غرامي على وضح النقا ما يجيه اللوم

[سلمى]

اداري شعوري بالمحبه وقلبي دوم
يجر الونين وكل ورقا تجاوبني

حبيبي على بالي ولا غاب عني يوم
عليه الحنين وزايد الشوق غالبني

ليا جزت منه وجابو الناس عنه علوم
تجدد جروحي والطواري تجاذبني

ويسري طويل الليل مااهنى لذيذ النوم
حزينه وبنت أفكار شعري تلاعبني

واجيب القصيد النادر اللي عليه السوم
وأغني لو العذال حولي تراقبني

غرامي على وضح النقا ما يجيه اللوم
ولا للعرب مدخل عليّ وتعاتبني

عفيفة خطى دره نفيسه وبنت قروم
ولا أسير لي في سكةٍ ما تناسبني

دروب الغلا صلفه وحظي ردي عزوم
وحبي عليه الوقت الاقشر مناشبني

ولا فيه حي من الهوى خاطره معصوم
وأنا لي صحيبٍ شد قلبي وعاجبني

وحبه طغى ف القلب حتى ملاه هموم
ألا يالله إنك بالهوى لا تحاسبني

#سلمى

[الجووهره]

حبيبي على بالي ولا غاب عني يوم
عليه الحنين وزايد الشوق غالبني


مبدعه شآعرتنااا سلمى
صح لسآنك مليوون ولا يكفوون
ويعطيك العآآفيه على هالرآآئعه

[خيال مطير]

صح لسانك شاعرتنا

[النجلاء]

الله الله
ياسلام عليك وصح الله لسانك ملايين
ابدعتي وامتعتي
نص جزل ورائع كما تعودنا من شاعرتنا
دمتي ودام مداد قلمك ورقي حرفك
تقديدي لسموك
النجلاء

[ملكة الرواسي]

صح لسانك غلاي
نص رااقي يعطيك العافية

[محمد الغنامي]

سلمى
صح لسانك واعتلا شانك

[رحيل]

سلمى
مبدعه كعادتك شاعرتنا
صح لسانك ملاييين