رابط الحلم

[سلمى]

‏
اسلوبي اللي لاهو لين ولا جارح=وازريت لا اغيره واعجزك تصنيفه

يفوح صدري هموم وخاطري سارح=في طيف الأفكار والشعر ومحاريفه

وظروفي اليوم غير عْن أمس والبارح=ماظني القى مع الأيام تصريفه

أصبح عدوّي بضيقة خاطري فارح=وأشهر على راحتي صلف الزمن سيفه

بيني وما بين حظي حرب ومطارح=نوبٍ على كيفي ونوبٍ على كيفه

في رابط الحلم قلت لواقعي صارح=ثم قال انا الواضح اللي صعب تزييفه

مير اعرضي بالشعور السارح المارح=في الذاكره لاشهب الوقت وعواصيفه

دام السواليف صارت جد ومصارح=مالك من الحلم يا سلمى سوا طيفه

‏

#سلمى

[محمد الروقي]

كرسي ملكي في المقدمه من نصيبي
راقت لي كثير لما بها من جزاله صح لسااااانك سلمى

[الجووهره]

أبدعتي وأمتعتي سلمى
صح لسآنك مليوون ولا يكفوون
ويعطيك العآآفيه على هالرآآئعه

[ملكة الرواسي]

شاعرتنا
صح لسانك ولا هنتِ

يعطيك العافية

[خيال مطير]

صح لسانك ولا هنتِ
شاعرتنا .

[رحيل]

الله الله عليتس سلمى
صح السانتس ودام ابداعتس ي غالية

[شاعرة نجد]

مالك من الحلم يـا سلمـى سـوا طيفـه

الله يحقق احلامك ويسعد ايامك
ويصح لسانك على هـ المترفه العذبه والابدااع

ودي وتقديري,’’

[محمد الغنامي]

الله الله
شاعرتنا سلمى
صح لسانك واعتلا شانك
مبدعه وجزله كما عهدناك
مروري وتقديري
لاهنتي

[النجلاء]

الشاعره المبدعه والمتألقه
سلمى
صح الله لسانك ملايين
ابدعتي وامتعتي كما تعودنا من سموك الابداع وفخامة الحضور
دمتي ودام مداد قلمك ورقي حرفك الفاخر
تقديري لسموك
النجلاء

[الناقد/عبدالله الروقي]

جزلة ياسلمى ولاهي غريبة عليك
صح لسانك واعتلى شانك
تقبلي تقديري،،

[مهرة يام]

صح لسانك شاعرتنا
ابيات جزله وكلها فخامه
يعطيك العافيه