لو سمحتوا مروا على هالموضوع

[ناصر الهواوي]

السلام عليكم ورحمة الله وبركاته
ايها الرواسي والراسيات
ارسل لي محمد الغنامي ابو بندر على الواتس موضوع ضيق صدري
مفاده يهدي علي المنتدا بدون مقابل يقول ماعاد ابيه
انا ماعندي مانع من قبوله ولكني كما تعلمون ما اعرف اديره ولا اشتغل فيه
انا مستعد بتكاليفه الماديه على طول كل ما يترتب على تشغيله من رسوم سنويه
وغيرها
اذا فيه منكم او منهن من عنده استعداد على ادارته والاشراف عليه فبلغوني على الخاص
لاني طلبت من ابو بندر مهله الى نهايه محرم ولا رد علي
هذا ما لزم والله يكتب اللي به خير وخيره

[ملكة الرواسي]

يعطيك العافية شاعرنا والله يكتب الخير للجميع

[ناصر الهواوي]

يعني ما مر الا الملكه غريبه
عطونا رايكم والحلول والمقترحات

[خيال مطير]

https://i2.wp.com/www.newphotodownload.info/wp-content/uploads/2019/07/%D8%B5%D9%88%D8%B1-%D8%AA%D9%87%D9%86%D8%A6%D8%A9-%D8%A8%D8%B9%D9%8A%D8%AF-%D8%A7%D9%84%D8%A7%D8%B6%D8%AD%D9%8A-24.jpg?w=500&ssl=1

[خيال مطير]

الخط يبقى زمنا بعد كاتبه ،،، وصاحب الخط تحت الأرض مدفون

[النجلاء]

وعليكم السلام يابو عبيد
ادارة المنتدى مسؤليه كبيره يبي لها واحد فاضي وانا سبق وان عرض علي ابو بندر
المنتدى ولكن للاسف وقتي وضروفي ماتسمح لي بأدارته وتحمل مسؤليته
اسأل الله الخيره فيما يختار

[رحيل]

ماراح تقفل الرواسي ي ابو عبيد كلنا معك
ومعكم ادارتنا

[الناقد/عبدالله الروقي]

السلام عليكم ورحمة الله وبركاته
وقد أرسل لي أبو بندر الرسالة التي وجهها للهواوي
وإدارة المنتدى مسؤولية بلاشك,وأمانة ليست سهلة من جميع النواحي وخاصة الجانب الشرعي وأن المنتدى أقيم لأجل الشعر فقط,
وأنا والله لاأعرف لإدارة المنتديات,لكن بدوري قمت بالتواصل مع أبو بندر وتوصلنا إلى حل أن نبحث عن شخص يدير المنتدى ولو كان من خارج المنتدى ممن يعرفون في التقنية!
وتواصلت مع الأخت رحيل وأقنعتها بإدارة المنتدى ونحن معها في مواجهة أي مشكلة !
وهذه آخر الأخبار عن هذا الموضوع,مع العلم أنني كنت سأتصل عليك يابو عبيد لكن انشغلت وسأتواصل معك لاحقًا!
المنتدى جميع الإجراءات التي ذكرتها لكم ستكون بعد العيد إن شاء الله
مع العلم أن أبو بندر يقول لي أنا سأكون في المنتدى مجرد عضو(شاعر) فقط,ولكنه لايرغب في إدارة المنتدى لأنه مسؤولية
فالأخوات الفاضلات وخاصة الملكة أتمنى أن تكوني مع الطاقم الإداري القادم لأنك من المتقنين للتقنية كما سمعت ولن نطالبك بالحضور اليومي لكن مرورك وغيرك من الأعضاء يحافظ على ثبات المنتدى!
وأنا والله عندي من الأشغال مايعيا به اللسان لكن لأن رغبة الأعضاء الذين تواصلت معهم يتمنون ألا يغلق المنتدى وتقديرًا للزملاء سعينا في هذا الرأي والله الموفق.
وكل عام وأنتم بخير مقدمًا, وعليكم باستغلال هذه العشر المباركة فيما يرضي مولاكم!
طبتم وطاب صباحكم بكل خير,,,,,

[مهرة يام]

السلام عليكم ورحمه الله وبركاته
المنتدى ان شاء الله مايتقفل وحنا معك ياابو عبيد
ومانبيه يتقفل لانه بيتنا الثاني والله
وبالنسبه للاداره والله مااعرف لها ولو عندي خبره فيها كان ابشروا اساعدكم فيها
الله يكتب الي فيه خيره يارب

[عبدالله الصقري]

الله يقويك يبو عبيد انت قدها و قدود و كلنا معك
والمنتدى باذن الله يظل بيت عامر لنا جميع
ما نذخر عنه اي شي نقدر عليه

[محمد الروقي]

الله يقويك ونا تحت امرك بأي استشاره
فنيه وملف رواسي في ترايدنت يفيدونك اكثر

[الجووهره]

وعليكم السلام ورحمة الله وبركاته
المنتدى باذن الله بآقي وما راح يتقفل بجهودكم شاعرنا
وجهود الناقد وكل الحريصين على بقاء رواسي
وأنا والله ماعندي خلفيه ابدا بادارة المنتديات
وأتمنى من اللي عندهم معرفه بالاداره المبادره
بالموافقه على ادارته ليبقى بيتنا الثاني رواسي
كما كان وافضل مما كان ويبقى منتدى رواسي
على اسمه رآسي وباقي ان شاء الله

[مناهل]

شنو هالخبر اللي يضيق الصدر يامديرنا
اوجه رساله لادرتنا المكافحه التي ارتقت بالمنتدى حتى وصل الى هاذا المستوى من الرقي
مقارنه مع اللي نشوفه في المنتديات الاخرى اللي اختفت من الشبكه العنكبوتيه
رجاء ان يبقى المنتدى وتبقى ادارتنا الغاليه التي نكن لها كل الحب والاحترام

[ناصر الهواوي]

السلام عليكم ورحمة الله وبركاته
اسعد الله اوقاتكم
امس العصر شرف المزرعه حضرة الناقد جزاه الله خير وبحثنا الموضوع واتضح لي انه مرتب كل شي
من النواحي الفنيه
وانا مستعد بما يلزم من ماديات
والله يبارك في رحيل مواقفها اجابيه وكذلك محمد الروقي ما قصر
كل يسد ثغره
الاداره والمراقبه والاشراف كنتم قايمين عليه واستمروا
وشايبكم شاوي سارح وضاوي
وانتم ارباب التقنيه والفنيات
الله يحفظ الجميع ويكتب اللي فيه خير وخيره وكما قلتوا بيتنا الثاني ولن نفرط فيه
تحياتي للجميع

[النجلاء]

الله يبارك لك يابو عبيد
ويجعله شاهد لك لاعليك
والرواسي كلهم خير وبركه

[محمد الغنامي]

السلام عليكم ورحمة الله وبركاته

اسعد الله جميع اوقاتكم بكل خير

الف مبروك المنتدى يابو عبيد وان شاءالله تكون باب خير وقبول عليه
اليومين ذي اجهز لكم جميع المعلومات والارقام الخاصه بالموقع
وارسلها على جوال ابو عبيد


واي شي تحتاجة رحيل انا مستعد افزع لها فيه لين تعرف كل شي محتاجته في الموقع

[ملكة الرواسي]

كلنا مكملين لبعض وان شاء الله ما نقصر
عساكم على القوة يارب
وانا تحت أمركم