أتمنى والمنى للنفس ما تشفي غليل

[سلمى]

‏
الحياه دروبها عسرات والتوفيق صدفه=والبخت نطّحته الهقوات والمسرا طويل

اتحزم بالأمل طول المسير المُر وأسفه=كل وسواسٍ يراودني عن الحلم المهيل

خاطري عطشان وصل وبي من الأقدار رجفه=والطريق اللي سلكته موحش نهارٍ وليل

والموارد بعضها ما تسقي الظميان رشفه=لو يموت من الظمأ والماء قراحٍ سلسبيل

والزمن يمضي وعمري راح ف الأوهام نصفه=أتمنى والمنى للنفس ما تشفي غليل

لي على حظي حقوق ومنه ما عينت وقفه=طول عمري ما اذكر ان الحظ سوا لي جميل

إمتردي يوم أنا من صلب شيخانٍ وترفه=ما امتدح ذاتي لكن الحق هذا بالدليل

الله يجازيك يا وردٍ بعدما ما حان قطفه=ما لحقت اقطف لنفسي منك لو شيٍ قليل

في خفوقي جرح دامي ما يوقف يوم نزفه=ما يجيه من الشفاء والراحه إلا بَخس كيل

يالله بحظٍ يشوف معَ هموم البال صرفه=وأستريح من العناء واودع الشعر الجزيل

ما حدا نفسي عليه إلا الشقاء وايام صلفه=لا سقى ذيك الليالي من مزون الغيث سيل

‏
سلمى

[النجلاء]

الله الله
والنعم فيك شاعرتنا وصح الله لسانك مدد
كايفه ونايفه وجزله
دمتي ودام ابداعك ورقي حرفك الشامخ
تقديري وتقييمي وختم التميز
+ بنر يعتلي الصفحه الرئيسيه
النجلاء

[عديم]

صح المنطوق مع تقييمي .. ونعم يابنت الأكارم

أبدعتي إحساس شاعري خانق

[ملكة الرواسي]

كعادتك شاعرتنا ابداع
صح لسانك مليون

[الجووهره]

أبدعتي أمتعتي شآعرتنا سلمى
صح لسسآنك مليوون ولا يكفوون
ويعطيك العآفيه على هالرآئعه

[رحيل]

الله الله
صح لسانتس
ولله درتس شآعرتنا

[ناصر الهواوي]

مبدعه بحق هالدره النادره قليله جدا
الله لايضرك ياسلمى
لاهنتي ودمتي وسلمتي
تحياتي واعجابي

[سعود العتيبي]

والموارد بعضها مـا تسقـي الظميـان رشفـه
لـو يمـوت مـن الظمـأ والمـاء قـراحٍ سلسبـيـل
والزمن يمضي وعمري راح ف الأوهام نصفه
أتمـنـى والمـنـى للنـفـس مــا تشـفـي غـلـيـل
لي على حظي حقوق ومنه ما عينـت وقفـه
طول عمري ما اذكر ان الحظ سوا لـي جميـل

عساك سالمة ياسلمى
وصح لسانك وحرفك ومعناك
.. شي خيال بصراحة
دمتي بخير ودام ابداعك وصح لسانك

[عاشق]

صح لسانك ويعطيك العافيه
نص جزل شاعرتنا الرائعه
تحياتي

[الناقد/عبدالله الروقي]

‏
الحياه دروبها عسرات والتوفيق صدفه=والبخت نطّحته الهقوات والمسرا طويل

اتحزم بالأمل طول المسير المُر وأسفه=كل وسواسٍ يراودني عن الحلم المهيل

خاطري عطشان وصل وبي من الأقدار رجفه=والطريق اللي سلكته موحش نهارٍ وليل

والموارد بعضها ما تسقي الظميان رشفه=لو يموت من الظمأ والماء قراحٍ سلسبيل

والزمن يمضي وعمري راح ف الأوهام نصفه=أتمنى والمنى للنفس ما تشفي غليل

لي على حظي حقوق ومنه ما عينت وقفه=طول عمري ما اذكر ان الحظ سوا لي جميل

إمتردي يوم أنا من صلب شيخانٍ وترفه=ما امتدح ذاتي لكن الحق هذا بالدليل

الله يجازيك يا وردٍ بعدما ما حان قطفه=ما لحقت اقطف لنفسي منك لو شيٍ قليل

في خفوقي جرح دامي ما يوقف يوم نزفه=ما يجيه من الشفاء والراحه إلا بَخس كيل

يالله بحظٍ يشوف معَ هموم البال صرفه=وأستريح من العناء واودع الشعر الجزيل

ما حدا نفسي عليه إلا الشقاء وايام صلفه=لا سقى ذيك الليالي من مزون الغيث سيل

‏
سلمى

لله درك أيتها المبدعة
قصيدة زاخرة بالجزالة صح لسانك مدد
والبخت نطّحته الهقوات والمسرا طويل!
أعجبني هذا المطلع الجميل،لاهنتي وننتظر منك كل جديد،،

[ريم الفلا]

نص رائع ابدعتي ياسلمى
صح لسانتس مدد ولاهنتي

[محمد الغنامي]

الله الله

شاعرتنا سلمى

صح لسانك واعتلا شانك
نص جميل وعذب كما تعودنا من سموك
سجلي اعجابي وتقديري

ولك اجمل تحيه

[مهرة يام]

رووعه وانتقاء مميز
يسلم ذووقك

[عبدالله الدّنّيش]

الله يجازيـك يــا وردٍ بعـدمـا مــا حــان قطـفـه
ما لحقت اقطف لنفسي منك لو شـيٍ قليـل

في خفوقي جرح دامي ما يوقف يـوم نزفـه
ما يجيـه مـن الشفـاء والراحـه إلا بَخـس كيـل
^^
صح لسانك شاعرتنا سلمى
جزالة .. تستحق الشكر الجزيل
لك أطيب التحايا والتقدير ،،