كريم يا مزنٍ بروقه شعتني

[عيد بن بجاد بن شده]

كريم يا مزنٍ بروقه شعتني
نوه حقوق ويسقي الارض ديمه

جلست اخيله والبروق بهرتني
فيه الرعد ياصاح يذهل رزيمه

عساه يمطر كل ساعه وحتني
على ديار اهل الكرم والغنيمه

لوكان داري يا ملأء ما جفتني
مرتاح مع ناسٍ عربها مقيمه

لكن ماضي سيرتي ذكرتني
هرج النديم اللي يناجي نديمه

عنهم ضروفي يا محمد نحيني
عن شوف محمود السجايا العديمه

مع هجعة النايم شجوني خذتني
وزرت النديم اللي وفاء مع نديمه

قلت السلام وبالنظر خاطبتني
بخرس العيون الساحرات السليمه

كن القمر في جيدها يوم جتني
تلمح بوادر طلته وسط غيمه

بكف(ن) مثل لون الذهب خامستني
واسترسل بعلومها والعزيمه

اخبرتها باللي حصل واخبرتني
عن الشداد وقيد شقراء وريمه

وقلت الوداع بالكرم وادعتني
على النقاء وسلوم ناس كريمه

#__عيد بجاد بن شده

[رحيل]

الله الله الله
صح لسااااااانك
ولا نستغرب الإبداع من اهله
لاهنت شاعرنا

[محمد الغنامي]

الله الله
عيد بن شده
صح لسانك واعتلا شانك
مبدع وجزل كما عهدناك
دمت بخير شاعرنا
لاهنت

[عيد بن بجاد بن شده]

السلام عليكم ورحمة الله وبركاته
اسعدالله اوقاتكم بكل خير

صحت ابدانكم

[الناقد/عبدالله الروقي]

مرحبا ياأبا فهد نورت الصفحة بحضورك وإبداعك
صح لسانك ولاهنت،
الغريب لماذا كررت كلمة نديمة ياأبا فهد؟!

[ملكة الرواسي]

نص راقي
صح لسانك ولا هنت شاعرنا

[مهرة يام]

صح لسانك وسلم احساسك العذب
نص جميل وجزل
يعطيك الف عافيه

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي

[ريم الفلا]

رائعة صح لسانك شاعرنا عيد ولاهنت