إنسان انا

[عبدالله الصقري]

من محاولاتي النثريه القديمه
و كل سنه و انتم طيبين



إنسان انا
في قصّتي خوف و حزن
و بـ دمعـتي ضآق الجفن
دآريتها
و دآريت ءآهآتي
و اسكَنْتَها
في طيّ صفحاتي
محد ٍ سمعها
أو قراها
غير انا

..............

إنسان انا
أشكي لمن
من جرحي
و غدر الزمن
فيني رياح الشك عآنقها سؤال
و بـ نآظري صار الوهم كل المجال
أجمل أماني خافقي صعب و محال
والله عنا

................

إنسان انا
أدري نهايتنا التراب
و ادري بعد
إنّ الزمن ودَّا و جآب
في دورته
يآخذ بَعَضنا من بَعَض
مثل السراب
يزيِّن عيون العذاب
واللي سكن فيه و سكن
هووا انا

.................................



إنسان انا
صآفي معه وآفي
و الهم بي خافي
و ان مرّني جافي
ما اقدر انا أجفاه ابد
لو جاب لي طيفه سهد
طول الأمد
أشفق على شوفه أنا
و منآآي ردَّاته لنا
و كل الهنا

.................................


إنسان انا
كلّي وَلَه كلِّي حنين
أسآبق خطآة السنين
لاجل اوصل الأول
بس المدى طوَّل
بين الأنين وتآيه ظنوني
مالي سوى الحسرات بـ عيوني
لين الفنا


.. الارشيف ..

[ملكة الرواسي]

كعادتك مبدع
يسلم نبضك الرااقي
يعطيك العافية ولا عدمنا جديدك

[عبدالله الصقري]

يسلّمك ربي ملكتنا الغاليه
شاكر لك تواجدك الجميل دوما
لك اجمل تحيه و تقدير

[النجلاء]

الصقري
صح بوحك ونبض مشاعرك العذبه
نص رائع
تقديري لسموك
النجلاء

[الجووهره]

عبد الله الصقري
مبدع بكل حالاتك شعرا ونثرا
صح لسآنك مليووون
ويعطيك العافيه على هالرائعه

[الجووهره]

عبد الله الصقري
مبدع بكل حالاتك شعرا ونثرا
صح لسآنك مليووون
ويعطيك العافيه على هالرائعه

[عبدالله الصقري]

الله يسلمكم و يديمكم و لايحرمني عبق تواجدكم العطر
دمتم بكل خير و محبه
ولكم كل الود و التقدير و الاحترام

[رحيل]

قلمك المبدع تحتار عنده الكلمات
فقط .. أنظر .. اقرأ .. اتعجب .. واتبسم

[عبدالله الصقري]

و عساها دوووم هـ البسمه
لا خلا منها ولا عدم
كل التقدير لسموك يا رحيل