ظبي صيد

[حمد بن سايمه]

جات كنها ظبي صيد مستحيده=
ذايره وأهل القنص صادوا ولدها
جادلٍ ترهي على رأس الوليده=
لين يصبح خاتمٍ في وسط يدها
صافحتني وأبتدت صفحة جديده=
صفحةٍ فى العمر مايحسب عددها
وأستباحت حرمة الخفاق سيده=
حلم مدري صدفةٍ جتّ في وعدها
قلت ممكن قالت اطلب ماتريده=
قلت عفواً قالت العفو أستعدها
قلت انا أسمع غير علمك مانجيده=
جاوبتني ،، نعمة الله من جحدها
وانت شاعر مفردة حرفك فريده=
فرصتك تاحت وغيرك ماوجدها
هي كذا قالت ضمن جملة مفيده=
والحقيقة ... لو تبين أمّر وأدهىٰ
العنيد أن حب له وحده عنيده=
تجهده وأن تاحت الفرصة جهدها
شي طبيعي عبرته في يوم عيده=
يكفي أحلامه توفت في مهدها
والله اللي فارقٍ فطرة عبيده=
مثل مافّرق شقاها عن سعدها
تاحت الفرصة لكن فرصة سعيده=
وأسعد اللحظات تأتي من بعدها
سجليها وأحفظي بيت القصيده=
غطرفة شاعر كتبها ما نشدها
العنيد أن حبّتة وحده . عنيده=
حطته في عينها وأعطته يدها[/poem]

[مهرة يام]

الله الله ابداع يابن سايمه
صح لسانك يالجزل
نص فاخر وجزل من شاعر جزل ومبدع
يعطيك العافيه
تستاهل التميز والتقييم
تقبل مروري وتقديري
تم تنسيق القصيده
مهره يام

[ملكة الرواسي]

الله عليك شاعرنا
نص راقي برقيك
يعطيك العافية ولا هنت

[الجووهره]

أبدعت وأمتعت حمد بن سآيمه
قصيده جزله وأبيآت رآئعه
صح لسآنك مليوون ولا يكفوون
ويعطيك العآآفيه على هالرآآئعه

[الناقد/عبدالله الروقي]

حمد صح لسانك على القصيدة الجزلة والفاخرة
أبدعت يالقرم وأمتعتنا بحرفك العذب
تقبل فائق التقدير والاحترام,,,

[النجلاء]

ابن سايمه
صح الله لسانك مدد

ابدعت وامتعت شاعرنا كما تعودنا من سموك الجزاله والابداع والحضور المميز
دمت ودام مداد قلمك ورقي حرفك
تقديري لسموك
النجلاء

[رحيل]

الله الله
صح لسانك على هالجميلة
بكل تفاصيلها
ولاهنت

[محمد الغنامي]

الله الله الله
بن سايمه حمد
صح لسانك مليون يالجزل
ابداع غير مستغرب من شاعرنا الجزل
سجل اعجابي وتقديري
ولك اجمل تحيه

[سحاب]

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي