من يعادي قمة طويق ويناطح أجا

[النايله]

خابت الهقوه مادام الوفا منك شحيح
‏خفف مهايط و خفف أمور البهرجا
‏دام عزمك ياضعيّف يهزه كل ريح
‏منت قاوي للمناطح ورجليك عرجا
‏ان بغيتوها على مدح ف الدعوه مديح
‏وان بغيتوها على سب ف الدعوه هجا
‏من نواني بْـ شر من عالي القمه يطيح
‏من يعادي قمة طويق ويناطح أجا
‏#النايله

[النجلاء]

الله الله
ياسلام عليك وصح الله لسانك شاعرتنا الرائعه
ابدعتي وامتعتي كما تعودنا من سموك الابداع والحضور المميز
تقديري لك
النجلاء

[مهرة يام]

صح لسانك شاعرتنا
مبدعه وجزله موغريبه عليك
يعطيك العافيه

[رحيل]

صح لسااانكِ

[محمد الغنامي]

الله الله
شاعرتنا النايله
صح لسانك واعتلا شانك
مبدع شاعرتنا
دمتي بخير

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرتنا
تحياتي

[ملكة الرواسي]

صح لسانك ولا هنت
يعطيك العافية غلاي