .. عذبين الانفاس

منهم تعلّمنا السخا و الوفآئي
ما غرّنا الدلَّآس ابن عم بلَّآس

معهم جلبنا الصآفيه بالرشآئي
ما ردنا هاجس ولا حل وسوآس

عدِّل نظرك ولا تصير انطوآئي
و احذر تحط الناس للناس مقيآس

تسلم على الطرح الجميل و رجآئي
لا تحبس ابدآعك و خليك نبرآس

و المعذره ذا حدي و ذا عطآئي
و اسلم و سلِّم و انت قدرك على الراس

و سلامة الجميع

[الجووهره]

إبدااااااااع ماشاء الله
مجآرآآة أكثر من رآآئعه
صح لسآن الشآعر عبد الرحمن الغالب
وصح لسآنك شآعرنااااا
أبدعتووو. ويعطيكم العآفيه

[عبدالله الصقري]

صح بدنك و كلك يا جوهرتنا الثمينه

لا عدمت هالحضور العذب الجميل

و مسائك ورد و فل و ياسمين

تحياتي و تقديري

[جراح]

صح لسانك واعتلا شانك
وصح لسان الشاعر عبدالرحمن
ابداع في ابداع
قواك الله,,,,

[ملكة الرواسي]

سلمت شاعرنا
صح لسانك مليون ولا يكفون
وصح لسان الشاعر عبد الرحمن
يعطيكم العافية ولاهنتم

[رحيل]

الله الله
صوت وصدى رائعين
صحت السنتكم
ولاهنت شاعرنا

[هزاع محمدالعاصمي]

صح السانك شاعرنا عبدالله رائع وجميل من خلال
مجاراتك للشاعر عبدالرحمن ابدعتوا وامتعتوا اسعدني المرور
وصحت الالسن دمتم بخير

[النجلاء]

الصقري
صح الله لسانك وصح لسان الشاعر عبد الرحمن
مجاراه رائعه ابدعتو وامتعتو
تقديري لسموك
النجلاء

[الناقد/عبدالله الروقي]

صحت ألسنتكم ولاهنتوا
وتشكر على النقل ياأخ عبدالله

[عبدالله الدّنّيش]

يا سلام عليك يا عبدالله وصح لسانك
مجاراة رائعة وجزلة
دام عطائك مع التحية والتقدير ،

[عبدالله الصقري]

صح بدنكم و سلمت قلوبكم و ارواحكم
والله يمسيكم بالخير ويعطيكم ألف عافيه
دمتم بكل خير و محبه
ولكم كل الود والتقدير و الاحترام