عبدالله الصقري
03-04-2019, 10:41 PM
أذهَلْتِني بالهرج .. دخَّلْتني جو
فيه الهيام يداعب افلاك جوِّي
هذي عيونك بالغلا تسأل الضوّ
عن الغرام و سحره اللي يسوِّي
و ذيك بسمه ماعرفها الملا توّ
مشت نسايمها بسحر ٍ يغَوِّي
و ذاك صدر ٍ منيتي يا حلو لو
يصير نبع ٍ للمشاعر يروِّي
يافاتن الإحساس كل ما تبي سوّ
والطف تراني في هواك امْتَلَوِّي
ما دام من نظراتك القى الشفا كَوّ
و احرق بعيني همي اللي مذوِّي
أُخذ الحياه و طوِّي جروحها طَوّ
و اشعل بـ لبَّ القلب مطفيِّ ضوِّي
خلي صحارى الروح تتحضَّنك نَوّ
و ازهر تراني بـ اوَّل العمر توِّي
سهرت أستنى المقَفِّين ما جَو
ما راف بي هالليل دايم يكَوِّي
نَسِّيني اللي راح يا فاتني أو
تعال طَيِّر خافقك وسط جَوِّي
فيه الهيام يداعب افلاك جوِّي
هذي عيونك بالغلا تسأل الضوّ
عن الغرام و سحره اللي يسوِّي
و ذيك بسمه ماعرفها الملا توّ
مشت نسايمها بسحر ٍ يغَوِّي
و ذاك صدر ٍ منيتي يا حلو لو
يصير نبع ٍ للمشاعر يروِّي
يافاتن الإحساس كل ما تبي سوّ
والطف تراني في هواك امْتَلَوِّي
ما دام من نظراتك القى الشفا كَوّ
و احرق بعيني همي اللي مذوِّي
أُخذ الحياه و طوِّي جروحها طَوّ
و اشعل بـ لبَّ القلب مطفيِّ ضوِّي
خلي صحارى الروح تتحضَّنك نَوّ
و ازهر تراني بـ اوَّل العمر توِّي
سهرت أستنى المقَفِّين ما جَو
ما راف بي هالليل دايم يكَوِّي
نَسِّيني اللي راح يا فاتني أو
تعال طَيِّر خافقك وسط جَوِّي