قبل القصايد مجد ربعي شهرني

[سلمى]

‏
غبت ومعي غابت تفاصيل الإبداع=وجيت ومكاني شاغرٍ ينتظرني

لو الزمن قاسي ومتغير أطباع=ما ارخيت راسي للزمن لو كسرني

انا هنوفٍ صيتها من زمن ذاع=قبل القصايد مجد ربعي شهرني

بلقرن قومٍ ف المراجل لهم باع=والحمدلله يوم أنا بنت قرني

ويوم إن قلبي صار للشعر منصاع=مافيه شاعر بالوطن ما ذكرني

قد قيل عني مبدعه حد الإمتاع=وإليا بغيت القاف ما يعتذرني

أجر موال القصيده على إيقاع=الحزن يوم إن البخت ما نصرني

لولا البيوت اللي يماري بها راع=الذايقه يمدي زماني قهرني


‏
#سلمى

[خيال مطير]

صح لسانك شاعرتنا ,,

[محمد الغنامي]

الله الله
شاعرتنا سلمى
صح لسانك واعتلا شانك
ونعم بربعك يامبدعه
سجلي اعجابي
وتقديري

[مهرة يام]

صح لسانك سلمى
ونعم فيك وفي ربعك
ابيات جميله وجزله
لاهنتي يالغلا

[رحيل]

الله عليتس ي سلمى
ونعـم والله… وصح لسانتس ملايين
لاهنتي

[ملكة الرواسي]

الله عليكِ يالغلا
صح لسانك ولا هنتِ
نص راقي يعطيك العافية

[الجووهره]

مبدعه شاعرتناا سلمى
والنعم فيك وفي قبيلتك وكل القبآيل
وصح لسآنك مليوون ويعطيك العآفيه
على هالرآآآئعه

[النجلاء]

الله الله
ياسلام عليك وصح الله لسانك ملايين شاعرتنا المبدعه والمتألقه
دمتي ودام مداد قلمك ورقي حرفك
تقديري لسموك
النجلاء